النجده

[ايه احمد]

[/colo اخواني ارجو ان تقولو لي ماذا افعل بكل اختصار صارلي 5 سنوات في سوريا ومقدمه عل يو ان ولي حد الان كل ما اراجع يقولون قيد الدراسه    ماذا افعل ارشدوني

[angie-dawood]

اختي العزيزة اني هم اخواني بقوا خمس سنوات بسوريا وعلى برنامج اليوان وهسى بهذة السنة يلى الله فرجها عليهم ووصلوا لامريكا انتي دائما راسليهم حتى لا يهملون معاملتك وماتكدرين تسوين اي شئ سوى الانتظار او تشوفين محامي الهجرة يحرك المعاملة

[بغداد بقلبي]

السلام عليكم اختي المحترمه

انتي امقدمه ويه القصه مالتك اشوية اثباتات يعني اوراق تثبت تعرضك للاظطهاد او التهديد اوي اي خطر على حياتك انتي وعائلتك او وحدك واذا ما امقدمه حاولي اتدبريها واتوديها لهم لدعم ملف قضيتك
اختي روحي راجعيهم وان شاء الله خير يارب واصبري اختي ان شاء الله ايدزون عليكي يارب
زين انتي ولا مرة خابروكي على مقابله او بس تحت الدراسه

الله ايسهل امرك وان شاء الله تتوطنين

[علي النعيمي]

اختي انتي ملفج بقسم الحماية لو بقسم التوطين حتة نفتهم السالفة

[حامد شاكر]

الاخت ايه احمد
 الحل الوخيد ان تحركي ملفك عن طربق اضافه جديده مثل اي امرا طرأ على احد افراد عائلتك او تهديد مكتوب او صوره اي شيئ قد يحرك الملف ويأذن الله يكون خبرا وبعض المحامين في سوريا لهم طرقهم الخاصه في تحريك الملف ويارب يفرج لكي الله قريبا


حامد شاكر

[kunda]

ان شالله تفرج على كل العراقيين بسوريا

[angie-dawood]

حبيبتي ايه اني اختجججججججججججججج انجي مو اخوج  شون يعني صورة خاله مال بنت واسمي مال بنت شخلي بعد 

حبي هاي الايميل والارقام مالهم خابريهم او راسليهم وانشاءلله يكون خير



قسم التوطين سوريا
iomdamascus@iom.int
0991009334
0991009335
0991009336
0991009337
00963-6121370
00963-6121375

[angie-dawood]

وهاي مال لجنة التوطين بسوريا بلكن يفيد حبي


turan@unhcr.org
لجنة التوطين سوريا

[** يدكو **]

اختي روحيلهم واشرحيلهم المعاناه والعيشه الصعبه بسوريا  بلكي الله يفرجه ...والله انقهرت ..........الله يوفقج مااعتقد بالتلفون يسووون شي المقابله المباشره احسن

[azizaliraqi]

الله اكبر
5 سنين مقدمه وكلشي ماكو؟

الله يعينكم اي والله

بلقران انقهرت

ربي يفرجها ع العراقيين باقرب وقت يا لله

[علي النعيمي]

اخت اية ملفج بقسم االتوطين قيد الدراسة ؟وصارلج 5سنين اويلي الله يساعدج وان شاء الله يفتحهة بوجهج زين مرحتي لكفر سوسة وحاولتي تدخلين وتستفسرين من الموظفين زين من تخابرهيم يكلولج ملفج بقسم التوطين تحت الدراسة ؟

[** يدكو **]

اختي اقري الرابط ادناه بلكي تستفادي ويصير حل

http://www.ankawa.com/forum/index.php/topic,247725.0.html

بالتوفيق

[جوني جاك]

سوريا جدا مزعجة الله يكون بعونكم
بس الشغلة تحب صبر
اللي خلاكم تنتظرون خمس سنين ان شاء الله يصبركم لحد ما يطلعلكم توطين وتسافرون
جوني جاك

[kunda]

يعني لو مسوين هجرة الى استراليا همينة جان خلصت كان الله بالعون

[ايه احمد]

اخ..........الله يوفقج مااعتقد بالتلفون تي روحيلهم واشرحيلهم المعاناه والعيشه الصعبه بسوريا  بلكي الله يفرجه ...والله انقهرت يسووون شي المقابله المباشره احسن
  رحتلهم والله يا اخي عده مرات وشرحتلهم وضعي وماكو نتيجه شي واحد يعرفون يكلون ملفكم قيد الدراسه بالتوطين                                       

[ايه احمد]

السلام عليكم اختي المحترمه

انتي امقدمه ويه القصه مالتك اشوية اثباتات يعني اوراق تثبت تعرضك للاظطهاد او التهديد اوي اي خطر على حياتك انتي وعائلتك او وحدك واذا ما امقدمه حاولي اتدبريها واتوديها لهم لدعم ملف قضيتك
اختي روحي راجعيهم وان شاء الله خير يارب واصبري اختي ان شاء الله ايدزون عليكي يارب
زين انتي ولا مرة خابروكي على مقابله او بس تحت الدراسه

الله  ايسهل امرك وان شاء الله تتوط                 


لا والله يا اخي ممقدمه اي شي لان معندي اي شي يثبت بس حجيتلهم القصه اشلون هددونا وبس

[ايه احمد]

واخيرا......... وبعد انتضار طويل خابروني ورحت للمقابله الاولى وباختصار قابلنا موضف سوري وقدم نفسه بانه محامي فلان وهو الذي سيجري المقابله وقلت له اني لحد الان لم اعرف الى اي دوله تم توطيني. فقال لي باني مقبوله الى هولنده 90 بالميه و10 بالميه الى امريكا فطرت من الفرح لقبولي 90 بالميه الى هولندا لان العشيره كلها هناك ... بعدها خرج من الغرفه لعده دقائق ثم رجع ليصدمني فقال لي بكل برود بان هولنده الان لم تريد اي لاجئين .. ولا يوجد امامي غير امريكا واذا رفضت امريكا قال لي سوف يغلق ملفي فبكيت ورجوته بان يأجل مقابلتي فلم يقبل واجبرني ان اجري المقابله وحول الملف من اسمي الى اسم زوجي ولم نعرف السبب ... هل كنت فعلا مقبوله الى هولنده ؟ولماذا حول الملف من اسمي الى اسم زوجي ؟ارجو  ان تساعدوني ماذا افعل....

[زهرة الصبار]

اخت اية اذا تكدرين تحولين للاردن احسنلج اكوووووول اذا تمشي شغلتج اسرع ماعرف هذا رايي اني لان اني مثلج جنت

[dr1985]

اختي مادام حولج على امريكا فهاي مشية الله وامشي بيهة ومحد يكدر يعرف شنو قرار المحلف اكو ناس كلشي ماعدهة وطلعت وسوت قصة ...اتوكلي على الله واقبليهة بلكي الله يسهلج...وحاولي تطورين بالقصة مالتج

[علي النعيمي]

اخت اية عصفور في خير من عشرة عالشجرة والف مبروك مقدما

[mike67]

كان الله في العون والله اخني خمس سنوات عمر
 لو اني جان طكيت ومتت ترى مو قليلة خمس سنوات
 بس شنكول غير حسبنا الله ونعم الوكيل

[الوتار]

الله يعينج اختي وانشاء الله يوفقج ربي لما هو خير من هولندا بس لتخلين اليأس يتغلب على عزيمتج.

[ايه احمد]

اني اشكر كل الي شاركو ني بس يا اخوان شي واحد مفتهمته؟ ليش حولو الملف من اسمي الى اسم زوجي .. هاي خاف ملعوبه علمود يحولوني لامريكا ....لان الملف صار 4 سنين كان باسمي

[عراقي كندي]

الله بالعون اختي اني 3 سنوات وطلعت روحي بس هم اخر مرة رحتلهم كلولي قيد دراسة راجعنة بعد سنة فكتلهم مو صارت اضافة علة قصتي واحد من عائلتي بالعراق خطفوه وكنت صادق بكلامي واني هنا مسدودة بوجهي وضروفي راح تجبرني ارجع وبعد اسبوعين خابروني محولين ملفي لكندا والله يسهلج