موقع اليو ان في بغداد

[فوكس]

السلام عليكم
اني اخوكم من العراق محتاج ايميل او مكان اليو ان في بغداد اذا موجود لان طكت روحي
اريد اهج من العراق
واشلون ادخل عادي لو انعلس

[ددوفي]

اخي ماكو يو ان بالعراق وحتى لو موجود ما يقبل لجوء العراقيين

بس اذا حضرتك تسال على اي او ام اذا انت او احد اقاربك درجة اولى عمل مع الامريكان موجود ببغداد وممكن انطيك شروط التقديم وموقعهم

واذا ما عندك احد مشتغل وية الامريكان او لديك اقارب درجة اولى في امريكا ممكن ان تسافر الى دول الجوار وتطلب لجوء لدى اليو ان وافضل واسرع يو ان هو الاردن واي سؤال اني حاضر

[فوكس]

اذا ماعندي واحد شنو اسوي
والله ماكو واحد يشتغل وية الامريكان شنو اسوي اخوية

[ددوفي]

الحل واحد وهو السفر وطلب اللجوء من يو ان الاردن

[فوكس]

الصدك غير اني عشت بالاردن بس مليت منهة
ماكو حل سريع العمر جاي يخلص

[ددوفي]

اخي اني هذا الحل اللي عندي خلي نشوف اخوانة الاعضاء الاخرين ممكن يفيدوك بشيء

[فوكس]

ممممممممممنون

[ابو الحسن]

عمي الله يساعدهم
هي بيضة لو تسلقها لو تقليها  
لو عندك واحد مشتغل ويا الخوال وتقدم اي او ام
لو تطلع لدول الجوار ( سوريا وتركيا والاردن ولبنان ومصر ) وتقدم لجوء وتنتظر رحمة الله
واالله ارحم الراحمين
ماعندي غير الدعاء عمي الله يسهل امرك وامرنا وامر كل العرااقيين
ابو الحسن - ماليزيا

[ددوفي]

اخوية فوكس ترة شغلة السفر مو سهلة كل اللي وصلوا اتبهذلوا وتعبوا نفسيا وماديا الى ان وصلوا
فة هو العمر لازم يمشي بس واحد يصبر ويضغط على نفسة لخاطر مستقبلة ومستقبل عائلتة

[يوزارسيف]

الله يساعدك اخوية فوكس، والله آني مريت بنفس حالتك وكاعد امر بيها صارلي اشهر ، آني جاي اتخيل يومياتك..روتين قاتل فعاليات يومية معادة ..نفس الوجوه ..نفس الطاس ونفس الحمام مثل ما يكولون، والله يا اخي يبدو عليك انسان صاحب طموح لان تفكيرك بالتغيير والهجرة هو دليل ذلك ، لان ماكو انسان عنده اهداف وطموحات يحب يبقى ببلده خصوصا" اذا ظروف بلده ما تساعد مثل بلدنا..اخي الفرق بيني وبينك اني قدمت آي او ام لان عندي اخوية مشتغل ويه الخوال مثل ما كال الاخ ابو الحسن وربك سهلي والحمد لله، بس نصيحتي الك من مريت بهاي الحالة المتعبة اللي انت بيها هسة ، ان تحاول تكمل دراسات عليا في احدى الدول الرخيصة من باب تغيير الاجواء اولا" وتحقيق الطموح بالسفر ثانيا"...او اذا تريد ان تذهب مثل ما كال عمي ابو الحسن ان تشوفلك معارف او اقارب في دول الجوار كي تستند عليهم في ذهابك للتقديم على اليو ان ..واذا ما عندك احد بس عندك الله سبحانه وتعالى وهو كافي..وكذلك عندك اشجم فلس تدبرهم روح للأردن او تركيا او مصر او لبنان ومن هناك تبدي تضع الحجر الاساس من خلال التقديم على المنظمة،  لبداية تغيير حياتك ولازم تكافح وتكون عندك جرأة لخوض التجربة واللي آني نويت عليها كم مرة لكن اهلي وقفوا ضدي ...انشاءالله ربي يسهلك ويفرج همك بس اهم شي استشير ومن ثم استخير بعد ان تتبلور الفكرة في ذهنك ...ومن ثم قرر...وبالموفقية لك اخوية العزيز ولجميع الاخوة الحيارى.

[engineermech]

الله يفرجه على امه محمد

[جوني جاك]

كلام الاخ ابو الحسن صحيح ومظبوط 100 بال100
استفاد منة
اكو يو ان ببغداد بس مكتب مختص بالمساعدات للمنطق المنكوبة وليس للهجرة
جوني جاك

[kunda]

مثل ما تفضلوا الاخوة بس راح اضيف  اخنيار ثالث على اول اثنين وهما
1- تروح على فد دولة من دول الجوار وتقدم والشتلة هناك من سنة الى سنتين خلي ابالك
2-تشوفلك اقارب مشتغل ويا الخوال على كولة ابو الحسن وتجلب ويا باللوري قصدي بالملف
3- تزوعلك فد دفتر ونص اقل شي طلعة سريعة متطول اسبوع بس هاي الى اوربا بس نتعرف اهناك تنقبل كلاجيء ام لاء انت وحظك ها وخلي ابالك احتمال رفض +طرد
بقت يمك اخوية سولف اشراح اتسوي بعد ماانطيناك اياها خردة بايدك ؟؟؟؟

[حمزاوي]

اخوية العزيز
اذا لغتك قوية ليش متروح تشتغلك مترجم فد شهر
بس تحصل توصية من البي او سي او اي احد حته لو سيرجنت
وتقدم
او تشوفلك شغله بشركة امنيه
وبالموفقية ان شاء الله

[وليدمخلد]

السلام عليكم
اني اخوكم من العراق محتاج ايميل او مكان اليو ان في بغداد اذا موجود لان طكت روحي
اريد اهج من العراق
واشلون ادخل عادي لو انعلس

[stef_al2014]

السلام عليكم انا اريد اقدم على اليو ان اريد اطلع من العراق وانا كنت اشتغل مع الامريكان وعندي شهادات تخرجيه فكيف  اقدم واشلون اريد التوجيه من عدكم