استفسار عن ارسال الشهادات الدراسية الى امريكا

[$GOLD$]

السلام عليكم
اخوان عندي شهادات مدرسية مترجمة ومصدقة من المدرسة فقط واريد ارسالها الى صديقي في كاليفورنيا لاانه كلفني بعد ماسوالي توكيل بجلب الشهايد مال اولاده من المدرسة . طبعا اني اخذت الشهايد من المدرسة بعد ترجمتها  وتصديقها من عندهم . سؤالي هو هل الشهادات جاهزة ام مطلوب مني عمل اختام اخرى وللعلم المدارس في عمان وشكرا لكم . وكذلك اريد منكم معرفة احسن طريق لاارسال هذه الشهايد .
اخوكم $GOLD$

[LG]

حضرة الاخ ذهب اعتقد انه لازم اتروح اتصدقها من مكتب التربية اللي تابعه اله المدرسة
وشكرا

[بغداد لاتتالمي]

 
السلام عليكم

[jumbo]

اخي العزيز اذا المدارس هيه بالاردن فمن الممكن ان تاخذ الشهايد بعد ماتختمها من المدرسة وبعدين اتروح الى مكتب التربية اللي تتبعه المدرسة فعلى سبيل المثال كل المدارس الواقعة ضمن منطقة جبل النزهة وضاحية الامير حسن وضاحية الاقصى تعود الى مكتب تربية عمان للمنطقة الرابعه وممكن ترسل الشهايد بواسطة خدمة الشحن من مكتب DHL  .
وبالتوفيق لكم

[نورالمصطفى]

السلام عليكم
اخي العزيز... يجب ان تاخذ اوراق الطالب من المدرسة الي كان يداوم بيها وبعدها تذهب الى مديرية التربية العائدة لها المدرسة وتصدقها منهم وبعد ذلك الى دائرة التصديقات في وزارة الخارجية في عمان عندها تصبح جاهزة للارسال الى العنوان بالبحث عن اقرب مكتب لل DHL وانشاء توصل الى صاحبها
امنياتي لكم بالتوفيق


     اخوكم ابو نور

[ألمــــدرس]

اخي العزيز
مثل ما ذكروا الاخوه اعلاع ... تصدقهه في دائرة التربيه ثم في وزارة الخارجيه لكن على ان تكون باللغه الانكليزيه.
ثم ترسلها باي طريقه تعجبك.

[نبهان]

عزيزي مثل ما كالولك الاخوان ...بس وره تصديق التربية والخارجية توديها للاميديست بشارع الوكالات  وهم تصدقها وتدزها وهاي اني سويتها من عمان لجماعة هنا بامريكا

تحياتي

[aden]

الأخ ذهب مثل ماكالو الك الاخوان اتسوي الشهايد من التربية وبعدين الخارجية واذا اتريد ادز الشهايد فممكن عن طريق DHL ويقع مكانه في الدوار الاول وخلي ابالك انه الرسوم من 1 غرام الى 500 غرام راح اتكلفك 35 دينار و من 500 غرلم الى 1000 غرام راح اتكلفك 53 دينار .
وشكرا