اذا تلوووح للنجم *** اكرب الك يهوااااي

[فانيسيا]

أذا تلوح النجم أكَرب ألك يهواي

وكَلبي لا تجيله وتوصل الحدة !!

يالجفك ذبح كَلبي ودفنته أبليل!

تريد بكل جسارة الميت اتكَعدة؟؟

لا تفتح جرح بالكَوة خيطناه !

لو ينزف بعد متكَلي شيظمدة؟؟

لو حسبت جرح صدكَني هم تهون!

جم طعنة غدر بحشاي متوسدة؟؟

الشاعر من تجرحة ابياتة ينزفها!

جرح منك نزف ديوان وتعده!!

ضنيتك مطر واترجة منك فيض!

ما ادري برصاص أغيومك أمرعدة!!

لجلك حاربت أهلي وجميع الناس!

وسيفك للاسف بضلوعي وتحده!!

بابك منفتح للرايح وللجاي!

وانته بكل صلافة بوجهي وتسده!!

يالحبك رمل ودموعي ضاعن بيه!

وبحرك من جمر نيرانه مشتدة؟؟

لتحاول تجي انته البديت بهاي!!

ماي الينجفي متكَلي شيردة؟؟

ماريدك بعد خلي الكَلب يرتاح..

مليت العشَك والروحة والردة!!


منقووووووول

[ღ♥ღ LoVely__87ღ♥ღ]

,,, كــلمات فــي غـــايه الــروعه ,, يســـلمووووو عزيزتي ,,,,,,,,,,,

[فانيسيا]

يسلمووووو لوفلي للمرور الحلوو منك

تحياتي الك خوون

[ريكاني]

كلمات الرئعة يسلمووو فالي

[فانيسيا]

تسلم ريكوو للمرور المميز والعطر

[angie-dawood]