مجموعة الي مقابلين محلفين بغداد 8\9\10\11\12

[hassan W]

هاي شنو عيني حسن لا كلت اتفضلو لا كلتنة على الموعد ....حقنة نعتب مو , بس ناقصهة هاي شغلة وحدة ما موجودة بس ولا يهمك علية كلت اسويلكم سمج مسكوف لان احب السمج المسكوف واعرف السكف زين , تحياتي                                                                         

اخويه يقضان لولو لعد اني ليش منزله لكل اعضاء الجمعيه
بالعافيه عليكم
هههههههههههه
والله ردت اغير جو شويه

[ميريام المهاجره]

صباح الخير أخوان انشاء الله الجميع بخير ويارب السفر قريب كولوا يا رب ومبروك لأبن الناصرية على اتمام الفحص الطبي الك وللعائلة وشكرا للأخ حسن على هاي الصور اللي تفتح النفس وشكرا للأخ يقظان على مواضيعهه القيمة التي نحتاجها كلنة وضرورية لكل لاجئ ونقرأها بشغف عدة مرات كل موضوع وشكرا للأخ محمود حيث يبعث فينا روح التفائل باجاباته وتجاوبه المستمر مع اعضاء جمعيتنا التي تكونت في ظروف الحيرة والحاجة حيث وليدة انتظاراتنا وحيرتناوتحياتي للأخ فوكس وبقية احبتنا ورفقاء محنتنافي الأنتظار والحيرة اما بعدفعندي خبرجديد قديم في وقعه جديد في سماعه من قبلنا تذكرون يوم اخبرتكم بارسال تأجيل لبنتي حيث واصلنا ايميل من ال iom ايميل آخر بتاجيل لزوجي الذي هو الكيس الذي انا معه يعني الآن حصل تأجيل لزوجي واحتمال لي لانني معه في نفس الكيس يعني نحن اربعة  بقي فقط ابني اللي لم يستلم تأجيل ويوم امس حالما استلمنا الأيميل ردينا علهم باننا استلمناه يعني تاخرنا غلى ارسال الرد اسبوعين هل يقبلون بالتأخير امل لا لأن ابني تأخر عن الاجابة بسبب هم ارسلو التاجيل على ايميل ثاني لم يفتحه ابني منذ اسبوعين وشكرا لأ صغائكم

[جورجيا]

صباح الخير يا اعضاء جمعيه ابن الناصريه
انشاء الله السفر العاجل والاستقرار باذن تعالى

تقديم طلب الى الاخ يقضان
طبعا اني خالي وابن عمتي اسمهم يقضان
يعني احنه كرايب بلاسم
وبما انو اني وياك تربطنه صلت قرابه فحبيت امون عليك واطلب منك ان اتقوم بتنزيل مواضيعك الحلوه والمفيده بلقسم العام حتى يستفاد منها اكبر عدد من الاخوه والاخوات بلمنتدى لان تعرف جمعيتكم مو الكل يزورها بس المنتمين والجوارين على الاكثر
فاكون شاكره ان اتقوم بتنزيل هاي المواضيع على العام واكون شاكره لك كل الشكر يا قريبي
اختك
جورجيا

[hassan W]

صبــــــــــــاح الخير شخباركم

[hassan W]

هلا هلا اختي ميريام شخبارج
الف مبروك اختي يعني هسه موافقتكم كملت للعائله مبروك ان شاءالله السفر القريب ياربي

[hassan W]

ياهلا بجورجيا شخبارج منوره اليوم

[A_FOX]

عزيزي يقضان مساء الخير
مثل ما كالت الاخت جورجيا نزل الموضوع على العام لفائدة الجميع
تحياتي

[ابن الناصريه]

السلام عليكم شخباركم

ان شاءالله بخير
الله يبارك بيكم
شكو ماكو

[ابن الناصريه]

هلا بيج اختي مريام  المهاجره الف مبروك على باقي الموافقات ان شاءالله السفر القريب

[ابن الناصريه]

هلا اختي جورجيا منوره المجموعه

[engineermech]

مبرووووووووووووووووووووووووووووووووووووووووووووووووووووووووووووووووووووووووووووووووووووووووووووووووك ابو عباس ها يابة شكتلك بس عندي عتاب جبير عليك يعني تجيك الموافقة وحتى رسالة بموبايل تخبريني ليش هيج
بس شسوي عزيز وما اكدر اعاتبك
شايف كل الخير سفرك قرب واذكرني

[يقظان]

الاخت جورجيا المحترمة ..
يسعدني قرائتكم لهذه المواضيع التي اراها مهمة لنا ونحن مقبلين على حياة جديدة لانعرف عنها الكثير , فيغنينا القليل من هذه المعلومات فعسى ان اكون وفقت في نقلها اليكم , اختي العزيزة انا من المتابعين لجميعيتكم ايضا وكل يوم اشوف اخباركم واتابعهة مثل ما اشوف اخبار جمعيتنة لان الكل يهمني ....ما عندي اي مانع بتنزيل المواضيع على العام بس المشكلة انه هاي المواضيع اني مجمعهة من فترة طويلة وهية تجارب للاخوة الاعضاء القدماء في المنتدى واني ما حافظ اسمائهم الله يشهد علية واخاف من انزلهة يزعلون لان ما شرت الى اسمائهم , واعتقد اني ذكرت هاي الملاحظة في كل الحلقات المنشورة ...ومن هاي خايف انه ازعل واحد منهم .
ثانيا اني عبالي ماكو احد يحمل مثل اسمي بعدين طلع اسمي مشهور لعد وطلعنة كرايب ... عيني اني عندي الاصدقاء احسن من الكرايب والله , عزيزتي والنعم منج ومن كل الاخوة والاصدقاء بهاي الجمعية وكل الموقع المحترم الي اتاح النه الفرصة للتشرف بلمعرفتكم ...اخوكم يقظان

[ميريام المهاجره]

ياربي بجاه مولد الامام الرضا ياربي يسهل امورنه
ويجيب امنياتنه ياربي  

اخواني الاعزاء يعني التاجيل جاء لكيسين من العائلةبنتي وزوجي الذي انا معه في الكيس وحتى لم يذكرو اسمي فقط اسمه اما انا لم يأتيني تاجيل وكذلك ابني الذي هو بكيس مستقل ايضا لم ياتيه تأجيل وعاد القلق لأبني  [/size][/color][/b][/b]

[mahmood alani]

السلام عليكم
شونكم اخواني واخواتي الاعزاء ان شاء الله بالف خير...
بالنسبة الشغلتج اخت ميريام اني اشوف ماكو داعي للقلق لان شغلت التاجيل صايره شغله روتينيه عند الجماعة .واني من خلال متابعاتي للمواضيع استنتجت انو احنه الي مقابلين بشهر الثامن  والي اجتنه موافقات مبدئيه يعني اذا اكو موعد لتحديد السفر فاعتقد راح يتحدد بعد شهر ال 11 والسفر يكون قبل نهاية 2010 بس هي مثل متعرفون مسالت وقت والجماعة عليهم لود كلش قوي . فنصبر وعليك يا الله والصبر مفتاح الفرج مثل ميكولون
تحياتي الكم جميعا
اخوكم محمود العاني

[hassan W]

السلام عليكم شخباركم
جمعه مباركه عليكم

[hassan W]

هلا اختي مريام ااختي هو هذا الرد اللي يجي معناه الموافقه
بس هو لازم يسوون تجييك امني
شوفي جمعية الاخت جورجيا نفس الرد
اللي اجانه
وهسهاغلبهم تحددلهم موعد سفر ان شاءالله يوم النه

[hassan W]

[hassan W]

[hassan W]

[ميريام المهاجره]

مشكووووووووووووووور أخ حسن على الرد وانشاءالله وبحق سورة طه التي نزلت منها ىيات كلش حلوة ولطيفة واذا تكدر اقرا سورة طه 30 مرة بوقت واحد او جلسة واحدة يقال سورة طه باليد ماتتمنى او تنوي وانشاءالله يفرجها ربي عليكم وعلينا وعلى كل اللي حايرين ودينتظرون الفرج مثلنا ياررررررررررررررررررررررررررررررررررررررررررررررررررررب الفج بحق سورة طه والرحمن

[cutememo]

السلام عليكم اخواني الاعزاء

    ان شاء الله اتكونون بخير مثل متعرفون احنة اليوم مقبلين على اسبوع جديد او كلنا امل انه يوم الاحد توصل للجميع اميلات او مكالمات اتفرح الجميع بأخبار جميلة مفرحة ان شاء الله وليس لدينا سوى الدعاء من الله تعالى بأن يوفق الجميع ويهون عليهم انتظارهم وصبرهم خير ......تحياتي

[ميريام المهاجره]

مرحبا بكم جميعا اخوان بصدد التاجيل وقيد الدراسة يكلون اتطول مسالة السفر يوم أمس تصفحت صفحة 9 و8 من اسال وانا اجاوب لحالة تاجيا وقيد دراسة مشابهه لنا والرجل عنده اطفال كثيريين وبدأت المدارس ويقول حوالي 40 ايميل انا دازلهم ويقولون اوكي وانت امرك كلها اوكيويقول حتى استغليت احد اقاربي وطبيت على المنظمة بغداداللي مقدم عن طريقا ويكول ايضا كالوا كل امورك اوكي فقط قيد الدراسة واستقيت من كلهذا الجي انو حتى بعد 45 منوصول الموافقة الأمنية يبقى المحلف يطلها بسبب قيد الدراسة اللي مسؤول عنها المحلف ملخص الكلام الرجل اللي مثل حالتنا صار ست أشهر دينتظر ولكن منبهينه يجب ان يكون على اهبة الأستعداد يا ساعة يكلولوله سافر لازم يسافر وميتاخر واينجي راده عليه بان مسألة التأجيل وقيد الدراسة فيه تاخير فقط وعلى الأغلب يسافرون فقط فيه تأخيروشكرا على الأصغاء

[ميريام المهاجره]

وايضا فهمت من قراتي لصفحات اسأل وانا اجاوب بعض الأخوان يقولون بالنسبة للمسافر خارج العراق وماموجود تواريخ السفر بجوازه اللي مقدمه للiom  هو  احد الأسباب لوضعنا قيد الد
راسة والتأجيل لأنه مثلا احنا هوايه مسافرين وجميع السفرات وتواريخها مذكورة بالجواز القديم من نوع N وعندما جددنا جوازاتنا وسويناها منG  ممذكور فيها سفراتنا للدول العربيةووووالخ فلذلك تتعطل وارسلوا لنا التاجيل وقيد الدراسة حتى يجيكونها زين  مع مراكز شرطة الحدود وهذه احدى اسباب التاجيل لأنه يأخذ وقت  الله يعلم اشكد

[hassan W]

lمرحبا شخباركم اخوان
اختي ميريام انتي ليش متعبه نفسج هاي اجرائات جديده مو قديمه صارت سنة 2010
تكدرين تتاكدين من كلامي ترحين لجمعية الاخت جورجيا وتشوفين اللي محديلهم مواعيد سفر حاليا مستلمين نفس الرساله اللي انتي مستلمته الاي او ام بيه ثلاث انواع اللي هي رفض وهاي معروفه
شنو نتيجتها
والثانيه اللي هي التاجيل وهاي ماتكول اكثر من ست شهور
الثالثه الي هي قيد الدراسه اللي هي تطول هواي هاي
وللعلم قيد الدراسه تختلف نهائيا عن التاجيل
هاي شي والثانيه شي
والله كريم
اختي يعني هاي الناس اللي بالمنتدى من بداية 2010
ولحد هاي اللحظه اللي منطيهم تاجيل كله مسافره خارج القطر
اختي ثقي بكلامي

[يقظان]

السلام عليكم اخوان ...ارجو ان يكون الجميع بخير وسلامة ويارب اسبوع الفرح عليكم وعلينا...
الحلقة 5 *
في امريكا لا يوجد دكان ابراس الشارع نتسوق منه نعم قد يحدث ويكون بقرب البيت اسواق وهذه حالات قليلة ,وان لم تتدبر امور الباص فساعات المشي والاسئلة ستزيد من تعبك
النقل العام مريح لكن الوقت فيه مزعج الطريق الذي تقضية في السيارة الخاصة قد يكون ربع ساعة لان المرور في الطرق السريعة ولكن في الباص وقد يتطلب في اكثر الاحيان ان تركب باصين يستغرق الوقت ما يقرب الساعتين واذا حدث وركبت باصا في الخطا اضف ساعات اخرى وبهذلة
لهذا من الضروري جدا التعلم بسرعة والانتباة لارقام الباصات والمكتوب عليها فقد يكون هناك باصين بنفس الرقم يعني باص5 مثلا ولكن واحد يمر بطرق لا توصل الى منطقتك لهذا كل رقم باص بعده كتابة اسم المنطقة انتبة لهذا
اذا وجدت لاجئين في نفس منطقتك اسال المنظمه عند وصولك لا باس ان تستعين بهم لتجربة الباص الاول واذا لم تجد لا تتردد في التجربة وحدك وأن اخطأت فلا بأس فلن تتعلم الا من الاخطاء
التكسيات حسب الطلب يعني ما تفتر بالشوارع وتاشر لها وتصعد بل بواسطة الطلب من خلال التلفون وهي مكلفة جدا في كل الولايات الامريكية للمسافات القصيرة تكلف بين العشرين والخمسين دولار اما باصات النقل العام ارخص بكثير واللاجيء مجانا لديه كارت يعطى له بعد فترة ولكن الى ان يصلك الكارت فاجرة الشخص دولار ونصف ولكن يحق له بهذه البطاقة ان يركب ما يشاء له من الباصات حتى لو الف باص طبعا بطاقة تسقط بعد الثانية عشر ظهرا والاخرى تبقى الى وجود اخر باص في المدينة
لاتنسو الدعاء لمن كتب هذه المعلومات ونشرها في عينكاوة فلست الى ناقلا لها ...اخوكم المخلص يقظان

[mahmood alani]

السلام عليك

شونكم خواني واخواتي الاعزاء ان شاء الله بخير

ان شاء الله اليوم نسمع اخبار حلوة من جميع الاخوه والاخوات

مشكور اخويه يقضان على هذا المجهود الاكثر من رائع

تحياتي للجميع
اخوكم محمودالعاني

[hassan W]

مرحبـــــــــــــا شخباركم
ياربي اسبوع جديد اني متفائل ان شاءالله خير
ياربي

[hassan W]

اخويه يقضان بارك الله بيك عالمجهود الرائع والمعلومات المفيده شكرا الك

[غــريـبــه!!!]

السلام عليكم جميعا

بس عندي استفسار مدوخني
احنه عائله مكونه من 3 كيسات واحد بي صاحب الكيس الرئيسي اللي كان يعمل مع الامريكان والكيسات الباقيه بي ولده يعني بما انو همه فوق 21 فكل واحد صار بكيس هو وعائلته .بس الكل ب izواحد من صارت المقابله الاولى دزو علي بس هو اما بقيه الكيسات لا. وهسه حددو موعد محلف ونفس الشي بس لكيسه هو ..احد مار بي هيج شي. لان اني الاعرفه انو الكل يقابلون سوه.زين هسه شنو موقف بقيه الكيسات يقابلون مقالبه اولى  بعدين لو شلون؟؟؟علما انو هو بالمقابله الاولى طلب ربط قوي

[ميريام المهاجره]

شكرا أخ حسن على الرد وتاكدت اللي جانا تاجيل وانشاء الله الخير يعم الجميع وهذا الأسبوع فال خير يا ربي وابشارة  لكل اللي    ينتظرون الفرج والسفر

[Romano]

تحياتي للجميع وان شاء الله يكون هذا الاسبوع اسبوع خير علينا

والف والف شكر اخ يقظان نريدك دائما بهل نشاط شوكت ما تشوف اكو ركود بالجمعية تقفزلنا بموضوع يحركها

[hassan W]

اهلا مسك اني عن نفسي ماسامع هيجي شي اني اعرف كل المقدمين يكونون بكيس واحد بس من يحددولهم موعد المقابله يخلون كل اللي عمره فوق 21 سنه بكيس بس يفرقوهم من البدايه مااعرف هيجي ولا سامع هيجي

[hassan W]

اختي ميريام شفتي يعني كل واحد يختلف عن الاخر
بالتوفيق للجميع
هلا اخويه Romano شخبارك

[A_FOX]

الاخت مريام مساء الخير
والله عجبتني هاي مال ايسالون شرطة الحدود ههههههههههههه
مدكلونا منين تجيبون هذا الحجي يعني كلمن كتب موضوع صار راس مال
تحياتي

[ميريام المهاجره]

يعني أخوان اذا جماعة شهر شباط بشروهم بالسفر في بداية الخامس يعني احنا جماعةالتاسع  تكون ابشارة السفر بالشهر ال12وهاي لا تاخذوها راس مال هاي مجرد تقدير بالمقارنة بجماعة شباط ومن خلال قراءاتي يكلون الربع ديستعجلون وحتى ديداومون السبت وكل يوم ديسفرون 50 كيس الى عمان كفرد وكجماعات وخلي ههههههههه  اخ فوكس يعقب ويحللنا  اعلاه

[ميريام المهاجره]

صباح الخير على الجميع شخباركم أخوان اشو نايمين مو الدنيا صبح كوموا صلوا واطلبو الفرج وتفاءلوا بلكت فدخبر من واحد منكم فد ابشارة حلوة شوية دب حلركة بجمعيتنة النايمة ياررررررررررررررررررررررررررررررررررررررررررررررررررررررررررررررررب  يارب ياالحسن بجاه ابوك وجدك اوكفلنا مثل وكفاتك الحلوةاليوم الأثنين ونطلب منك ومن الله العون يا ابن حيدر الكرار انشاء الله اسبوع خير يعم كل المنتظرين في جمعيتنا وباقي
 الجمعيات وشكرا

[يقظان]

السلام عليكم جميعا ...شلونكم يا اصدقائي الاعزاء واليوم جبتلكم خوش موضوع
الحلقة 6 *
الكل يعرف انك عندما تفتح حساب جاري فإن البنك سوف يعطيك بطاقة صراف آلي تستطيع استخدامها في دفع مشترياتك وأيضاً استخدامها في جهاز الصراف الآلي ATM وهذه البطاقة اسمها دبت كارد Debit Card.
كذلك الكثير من الناس يعرفون أن رصيدك هو رصيدك يعني اذا رصيدك اصبح صفر فانك لن تستطيع ان تدفع شيء بعد ذلك، وهذا ما هو متعارف عليه في معظم الدول كالأردن وسوريا والامارات ...الخ
ولكن الشيء الذي يتفاجأ به القادمون الجدد الى الولايات المتحدة هو نظام السحب فوق الرصيد. اي ان رصيدك يصبح صفر ومازالت البطاقة تشتغل وانت ما تدري فتستمر بالشراء والمصيبة هي انك كلما استخدمت البطاقة بعد الصفر كلما نزلت عليك غرامات تكسر الضهر تبداْ من 25 دولار وانت صاعد لكل عملية شراء. يعني يمكن انت تدفع 5 دولارات على سندويشة وتتفاجأ بعدين انك دفعت فوكاها 30 دولار غرامة والمشكلة انه محد يكلك بس من يجيك كشف الحساب من البنك رح تلكي رصيدك بالسالب وفوك الي سحبته اكو غرامات تكسر الظهر.
اليوم كنت في البنك وصار كدامي موقف كان الزبون يتعارك وية الموظفة ويقلها انتو ليش ما قلتولي بهذا النظام خليتوني اسحب فوق الرصيد منين رح اجيبلكم 500 دولار بس غرامات غير تسديد مبلغ الدين الاصلي للبنك. الموظفة قالت ماكو داعي نبلغك لأن هذا الشي موجود بالتعليمات الي وقعت عليها وبعدين ماكو واحد بأمريكا ميعرف هذا الشي. كلها بس آني لاجيء عراقي وهاي اول مرة افتح حساب بأمريكا. فهذا الموقف كلش شدني وخلاني اجي واكتبلكم هاي النصيحة، ان شالله تستفيدون منها.
اخوان هذا موضوع مهم للناس الجدد لان ما عندهم علم بي والبعض يوقع بمشكله الاوفر درافت لان الغرامه قد تصل الى 40 دولار لكل سحب بالسالب حتى لو كان المبلغ المسحوب نص دولار, وحاله ثانيه تسويها البنوك انه اذا ودعت جك عمل او اي جك مرات متنزله بالرصيد نفس اليوم يعني بعض البنوك تكلك الايداع بعد الساعه الثانيه ينزل ثاني يوم والبعض يكول بعد الساعه 4 والايداع ايام العطله مثل يوم السبت مينزل لحد يوم الاثنين لو لحد نهايه العطله اذا صادفت عطله والشغله الثانيه هي موضوع المصروفات اللي بعدهه ممسحوبه من الرصيد لان بعض المحلات متسحب المبلغ بنفس اليوم يعني تاخذ كم يوم يله تنسحب ونفس الشي بالنسبه للصكوك اللي كاتبهن تاخذ وقت بالبريد وتاخذ وقت يله تنسحب القصد انه الشخص لازم يكون حذر بخصوص الرصيد المتوفر قبل ما يستعمل الفيسا كارت او يدفع مبلغ اونلان لو من خلال صك وحتى الامريكان يعانون من لعبه البنوك هاي وصدر قانون بالجديد يوقف هاي الحاله ويدخل حيز التنفيذ بتاريخ اقصاه 15 اب 2010 يمنع البنوك من تفعيل السماح بالسحب الاوفر درافت اي بالسالب وبعض الولايات نفذت القانون قبل هذا التاريخ والطريقه الي تتبعه البنوك للالتفاف على القانون انه تبعثلك رساله وتقولك انه بناء عى طلب منك ممكن تفعل خدمه الاوفر درافت واول مره مغفي من الغرامه وثاني مره بدولار بس بعدين الغرامه قد تصل الى 40 دولار لكل مره فالحذر الحذر لا ترسل هذا الرساله بعد تعبئتها الى البنك لتتخلص من هذه المشكله.
للتخلص من هذه الغرامات وهي انك ممكن ان تربط بين حسابك الجاري وحساب التوفير وبهالطريقة يقوم حساب التوفير بتعويض النقص الموجود في الحساب الجاري مقابل رسم 10 دولارات لكل مرة والتي هي احسن من 40 دولار ومايعتبر عدم توفر الرصيد الكافي بس بشرط انك تكون حاط مبلغ احتياطي في التوفير يقوم بالتغطية.
بالنبسة الي اني من اريد اسحب او ادفع اي مبلغ من الفيزا كارت ( اكو عندي ورقة بيهة كل ما اسحب  انزل من مجموع المبلغ الفعلي الي في حسابي ) وبهاي الطريقة راح تلاحظ حسابك كل ماتريد تدفع شيء
اني خال الفيزا كارت بالمغلف الصغير الي يكون بحجم الكارت واخلي بداخلة الورقة الي مكتوب بيهة كل حسابي
ومن اريد ادفع مبلغ اراجع اشكد عندي وشكد راح يبقى وبهاي الحالة تنحل امور اي شخص
طبعا من تجي الى الولايات المتحدة يعطوك كارت ديبت لان ما عندك كردت هيستوري credit history بس اكو طريقة لفتح حساب كردت و هو السيكور كردت. و هو ان تضع مبلغ في البنك ( في البداية 300 دولار بعدين يزيد المبلغ الى 500 و بعدين الى 1000) كأمانات و تصرف من الكارت حتى تخلص ال 300 و تروح للبنك و تودع 300 دولار و هكذا حتى تحصل على كردت هيستوري و اكو اشتراك سنوي (حوالي 35-40 دولار حسب البنك ) طبعا محد كلي عندما فتحت الحساب بس يعدين تفاجئت به. على العموم خلي يكون الواحد حذر من البنوك لأن يحاولون الربح بهذه الطرق ( السحب اعلى من الرصيد(.
دعائي للجميع بالتوفيق ولكل من كتب الموضوع ونشره في عين كاوة بالنجاح الدائم ....اخوكم يقظان

[ميريام المهاجره]

 بارك الله بمسعاك على هل المعلومات المفيدة والضرورية لكل لاجئ حديث ويا حبذا لو  توضع جميع المواضيع بعد اكمالها في فايل جديد ليتم الرجوع اليه عند الضرورة والحاجة شكراوخير الناس من نفع الناس

[mahmood alani]

السلام عليكم

شونكم اخواني واخواتي الاعزاء ان شاء الله تمام
مشكور اخويه يقضان على هاي المعلومات الحلوه وعاشت ايدك

تحياتي للجميع
اخوكم محمود العاني

[A_FOX]

الاخت مريام هههههههههههه
اني ما اخمن اللي يتكلم لازم يكون عنده وقائع مو مجرد تخمين
وللمعلومات بالشهر 12 وخاصه بعدمنتصف الشهر12 لا يوجد مواعيد سفر لان الربع  عدهم         عطلة اعياد الميلاد ههههه
للعلم
تحياتي

[hassan W]

السلام عليكم شخباركم شكو ماكو

[hassan W]

مرحبا اخويه يقضان بارك الله بيك عالمعلومات
الله ينطيك العافيه

[hassan W]

اختي ميريام شخبارج بارك الله بيج على الدعاء الحلو الله يفرجها علينه
شكو ماو

[hassan W]

هلا اي فوكس شخبارك خويه كول ان شاءالله

[hassan W]

هلا محمود منور شخبارك

[A_FOX]

اهلا عزيزي حسن انشاء الله ايامك كله خير ومسرات
اللي اعرفه انه بالشهر 11 خير على جمعيتنا  واذكرني اللي مقابلين محلف بالشهر 8 و9
تحياتي

[mahmood alani]

السلام عليكم
هلا اخويه حسن شونك  انت شخبارك ان شاء الله تمام .. اني الحمد الله زين اشكرك للسؤال عني يا ورده
بالنسبة الكلامك اخويه A-FOX  صحيح  اني اتفق وياك حسب ما شفته الباقي الاعضاء الي اتحدد الهم مواعيد  سفر او خلوهم على الجدوله تكدر اتكول من شهرين الي شهرين ونص يعني من بعد وصول موافقة المحلف...
فا خليه على الله والواحد ميفكر بيه نعتبر انفسنه هس مقدمين ودننتظر المقابله الاولى وهذا طبعا كله بعد امر الله والي كاتبه الله يصير .
تحياتي للجميع
محمود العاني

[Romano]

ا
سلامي للجميع

الاخ حسن والله الحمد لله متفائل بيك وبهذي الجمعية وان شاء الله ان شاء الله تتحقق كل امانينا والله سبحانه وتعالى يسهل امر سفرنا وعوائلنا واكيد بركة دعاءك ودعاء  الاخت ميريام هم راح تساعد واتمنى ان تكونوا  بالف الف خير .

اليوم كنت في البنك وصار كدامي موقف كان الزبون يتعارك وية الموظفة ويقلها انتو ليش ما قلتولي بهذا النظام خليتوني اسحب فوق الرصيد منين رح اجيبلكم 500 دولار بس غرامات غير تسديد مبلغ الدين الاصلي للبنك. الموظفة قالت ماكو داعي نبلغك لأن هذا الشي موجود بالتعليمات الي وقعت عليها وبعدين ماكو واحد بأمريكا ميعرف هذا الشي. كلها بس آني لاجيء عراقي وهاي اول مرة افتح حساب بأمريكا. فهذا الموقف كلش شدني وخلاني اجي واكتبلكم هاي النصيحة، ان شالله تستفيدون منها.

هاي شنو هاي اخ يقظان هاي شوكت وصلت امريكا غير تبلغ الجمعية ........ههههههههههههه..

والله عاشت ايدك على هذي الجهود المباركة باذن الله ....والله يجازيك بامر تسهيل سفرك يا رب


الاخ محمود والاخ A_FOX شهر 11 باذن الله راح يكون شهر خير اذا اخذنا الي ديصير بجمعية 5 6 7 بس الله اعلم اني متخوف ان تكون بداية السنة المالية راح تاثر على معاملاتنا ..........انتوا شتكولون.

[يوزارسيف]

الله يساعدهم .... اول البارحة كملت الجزء الاول من الفحص الطبي في ابن البيطار وانشاءالله اليوم راح اكمل الباقي .. والمنظمة اتصلوا بيه علمود تغيير عنوان الايميل مالتي وسألتهم عن الملف وين وصل كالتلي الموظفة :under security check ...بالموفقية للجميع.

[mahmood alani]

السلام عليكم
شونكم اخواني واخواتي ان شاء الله تمام

اخويه العزيز يوزارسيف بالخير عليك اكمال الفحص الاولي وان شاء الله الثاني هم سهل ومابيه اي شي بالعكس ابسط من الاول كله شغله ساعه بالكثير واتمنى الك الموفقيه والسفر السريع والسهل والامن  ان شاء الله .


اخويه Romano   ان شاء شهر ال 11 يكون خير علينه وعلى جميع الي منتظرين سفر ويارب يكون موعد السفر قبل شهر ال 12  لان على حجايتك راح تكون سنة ماليه جديده بعد هذا الشهر. اهم شي الواحد ميفكر بالموضوع ويتركه على الله وهي تصفى

سلامي الحار الى جميع اخواني واخواتي بتجمعنا هذا لان والله وبكل صراحه هم مثل للاخوه والاصدقاء الاوفياء (رب اخ لم تلده امك) وهذا هو الصديق الوفي ..

اسف للاطاله عليكم

اخوكم محمود العاني

[يقظان]

السلام عليكم اخوان ارجو ان تكونو بخير ومتفائلين و بلكي الايام الجاية ضامة النه خوش اخبار ..الاخ رومانو ..والله ضحكتني اني بعدني في بغداد ولم اصل الى امريكا بعد (الله يسمع من حلكك) بس الي صار انه مثل ما كلت هاي تجارب للاعضاء واني بس نقلتهة الكم .....فـ عمي على كيفك ويانة  ههههههههه تحياتي للجميع والله يسهل امورنا جميعا بحق محمد وال محمد ...اخوكم يقظان                                                                                                                   

[emigrant2]

مرحبا خواتي اخواني وانشاءالله كلكم بخير

سؤالي

ياجماعة الخير اني مقابل محلفين بغداد بنهاية الشهر الثامن 2010   ومستلم نتيجة المحلفين وبيها تأشير على المربع الاول ودزيت ايميل قبل عشرة ايام لكن لارد لحد الان واتصلت عليهم مرات عديدة من بعد تحويل الاتصال على الخط الفرعي  305 او 306  لكن اما يتم تحويل المكالمة الى البريد الصوتي او لا رد

طلبي اذا احد يعرف رقم بس ممكن من خلاله احكي مع موظف


أرجو ممن يملكون الخبرة الجواب النصيحة .. وبارك الله بيكم

وتمنياتي للجميع بالموفقية

[يوزارسيف]

اخ emigrant 2 اتصل مرارا" على هذه الارقام خلال ساعات الدوام الرسمي من الاحد الى الخميس واسألهم اولا" عن الكيس واصل لو لا...وبعدين اسأل عن الفحص والارقام هي :
07706298693
07805493550
وآني جنت مثلك مكمل مقابلة محلفين وشهرينما اتصلوا بيه اتصلت بيهم 3 مرات يالله انطوني موعد وهذي كانت نصيحة من اختي ام سوسو بالالحاح على مستشفى ابن البيطار للحصول على موعد ..وفعلا" نصيحة في محلها.

[emigrant2]

مشكووووور اخي يوزرسيف على ردك السريع ماقصرت والله بس بلا زحمة عندك رقم للمنظة بس يكون يردون عليُ يعني مو بس تسجيل مكالمة غلى البريد الصوتي ؟؟

ومن خلالك اسمح لي اشكر ام سوسو اللي قدمتلك نصيحة

وشكرا

[يوزارسيف]

اخي emigrant 2 تدلل ، هذا رقم المنظمة بعمان اتصل بهم اثناء الدوام الرسمي لحد خمس رنات و من ثم الغي الاتصال حتى لا تخسر رصيد - هذي من ملاحظة الاخت داليا الوردة- ، راح يردون عليك بعد تكرار المحاولات وانت بدورك اسألهم عن الكيس مالتك ...والرقم كالآتي :

00962775700736

[emigrant2]

اشكرك اخويا يوزرسيف

واتمنى الك من كل كلبي ان يوفقك الله لما يحبه ويرضاه

وبالموفقية ان شاء الله

[ميريام المهاجره]

اخواني اخواتي وجميع الموجودين السلام عليكم
اخوان احنة مادام خلصنة كلشي ما بقة عدنة غير بس الدعاء للباري عز وجل   فخلينة ندعي كلنة بصوت واحد بكل الديانات والطوائف كلمن علة طريقتة لعل ولعسى اللة يستجيب لواحد من المجموعة ويكون الفرج القريب  اللهم وفق الجميع وحقق امانيهم ولا تحوجهم لغيرك بجاه الحبيب محمد   عليه الصلاه والسلام   كولو (اميـــــــــــــــــــــــــــــــــــــــــــــــــــــــــــــــــــــــــــــــــــــــــــــــــن)

[hassan W]

مرحبا شخباركم
ان شاءالله خير
شكو ماكو اهلا باخونه الجديد ياربي ان شاءالله تحصل على موعد فحص باقرب وقت ياربي
اختي ميريام اخويه محمود ويقضان واي فوكس شكو ماكو مشتاقين نسمع خبر حلو
امس اتصلت على الاي او ام هذا الرقم اللي يحددون بيه مواعيد سفر كلي الملف لسه بدو 3 اسابيع ليجهز مافهمت شي منه
اخويه يوزرسيف مبروك عليك اكمال الفحص الطبي ياربي تسافر بخير

[A_FOX]

عزيزي حسن
هاي بشارة خير يعني الملف مالتك يمهم
ارجو ان تعاود الاتصال بيهم مره اخرى وافتهم منهم اكثر
تحياتي

[يقظان]

السلام عليكم جميعا ...وارجوا ان تكونو جميعا بخير ,تحياتي للجميع واضع بين ايديكم اليوم الحلقة 7

من المعلوم ان الشقة المؤجرة في امريكا تكون صيانتها من مسؤولية ادارة المجمع السكني. فإذا كان عندك شي خربان وبحاجة الى تصليح فانت فقط تخبر ادارة المجمع وهم يرسلون فريق الصيانة لتصليح ذلك العطل. ولكن النقطة المهمة هي ان فريق الصيانة عندهم نسخة من مفتاح شقتك، وهذا اجباري وممنوع انك تغير الكيلون لأن هذا من ظمن شروط العقد الي انت موقع عليه. فاذا كان عندك امر صيانة، رح يجي موظف الصيانة يدك دكتين عالباب وبعدين يفتح بالمفتاح الي عنده ويدخل، طبعاً انت مو شرط تكون خارج الشقة، يعني ممكن تكون بالبيت بس ما سمعت الباب لأي سبب، وممكن تكون النساء ما متحضرات او ما حاطة شي على راسها وتتفاجأ بدخول رجل غريب للبيت.
ماذا تفعل في هذه الحالة؟
الحل هو انك تضع قفل اضافي داخلي (ابو السركي أو ابو الزنجيل) حتى تضمن عدم دخول موظف الصيانة الي البيت وانتم بالداخل. ولكن اذا كنتوا طالعين كلكم من البيت فيجب عدم ترك اي شيء ثمين أو شخصي في الشقة اثناء غيابكم مثل ذهب، فلوس، كاميرا، صور شخصية فيها النساء من غير حجاب مثلاً ...الخ. صحيح ان موظف الصيانة لا يستطيع السرقة لأنه محل مسؤولية ولكن هل تضمن انه سيكون أمين؟
اخواني اخواتي بعد رؤية الشقة واقتناعكم بها وعند توقيع العقد ثبتوا فيه كل نواقص الشقة مهما يكون الشيء بسيط بالنسبة لك لكن سيكون حجة للمؤجر..
وحتى لا تدفع ثمن شيء لست انت من سببه ويخصم من مبلغ التامين (Deposit)..
عندما ترى الشقة لاول مرة سوف لن تنتبه لبعض الاشياء فنصيحة فتش ودقق بالشقة جيدا .. فجوات صغيرة في الجدار.. الابواب.. غطاء سويجات الكهرباء.. حتى لو شكة بسيطة في الكاربت لان راح يكول لازم ابدل كل الكاربت.. نواقص في اجزاء الثلاجة الداخلية.. اي نواقص ظاهرية في اجهزة التدفئة والتبريد.. الخ
لاتنسوا دعائكم لكل من ساهم بكتابة ونشر هذه التجارب فلست الا ناقلا لها

[ميريام المهاجره]

انشااللة الكل يسافروالكل يتوفق بالحياة الجديد ربي يسهلها على الكل 



                                                      الصبر مفتاح الفرج

[ميريام المهاجره]

صباح كل الخيرات عليكم وعلينا وعلى كل الحلوين كولت المصريين أو عوا تشائمون لأن التشائم فكرة سلبيةمثل اللي يخاف من الفيل وفجأة لن الفيل يمه وعلى راسه في الشقة مالته هاي شفته ابفديو اخواني وأخواتي كلشي اتخاف منه كأنما سوي جلب الى النفسك فدائما فكر بالأشياء الحلوة وهي الأفكار الأيجابية اللي مثل المغناطيس تجلبلك الخيروالنجاح في مسعاك يعني الفاشل والخسران واللي عايش بفكر كلها هو جالبها النفسة بأفكاره السودة والملبدة بألف غيمة سودة واذا مصدكون بأمكانكم ترحون الى موقع الحرية النسية لدكاترة وعلماء خريجين اميركا في مجال تقنية الحرية النفسية وروادها الدكتور حمود العبري والدكتور الأمريكي قيري كريق وجماعة EFT عرب وموقع علوم الطاقة وعلى رأسهم ماجاء في تعاليم ديننا الحنيف تفاءلوا بالخير تجدوه فحذاري حذاري من الأفكار السلبية والشكوىولكم مني أجمل المنى وبشارة خيروشكرا لأصغائكم

[hassan W]

صباح التفاؤل شخباركم
ياربي كل الخير يجيكم ويجينه ياربي
والاخبار الحلوه

[hassan W]

اختي ميريام شخبارج والله انتي الخير والبركه دعواتك اختي بالخير علينه

[ابن الناصريه]

مرحبـــــــــــــــــــا شخباركم

شكو ماكو
اخواني ان شاءالله شهر 11 بيه كل الخير اني هيجي احساس عندي

[hassan W]

اخي يقضان شخبارك شنو هالهمه هاي ان شاءالله دووووم بهالهمه

[ابن الناصريه]

اخي يقضان بارك الله بيك ان شاءالله يوم سفرك ياربي
مشكوووووووور على هالمعلومه

[ابن الناصريه]

اختي ميريام شخبارج انتي بركة هاي المجموعه ادعيلنه ادعيلنه وان شاءالله خير

[hassan W]

اخويه اي فوكس شخبارك اني راح اخذ كم يوم وارجع اتصل بهم وافتهم  منهم

[ابن الناصريه]

اخويه اي فوكس شخبارك
شكو ماكو

[mahmood alani]

السلام عليكم
شونكم اخواني واخواتي الاعزاء ان شاء الله بخير
يارب نسمع اخباركم الحلوه
اخوكم محمود العاني

[ميريام المهاجره]

مساء الخير عليكم جميعا
اهلا بيك اخوي ابن الناصريه اشهل غيبة!
!!! كلت يمكن سافرت وماودعتنا لأن اكو هوايه من الناس ميحبون ساعة الوداع ويغلسون وآني وحده منهم اي شخبارك وشخبار الأهل  والله بس آني والأخ حسن والأخ يقظان والأخ محمود بالجمعية صوصى جمعيتنا ومن الوحشه داروح بجمعية جورجيا وجمعية المنتظرين الموافقة الأمنية اكتب واشارك اسلي نفسي والأخ يقظان ما مقصر ديرفدنا بهل المعلومات الحلوة

[sweden07]

الله ايسهل على الجميع يارب

[A_FOX]

عزيزي ابن الناصريه هاي انته وينك صارك فتره غايب
بالنسبه اللي دانتظر الشهر 11 لاني متاكد بي اخبار مفرحه
تحياتي

[Romano]

السلام عليكم

شلونكم اخباركم اعضاء جمعيتنا المباركة.
ان شاء الله كلكم متفائلين..اني هم دا انتظر شهر 11 وهم متفائل بيه
الاخ يقظان, الاخت ميريام , الاخ فوكس ,ابن الناصرية,حسن,محمود وكل الاعضاء ,ان شاء الله سفرنا يكون قريب وما تضيع  جهودكم الخيرة بالمساعدة والمؤازرة في هذا المنتدى باذن الله.

الاخ emigrant2 اهلا وسهلا بيك وراح احدث الجدول باقرب وقت ممكن

[ميريام المهاجره]

شكرا اخ Romano انشاءالله كلنه بطياره وحده كولو ويايه ياررررررررررررررررررب

[hassan W]

مساء الخير شنو هالجمعه الحلوه
اخت ميريام اني شايف هواي من جمعيتنه يدخلون بكل الجمعيات بس جمعيتنه ولا عضو يدخله عبالك اكو وحوش هنا
بس يالله اتمنى التوفيق للجميع ياربي

[hassan W]

اميـــــــــن ياربي اني اتمنى عائلتي تسافر وياج اخت ميريام
ان شاءالله نفس الطياره يابركة المنتدى

[hassan W]

اخويه Romano
شخبارك وين هالغيبه شكو ماكو
ان شاءالله تفائلو بالخير تجدوه

[hassan W]

اخويه sweden07  ياهلا شخباركم منورين اليوم

[ابن الناصريه]

مســــــــــــــــــاء الخيــــــــــــــــر شخباركم

[ابن الناصريه]

اختي ميريام شلون قابل اسافر من دون مااودعكم
بس شسوي والله ضروف وهسه رجعت نورتكم من جديد هههههههههههه

[ابن الناصريه]

اخويه اي فوكس شخبارك شسوي والله مو بايدي
بس هسه رجعت
واني بعد متفائل بشهر 11 واحس انو خير
هسه لو واحد من عدنه يجيه شي نفرح ويصير عدنه امل

[ابن الناصريه]

اخويه محمود شخبارك
شنو انت مكمل فحص طبي لو بعدك تنتظر

[ابن الناصريه]

يامســـــــــــــهل الامور سهل امرنا
يامســـــــــــــهل الامور سهل امرنا
يامســـــــــــــهل الامور سهل امرنا
يامســـــــــــــهل الامور سهل امرنا

[يقطينة]

مرحبــــــــــــى للجميع
ممكن تقبلوني عضوة بجمعيتكم انا في بداية الشهر العاشر استلمت ايميل التأجيل من المحلف
والان انا في انتظار الامنية والفحص الطبي

اتمنى ان  نستمر على الود والمحبة والاخوة
 يقطينة

[ابن الناصريه]

مرحبــــــــــــى للجميع
ممكن تقبلوني عضوة بجمعيتكم انا في بداية الشهر العاشر استلمت ايميل التأجيل من المحلف
والان انا في انتظار الامنية والفحص الطبي

اتمنى ان  نستمر على الود والمحبة والاخوة
 يقطينة

اهلا وسهلا بيج اختي منوره التجمع بس ياريت ماتهربين مثل البقيه
وتتواصلين ويانه
اهلا بيج مره ثانيه وياربي السفر القريب

[hassan W]

ياهلا بيج يقطينه منوره التجمع
ياربي السفر القريب ان شاءالله
الف مبروك على موافقة المحلف

[يقطينة]

 

اشكرك اخوية ابن الناصرية  
ليش اهرب     والله ضحكتني     ليش شبيها جمعيتكم  وما طول كلت هيج     يوميا اني رح اشارك بجمعيتكم ويوميا تلكوها  بال TOP


نورتنه  اخوية ابن الناصرية  

[ابن الناصريه]

هههههههههههههههه اي والله كلهم مشاركاتهم خفيفه بس كم عضو بالجمعيه
مقارنتا بباقي الجمعيات
هههههههههههههه بس يالله نشوف من اليوم
منوره اختي بالتوفيق

[يقطينة]

اخوية حسن مشكوور على الترحيب الحلو واشكرك على التهئنة ويارب  هذا التجمع يكون تجمع خير
وانا قرأت  صفحات جمعيتكم من البداية ولحد  هذه الصفحة
ولاحظت انه  الجدول مال الجمعية مدا اتصير بيه تحديثات ما ااعرف ليش
تحياتي وتمنياتي الكم جميعا
 اخ حسن  لطف منك  ترحيبك بي  اشكرك عليه
الله يسهل امرك ويارب تفرج عليك  باقرب وقت

[hassan W]

صحيح كلام اخوه ابن الناصريه
احنه اضعف جمعيه اني اشوفها يعني ماكو بيها حركه ومشاركات مثل باقي الجمعيات
يمكن لان قليلين
بس الله يوفق الاعضاء كلهم

[يقطينة]

اخوية ابن الناصرية  
ان شاء الله جمعيتنا  تستمر  بأهلها وناسها واعضائها الطيبين والخيرين امثالكم
واحلى مافي الجمعية لاحظته لحد الان  انه ما ورد بيها رفض لحد الان ما شاء الله
  يقطينة

[يقطينة]

اخ حسن لا ضعف بعد اليوم 

والله رح نسوي لمة  ( لمة خير ان شاء الله ) فلا اكو منها 


راح اسوي جرد باسماء الجمعية كلها وافتح سجل  حضور
وبس يتجاوز اليومين بالغياب نسجله غيااااااااااااااااااااب 

[ابن الناصريه]

اي صحيح هاي ليش الجدول مابيه اي تحديثات شنو الموضوع

[يقطينة]

هذه باقة ورد مني لكل اعضاء جمعيتنا الورود

[ابن الناصريه]

الـــــــــــــــــــــــــــف شكر الج عالهمه هاي والورد رووووووعه شكرا الج

[hassan W]

ههههههههههههه اي عفيه والله هاي خوش فكره
غياب والغياب تتاخر الامنيه مالته

[hassan W]

شكراااااااااااااا عالورد الروعه وينج اخت ميريام تعالي شوفي الورد ياورده

[يقطينة]

هههههههههه

اذا الي يغيبون  تتأخر أمنيتهم    يمكن راح يلزمون خفارات بجمعيتنه  

[يقطينة]

مبرووووووووووووك اخ حسن انت فتحت الصفحة يارب كصتك خيرررررررر علينا
  

[hassan W]

هههههههههههههه
قبل فتره فتحت الصفحه واجتي موافقات ومواعيد فحص
ان شاءالله ياربي
هالمره تجي مواعيد سفر يارب

[hassan W]

اختي ميريام تفائلي بالخير فتحت الصفحه
ههههههههههههههههه

[hassan W]

[يقطينة]

الله يسمع منك  اخ حســـــــــــــــــــــــــــــن  
وواعضاء الجمعية  واحد ورة اللاخ  مسافرين  وترجع الجمعية اتصوصي  

[ابن الناصريه]

الـــــــــــــــــــف مبروووووووووووووك عالصفحه الجديده ياربي خير علينه

[ابن الناصريه]

ههههههههههههههههههههه هاي للتفاؤل

[hassan W]

ههههههههه هاي الصفحه مبينه خير من بدايته

[ابن الناصريه]

[ابن الناصريه]

[ابن الناصريه]

[يقطينة]

عيني ريحة الورود فاحت بالمنتدى كله   اممممممممممم ما ازكاها  يارب نسمع عنا وعنكم

اطيب الاخباااااااااااااااااااار  

آآآآآآآآآآآآآآآآآآآآآآآآآآآآآآمين

[ابن الناصريه]

[ابن الناصريه]

[ابن الناصريه]

[hassan W]

اميــــــــــــــــــــــن اني صار عندي امل هوااااااااااي
ومااعرف فرحت بس ليش مااعرف

[يقطينة]

مشكووووووووووور على هذه الصور الروووووووووووووعة
 ما احلى التفاؤل  

[ابن الناصريه]

هاااااااااااااااااااي محديدلها موعد سفر

[ابن الناصريه]

هذا الاخ ينتضر الامنيه

[يقطينة]

اخوان الي قريته بكل الجمعيات   واستنتجته انه  تحسب من بعد مقابلة المحلف باريعة اشهر بالضبط ينطون موعد سفر

هل توافقونني الرأي بهذا الاستنتاج ؟

[يقطينة]

هذا شنو المسكين ولا ظال مني شيء  يعني بالحلقة الاخيرة 

[ابن الناصريه]

ههههههههههههههههه شيسوي المسكين
دينتظر

[hassan W]

اني اوافقج الراي بس بعد مقابلة المحلف بست شهور اذا ماكو مشكله الشخص يكون بامريكا
يعني المضبوط

[يقطينة]

اخوية حسن هواي 6 اشهر  هذا اذا كانت امنيته مثلا متاخرة
كثير حالات شفتها ورة اربع اشهر بالتمام والكمال ويمكن يزودن فوكها  كم اسبوع ينطوهم موعد سفر  واعتقد هذه
الحالات الطبيعية

وان شاء الله اذا ميتوقف الطيران بشهر ال12  اعتقد يبدون يبلشون مواعيد سفر  للشهر الثامن  وان شاء الله
شهر ال 11 رح يبلشون ايضا باعطاء ايميلات جدولة للجماعة الثامن والتاسع

[يقطينة]

اهلا اخت نونا  منورة الجمعية وندعوج للمشاركة والانظمام الينا  ومية هلا وغلا بيج بين اخوانج واخواتج

[hassan W]

الله كريم اختي ان شاءالله ان شاءالله شهر 11 بيه كل الخير ياربي

[ابن الناصريه]

لالالالالالالالالالالالالا ان شاءالله الشهر الجاي يبلشون بينه ان شاءالله

[يقطينة]

هسة الموقف الحالي لجماعة ال 8 وال9
هي انتظار امنية + فحص طبي  + اتصال بالكفيل
الي  متصلين بكفيله   احتمال كبير ينطوله  ايميل جدولة والله كريم

[يقطينة]

 

[يقطينة]

شكراااااااااااااااااااااااااااااااا ايتها العبير التي ملأت  جمعيتنا بعبيرها الطيب
تشرفنا  بمرورك الطيب

[mahmood alani]

السلام عليكم
شونكم اخواني واخواتي الاعزاء ان شاء الله تمام
مبقى شي على شهر ال 11 الا القليل وننتظر والله كريم ومثل مكلت الكم لاتفكرون بالموضوع وعتبروا انفسكم هس مقدمين ودتنتظرون المقابله الاولى ...

تحياتي للجميع

اخوكم محمود العاني

[يقطينة]

اهلا بخوية محمود
نصيحتك جدا حلوة ومفيدة 

ان شاء الله  يهل نوفمبر بالبشاير  للجميـــــــــــــــــــــــــــــــــــــــــــــــع

[زهرة الصبار]

مرحبا يا اخوان شلونكم
هاي انتو بس جماعة بغداد لو بيكم عمان وسوريا ومنا ومنا

[يقطينة]

اهلا اختي زهرة
 هذه الجمعية لجماعة بغداد واعتقد اكو جمعية  لجماعة المقابلين محلفين مصر  وسورية لنفس الشهور
واهلا بيج في هذه الجمعية وبكل  الجمعيات الاخرى

نورتي الجمعية  

[mahmood alani]

ان شاء الله اخت يقطينة
اللهم اميـــــــــــــــــــــــــــــن

[A_FOX]

اهلا وسهلا كلمن دخل جمعيتنا
منوريين

[hassan W]

صبــــــــــــــــــــــــــــاح الايميلات والاتصالات والاخبار الحلوه
شخباركم

[cutememo]

السلام عليكم اخواني وخواتي الاعزاء احب ابارك على الصفحة الجديدة وان شاء الله صفحة خير للجميع .....البارحة وصلني اميل من المنظمة ايكول انه انت حصلت على الموافقة المبدئية او انت هسة بالموافقة الامنية الي منعرف اشوكت تنتهي ...اليكم نص الاميل الي جاني     .......


Dear Sir
 

kindly note that your case has got initial approval but still pending security checks, you are not cleared yet. This is a normal part of the procedure that takes some time. Your case can not travel until this check is complete. Unfortunately we do not know how long it will take. Once security checks are cleared, you will be contacted with the date of travel.

 

Your patience and understanding are highly appreciated

[DEFA-AL-AIRAQI]

UP UP UP UP UP UP UP UP UP UP UP UP  UP F بالتوفيق ان شاء الله

[A_FOX]

عزيزي cutememo الظاهر انته دازلهم ايميل تستفسر عن الملف مالتك مو لو اني غلطان
وهمه دازيلك هذا الايميل
تحياتي

[يقظان]

السلام عليكم جميعا ...وتحية خاصة لكل الاعضاء الجدد ,  يابة اشو انتو مستعجلين على الروحة ولا عبالك عدكم محاضرات لازم تكملوهة يلة تروحون , علمود ما اريد واحد من جماعة الثامن والتاسع ينضرب اي بوري بامريكا ...لعد اني المن احضر هاي الحلقات (ماذا تفعل اول ما توصل) خاف عبالكم الي ؟ ..... وبعدين اكو حلقات مال (شتاخذ وياك من تروح ؟ ) و ورة هاي كلهة اكو امتحان امتحنكم بي اونلاين  ههههههه اقرو زين ههههههههه .
 بس على العموم يمكن راح اختصر هاي المحاضرات الكم ..... الله يوفق الجميع ويسهل امورنا ونطلع وتصير كلهة سوالف نضحك عليهة ان شاء الله قريبا بحق محمد وال بيت محمد .....اخوكم يقظان

[hassan W]

هلا اخويه
cutememo هاي معناها انو ملفك مازال تحت التجييك الامني
ياربي يفرج عنه قريبا

[hassan W]

هههههههههههه اخويه يقضان اني اكثر واحد مستعجل
الله كريم
ان شــــــــــــــــــــــــاءالله خير ياربي
تفائلو بالخير تجدوه

[hassan W]

ها يقطينه اشو اليوم ماكو شنو الموضوع

[DEFA-AL-AIRAQI]

الصبر مفتاح الفرج ان شاء الله

[hassan W]

\    اخويه DEFA-AL-AIRAQI
شكو ماكو
من ياشهر انت وين واصل عرفنه عنك شويه

[hassan W]

باجر جمعه واللي بعده سبت
يعني ماكو اي او ام يعني مااخذين اجازه احنه نشتغل وياهم ونعطل وياهم

[يقطينة]

مساااااااااااااااااء الخيرات  للجميع
شلووووووووونكم زينين ان شاء الله

شلونك اخوية حسن   (    هياتني    )

شكو ماكو

اشو اخت مريام ماكو؟؟

تمنياتي للجميع بالخير
اخ حسن  جمعه وسبت شيكظيهن ؟

[hassan W]

هلا هلا يامساءالخير
شخبارج
اني بخير
بس الجمعه والسبت اطول ايام بحياتي
الله كريم
مااعرف الاخت ميريام وين اشو اقرا اسمها فوك بس هي ماتكتب

[hassan W]

hassan W, ميريام المهاجره, huseind, alanjalil و 1 ضيف يشاهدون هذا الموضوع.

[يقطينة]

 

هاي حلوة مال الجمعه والسبت اطول ايام بحياتي 

الاخ ابن الناصرية القائد الموئسس وينه    يمكن راح نسجله غياااااااااااااب

[يقطينة]

اخ حسن اشو بطيء ترد بس لا تكون بغير جمعيات طاب  ;D

[hassan W]

ههههههههههههههههههههههه
لا والله
بس اني اطلع واروح اخذ فره بالبيت اشرب جيكاره وارجع افتح المنتدى

[hassan W]

اليوم ابن الناصريه اللي هو ابن عمي واخو زوجتي
عنده صديقه باجر يسافر لاوكرانيا
راح يودعه

[يقطينة]

همزين كلتنه      لانه اسمه كان على وشك انه ينزل بسجل الغياب 

اخ حسن بعد ما استلمت الايميل مال موافقة المحلف  هم دزيت ايميل اخر تسأل عن قضيتك وشنو كان ردهم

اشو الاخ صاحب الجدول وينه ؟؟ كومة تحديثات تنتظره ؟؟
هو مو الاخ كيوتميمو ؟
ان شاء الله يدخل ويحدث الجدول ياااااااااريت

[(strawberry)]

السلام عليكم اخواني واخواتي

طبعا احب اهنيكم على جمعيتكم الي صايرة تخبل ههههه مبروك عليكم الصفحة 5 وان شاء الله ما تصيرون مثل جمعيتنا وصلت لل26 وبعد نص اعضاءها لا جدوله ولا موعد سفر واني منهم بس اني احب دائما اطمأن عليكم لان انتو جيرانا وحق الجار على الجار ربي يوفقكم وادعولنا نحصل جدوله وسفر بسرعة حتى نفتح الطريق امامكم

اختكم ام سوسو

[يقطينة]

هلاااااااااااااااااا بيج اختنا ام سوسو
كلج ذوق واصول ومليون هلا وغلا بيج وبجمعيتكم الحلوة

نورتنينا والف شكر على زيارتج  لجمعيتنه وكلامج الطيب الي يدل على ذوقج الطيب

[A_FOX]

والله ام سوسو عاد والنعم منها تحب اساعد الاخرين حالها حال الاخوات والاخوه
في المنتدى
بالتوفيق

[hassan W]

لا والله مادزيتلهم اي ايميل
بس اتصل بين وقت واخر على مكتب السفر اللي يطيه مواعيد سفر اشوف اسمها واصل او لا

[hassan W]

اختي ام سوسو هلا بيج منوره ياربي يفرجها عليج ويحددولج عالاسبوع اللي جاي موعد سفر

[hassan W]

هلا اي فوكس شخبارك

[cutememo]

السلام عليكم اخواني الاعزاء ان شاء الله تسمعون كل الاخبار الحلوة الي تفرحكم او اتخفف الضغط عنكم لان اني هم مثل الكثيرين دا امر بهاي الحالة ....وغنشاء الله الموفقية للجميع ....

بخصوص سؤال الاخ A_FOX صراحة اني مراسلت المنظمة بعد المقابلة الثانية بس من رسلت ربلي على الرسالة الي بيهة الاتاج ......تحياتي للجميع

[A_FOX]

عزيزي حسن  شلونك انشاء الله تمام
والله ماكو شي لحد الان انتظر الشهر 11 انشاء الله خير على كل الاعضاء
تحياتي

[ميريام المهاجره]

السلام عليكم اخواني وأخواتي اعضاءمنتداناالعزيز
اهلاومرحبابالاخوة والأخوات الجدد راجيةمن العلي القدير يجعل اقدامكم خضرة علىاهل منتداناوبقدومكم الطيب تسهلون على الجميع تمشية معاملاتهم وشكرخاص للأخت يقطينة والأخ حسن الغالي وابن الناصرية على تفقدي في المنتدى هذامن اصلكم الطيب ونقاء سريرتكم واخوتكم الطيبةوتحياتي للأخ محمود العاني ويقظان وكيوت ميمواوالف تحية وسلام انا لم اغيب فقط كنت مشغولةوالنيت يشاركني فيه بقية العائلة واذكركم بدعاء ابن الناصرية لأنه ليلة جمعة وحاولو تقرون1400 مرة تقولون اللهم صلي على محمدوآل محمد وتهدونهاالى الأمام موسى بن جعفر الكاظم بنية سماع خبرمفرح من الIOM وابني كتب للمنظمة اربع مرات ايملات يستفسرعن كيسات لامجيب لمن  ينادي وسلامي وتحياتي لكم جميعا

[A_FOX]

ادعوا الله فهو مجيب الدعوات
واذا سالك عبادي عني فاني قريب اجيب دعوة الداعي اذا دعاني
بالتوفيق

[ميريام المهاجره]

  انشاءالله هاي الصفحة اللي فتحه حسن صفحة خير وبشارة من الأمام الحسن عليه السلام لكل اعضاء منتدانا بجاه هاي الليلة المباركة ليلة الجمعة اخواني واخواتي كثروا الصلاة على الأنبياء والقديسين واطلبوا منهم الفرج العاجل لكم ولنا الدعاء للغير اسرع الطرق للأجابة ت تحياتي لنونة والعبير وفوكس ورددوا معانا يارررررررررررررررررررررررررررررررررررررررررررررررررررررررررررررررررررررب بطيارة وحدة
الىUSA
اخ حسن آني متفائلة بصفحتك رقم5

[A_FOX]

يا ررررررررررررررررررررررررررررررررررررررررررب استجب
وانشاء الله بطياره وحده ال
U S A

[A_FOX]

شنو السالفه اشو بس الاخت ميريام  واني دنندعي وماكو احد ديندعي ويانه
شنو نايمين تره هاي ليلة الجمعه والله يستجيب الدعاء بهذه الليله

[ميريام المهاجره]

http://
والله جمعيتنه من بارحة صار بيه صوت جانت صوصي يوم الخير نسمع صوت الموافقة الأمنية وموافقة المحلفين تهب علينامن حيث لا نحتسب رددوو الليل كله كولو احنا محظووووووووووووووووووووووووظين احنا مرزوقييييييييييييييييييييييييييييييييييييين لنهن المحروسات جايات بدون سابق انذار ادمغتكم يا اخوان مثل قطعة المغناطيس رجاءا استرخوا ورددوا كلمات الخير يجلب الكم شكو خير في الفضاء والكون هذا الحجي مو من جيبي هذا كلام اخوانا علماء USA في كتا ب اسمه السر THE SECRET هذا الكتاب الذي هز العالم ومبيعاتاته وصلت الى ملايين الدولارات وشكرا لأصغائكم

[ميريام المهاجره]

 

يامسهل سهل

[ميريام المهاجره]

 
 فان مع العسر يسرا ان مع العسر يسرا
 

[mahmood alani]

السلام عليكم
شونكم اخواني واخواتي الاعزاء ان شاء الله بخير ...
احب اقدم الشكر الجزيل لكل اعضاء هذه الجمعية لان بصراحه اكوله الكم انتم نعم الاخوه ونعم الاصدقاء الاوفياء لان دائما دتبثون روح التفائل بكل واحد مقدم على الهجرة ودائما دتتفاعلون وياه وتردون على اسئلة الحائرين الي ديطبون هنا .
وهذا كل مثل لروح الشهامه والاخوه الي بيكم .نعم انتم فعلا نعم الاخوه والاصدقاء الاوفياء وادعي من الله ان يسهل لكم اموركم وان يوفقكم ويستر عليكم
شكر خاص للاخت ميريام على كل دعاء دتدعيه النه واللهم رب يجعله في ميزان حسناته واني  اضم صوتي الصوته واكول يا رب ان شاء الله نسافر بطياره وحده ... وعود نتناقش بامور الجمعيه بالطياره بس هاي المره راح تكون مباشر واون لاين.
شكرا خاص للاخوه حسن وابن الناصريه وايفوكس ويقطينه الحلوه والاخ يقضان الي دائما يمتعنه بمواضيعه الحلوه والمفيده.
تحياتي الكم جميعا واسف للاطاله
اخوكم محمود العاني

[ميريام المهاجره]

                                                                  مسك الختام
                                                       باقة ورد عطرة لثغركم الباسم

[A_FOX]

صباح الخير
               جمعه مباركه

[ميريام المهاجره]

صباح النور اخ فوكس حقهم اذا ماكو لانه ماكو شي جديديلا انشاء الله الخير بالجايات تحياتي

[A_FOX]

صباح النور اخت ميريام
اي صحيح بس ارجو التواصل عسى ولعل فد خبر يفرح الكل
تحياتي

[A_FOX]

مرحبا يقطينه
 اليوم راح اتلزمين خفاره لان انتي غايبه
هذا كلامج اللي يغيب يلزم خفاره  هههههههههه
تحياتي

[hassan W]

صباح الواحد القيوم
ورب العرش سبحانه
صباح الفل والمشموم
وياسمينه وريحانه
صباح الصاحب المحشوم
عن الزله وعربانه
دعيت الله صباح اليوم
يخصك من فضله وشان

[hassan W]

[hassan W]

[hassan W]

مرحبا جمعه مباركه عليكم
الله يسهل عليكم ياربي
وشهر 11 بيه كل الخير عليكم يارب
اخت ميريام شخبارج منوره
اخويه اي فوكس شخبارك
اخويه محمود انت الخير والبركه كلنه اخوان والله يسهل علينه يارب

[hassan W]

[hassan W]

[hassan W]

[hassan W]

ربــــاه سبحانك ما أعظمك .
سبحانك لاتضيّع من دعاك
سبحانك لاترد من سألك
سبحانك إني أحبك
فإن عذبتني أحبك وإن حرمتني أحبك .
ربـــــاه فلا تخذل من أحبك .
ربـــــاه أنخت مطاياي ببابك
ربـــــاه فأزل همي وهمّ أمتي ، وفرّج كربي وكرب أمتي .
ربـــــاه أكشف عن أمتي الضّر
اللهم ردّ كيد الأعداء في نحورهم وأشغلهم بأنفسهم واجعل تدبيرهم تدميرهم ياقوي ياعزيز ..
اللهم وأنصر الإسلام وأهله في كل مكان
اللهم اجعل الجنة داري ودار أحبتي ياحي ياقيوم .
.

[hassan W]

ياهلا بيج العبيــــــــــــــر  نورتي التجمع مشكوره عالدعاء

[Romano]

مساء الخير على الجميع
اولا احب اعتذر عن الانقطاع الايام الماضية
ثانيا احب اهني اعضاء الجمعية على الحيوية هل ايام (بس اكيد مو اليوم) وعلى الاعضاء الجدد الي انضموا الها وان شاء الله الجمعية تكبر بجهودكم الطيبة و رغم انه الي عتب على الاخ ابن الناصرية لان ما كدر يسحب اعضاء جمعية شهر اللـ 11 ويضمهم الى جمعيتنا وانتوا مثل ما دتشوفون جمعيتنا اعضائها قليلين واغلبهم ضعيفي النشاط (من ضمنهم اني), تمنياتي للجميع بالموفقية.

اهلا وسهلا بالاعضاء الجدد....الجمعية احلى واحلى بوجودكم

[hassan W]

ياهلا اخويه Romano
منوووور الجمعيه من جديد
اخويه بالنسبه للي مقابلين شهر 11 اني رحت ودعيتهم بس ماكو واحد منهم اجه بس راح ارجع احاول وياهم

[Romano]

هذا الجدول بعد التعديل وضفت اله معلومات الي مقابلين بالشهر السابع 15 بالشهر وفوق حتى تصير عدنا صورة اوضح واكيد اخذت المعلومات من جدول جمعية 5 6 7 وبالتاكيد جميع حقوق نشر معلومات الشهر السابع محفوظة الهم واستخدامي لها يقع تحت فقرة
Fair Use في القانون الدولي.

و راح اضيف ملف ورد للجدول و الي عندة اي اقتراحات أو تعديلات بالتصميم يكدو يسويها عليه واني اتابع من بعده.

[hassan W]

عاشت ايديك عالجدول رائع وهيجي اذا صارت اي تحديثات نكدر نضيفها

[hassan W]

اخويه ابن الناصريه مقابل ويايه بنفس اليوم يعني 2\8

[Romano]

اهلا وسهلا بيك اخ hassan W ..تسلملي يا ورد ..

اكيد انت ما راح تقصر واذا همه ما يريدون ينضمون فالمهم انه همه اتبلغوا ومحد يكدر يعتب وان شاء الخير والموفقية للجميع.

[hassan W]

تسلم اخويه الله كريم
اني رجعت عدت عليهم الدعوه

[hassan W]

ها يقطينه وينج شنو الموضوع
اليوم غياب

[A_FOX]

اليوم يقطينه راح تلزم خفاره بالليل
ههههههه
تحياتي

[يقظان]

السلام عليكم جميعا ...فردا فردا والقدماء والجدد (شلع)                                                   
مشكور اخوية رومانو على تحديث الجدول , اخوية حسن اني قريت موضوعك الي كاتبه على العام , وكلش قهرني بس كل الي اكدر اكوله (عسى ان تكرهوا شيأ وهو خير لكم) فخلي الله بين اعيونك اخوية ولا تنقهر وعسى ان رب العالمين يسهل عليك وتطلع انته وزوجتك في اقرب وقت (بحق يوم الجمعة هذا) ...اخي اذا تسمح وعندك وقت تنطينة من وقتك وتكلنة على تجاربك من عشت بامريكا (16 سنة) يعني لوكل سنة تجربة او قصة مرت بيك همين نستفيد منك وهاي فرصة النه نلتقي بيك وتشرفنة بمعرفتك ....اذا متصير زحمة عليك , وخير الناس من نفع الناس ...تحياتي لكم جميعا ودعائي بالتوفيق والنجاح بحق محمد وال بيت محمد الطيبين الطاهرين ,اخوكم يقظان       

[يقطينة]

مسااااااااااااااااااااااااااااااء الخير على عيونكم جميعا

روووووووووووووووووووومانو هاي وينك خوية ندور عليك وماكو    عااااااشت ايديك على الجدول الحلو 

اني في بداية التاسع يوم 7  قابلت المحلف   

اخوية أي فوكس  الي يغيب طول اليوم عن الجمعية  يلزم خفارة    اشكرك كل الشكر اخوية فوكس يارب يوم سفرك وتبشرنه 

اخوية محمود العاني  قليل تواجده  ان شاء الله ينورنه  دائما 

اختي الوردة ميريااااااااام دومج ترفعين بمعنوياتنا  شكرا يا مريام الله يسهل امركم ياربي وتسافرون شلع كلكم 

هلا وغلا باخوية يقضااااان  صاحب دروس التوعية يارب  يوم سفرك انت والعائلة  آآآآآآآآآآمين  ياألهي

اخونة ابن النااااااااااااصرية وينه ؟؟؟   

[hassan W]

[size=28ptlow]اخويه يقضان اني اللي اتشرف بيك ومن عيوني ان شاءالله ابدي وياكم واحجيلكم عن كل شي ةواي شي تحتاجه او تحاتجونه اوضحه الكم او شي اني جاهز[/size]

[ابن الناصريه]

مرحبـــــــــــــــا شخباركم جمعه مباركه عالجميع
شكو ماكو

[hassan W]

هلا هلا هاي منو اللي جايه متاخره شخبارج وين رحتي اليوم

[ابن الناصريه]

هلا وغلا بميريام شخبارج منوره اذا غبتي اكيد نسال عنج لان انتي الخير والبركه

[ابن الناصريه]

هلا اخويه Romano عاشت ايديك عالجدول الاكثر من رائع اني مقابل 2\8

[يقطينة]

هلا باخوية حسن  شلوووووووووووونك يارب تكون انت  والاهل بخير
             هياتني اني  ;  بالبيت وين اروح  هو شغل البيت يخلص   :'(D

منوووووووووور ابن الناصرية اخوية الورد   ماكو شيء جديد  جمعه وسبت وكلنا طابين بنفق الامنية  ;D

[ابن الناصريه]

اني اسف البارحه مادخلت لان صديقي سافر لاوكرانيا ورحت ودعته يوم الكم ان شاءالله وتسافرون شلع

[ابن الناصريه]

ههههههههههههههه حلوه هاي نفق الامنيه
يالله الله كريم

[hassan W]

ههههههههههههه يالله ان شاءالله نتامل خير عالاسبوع القادم وهو بدايه الشهر القادم

[ابن الناصريه]

صدك اني قبل فترة دزيت ايميل استفسار عن قضيتي وقبل بومين اجاني هذا الرد

Dear Sir,

 

Kindly note that your case is still in process, we don’t know how much it may take, but rest assured that once there is ay new updates you will be contacted and informed.
[/color]

[يقطينة]

احلى ورود لاحلى اعضاء جمعيتنه  

[hassan W]

تسلميـــــــــــــــــن عالورد ياورده

[ابن الناصريه]

شنووووووووووووووووو هالورد الروووووووووعه هذا عاشت الايادي

[يقطينة]

اخواني الاعزااااااااااء
بخصوص الفحص الطبي اشو لا حس ولا نس لهسة

رح يصير شهرين على مقابلة المحلف  

[يقطينة]

اخوية حسن اخوية ابن الناصرية تسلمون على  على اطرائكم الجميل

يارب كلكم بطيارة وحدة  وبدون ترانزيت  آآآآآآآآآآآآمين ياربي

[hassan W]

اختي انصحك تتصلين بيهم على مستشفى ابن البيطار اكيد راح تلكين اسمج

[يقطينة]

 ان شاء الله اخابرهم  الاسبوع القادم 

بلكي يارب ينطونه موعد حتى نخلص من كل التزاماتنا  وبس يبقى ننتظر 
 ايميل الجدولة شوكت يهل 

[cutememo]

ان شاء الله اخابرهم  الاسبوع القادم 

بلكي يارب ينطونه موعد حتى نخلص من كل التزاماتنا  وبس يبقى ننتظر 
 ايميل الجدولة شوكت يهل 

[يقطينة]

 

[hassan W]

اميـــــــــــــــن ياربي
مايبقى شي غير مواعيد السفر ونرتاح من كل هالحجي

[يقطينة]

اخوية حسن انت كنت بيا ولاية عايش   وشلونها  كانت من حيث الجو والعمل  ؟

[hassan W]

ها يقطينه
اني كنت عايش بساوث داكوتا
الجو بيها بارد لان هي بارده
الشغل متوفر يمنه بشركات محلات عربيه
يعني  خوش ولايه
بس هسه راح اروح لنجمة الشمال مسنوتا ان شاءالله
بعيده عن ولايتي القديمه 4 ساعات

[يقطينة]

يارب تكون ولاية الخير والرزق والتوفيق الكم 

يارب بلكي كلنا بطيارة  واحد يساعد الاخر بتعب السفر

آمين ياربي

[A_FOX]

اخوان السلام عليكم
اشو ضرار ماكو محد ديسال عليه عسى المانع خير
عزيزي رومانو تره يوزر سيف عنده موافقة محلف  ضيفه على الجدول
تحياتي

[يقطينة]

وعليكم السلام ورحمة الله وبركاته
كل الهلا باخونة  فوكس

[A_FOX]

لا والله صدك خاف الولد مريض او صاير شي لا سمح الله
ارجوا ان يكون المانع خير

[A_FOX]

لا عيني يقطينه اليوم لازمه خفاره بالليل يعني لازمه
ضرار منعرف شنو ظروفه يعني اليوم انتي سهرانه للصبح  وشوفينه الرسائل
تحياتي

[يقطينة]

عسى المانع خيرا ياربي

والله ياخوية فوكس كلك ذوق وبارك الله بيك  على افتقادك للاعضاء الغائبيين

[A_FOX]

اخونه ضرار من موؤسسي الجمعيه ولازم نسال عليه
انشاء الله خير

[يقطينة]

يا خفارة  خوية فوكس  بعد نص ساعة اتعزل الجمعية وتصير اتصوصي  

ويمكن هم يصير بيها  حضر تجوال

اشو مرياااااااااااااام ماااااااااااااااااااكو وينها  

[A_FOX]

اي لعد ليش يسمونه خفاره هههههههههههههه

[يقطينة]

هههههههههههههه
اخوية فوكس وين صارت شغلتكم ؟ لحد الان بعدكم بالتجييك الامني اشكد صارلكم اقصد من مقابلة المحلف لحد الان
بلكي يارب الاسبوع الجاي يرسلولكم ايميل جدولة ويخلوكم على جدولة السفر
آمين يارب

[A_FOX]

عزيزتي من مقابلة المحلف لحد الان من 8 \ 8 ومخلص فحص طبي بالشهر 9 وليهسه داانتظر شوكت يخابرون الكفيل
لان لحد الان ممخابرينه واعتقد راح ايخابرونه بالشهر 11 هذا حسب تجارب الاخوه والاخوات اللي قبلنه
بالتوفيق للجميع

[يقطينة]

ان شااااااااااااااااااااااء الله عن قريب  يتصلون بيه  بس يوقع بأذن الله يحطوكم على جدولة السفر 

اني نفس الحالة  الكفيل مالتنه  لحد الان ممتصلين بيه  ... الله كريم مابقى شيء  بالمراحل النهائية ونخلص
من الانتظار 



فرررررررررررررررررررررريت كل الجمعيات اسأل عن اخوية حسن مااااااااكو

 

بس لا بالدردشة 

[A_FOX]

ما بقه بس الدعاء والله يفرج علينه

[يقطينة]

شايفين قبل هيج طيارة 

[يقطينة]

يارب يسهلها عليكم اخوية فوكس وتسافر انت والعائلة وتوصلون بخير وسلامة
 انه سميع مجيب الدعاء

[hassan W]

هلا شنو هالجمعيه الحلوه
هاي
اي فوكس خويه اني سالت عن ضرار اكثر من مره وتكدر ترجع بالصفحات وتشوف بس ماكو واحد جاوبني
ان شاءالله يكون بخير

[ميريام المهاجره]

مساء الوردعليكم جميعا
 والله موجودة اخت يقطينة بس دايره علىمنتديات اخرى من عينكاوا من ماكو شي بجمعيتنا شسوي اضوج ابقى اكول شلونكم وشسويتو تصوري ولدي بالسويد امسوية عليهم انفزبل تدرين ليش ؟ لأن كلساع ناطيلي هاماما شكو ماكو وكلساع اكللهم سلامتكم صافيا دافياالحمدلله هذا ميغني الفكر فأروح اقرالي جم موضوع اوكتاب حلو يدعم موهبتي من كتب الطاقة والتنمية البشرية وكتب تقنيات الحرية النفسية وكتب تطوير الذات والبرمجة اللغوية العصبية واكتب في بعض المنتديات تحت هذه العناوين وبين حين وآخر كولت المصريين اشقر عليكم مخلية جمعيتنا مفتوحة حتىاعرفاخباركم اول باول وانشاءالله يقضان ومحمود وابن الناصرية وحسن وام سوسو وفوكس وكيوت ميموا وووووووووووووووووووالخ في خير وبركة وانشاءالله كلكم محظوظين ومرزوقين جدددددددددددددددددددددا عندIOMالمحروسة بسبع الدجيل وفي كل حياتكم ياررررررررررررررررررررررررررررررررررررررب

[يقطينة]

هلوووووووووووووووووووو اختي العزيزة مريام شلونج ياربي اتكونين بخير والعائلة ايضا

طبعا زين اتسوين اتوسعين اطلاعاتج والامور الي تبحثين بيها  جدا حلوة وياريت  تكتبين النه بين فترة وثانية شلون الواحد
يتعلم التفاؤل  ويبث بروحه الامل عند ما يطول الانتظااااااااااااااااااار
حبيبتي مريام ياريت  تذكرين الفحص الطبي شآخذ وياية بلكي ان شاء الله الكي اسمي موجود لانه رح اتصل بيهم بالاسبوع
المقبل ان شاء الله

يارب الله يسهللكم سفركم وترتاحون وتستقرون
وسلامي لبنتج  وتمنياتي لها بالموفقية

[hassan W]

هلا هلا ببركة المنتدى ميريام الله يخليج خيمه فوك روسنه ياربي وتبقين تهلين علينه بهالدعوات

[hassan W]

يقطينه الورده ماتحتاجين شي بس الجناسي والجوازات
وان شاءالله ياربي الاسم تلكينه موجود

[hassan W]

شنو توقعاتكم هالاسبوع اكو اخبار حلوه او لا

[يقطينة]

ان شآآآآآآآآآآآآآآآآآآآآآآآآآآآآآآآآآآء الله  اخوية حسن

[يقطينة]

ههههههههههههههههه
اني هم كلت شنو  هاي تاتا بس اشو ماكو سكن بيها 

[hassan W]

ان شاءالله اميــــــــــــــــــــــــــــــــــن

[ميريام المهاجره]

والله هاي اول مرة اشوف طيارة خالين بيهه كراسي مال حدايق مثل التاتات اللي جانت صيح دورة بياع من كراج باب المعظم ومن باب الشرجي في العهد المجيد!!!!!!!!!!!!!!!!!

[يقطينة]

يالله اختي مريام انتي افتتحتي الصفحة  يارب تكون خير عليها 
ويكون وجهك وجه السعد علينا كلنا

لون الخط مواضح دائما الوردي مو واضح
رغم هذا بحلقت بالكومبيوتر وقريت الكتابة 
جدا اشكرج حبيبتي مريام 

تسلميـــــــــــــــــــــــــن ياوردة

[mahmood alani]

السلام عليكم
شوووووووووووووووونكم يا حلوين ان شاء الله تمام
شكرا لكل واحد سال عني وبارك الله بيكم جميعا ...
اولا: احب اكول الاخويه رومانو عاشت ايدك على  الاكسل شيت الحلو ومجهود رائع يا اخويه الحبيب بس عندي فد مقرتح صغير نكدر نظيف بعد خليه ونخلي بيه تاريخ وصول موافقة المحلف حتى نكدر نسوي مقارنات او استنتاجات تخص وصول مواعيد السفر والجدوله مع باقي اعضاء المنتدى .
ثانيا: اني صحيح تواجدي قليل بالجمعيه وهذا بسبب شغلي لان دوامي من الساعه 8 الى 4.30 واغلبيتكم يعرف شغل USAIDشكد متعب صحيح اني مرات تلكوني داخل للمنتدى بس اني عايف الكمبيوتر (ههههههههه حتى لحد يعتب عليه ويكول شو داخل بس ميشارك).
اللهم يا رب هاي الصفحة اتكون خير على الجميع وان شاء الله اخر صفحه نفتحه من العراق.
تحياتي للجميع
اخوكم محمود العاني

[يقظان]

السلام عليكم جميعا وصباح مبارك على الجميع واحب ان اضع بين ايدكم الحلقة الثامنة من (ماذا ستفعل عندما تصل امريكا)
الحلقة 8 *
 1..حين تذهب للتسوق في اية اسواق هنا ستجد عند شرائك الخضار مثلا هناك على سبيل المثال طماطم موضوعه في علب بلاستيكيه صغيره انيقه وستجد بمثل اناقتها باكياس بلاستك ونفس القاعدة ستجدها في الفاكهة باي نوع كان كنت اشتري الخظروات والفواكه بعلب البلاستك بالتاكيد فرق التكييس لن يزيد على عدة سنتات وفي نفس الوقت اثناء النقل لن تتضرر الفاكهه او الخضروات وبعد زمن طويل ذهبت للتسوق مع عائله امريكيه واستغربوا اني اشتري بعلب البلاستك وفهمت منهم انني اشتري بسعر المفرد اذ ان العلب هي للمفرد حتى لو اشتريت الف كيلو وكان الفرق بالسعر بين خمسه وعشرين الى اربعين بالميه من السعر ولم اكتشف هذا الا بعد مرور فتره طويله

 2..عند التسوق ستحمل الكثير من الاكياس وعادة يكون مكان الباص بعيدا بعض الشيء عن مركز التسوق طبعا ستتعب وبعض الاكياس تسقط وووو.. اشتري عربة تسوق مثل التي موجوده في الاسواق وهي بسعر بسيط وحين وصولك للباص لا تفكر كيف ستصعدها للباص لان في الباص خاصية ان الجزء القريب من باب الباص ينخفض ويصبح قريبا لمستوى الرصيف لتصد عربة المعوقين او عربات التسوق

 3..ممكن ان تقطع اية مسافه تريد بواسطة الدراجه الهوائه وحين تتعب تقف في محطة الباص وحين قدومه ستجد في مقدمة الباص مستطيل حديدي تضع فيه دراجتك وتصعد الباص وتنزل حيث تشاء بعد ان تفتح المستطيل وتاخذ الدراجه

 4..عند سكنك وانت تتجول واطفالك في المنطقه ستلاحظ الكثير من كرات السله والقدم وبعض الدراجات الهوائيه مرميه في حدائق او امام عمارات احذر ان تاخذها او ياخذها اطفالك لانها عادة تترك هنا لاستخدامها في وقت اخر ولن تجد ايضا بعد وقت ضيرا ان يترك اطفالك دراجاتهم في الشارع بدل من توسيخ البيت ولن يسرقها احد...كلامي هنا عن ثلاثة ولايات اعرف واحدة التي اعيش فيها والاخرتين كلام اصدقاء اثق بهم وربما لا ينطبق هذا على ولايات اخرى

- 5..ستجد قرب حاويه الزباله وارجو الا تفز حين سماعك كلمة حاوية زباله..ستجد بعض الحاجيات متروكه مناضد او بعض الاجهزه الكهربائيه خذ منها ما تشاء دون ان تشعر بالخجل لسببين الاول انها عادة اجتماعيه ليست معيبه اذ انهم يضعون القديم او الفائض قرب الحاويه ولا يضعونه في الحاويه حتى يستفيد منه الاخرون وثانيا انت لم تؤثث بشكل جيد ومنظمة التوطين لن تسد كل احتياجات البيت وانت لم تتعرف على الاسواق بعد ولا على الاسعار لا باس ان تاخذ ما تحتاجة لانك بعد فترة ستكتشف ان كل هذه الاشياء رخيصة ولكن لا تعرف كيف الحصول عليها لهذا بعد فترة ستشتري افضل منها فاحرص على ان تضع الزائد من حاجاتك قرب الحاويه واذا اردت ان ترمي جهازا كهربائيا عاطلا فاحرص على قطع الواير الموصل للكهرباء حتى يعرف الذي يحتاجه انه عاطل ونفس الشيء ينطبق عليك حين تجد جهازا انظر الى الواير موجود او مقطوع واكرر اخوتي انه ليس هناك عيبا على الاطلاق ان تاخذ او ترمي قرب الحاويه الا اذا كان جارك عراقي وتخشى ان يقول عنك ابو الزبل فهذه طبيعتهم ومن الصعب تغييرها

 6..قرب محطات الباصات او المطاعم ستجد اكشاكا فيها جرائد ومجلات بعضها مكتوب عليه فري خذ ما تشاء والبعض الاخر يجب ان تضع قيمة المطبوع في الجهاز وتستلمه قد تبدو هذه ملاحظه ليست مهمه ولكن عليك ان تعرف ان اغلب اعلانات العمل وسوق العمل موجوده في اكشاك الفري لهذا احرص ان تاخذها باستمرار
تحياتي للجميع ودعائي لكم بالتوفيق...اخوكم يقظان

[ميريام المهاجره]

صباح النور أخ يقظان
انشاء الله يوم سعد وبشارةمن الiomعلينا جميعا وشكرا لك نيابة عن جميع اعضاء جمعيتناويارب  الفرج العا جل الكم اولا واحنا وياكم

[A_FOX]

صباح الخير عزيزتي مريام ما شاء الله شنو هذا النشاط من الصبح
يا ريت كل الاعضاء بهذا النشاط الله ينطيج العافيه
مبروك على الصفحه 6 افتتحتها الاخت عبير  انشاء الله خير على هذه الصفحه
تحياتي

[A_FOX]

عزيزي يقضان الله ينطيك الصحه والعافيه على هذا المجهود

[يقظان]

السلام عليكم اخوان ...
اليوم حبيت اجيبلكم كل ما يخطر ابالكم من فواكه وخضر وحاجيات السوق مترجمة الى الانكليزي حته تستفادون منهة من تروحون الى امريكا ان شاء الله وهي بصيغة ملف وورد , ارجو ان تستفادون منه
تحية اليكم ولا اسالكم الا الدعاء فما احوجنا اليه جميعا , الشكر الكبير لمن كتب الموضوع اولا فلست الا ناقلا له, اخوكم الفقير الى دعائكم يقظان

[hassan W]

السلام عليكم شخبركم
افتحتلنه الصفحه العبير ياربي يفوح عبيرها علينه بالاخبار الحلوه ومواعيد السفر يارب

[hassan W]

احويه يقضان بارك الله بيك على هالملعومات هاي الحلقه  الرائعه وحتى لو انت ناقله انت هم تعبان بيه الله ينطيك على كد نيتك ياربي ويوفقك ويقدملك كل ماهو خير عليك

[hassan W]

اي  فوكس شخبارك شكو ماكو باجر بداية اسبوع جديد

[hassan W]

اخويه محمود هلا بيك شخبارك
اخويه الله يكون بعونك ان شاءالله  الله يسهل عليك
يالله احنه عاذرينك مادام بشغلك

[hassan W]

هلا ميريام شخبارج شكو ماكو

[denaa83h4]

السلام عليكم ورحمه الله وبركاته اخوان اني مقابلتي شهر ال11 فا اريد من الي مقابلين شهر العاشر يحجيلي عن المقابله وية المحلفين وشلون جانت وشنو نوع الاسئله ياريت لو تساعدوني واكون شاكرة الكم

[hassan W]

اختي ان شاءالله بالتوفيق مقابله سهله وسلسه
اختي بما انو انتي معاملتج لم شمل
معناها تختلف عن اسئلة البقيه
الاسئله على النحو التالي
شوكت طلع زوجج لامريكا
منين طلع
شوكت اجه للعراق
ماهي التورايخ وشكم مره
شوكت تزوجتي
شلون تعرفتي عليه
وين ساكن
واذا هو موجود بالمقابله بعد احسن
اذا عندج طفل عن تاريخ ولادته
ومعاملتج مثل معاملة زوجتي بالضبط واي استفسار اني حاضر

[يقطينة]

مسااااااااااااااااااااااااااااااااء الخيرات على الجميع

مشكور اخ يقضان على الفائدة من نقل المعلومات الحلوة
 وهذا هم مني الكم موقع تعلم لغة انكليزية جدا روعة
http://ar.talkenglish.com/

هلوووووووووووووووووووووو حسن  اخوية الورد شخبارك
 
اخونة فوكس اليوم الخفارة عليه ويـــــــــــــــــــــــــــــــــــــــــــــــــــــــــــــــــــنه 

هلو مريام  شلونج حبيبتي
denaa83h4 هلا بيج بجمعيتنه منورة  وان شاء الله مقابلة سهلة فقط احفظي القصة  واجعلي الكلام متطابق  مع المقابلة الاولى
اتمنى لك التوفيق

[cutememo]

شكر للخوان يقظان والاخ رومانو وكل الاخوة بالجمعية على المجهود المميز .....واحب ابارك على الصفحة السادسة وان شاء الله صفحة خير على الجميع .... تحياتي

[hassan W]

هلا هلا بالورده يقطينه شخبارج
مشكوره عالرابط ان شاءالله باقي الاخوان يستفادون منه
اخويهcutememoهلا بيك شخبارك

[ميريام المهاجره]

هلو اخوية حسن شلونك انشاءالله بخير شكرا على سؤالك الدائم عني وعن كل اعضاء منتداناالحبيب لك مني ا جمل المنى وشكرا جزيلا للأخت يقطينة ويقظان ومحمود وابن الناصرية الغائب الحاضر وضرار وجورجيا جيرانا وكيوت ميموا ومينا وووووالخ  وانشاءالله شلع كلنا بطيارة وحدة عابرة للقارات كولووووووووووووووووووووووووووووووووووويارب وفرحوا من كل كلبكم من ترددون  التقنية اللي كتبته الكم وشكرا لكرمكم ودعائكم لنا يا احباب الايام العصيبةوشكرا

[hassan W]

هلا بيج اختي ميريام شخبارج
والله اني حيل ضايج شوكت يفرجون عنه الاي او ام
الله يسهل امرنه
يالطيف الطف بحالنه يالطيف
يالطيف الطف بحالنه يالطيف
يالطيف الطف بحالنه يالطيف
يالطيف الطف بحالنه يالطيف

[ابن الناصريه]

مســـــــــــــــــــــاء الخيــــــــــــــــــــــــر شخباركم

[ابن الناصريه]

هلا اختي ميريام شخبارج
شنو هاي الغائب الحاظرهههههههههههههههه
 بس شسوي ماعندي وقت والله
بس كل يوم راح احاول ادخل

[ابن الناصريه]

يقطينه وينج شنو هاي ماموجوده ليش
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ابن الناصريه]

اي فوكس شخبارك وينك ؟؟؟؟؟؟؟؟؟؟؟؟؟؟؟؟؟؟؟

[يقطينة]

مسساااااااااااااااااااااااااااااااااااااااااااااء الخيرات علىعيونكم
هلا وغلا بيج اختي مريام شخبارج زينة ان شاء الله
اخوية كيوتميمو  هلا بيك ان شاء الله تتواصل ويانة
اخوية حسن لالالالالالالالالالالالالالالالالالالالالالا لا تضوج هانت وما بقى شيء  على كولة اختنا جورجيا
 منريد احد يضوج كل واحد يصبر الثاني نريد نكون ايد وحدة
هلا وغلا  باخونة ابن الناصرية  منووووووووووور

[ابن الناصريه]

اخويه يقضان مااعرف شنو اكولك على هذا النشاط بس اكولك اله يسهل عليك ويجعله خير عليك

[يقطينة]

                 

       
         
     
          هياتني آني 

[hassan W]

الله كريم اختي بس شسوي الواحد مابيده شي بس مرات يضوج من كثر الصبر
وان شاءالله احنه ايد وحده وان شاءالله فرحتنه وحده

[ابن الناصريه]

هلا هلا بيقطينه منوره شخبارج شحوالج شسويتي اليوم

[ابن الناصريه]

الله كريم الله كريم ان الله يحب الصابرين

[يقطينة]

وبالمهلي مليون هلا وغلا

كاعدة بالبيت مكابلة عنكاوا   لو بالمطبخ  وشغل البيت
شعدنه غيرهم  
ادعووووولي بلكي يخابروني على فحص طبي الاسبوع القادم  
خو كفيلي يكولي موتيني يومية مخابرتني  

[ابن الناصريه]

هههههههههههههههههه
الله كريم
انتي مثلنا عبالك الامر متوقف على الكفيل وبس
بس اسمعي كلام حسن وانتي اتصلي على ابن البيطار وشوفي ان شاءالله واصل اسمكم

[hassan W]

صدوك كل واحد يكولنه على اي ولايه راح يروح اني راح ابدي اني راح اروح على منسوتا

[ابن الناصريه]

اني ويه نسيبي على منسوتا

[يقطينة]

مااااااااااااااااااشي  بكرى اتصل بيهم مثل ما كال اخوية حسن

وبلكي يارب
آآآآآآآآآآآآآآني بأذن الله مشيكاااااااااااان

[hassan W]

ان شاءالله تلكين اسمج وتفرحينه
وتفرحين بعد
حتى ميبقى شي
وان شاءالله ولاية الخير عليج

[ابن الناصريه]

ان شاءالله خير عليج وحياة سعيده هناك
ان شاءالله تفرحينه باجر وتلكين اسمائكم واصله

[hassan W]

شنو هاي يقطينه لعد ليش مفرحتينه وياج هاي معناها انتي بالمراحل النهائيه للتجييك الامني

يقطينة
عضو فعال جدا

 متصل

رسائل: 82


    رد: جمعية المقابلين محلف IOM بغــداد شـهر الخــامس..في اميركا
« رد #546 في: أكتوبر 28, 2010, 04:07:44 pm »   

--------------------------------------------------------------------------------

اخوواني الاعزاء شلونكم 

يارب تتحقق كل امانيكم بالسفر والاستقرار

حبيت اوجه سؤال للاخت مينا
وردني ايميل بيه الرمز  RKH

ويكولون بيه انه تحت التجييك الامني الطبيعي الروتيني
اختى اتذكر مثل هذا الرمز اجاج بايميل الجدولة صحيح ام لا؟
وعندما وصل اليك هذا الرمز متى اعطوك موعد سفر
وشكرا لك اختي

وانتظر جوابك مع تمنياتي لك وللجميع بالخير
اختك يقطيتة

[يقطينة]

مشكووووووووووووووووووووووووووورين يا احلى اخوان  بارك الله بيكم
 وانتم ايضا اسال الله ان يجمع شملكم كلكم
          



              آمين ياربي

[يقطينة]

صددددددددددددددددددددددددك ؟؟ اخوية  حسن  ما اعرف الى شنو يرمز هذا الرمز
اجاني بايميل ويكولي انتي تحت التجييك الامني الطبيعي الروتيني
 بس الله عليك خوية حسن صدك هذا يعني المراحل الاخيرة  
اخوية ساحر بغداد قالي الله ينطيه العافية انه قريب النهاية  
 اخوية حسن ياوردة يحفظلك الاهل كلهم ياربي ويسهلك اذا تعرف  شيء عن هذا الرمز كولي  

[hassan W]

اي والله اني حسب مااعرف هيجي وتكدرين تتاكدين من مينا هي راده عليج البنيه

[يقطينة]

مشكوووووووووور اخوية حسن على التنبيه مكنت منتبهة على رد الاخت مينا
تسلم وتعيش يارب يوم سفرك وتستقر وترتاح

[hassan W]

ساحر بغداد
عضو فعال جدا

 متصل

رسائل: 244



     رد: اخواااااان ادخلوووو لقد ثبتت الرؤيا بخصوص الأحرف الثلاثة التي ترافق عنوان ايميلات الIOM.
« رد #40 في: أكتوبر 28, 2010, 04:28:28 pm »   

--------------------------------------------------------------------------------

كلج ذوق اخت يقطينة...
الأن استطيع ان اجزم بأن الرمز RKH‏ هو رمز تنفيذي يعني مو روتيني..
بمعنى ان الملف دخل الى نهاية مرحلة معينة او الأنتهاء من مرحلة مهمة عند المنظمة كأن تكون نهاية التأكد من معلومات صاحب الكيس او الأنتهاء من جمع معلومات صاحب الكيس عندما يكون في التجييك الأمني...
بأختصار....
الرمز يشير بأنتهاء مرحلة مهمة من مراحل الكيس... والله اعلم. لأنها تخميني الشخصي.
 
 تنبيه للمراقب    سجل 

--------------------------------------------------------------------------------
 

[يقطينة]

الله يسمع منك اخوية هي كلها تخمينات وبقت يم ربك يسهلها علينة وعلى الجميع