ضابط في الجيش العراقي

[عصفورالنار]

السلام عليكم اخواني واخواتي ...

اني ضابط في الجيش العراقي الحالي .ومقدم على iom بغداد قابلت مقابله اولى يوم 2-8 -2010 علما ان سير خدمتي في الجيش لم تكن في اجهزه حساسه .طبعا هذا الكلام كله كتله للي قابلني بدون اي كذب او تحريف وحتى هويتي العسكريه هم راويتهه اله سؤالي هل كوني ضابط ممكن ايلوصهه عليه ويعتبروهه نقطه ضدي وهل اذا تم رفضي فهل يؤثر ذللك على عائلتي الذينه معي في نفس الكيس .علما اني لست مقدم الطلب الرئيسي بل هيه زوجتي
.
ارجو مساعدتي من اصحاب الخبره في هذا الموقع الرائع .والله ايسهلهه علينه وعليكم اجمعين.

[Aiham_]

عيني خلي ب بالك انو كل الاوراق و المستندات الي تقدم الى كل من الاي او ام و الاس اي في خاضعة لسرية تامة من قبل السلطات الامريكية و همة حريصين كل الحرص على سرية الهويات و المعلومات المقدمة من قبل طالبي اللجوء و الهجرة و هذا الشي تم تاكيدا من مسؤولين البرنامجين من خلال تحقيق صحفي طلع على قناة الحرة عراق و شفتة بعيني

[شـهــرزاد]

اخي الكريم (عصفورالنار )

موضوعك يعتمد على قناعة المحلف بك كلاجئ

وانت بديت بداية جيدة جدا انك قلت الصدق وكنت واضح معهم

وان شاء الله يتم الموافقة عليك

وان شاء الله الاعضاء الي عدهم خبرة بهذا الموضوع يفيدوك اكثر 

تحياتي لك

[لورنس السفاح]

اخي الكريم حسب معلوماتي
عادي جدا ,, وهوايه ضباط طلعوا لامريكا
المهم المحلف يقتنع بكلامكم
بس اتصور الامنية شوية اطول بسبب العسكرية
تحياتي

[مشلوع كلبي]

اخويه انشالله خير لان انت بالجيش العراقى الحالي مو القديم لان انى اخو زوجى ضابط سابقا وصارله من 2005 عايش بلبنان ومقدم على UN وطلع الهم توطين 2006 لامريكا وانقبلو من العائله بس زوجته وبنته وانرفض هو واولاده اثنين واستئنف وانرفض مرة ثانيه وللان عايشين بلبنان والله يسرلك لان الجيش الحالى اكو عوائل شفت هنا نفس حالتك يعنى اطمئن انشالله خير

[احمد سلطان]

موشرط اخى العزيز انى اعرف شخصيا ضباط وطيارين وحاليا بامريكا كلها حسب قضيتك وقناعة المحلف ومن اللة التوفيق