فحص طبي IOM الاردن عـــــــاجل

[usairaq]

شباب اني مكمل مقابلة المحلفين من شهر الواحد ومستلم النتيجة بالموافقة والحمد لله
وكملت هم الدورة التثقيفية قبل حوالي شهر بس تاخرت لان اجاني طفل والحمد لله
وضفت الطفل يوم 3 من هذا الشهر جان عندي مقابلة وية المحلفين والحمد لله انضاف الطفل
بس هسة مبقالي بس الفحص الطبي واشو محددولي موعد بعد ... رجاءا الي اتصلوا بي على فحوصات طبية يذكر شوكت اتصلوا بي واكو هسة مواعيد للفحوصات الطبية لو لا
وبعدين اخوان اني هم الي علاقة بيوم النتائج مال محلفين الي هو يوم 4/9/2010 لو باعتباري مكمل كلشي وعندي بس اضافة طفل ما الي علاقة بي رجاااااءا وضحوا لي لان اخوكم حااااااير

 وتحياتي للجميع

[الاسد الجامح]

السلام عليكم
اخوي العزيز اني نفس قضيتك
استلمت الظرف 11\7\2009 والموافقة الامنية جاية
وسويت مقابلة محلفين لاضافة الطفل يوم 2\8 يعني قبلك بيوم
لا اخوي الطفل ما يحتاج ننتظر الى 4\9 حسب ما كالو الاخوان الي مسوين
اضافة طفل قبلنا ومن سالت ال IOM كالو لا ما يحتاج
فقط يسوله فحص طبي ولي هسا انتظر يخابروني على فحص
واول ما يخابروني انطيك خبر
 

[usairaq]

شكرا اخوية الاسد الجامح على جوابك السريع
اني صدك نفس قصتك وهم الامنية مالتي كاملة بس اني مستلم الظرف يوم 20/3/2010
وهسة دا انتظر الفحص الطبي وموعد السفر والله كريم
الله يسهل على الجميع ان شاء الله وان شاء الله نسمع الاخبار الحلوة قريبــــــــــــــــــــــــــــــــا 

[usairaq]

شباب اني اشو محد خابرني الى هسة والجماعة بدوا ينطون مواعيد للفحص الطبي
والله ضل بالي

[الاسد الجامح]

ان الله مع الصابرين

[حبيبي بحار]

اخوية العزيز

لازم تخلي ببالك انه الموافقة الامنية صلاحيتها 6 اشهر فقط وكذلك الفحص الطبي، لازم تسأل على الموافقة الامنية ايضاً ، دز ايميل للمنظمة واستفسر بيها عن وضعك.

اختك حبيبي بحار

[^Miss Violet ^]

اخوية اني مقابلة يوم 29.7 وليهسة ما خابروا على الفحص

عادي ننتظر الله كريم

[ريم عبد]

ان شاء الله يتصلون بيكم عن قريب
مدام بدت الاتصالات فهي مسالة ايام  ولتقلقون

[usairaq]

اخوان اشكركم على ردودكم بس مدا افتهم يعني اضافة الطفل تاخذ وقت لو هاهية من قابلنة المحلفين انظاف الطفل
لو اكو اجراء يسووا همة بحيث ياخذ وقت

وبالنسبة للامنية يمعودين خليتوا بالي يعني اني الامنية مالتي جتي من شهر الواحد فشنو يعني هسة صارت اكسباير
وللعلم اني صار داز ايميلين للمنظمة بس لا حس ولا خبر لا خابروني ولا ردوا علية..

اخوان بس فدوة فهموني شغلة الامنية صدك 6 شهور وتصير اكسباير ,,, واذا صدك صارت اكسباير شنو الي لازم اسوي وشكد طول الامنية الجديدة ؟؟؟؟

[ريم عبد]

اخي الامنيه متصير اكسباير الا بعد سنه
وان شاء الله اتلحك اتخلص قبل متصير اكسباير

[بغداد بقلبي]

اخويه الغالي
انته امخلص كل ششيء تقريبا والفحص الطبي شغلته سريعه جدا وتخلص بيومين وان شاء الله راح تنحط على خط السفر وبالموفقه وتوصل بالسلامه اهم شيء الامنيه مالتك جاهزة بالنسبه لعدم جوابهم عليك تره عندهم ضغط فظيع ومعناها انه شغلتك قريبه ان شاء الله اطمن

[usairaq]

اخت ريم شكرا على جوابج المشجع وان شاء الله تكون معلوماتج اكيدة مليون ب % والله يسهلهة علينة وعليكم امين

وجزيل الشكر الك اخوية بغداد بقلبي على التعليق الحلو الي صدك هو مطلوب بهيج ايام لان صدك يرفع المعنويات ويقلل الهموم
الله يبارك بيك ويسهل امرك ان شاء الله.

[الاسد الجامح]

اخوي العزيز
اليوم الساعة 1 الظهر خابروني على الفحص الطبي يوم الاحد

انت صار وياك شي