جماعة المستلمين الكوم والذين ارسلوا اوراقهم لنبراسكا

[general_medo]

شباب اذا ممكن المساعدة في هذا الموضوع الذي سبب لي وجع الراس
استلمت الكوم ابروفال قبل شهر من الان بعد عام من الانتظار وارسلت اوراقي بعدها مباشرة لانها كانت جاهزة الى نبراسكا ووصلت عن طريق الدي اج ال واستلمت من قبل شخص اسمه  R HOTOPP يوم 2-8-2010
سؤالي هو متى ممكن استلم رد حسب توقعكم وهل سأستلم منهم ايميل حسب ما فهمت ان هذه الدائرة في نبراسكا ستحول اوراقي الى ال NVC خلال مدة اقصاها شهر وكيف سيتم اشعاري بهذا الامر علما اني اعطيت عنوان الدي اج ال وليس عنوان معسكر او شخص بامريكا فهل ساستلم الجواب عبر الدي اج ال ايضا او عبر ايميل ارجو المساعدة من اهل الخبرة وشكرا لكل من يساهم في اعطائي معلومة حول هذه المرحلة مقدما
تحياتي
general_medo

[مالايكي]

اه  اشوكت انضم الكم

اخويه انت كلت سنه يلله اجاك الابروفال  من تاريخ السفارة لو من اول رساله
حسب سؤالك اعتقد مثل ماكلت خلال شهر
اعتقد عن طريق الايميل
على العموم اذا عن طريق ال دي اج ال     هم اكيد راح يكلولك

بس اعتقد على الايميل

والجماعه ميقصروون

بالتوفيق

[general_medo]

حبيب قلبي ان شاء الله تنظم النه والله يسهلك بالنسبة للموافقة يعني الكوم ابروفال اجاني بعد 11 شهر من اول ايميل دزيته يعني اول رسالة اني دزيت اوراقي يوم 24_8_2009 هذه اول ايميل ادزه كملت اوراقي واجاني رد بشهر العاشر من نفس السنة انه جميع اوراقي الضرورية المطلوبة كملت وعليك ان تنتظر وانتظرت الى يوم 10-7-2010 بالتحديد اجاني الابروف بعد رحلة معاناة فقدت الامل فيها من الموافقة واشكرك حبي علة جوابك ارجو من بقية الاعضاء التفاعل مع الموضوع وينطوني جواب تحياتي للجميع

[echo 9]

السلام عليكم
- اخي العزيز general_medo
بالنسبة للريسيبت البيها ال LINXXXXXX انته المفروض تستلمها عن طريق العنوان مال ال C/O اللي انته مخلليه فاذا انته مخللي عنوان الدي اتش ال المفروض تستلم هاي الرسالة منهم ,بالنسبة لي انا مخللي بالاستمارة 360 عنوان صديق بامريكا ووصلته الرسالة البيها الريسيبت وارسلها لي بدوره .
بالنسبة لي انا استلمت رسالة من ال NVC بعد 12 يوم تقريبا من استلام نبراسكا لاوراقي ورسالة ال NVC البيها يريدون الفورمات دي اس 234و230 وعقد الزواج والعدم محكومية وغيرها من مستمسكات
فانته اخوي العزيز بحيل الله تستلم الرسالة من الان في سي هالايام بس انته خابر على الدي اتش ال وتاكد من وصول رسالة الريسيبت الهم .
- اخي العزيز رامي البابلي ان شاء الله ما تطول شغلتك بحق شهر رمضان شهر الطاعة و الصيام وبجاه كل من اله جاه عند الله
واتمنى لكم التوفيق
Echo 9

[general_medo]

حبي ايكو اشكرك عالجواب لكن ماهو LINXXXXXX وكيف استلمه اذا لم اضع عنوان شخص بال co لاني وضعت عنوان الدي اج ال واعتقد ان هذه الطريقة مجربة من قبل ارجو الافادة ومشكور مرة ثانية عالرد واذا
بالنسبة للرد استلمه من الدي اج ال نفسهه يعني تقصد اخابر اتاكد منهم

[لا اسم]

اولا سجلني وياك بس من هسه اني ادوام يومين بالأسبوع هههههههههههههه (المدير عرف )


راجع الدي اج ال خابرهم اعتقد الرد يرجعوا الهم

حبايب  

[Linda1]

اخي صاحب الموضوع,


 راسل DHL وشوف اذا استلموا الرساله من الNVC لان الرساله راح تجيك على العنوان الي انت حاطه..والLIN xxxxxxهو رقم الرساله مالتك بالNVC الي راح تستلمها منهم وهذا الرقم نكدر تجيك بيه بعدين القضيه مالتك وين وصلت بالNVC بس تدخل على الموقع .www.USCIS.com وبعدها Check status تشوف قضيتك وين وصلت  بالNVC...بالتوفيق.

تحياتي
Linda

[عراقي هواي]

والله اخي لو تتصل بالدي اج الله او تروحا الهم .زيين هم متصلوا بيك .اني البارحة سلمتهم الاوراق ودفعت تكلفه الشحن واخذوا رقم تلفوني .وكالو ثلاثه الى اربعه ايام توصل اوراقك.اتمنالك التوفيق اخي. زين هذا الشخص اللي استلمه للمعامله  متكدر تتصل بيه وتابع اوراقك لو صعبه.طبعا الاخوان هم كالو خلي عنوان الدي اج ال وكنت متحمس للفكرة بعدين الله سبحانه وتعالى بعث واحد انطاني عنوانه وخليته بالاستمارة i360والله كريم

[general_medo]

حبيبي عراقي هواي
اشكرك علة ردك عالموضوع وخوش فكرة ان اتصل بالدي اج ال همة ما اتصلو بيه بالنسبة لاوراقك توصل خلال 9 او 10 ايام وتكدر تتبعهه عالنت بالنسبة للشخص اللي استلمهه ما اكدر اتصل بي واشكرك مرة ثانية .


اخت لندا شكرا الج ايضا نورتيني الله ينورك وبارك الله بيك اختي العزيزة


اخي العزيز بلا اسم نورتنا الله ينورك
حبايب الله يوفقكم جميعا عله هاي الروح الحلوة واتمنى تتواصلون

[general_medo]

حبايبي اليوم جيكت الايميل ودازيلي رسالة من ال NSC المهم بيهه انه اني لازم اخلي عنوان بي APO وما ممكن ان يدزون هاي الاوراق الي علة العنوان اللي خليته بال I360 لانه الاوراق يعتبروهه سرية من حسن حظي قبل كم يوم واحد من اصدقائي اخذت العنوان الكامل مالته ودزيته وبقت علة الله وبالمناسبه رقم الرسالة ال LIN xxxxxx كان موضوع بالايميل

[عراقي هواي]

الله يسهل لك كل امورك وبالتوفيق

[general_medo]

حبي عراقي هواي الله يسهل للجميع واشكر كل من ساهم بالجواب عن اسئلتي الحمد لله اليوم استلمت موافقة ال NF Approval  لكن ما اعرف شنو الخطوة القادمة اذا ممكن تنوروني حسب ما انذكر لي بالايميل انه علي ان انتظر فترة 4 اسابيع لكن شنو هاي فترة الانتظار هل هي انتظار ان يتم الاتصال بي من NVC او من ال DOS وليش ذاكرلي بالايميل انه يتم الاتصال بية من واحد من هذه المكاتب زين شنوة ال DOS حسب مافتهمت اني بمجرد الموافقة من نبراسكا المفروض تروح لل NVC وهمة يتصلون بيه ارجو مساعدتي بهاي الاسئلة ومشكورين مقدما حبايبي تعبتكم وياية وان شاء الله متقصرون بمساعدة احد والله يوفقكم اجمعين

[عراقي هواي]

والله لو الاخ ايكو بلكي يشوف الموضوع ويجاوب لانه هو تقريبا اخر واحد خلص هاي المرحلة .بس عندي سؤال انت ذكرت انه اكدر اتابع اوراقي وين وصلت بلكي تذكرلي اشلون اذا ماكو زحمه .مشكور مقدما وانشالله تفرحنه باخبارك الحلوة

[general_medo]

حبوبي عراقي هواي اكو رقم بالرسيت يتكون من عشرة ارقام يتوسط الصفحة اللي اخذتهه من الدي اج ال تكدر تطب علة موقع الدي اج ال اللي هوة www.DHL.com موجودة فقرة بالصفحة هية tracking وتدخل رقمك وتشوف وين وصلت بيا دولة هية عموما عشرة ايام تقريبا اذا اوراقك تطلع من بغداد بنفس اليوم اني اخذت من عندي تقريبا 13 يوم وان شاء الله بالتوفيق واذا تحتاج بعد مساعدة اني حاضر وتتدلل

[عراقي هواي]

مولاي الجنرال الله يوفقك سويت مثل مكتلي وطلعتلي لسته قسم مفتهمت منه كلشي بس اكو شغلات فهمتهه يكول هنا بتارخ كذا الساعه كذا طلع  البريد من بغداد وبوقت كذا وصل للبحرين وبعدين امستردام وهسه بالمانيا اكو هيج شي لو اني رايح بالغلط واشكرك مرة ثانيه اخويه الجنرال وهم ضامك للكلفات القويه وانت تدري بعد ورانه الدي اسات هاي مو مارسيدس ههههههههههه اقصد الاستمارات 230 و234 الله يسهل  عليك وعلينا وعلى كل طيب بحق الشهر الفضيل

[general_medo]

حبيب قلبي عراقي هواي تتدلل وتامر امر كلهه 3 او 4 ايام توصل اوراقك ان شاء الله لنبراسكا ووراهه ب 10 ايام تجيك الموافقة منهم وتتحول علة الان في سي وتنتظر مثلي
بالنسبة لمتابعة الاوراق مضبوطة شغلتك 100% اني هم راحت للبحرين وبعدين للامارات ووراهه المانيا وبعدين لولاية امريكية وبعدين نبراسكا ان شاء الله بالتوفيق واني حاضر لاي مساعدة حبي

[عراقي هواي]

ربي يحفظك ويسهل امورك وهذا من اصلك يا طيب.

[لا اسم]

أعزائي اني اشو لا وصلني شي و نامت الظاهر بنراسكا المعاملة
شنو رأيكم؟

[عراقي هواي]

الله كريم صديقي انشالله يجيك خبر سريع منهم الصبر انت قبل اشكد دزيت اوراقك؟

[general_medo]

حبيبي بلا اسم قبل شكد دزيتهه لاوراقك اولا وثانيا هل تتبعت اوراقك عالنت هل علمت انهم استلموا الاوراق لانه بعد اسبوع الى 10 ايام من استلامهم الاوراق ممكن يجاوبوك بالموافقة ان شاء الله ايضا عليك ان لاتنسى فترة وصول الاوراق من بغداد الى نبراسكا وهي ايضا تقريبا 10 ايام يعني خلال 3 اسابيع من يوم ارسالك الاوراق ان شاء الله تتلقى خبر من نبراسكا
واي شي تريد اني بالخدمة

[لا اسم]

عراقي هواي - جنيرال ميدو  اعزائي مشكورين على اهتمامكم
هو بعد هاي الخطوة احنا بكل الاحوال راح ننتظر رسالة على الايميل مو؟
مشكوريييييييييييييييييييييييييييين

[عراقي هواي]

اكيد راح يدزولك ايميل يكولون بيه انه موافقين على قضيتك وتتحول على الخطوة التاليه اللي يطلبون بيهه المستندات وهم راح تدخل مراجعه اداريه وبعدين مراجعة امنيه والله كريم ربي يسهل لكل طيب