زيارة ...هل توثر؟ وشنو الاسباب المقبوله للذكر امام اللجنه

[Dollar]

شباب سلام عليكم.  اني جنت من سكنه بغداد بس هسه مهجر بسبب التهديد الغير محافظة...قبل جم شهر رحت البغداد بشغله خاصه...كلت خلي اجيك الوضع بي مجال ارجع لو لا ..واني مقدم على ال اي او ام ..وشفت الوضعيه تعبانه مو مال رجعه...واريد اذكر هاي روحتي البغداد اذا سالوني بس شنو الاسباب المقنعه الي اكدر اذكره الهاي الزياره؟؟؟اذا سالوني ليش رحت ما اكدر اكول شغله خاصه و زيارة اقارب.. اهل الخبره يمكن يساعدوني بطرح اسباب قد تكون مقبوله و منطقيه.

شكرا للكل

[احمد سلطان]

اخوية اصلا ماكو داعى تكلهم وخير الكلام ماقل ودل

[Dollar]

والله اخويه اني ردت اكول تدري ليش؟ لان اني حاليا بكردستان وبوكته  صدك ضجت من وره الكفيل الي لازم يكفلني اهنا .و شغل ماكو اذا متحجي كردي .وايجار غالي..فرحت كلت خلي اشوف الوضع اذا زين ارجع الى ان تجي موعد مقابلتي....

[** يدكو **]

مثل ماكال الاخ مايحتاج تكول الهم انو كنت بكردستان احتمال يكولولك لعد ابقى بيها وماكو خطر عليك اتمنى ان تدرس الموضوع اكثر من كل النواحي واصلا هما شمدريهم انت كنت خارج بغداد 

[Dollar]

مثل ماكال الاخ مايحتاج تكول الهم انو كنت بكردستان احتمال يكولولك لعد ابقى بيها وماكو خطر عليك اتمنى ان تدرس الموضوع اكثر من كل النواحي واصلا هما شمدريهم انت كنت خارج بغداد 

حبي الغالي يدكو.

هم يعرفون اني بكردستان حاليا..اولا من خلال اول ايميل دزيته الهم وصارت امور و اسئله اضطريت ان اكلهم اني خارج بعداد..ثانيا عندي تقرير امني من شركة الحمايه مال شركتي بخصوص التهديد و مثبت بي انو اني نقلوني للشمال من وره التهديد.

هو هذا الخايف منه اني يكلولي انت ابامان هسه اهناك ماكو داعي اتقدم.. فلهذا اريد الكه حجه الروحتي البغداد.

ما ادري الصالحي اكول رجعت البغداد ؟؟؟؟؟؟؟ حته يعرفون حياتي مهددة.    لو   مو الصالحي اكول رجعت البغداد؟؟؟؟؟ هسه يكلون اذا مهدد شلون رجعت لعد.... والله حيره

[ريم عبد]

اخي اذا انت حاليا بكردستان فماكو داعي تذكر انت عندك زيارات لبغداد
اما اذا انت حاليا دتقدم وانت في بغداد فتكدر ادكول حاولت اشتغل بكردستان بس الضروف صعبه ومكدرت ادبر عيشتي بيها
وحاول اتقلل من الحجي الي ميفيد قضيتك

[مــــان]

اذا انت بكردستان وعايش هناك ومهدد في بغداد

لتذكر انه اجيت لبغداد حيكلولك اشو منا تكول مهدد وهسه تكول سويتلي زيارة لبغداد

بعديين ركز بشغلات ثانية ترة هذا الحجي ميفيد قضيتك

تحياتي

Yasir - Cairo

[Dollar]

شكرا اخوان خوات..والله الواحد من فد شغله اتخصه ميكدر يوصل للحل الصحيح.. و ارائكم وافكاركم اتساعد.

مو اني بصراحه اتهددت قبل سنتين و طلعت...كلت اذا سالني ليش مترجع هسه فات سنتين يعني كلت ابينلهم انو رجعت بس محسيت ابامان.

المهم اشكركم.

[حبيبي بحار]

اخوية العزيز

ماكو اي داعي تذكر زيارتك لبغداد، انته تهددت وطلعت من بغداد لغير محافظة، همة راح يسألوك ليش مترجع، لازم تبينلهم انه الوضع بعده مو آمن بالمنطقة.

تمنياتي اللك بالموفقية

اختك حبيبي بحار

[Dollar]

والله اخت حبيبي بحار هي هاي السوالين حاير بيه.

الاول اذا كلي ليش مترجع هسه لان فات سنتين.....قاريد ابينله انو رجعت خمنت الوضع شفت انو بعده مو امن.

الثاني يكلي اذا انت بامان هسه بالمحافظه الانت بيه ليش تريد تطلع...فاريد ابينله انو ما مرتاح و حاولت ارجع بس مترهم.

ساعدوني بالمقاش و التفكير رجاء

[ريم عبد]

اخي دولار كلنا انسئلنا هذا السؤال
ادكله اني مهدد واذا ارجع اعرض حياتي للخطر وهاي مو شغلة مغامره واجرب بيها اذا رجعت اتعرض للقتل
وبالنسبه لوضعك بكردستان فهي اقامه مؤقته بس لغرض استمرار العيش لان مامو غير ملجا
لكن بكردستان اصلا مينطوك اقامه دائمه ولا تكدر تستمر فتره طويله هناك
هم العيشه غاليه وشغل ماكو واستغلال من قبل الكفيل وعدم استقرار وباي وقت معرض لتسفيرك

[Hanar]

اخي لا تدير بال كونك ساكن في اربيل بشكل مؤقت ابد ما ياثر على موافقة المحلف

انا احجيلك عن تجارب هوايه ناس اعرفهم من موصل و كركوك و بغداد جانوا ساكنين باربيل قدموا ع اي او ام و صارلهم زمان في امريكا

راح اكتبلك ع الخاص

[Dollar]

والله اخت هنار اكون مشكور الج ..لان شايل هم وما ادري شنو موقفي ولا اعرف حالات مشابه الحالتي و اشصار بيهم.

تحياتي للكل

Dollar

[حبيبي بحار]

شوف اخوية العزيز

همة يعرفون اكو ملايين من المهجرين الداخليين الى مكدرو يطلعون الى الخارج او يرجعون لاماكنهم الاصلية، تعال تنحجي الواقع، ببغداد ممقسمة حالياً الى مناطق سنية وشيعية، يعني السنة الي تهجروا كدرو يرجعون الى مناطق شيعية لو العكس صار.

وحالياً الوضع الامني ديسير من سئ الى اسواء حسب مادا اشوف بالاخبار.

وبالنسبة لاربيل تكدر تكول انه من الصعوبات الي تواجهك هية اللغة، اللغة الرسمية هناك هية الكردية، وانت عايش هناك وتعرف الصعوبات الي دتواجهك اذكرها كلها.

والله يوفقك

اختك حبيبي بحار

[ميريام المهاجره]

اخي دولار الله لايحير عبده والله يساعدك على هذا القلق لأن االمنظمة مو واحدتكدر باي وقت تروح وتفضفضله التجأا الى دعاء الفرج والتزم بنصائح الأخوه ريم عبد وحبيبتي بحار
والدعاء/ لااله الا الله الحليم الكريم
لا اله الا الله العلي العظيم
لا اله الا الله رب السموات السبع ورب العرش العظيم /دائما ردد هذا الدعاء بعد صلاة الفجر
ميريام المهاجره