السلام عليكم
بالنسبه لعدم المحكوميه ، مثل ما كال الاخ "الحافي" من مركز شرطه العلويه ، تاخذ صورتين او اربعه (ما اذكر بالضبط) والوثائق الاربعه المعتاده هويه احوال مدنيه + شهاده جنسيه + بطاقه سكن + بطاقه تمونيه ، وتروح بكل بساطه اتطلع وحده ، تواقيع واستنساخ واخذ بصمات واصعد درج وانزل درج وتخلص بكل بساطه ، وينطوك رقم وموعد تجي تستلمها ..
بالنسبه لشهاده الصحه الدوليه ، مممممم ، ما سامع بيها ، بس جرب ان تسال بالمركز الصحي الي بالصالحيه ، لان حسب ما اذكر هو هذا المركز الي يسوي فحص للوافدين للبلد (العراق يعني) يعني الي يجون من سفر ، فربما همه يندلون او ممكن يوجهوك ، وهذا صاير بالصالحيه ، الشارع المؤدي الي جسر السنك ، قرب مكتب الخطوط الجويه العراقيه.
ويا ريت اذا احد من الاخوان يعرف معلومات اكثر عن شهاه الصحه الدوليه بلكي يساعدك.
و اكو احتمال ثاني ، المركز الطبي الي يسوي فحص للاشخاص الي على برنامج ال IOM هماتين يسوي فحص للطلاب الي محصلين بعثات دراسيه ، فربما ممكن ان تسال هناك عن شهاده الصحه الدوليه .
بالتوفيق واتمنى من الاخوان الي عنده اي معلومه اضافيه ان يذكرها
وشكرا
علي SIV مرحله بحر الظلمات
