الهجره الى امريكا

[علي منتصر]

السلام عليكم اريد ان اعرف من الساده الاعضاء كيف اقدم على اللجوء الى امريكا انا اسمي علي من العراق ويكون التقديم من بغداد لو من غير مكان

[ahm]

الاخ الغالي اذا كنت مشتغل وي القوات الامريكية  مثلا مترجم او اي شغلة اخرى تقدر تقدم من بغداد على  siv  او iom

واذا مامشتغل وي الامريكان لازم تطلع خارج العراق وتقدم على مكتب اليوان الموجود في دول الجوار 

 تحياتي لشخصك الكريم

[Ali from baghdad]

السلام عليكم

مثل ما ذكر الاخ الكريم ، وايضا اذا عندك احد من العائله مشتغل ويا الامريكان او الشركات الامريكيه او شركات ماخذه عقود من جهات امريكيه ، هم تكدر اتقدم للهجره على ال IOM من بغداد انته وافراد عائلتك.

http://www.ankawa.com/forum/index.php/board,207.0.html

اقرا هذا القسم وشوف المواضيع بيه بالاول وانته تصير عدك فكره زينه عن اللجوء IOM سواء من بغداد او دول الجوار ، وعن الهجره SIV اذا من بغداد.

شكرا

علي SIV مرحله بحر الظلمات

[النورس جوناثان]

عزيزي علي المحترم انا ايضا مثلك اسال نفس السؤال وقد اجابوني الاخوة الرائعين في هذا المنتدى الرائع فعلا باستطاعتك التقديم على الاي او ا م اذا كنت مشتغل ويا الامريكان فقط بس اذا ماعندك أي علاقة بالامريكان فانتا مثلي وما عدنا غير الله سبحانه وتعالى  ثم احدى دول الجوار تركيا او سوريا او لبنان او الاردن وما انصحك بسوريا لان حيييييييييييييييييييييييييييل اتطول واحتمال اصلا ماكو أي امل بيها والله اعلم ..
واتمنى اكون افدتك بشي

[مهندس مدني]

مرحبا
واذا ممشتغل ويه الامريكان .. وعندك قريب من الدرجه الاولى . اخ - اخت - ام - اب - ابن ... ممكن وتنشمل بالفقره السادسه على ان يقدمولك اقربائك على الفورم I-130 من امريكا >>> وتنتظر اتصال من IOM >>
مع تحياتي القلبيه

[emigrant2]

الاخ الغالي اذا كنت مشتغل وي القوات الامريكية  مثلا مترجم او اي شغلة اخرى تقدر تقدم من بغداد على  siv  او iom

واذا مامشتغل وي الامريكان لازم تطلع خارج العراق وتقدم على مكتب اليوان الموجود في دول الجوار 

 تحياتي لشخصك الكريم

اخويا AHM اخواني رجاء

كولي ممكن التقديم على SIV اذا كانت مدة العمل اقل من سنة ؟؟؟؟
واذا تعرف هسة اكو تقديم لولا

وشكرا لكل سيرد على السؤال

[ahm]

الاخ الغالي استفسرتلك عن سؤالك من احد الاخوة وكان جوابه كالاتي : لايجوز التقديم على siv اذا كانت المدة اقل من سنة شرط البرنامج مال الهجرة يقول يجب ان يكون مدة العمل من سنة وفوك اقل من سنة مايصير والتقديم مستمر حاليا وموجود وهذا الكلام حسب رد الاخ اللي سالته الك وكان هذا جوابه . اتمنالك التوفيق والله يسهل امرك وامور الجميع

 تقبل تحياتي واحترامي لشخصك الكريم

[لورنس السفاح]

بالتوفيق ان شاءالله

[untr]

اخويه ابو حسين اني انصحك تروح تقدم في تركيا اذا ما مشتغل ويه الامريكان المده سريعه بس اكو صعوبه بل لغه تحاول تتعلمهه واذا تحتاج اي شي اني حاضر اني استقبلك اخويه حته لو وياك 100 نفر اخوك علي مدينه

[kunda]

هو الاخ غير يجاوب علمود نقدر نساعده

[kratos87]

السلام عليكم اخوان اني سؤالي مو على الهجرة بس اعتقد الاخوة مشتغلين مترجمين...... بالنسبة الي اشتغلت في قاعدة بلد يوم واحد وتركت العمل .. ورجعت للبيت تندمت... اتصلت باحد الاخوان يشتغل وية شركة GLS  الكائنة في قاعدة بلد واخبرني بانهم بعد ميقبلوني ... اذا اقدم على شركة GLS  بغداد تتوقعون يوافقون على تعييني ارجو الرد رجاء