الاخوه المخضرمون ومن لديه تفسير لما حصل

[قيد الدراسة الى الابد]

الاخوه والاخوات السلام عليكم
طبعا اتاني تلفون من iom وكلتلي لديك اوراق مثل شهادة وفاة اصليه وبطاقة سكن اصليه وبطاقة تموين ايضا
فاني اتفاجئت بعد كل هذه المده يله اذكرو كلتله وبنسبه للفرار ماكو كلتلي لا بس هايه الاوراق اصليه وتحتاجه
زين نرجع الى الوراء من جنت بمصر طبعا بنسبه الى للبطاقه السكن والتموينيه اني نسيته بلمقابله الثانيه مقابلة
القصه وبنسبه لشهادة الوفاة وورقة التصديق من وزارة الخارجيه العراقيه من قابلت المحلف استاذن مني وقال لي
اكدر اخذه منك هيه والورقه كتله نعم وكال بلحرف بنسبه لملفك حيروح الواشنطون وهمه ايقررون بقضيتك وخلصت
المقابله وره فتره سالت الموظفه التي قابلتني بلمقابله الثانيه وكلتلهه يابه تره اني نسيت اوراق عندج كالتلي
راحت ويه الملف الواشنطون كلت ابوكته هايه يمكن ضيعتهن وتكوك هيجي لان اعرف اتروح اوراق مستنسخه بس
وطبعا اني نقلت ملفي قبل شهر ونص الى الاردن

سؤالي هو لماذا بعد كل هذه الفتره ويريدون ايسلموني هذه الاوراق وين جانت هذه الاوراق هل اجتي من مصر
الى الاردن بعد نقلي الملف ام اتت من واشنطون زين اذا اجتي من واشنطون لماذا لم يقرروا في ملفي وبعدين
بعد سنه من مقابلة المحلف وتسلمه الاوراق يتصلون بيه عليه فهايه كلها اسئله تراودني فارجو من الاخوه اللذين
عدهم ايضاحات او مرت عليهم هيجي حاله  ارجو منكم المساعده وشكرا

اخوكم قيد الدراسه الى الابد

[you never know]

اخي العزيز...
هاي جتي من مصر..

بس الاخوه بمصر مرادو ينطوكياها..علمود متتحمل مسؤليه..

وهذا شي عادي يصير..لان انت محول ملفك ...فلازم تتبلغ بلاوراق اللي تحولت..لان هذا من قوانيين الاي او ام
اني نفس حالتك...(بس للاسف) اني محول من عمان للمصر
ومن تحول ملفي المصر..بلغوني بالاوراق اللي تحولت وطلبو الاصليه مره ثانيه...
واتمنالك التوفيق ان شاءلله

[ريم عبد]

اخي بالنسبه للاوراق الاصليه يحتاج يطلع عليها المحلف احيانا ويتاكد منها
اما المستنسخه هي الي تندز مع الملف
لان مثل متعرف هوه الملف ميندز بالبريد وانما هيه كلها ايميلات
وبكل الاحوال راح يدزون نسخ من الاوراق
اما وين جانت فاحتمال باقيه في مصر الى ان ارسلوها في بريدهم
وبعد ان انتهت مقابلاتك مالها بعد حاجه تبقى يمهم
ولازم تستلمها
بعدين انت ليش دايخ بالموضوع
خلصت شغلتهم منها ورجعولكياها
وان شاء الله تخلص دراستهم وايفكون الجبسه عاد

[Baguncero]

اخوية ملفك تحررك شوية وية رسائلك لبربارا الكرخية كرايب صفاء

Baguncero

[Mustafa Iraqi]

   
  السلام عليكم اخوية العزيز كول الحمدلله انو رجعن اللك اني صحابي اخذوا منه الاوراق واتصلوا عليه وره فترة
 احنا نعتذر منك انو عندك نسخه ثانيه لان ملفك ضاع وين ضاع يا مسخمين وين ضاع ما نعرف عندك غيرهم
 كلهم لا ماعندي وهاي شغلته نايمه هسه علمود الاوراق لذللك اخي الحمدلله انو وصلت اللك بسلامة
 
 اخوكم
 مصطفى العراقي

[قيد الدراسة الى الابد]

الاخوه الاخوات السلام عليكم
الاخ العزيز you never know شكرا لك واهتمامك بلموضوع وعسى ان يكون تحليلك صحيح وماكو شي سلبي
الاخت ريم عبد طبعا انتي سباقه للمساعده وشكرا لكي واهتمامكي بلموضوع بس المحلف كالي بلحرف اكدر
اخذ الشهاده وللعلم الشهاده استنسخته الموظفه بمقابلة القصه -وبعدين كلي سيرسل ملفك الى واشنطون وهمه الي
ايقررون ابملفك - زين ليش بعد سنه ايرجعوهه الي- هوه هاذه لمحيرني وطبعا شكرا لكي
 الاخ Baguncero شكرا لمرورك العطر وانشاء الله يكون كلامك صح وطبعا انته اول واحد اذبحلك طلي وين ماتكون يجيك
الاخ Mustafa Iraqi شكرا لاهتمامك بلموضوع والحمد لله على كل شيئ واني ممنون منك

اخوكم قيد الدراسه الى الابد