ارجو المساعده

[iraqi87]

السلام عليكم..

شلونكم اخواني ان شاء الله بخير..

عندي فد استفسار ياريت اللي يعرف الجواب المضبوط يكولي واكون ممنون منكم اخواني

قبل فتره جوازي ضاع ورحت قدمت بلاغ للشرطه ورحت للمحكمه وصدر قرار من المحكمه منع سنه من السفر(يعني مااكدر اطلع جواز جديد منا لسنه)  بتهمه الاهمال

وره المحاكمه لكيت الجواز ومااعرف شأسوي اكدر اسقط الدعوه او لا والله كريم بعد

 اني اريد اسوي فيزا لاميركا واذا مصارت فيزا اريد سوي معامله لم شمل لان زوجتي باميركا واحتمال اقدم على لجوء فـ اللي اريد اعرفه اخواني هاي المحكمه وهذا القرار راح ياثر على الفيزا او على اللجوء؟ لان اني سامع انو قبل لا يقبلون الفيزا او اللجوء لشخص ايجيكون سيرته ببلده اذا جان عنده تهمه او مطلوب او شي

وشكرا الكم اخواني

[ريم عبد]

اخي هذا سؤال قانوني والافضل تاخذ راي محامي ينطيك جواب مضبوط ويفتحلك القضيه مالتك واتثبت وجود الجواز معك حتى لتترتب علي اجراءت ضدك
وبعدها اتقدم فيزا لامريكا بضمانات اذا عندك في العراق بيت ملك وحساب بالبنك
اما اذا اتريد اتقدم على لجوء فتلتحق بكيس زوجتك

[iraqi87]

صديقي العزيز اشكرك على ردك

بس اني سؤالي مو على الجواز سؤالي انو هاي القضيه اللي صارت راح اتاثر على شغله اللجوء او الفيزا لان المنظمه قبل لا ينطون لجوء يجيكون الشخص عنده محكوميه سابقه او عنده جرائم او شي .. اني حجيت سالفه الجواز حتى بس تعرف قضيتي شنو وليش خايف لا ميقبلون اللجوء او الفيزا لان اسمي اتسجل عدهم وصارت عندي محكوميه بس بشغله فقدان جواز وهي هاي اجراءات روتينيه كل واحد يضيع جوازه او يفقده او يتلفه يعتبرو متهم ولازم يوكف كبال قاضي والقاضي يقرر اذا جان مذنب او لا واذا مذنب راح يتهمو بالاهمال وينطو منع سنه من السفر واذا لا راح يصدروله جواز جديد

[angie-dawood]

لا اخي مايأثر عادي قابل شنو كان جوازك مزور هو جواز كان ضايع وشفته وبلغ المحكمة حتى يرفعون قرارهم  

[Mustafa Iraqi]

   
 
  السلام عليكم  اخي العزيز صاحب الموضوع اول شغله انته وين باي دولة هاي وحدة اثنين مثل ما كالت اختنه ريم
  انو تاخذ راي محامي وطبعا مثل ما اتفضلت اخت انجي انو شغله عادية روح وراجع بس حاول انته لما اتروح الى الشرطه
 دبرللك فد قصة انو لكيته او عن طريق واحد لكه وصله الللك اوكي حتى القاضي بلكي الله انو يساهل وياك
 لان امبين عليم خوش ولد انته سلامي للجميع تقبلوا مروري
 
  اخوكم
  مصطفى العراقي

[ريم عبد]

اخي اني من ذكرتلك تاخذ راي محامي حتى ايسدلك موضوع القضيه مالت الجواز وتطلع منها بشكل قانوني مثل مدخلت بيها
لان المحامي ايرتبلك التفويض القانوني للموضوع
وبهاي الحاله راح ايصير عندك سند انه انت ممحكوم بقضيه او جنحه
وراح ايكون موقفك سليم حتى اذا جيكت المنظمه ووجدت عندك سجل بي محكوميه انت اتكون مدارك الموضوع وساده ورافعها من ملفك

[iraqi87]

شكرا اخواني وخواتي على اهتمامكم بالموضوع وجازاكم الله بالف خير

[Aiham_]

راح اخابرلك قاضي هسة و اشوف شيكول ....

[Aiham_]

عيني القاضي يكول :
1- شلون ضاع الجواز يعني بمكان عام لو بالبيت ... يعني مبين الاهمال بالقضية لو لا
2- تاخذ الجواز و تقدم عريضة للقاضي تطلب بيها رفع المنع و السبب انك لكيت الجواز بنفسك بعد ان قمت بالبحث عنة يعني مو واحد لكا و سلمكيا .
3 - 90 بالمية القاضي راح يشيل المنع و اذا عدك محامي سبع راح يشيل المنع 100 بالمية و لا تنطي هواي فلوس للمحامي