ممكن مساعده من الاعضاء الي بالاردن ؟؟؟

[ريما ماهر]

السلام عليكم
بس اريد مساعده اني طالبه بالعراق وحابه استفسر من الاعضاء الي بعمان اكو احد بالجامعه الامريكه ؟؟ اريد اعرف المعلومات شلون اكدر ادخل للجامعه وشكد لازم اكون مطلعه معدل بالعراق بالسادس والمبلغ  المالي وبقيه التفاصيل كولش محتاجه للمعلومات            
وشكرا مقدما

[النسيم المهاجر]

[hمرحبا

اذا عندج ايميل مال الجامعه الامريكيه راح يفيدج بي كل المعلومات
وبالتوفيق انشاء الله


             النسيم الجاثم بسبب الامنيه r]

[ريما ماهر]

لا للاسف ماعدي وشكرا ع جواب

[ريما ماهر]

ماكو احد    

[ريما ماهر]

رمضان كريم علينه وعليكم  شكرا ع جوابج بس اني اعرف اكو هناك جامعه امريكيه ومثل مكلتي وبمصر ولبنان بس للاسف ما اعرف معلومات عنهه 

[ريم عبد]

حبيبتي ريما ماكو فرع للجامعه الامريكيه في الاردن
فعلا اكو في بيروت وفي مصر
وهذا كشف بكل الجامعات الموجوده بالاردن وايميلاتها وعناوينها وارقام التلفونات
ان شاء الله تستفادين منها
http://www.layyous.com/jordan_ar/jordan_universities_ar.htm

[ريما ماهر]

شكراااا ع موقع بس اني اعرف كرايب بصوره بعيده هناك ما ادري بعد خلي اتاكد وشكررررا ع جوابج

[ريما ماهر]

زين بلا زحمه متعرفين اي شي ع جامعه الامريكيه الي بالشمال لان اني دا استفسر عن كل الجامعات الامريكه واحتاج مساعده

[kunda]

اخوان تعرفون هالمعلومة اول جامعة امريكية تم فتتاحها في المنطقة كانت في بغداد -الزعفرانية سنة 68 وبعد خلاف مع المسؤولين العراقيين بسبب ابناءهم الطلبة تم اغلاقها وتحويل طاقهما الى لبنان والان تسمى AULفي لبنان لكن لم اسمع انه يوجد في الاردن جامعة امريكية (ها واكو وحدة همينة بالسليمانية بالعراق جديد انفتحت)

[ريما ماهر]

خوش معلومه زين حضرتك متعرف اي معلومه ع الي موجوده بالشمال؟؟

[ريم عبد]

اخي كوندا هاي الجامعه الي كلت عليها اسمها جامعة الحكمه وهي فرع من الجامعه الامريكيه بنسلفانيا
والاساتذه كلهم فاذريه
وانسدت بعد تاميم كل المؤسسات الاهليه
وكانت هيه امتداد للثانويه الي اسمها كلية بغداد

 ريما حبيبتي الجامعه الامريكيه في الشمال اعتقد بعدها قيد الانشاء مااعرف اذا انفتحت لو بعد لان الى وقت قريب كانوا ديبنون بيها

[Mustafa Iraqi]

       

  السلام عليكم والله اخت ريمه راح اساللك اليوم المساء اردللك خبر اكيد  ان شاء الله لان عندي صديقي
  استاذ بالجامعه الامريكيه بس اتصل عليه وافتهم منه جان اتصلت هسه عليه بس الوقت مو مناسب بس انطيني مجال
  للمساء وتحياتي
 
  اخوكم
  مصطفى العراقي

[ريما ماهر]

اشكرك جدا يا مصطفى ومنتظره جوابك 

[بغداد بقلبي]

اختي الغاليه بالنسبه للاردن ماكو جامعه اميريكيه ومصر متفيدك روحي الى لبنان وهذا موقع الجامعه وراسليهم او اتصفحي موقعه وان شاء الله تحصلين على الي اتريده بالموفقه لكي

http://www.aub.edu.lb/main/Pages/index.aspx

[كوكي 2004]

 مرحبا اختي ريما اني ساكنة بعمان من 2004 وللاسف ماسامعة اكو جامعة امريكية بالاردن ولكن اكو الجامعة الالمانية وتقبل معدلات من 90 فما فوق وشتريدين معلومات احنه حاضرين وتمنياتي الج بالموفقية . اختج كوكي 2004

[ريما ماهر]

شكرا اخي "بغدا قلبي" ع موقع بس اذا حضرتك تعرف شي ع جامعه الامريكيه الي بالشمال؟؟

كوكي شكرا ع معلومه بس ما اعرف همه كلولي اكو هسه ادور وشكراااا جزيلاا

[ريم عبد]

حبيبتي ريما
الجامعه الامريكيه في كردستان العراق في السليمانيه افتتحت في ال2007 ولازال العمل قائم بيها
 موقع البناء رقم 2 الشارع الدائري - الملك محمود – المنطقة الصناعية 414 –السليمانية -  على بعد 10 كم الى شرق مدينة السليمانية على طول طريق كركوك السريع مجاور مطار السليمانية الدولي ..

و الدراسة تعتمد على نموذج التعليم الأمريكي العالي ولغتها الانكليزية .
ومن برامجها الاكاديمية فهي تمنح الدرجات التالية : درجة بكالوريوس في الإدارة العامة ، وبكالوريوس في العلوم ، ودرجة الماجستير في إدارة الأعمال . وان تخصصاتها هي في إدارة الأعمال بتخصص رئيسي في الإدارة ، ودراسة التخطيط/ بكالوريوس العلوم في نظم الحاسبات الآلي وتكنولوجيا المعلومات ، ماجستير إدارة الأعمال في الإدارة الدولية ، ماجستير إدارة الأعمال في تكنولوجيا المعلومات ، منهج اللغة الانكليزية ومعهد اللغات
من متطلبات القبول في هذه الجامعة هي : الحاصلين على معدل 80% في الشهادة الثانوية العامة ، والحاصلين على 550 أو أكثر في اختبار التوفل حيث يمكن للطلبة الالتحاق ببرنامج اللغة الانكليزية من أجل تحسين لغتهم ، وكذلك تقبل الجامعة جميع المتقدمين من الطلبة بغض النظر عن العمر ، العرق ، الجنسية ، الجنس والديانة

[بغداد بقلبي]

الجامعة الأمريكية في السليمانية
نوع التعليم العالي من الجامعات المعتمده من قبل الكاديمية الامريكية للتعليم اليبراليaale
سنة التأسيس 2007
المكان السليمانية
تكاليف الدراسة 10000$سنويا
التوجهات الدراسية لبرالية
الكليات ادارة الاعمال-تكنلوجيا المعلومات-دراساة دولية
الطلبة المسجلين من جميع الطيف العراقي(عرب،كرد،تركمان،وباقي الاقليات)من مسليمين ومسيحين وصابئه وايزيديه
الأساتذة من اكفأ الاساتذه الامريكين والبريطانين
الموقع على الإنترنت www.auis.org
 هاي المعلومات للفائده العامه

وبالموفقيه لكي

[kunda]

اخي كوندا هاي الجامعه الي كلت عليها اسمها جامعة الحكمه وهي فرع من الجامعه الامريكيه بنسلفانيا
والاساتذه كلهم فاذريه
وانسدت بعد تاميم كل المؤسسات الاهليه
وكانت هيه امتداد للثانويه الي اسمها كلية بغداد

 ريما حبيبتي الجامعه الامريكيه في الشمال اعتقد بعدها قيد الانشاء مااعرف اذا انفتحت لو بعد لان الى وقت قريب كانوا ديبنون بيها

  عاشت الايادي على المعلومات بس ليش انسدت جامعة الحكمة مو مضبوطة كلش يمج ...هي حاليا موقعها صار معهد التكنولوجيا الزعفرانية وبعض المباني القديمة لاتزال موجودة وحتى على الطابوك كتابة جامعة الحكمة وسدوها بعد الاختلاف مع الطلبة ابناء الوزراء بوقتها وكذلك ((احسوا بخطورةموضوع التبشير المسيحي لانه الاساتذة كلهم فاذرية ))طبعا جان عندي نسخ من البومات الصور مالتها بهذاك الزمان عبالك اوربا مال هسه ولاتكولون هذا اللبس والموديلات بالعراق
وتعقيبا على موضوع الجامعات بالشمال فاكو جامعة اخرى تسمى الجامعة البريطانية باربيل بس هاي بيها الستاف مال اساتذةنصة محليين ونصة اجانب وممكن اتبحث بالكوكل على هالموضوع

[ريما ماهر]

شكرا الكم جميعا بس بالنسبه للجامعه الي بالسليمانيه ماكو اقسام طب؟؟

[ريم عبد]

حبيبتي ريما بس هاي الاقسام الي ذكرناها هي الي مفتوحه حاليا
ومن ضمن البرامج المقترحة هي هندسة البترول ، المحاسبة ، الآداب الحرة ، علوم الحاسب الآلي ، السلك الدبلوماسي ، علوم البيئة ، هندسة الموارد المائية
يعني بعد الطريق طويل لما تنفتح الطبيه


اخي كوندا احد اخوالي جان من ضمن خريجي هاي الجامعه ولذلك عندي معلومات دقيقه عنها والمجلات الي كانت تصدر عن طلاب الجامعه وهي فعلا جان غلقها خوفا من الحركات التبشيريه ومثل ما سرى على مدارس الراهبات الباقيه

[UASF]

السلام عليكم

الاخ كوندا المحترم

انا من خريجين مدرسة كلية بغداد والوقعة في منطقة الصليخ وتم قبولي في جامعة الحكمة ولكن للاسف اغلقت بامر من السلطات في حينه

اما عن انه اغلقت بسبب ابناء الوزراء فهذا مو حقيقي وانما اغلقت للاسباب سياسية في حينها وتم تسفير الكادر التدريسي للجامعة وبعض من اساتذتنا في كلية بغداد وهم كل من فذر ماهوني وفاذر فرانسس وفاذر فؤاد وبعد بمدة قصيرة تم تسفير كل الطاقم التدريسي

طبعا مدرسة كلية بغداد كانت تدار من قبل جمعية تسمى اليسوعيين او المدارس اليسوعية حسب الترجمة العربية

ومحتفظ اخوك بكل المناهج والكتب الدراسية ولحد الان

هذا ما حدث في حينها وشكرا

اخوكم