شنو سالفة اكو اوتو ربلي بس ماكو رد ارجو الاجابة

[beamer]

اني حاصل على ال IZ نمبر  وردت اجيك شنو سالفة قضيتي فبعثت الهم رسالة وكان الجواب خلال عشرة  ايام سوف يكون الرد وبعد شهر من الرسالة الحقتها برسالة اخرى ونفس اوتو ربلي اجاني  وماكو جاوب ارجو المساعدة من العراقيين الطيبن وجزاكم الله خير الجزاء

[Aiham_]

عيني جماعة الاي او ام كلش مضبوطين يعني من يكولوك 10  ايام ابد ما تصير 10 اشهر اطمئن ....  

[المهندس سيوفي]

عيني جماعة الاي او ام كلش مضبوطين يعني من يكولوك 10 ابد ما تصير 10 اشهر اطمئن .... 

ههههههههههههههههههههههههههههه --- اخوية صاحب الموضوع خلي بالك طويييييييييييييييييل حيل ترة بعدك بالبداية

[Aiham_]

و الله سيوفي شر البلية ما يضحك هسة فتحت الهوت ميل جان الكالك رسالة جايتني من جماعة الاس اي في كلت هلة حضرت كلاص اللبن و التمر كلت اذا طلع الكوم ابروفل هسة افطر بي حتى اذا ما موذن , كلت هسة اقرا الكوم و اوذن بي .
من فتحت الرسالة لكيت الربع دازيلي رسالة يكولولي اصبر ترا الفطور الساعة بالسبعة مو هسة , يعني انتظر و هاي صارلي وية اليوم 7 اشهر تقريبا .

[المهندس سيوفي]

و الله سيوفي شر البلية ما يضحك هسة فتحت الهوت ميل جان الكالك رسالة جايتني من جماعة الاس اي في كلت هلة حضرت كلاص اللبن و التمر كلت اذا طلع الكوم ابروفل هسة افطر بي حتى اذا ما موذن , كلت هسة اقرا الكوم و اوذن بي .
من فتحت الرسالة لكيت الربع دازيلي رسالة يكولولي اصبر ترا الفطور الساعة بالسبعة مو هسة , يعني انتظر و هاي صارلي وية اليوم 7 اشهر تقريبا .

والله وكت اللي خلة الكوم ابروفال ياخذ شهور ---- سبحان الله اني اجاني ب شهرين وعود اتاخرت هواية وجنت ضايج بوكتهة

[Aiham_]

سيوفي اني ما مستغرب تدري ليش .... هسة القوات الامريكية انسحبت من العراق باعداد كبيرة و تقريبا بقة بس ثلث هاي القوات ... زين المترجمين و المتعاقدين وية القوات الامريكية من العراقيين اكثر هسة بطلوهم و فسخو العقود وياهم ... يعني اكثرهم بدو يقدمون على الاي او ام و الاس اي في خصوصا بعد تدهور الوضع الامني الي صار بعد الانتخابات يعني تكدر تكول الاف راح تقدم ... لهلسبب بدا الضغط على البرنامجين و اعتقد هذا الشي بدا ياثر على الاخوان الي بخارج العراق هم يعني التقديم و المعاملات بمصر و بسوريا و الاردن هم راح تتاثر لان بالنهاية هية ترجع لمنظمة وحدة هية الاي او ام الي مهمتها توطين المهاجرين و اللاجئين الى امريكا .
هذا تحليلي و الله اعلم


اخوكم مفتي الهجرة و المهاجرين 

[المهندس سيوفي]

اخوية ايهم ---- الاس اي في الفيكة مالتة كلها بس بالكوم ابروفال بس تحصلة انتهت اللعبة بنظري لان الباقي كلة انت توقتة براحتك وبمزاجك وماكو رفض ان شاء الله ----- اني واصل ترة خوش مرحلة بالاس اي في بس موقفها بارادتي داانتظر اشوف شغلتي وية اهلي عالاي او ام لان اريد نطلع سوية  والله كريم

زين انت شعجب ممقدم عالاي او ام ؟

[Aiham_]

سيوفي اني حتة اذا بعفج اكو برنامج هجرة لامريكا هم اقدملا .... على بختك هاي ما تفوتني قدمت بشهر الخامس بس ليهسة بطرك الاي زي نمبر بس شنو ,,, اخوك هاريهم ايميلات مبرمج الحاسبة وحدها ادز رسالة للاي او ام كل 20 يوم و نفس الكليشة ( هم اكو تقدم بقضيتي و تحتاجون من عدي شي ) و وراها ثانك يو رحم الله والديكم وهمة خطية ابد ما يغيرون الكليشة (( انتظر احنة نتصل بيك شوكت ما يصيرلنا مجال لان ابونا مستلك من ورة معاملاتكم ب بغداد و عددنا ما يكفي راح نطلع مصريين من المسطر الي براس الشارع مال المنطقة الخضراء ))

[Mory]

عمي رحمة اذا 10 ايام اني اخر رسالة دزيتهة للمنظمة بيهة استفسار على فد موضوع جاوبوني ورة 32 يوم!

Mory

[beamer]

الشكر الجزيل الى كل من رد على موضوعي ورحمة للوالديكم يعني هسه انتظر لو ادز الهم مرة اخرى ولكم التقدير الفائق

[المهندس سيوفي]

لا اخوية انت انتظر حالك حالنة -- ماطول اجاك الاوتوربلاي يعني همة استلموا رسالتك والرد بقة تحت رحمتهم

[silver_d]

مولاي التاخير كلش  طبيعي  لتدير  بال خلي ابطنج بطيخ صيفي ونام وفكر بغير شي وسلي  نفسك بالبيت سوي  البواري المبرده نظفها  حته  يمشي الوكت ومن تفتح الرساله رح تلكي  الجواب  انو انته اوراقك بعدها بالبروسس
تحياتي الك

[المهندس سيوفي]

مولاي التاخير كلش  طبيعي  لتدير  بال خلي ابطنج بطيخ صيفي ونام وفكر بغير شي وسلي  نفسك بالبيت سوي  البواري المبرده نظفها  حته  يمشي الوكت ومن تفتح الرساله رح تلكي  الجواب  انو انته اوراقك بعدها بالبروسس
تحياتي الك

بالضبط

[beamer]

عمي حجيكم ذهب احسن شي راح احول المهمام البيتة علية حتى تقضي . والله اعضاء المنتدى طيبين  الشغلة الجديدة يمكن راح اتعيين وي ابو المولدة مال الخطوط حتى زين اصبر تحياتي للكل الاخوان

[جوني جاك]

عادي ليش ضايج هاي بعدك مشايف شي عادي اكو نوبات ايميلات ميجاوبون عليهة

[لورنس السفاح]

 الصبر ثم الصبر
بالتوفيق ان شاءالله

[المهندس سيوفي]

سيوفي اني حتة اذا بعفج اكو برنامج هجرة لامريكا هم اقدملا .... على بختك هاي ما تفوتني قدمت بشهر الخامس بس ليهسة بطرك الاي زي نمبر بس شنو ,,, اخوك هاريهم ايميلات مبرمج الحاسبة وحدها ادز رسالة للاي او ام كل 20 يوم و نفس الكليشة ( هم اكو تقدم بقضيتي و تحتاجون من عدي شي ) و وراها ثانك يو رحم الله والديكم وهمة خطية ابد ما يغيرون الكليشة (( انتظر احنة نتصل بيك شوكت ما يصيرلنا مجال لان ابونا مستلك من ورة معاملاتكم ب بغداد و عددنا ما يكفي راح نطلع مصريين من المسطر الي براس الشارع مال المنطقة الخضراء ))

ههههههههههههههههههههههههههههههههههههههههههههه ااااااااااخ يابة بطني
والله ضحكتني عاشت ايدك بشرفي

[Aiham_]

لعد شلون تخلص اذا مو ضحكة منا و سالفة منا ..... تدري اني اول ما اجيت لعين كاوة بشهر شباط .... و هستوني دا اسئل على الاس اي في , واحد من الاخوان نصحني كال روح جبلك قوري جاي و باكيتين جكاير و اكعد سنطر براحتك و هستة تعرف شلون تقدم و اخوك هم ما صدك كبل على الطباخ ,, لان جانت ساعة وحدة و نص بااليل و ام الجهال خطية نايمة جان اروح و اسويلك جاي مال اعترافات , حبر مال قلم باركر يعني جيب باكيت الجكاير جطلتة بصفي و ما احس غير الساعة بال 8 الصبح , و ام الجهال تكولي بشرفك لو اني مريضة تسهر علية هيجي 

[beamer]

اعضاء المنتدى طيبين وردودهم ممتاز تخلي الواحد بعد ميشرب جكاير باكيتات بس لف تسلمون وتستمر مسيرة الصبر
..................الله يفرجها عليكم