بشرى لجماعة الشهر الخامس

[ابو زينب الشحماني]

سلام الله عليكم اخوان اتصل الان بي ابن اختي وهو مرتبك ويتمتم ويقول سفر فقلت له اقلق الهاتف وتعالالي فورا وفعلا جاء فقال اتصلو بي ال اي او ام وقالو لقد تحددموعد لسفرك بتاريخ 1/9 علما انه مقابلته الاخيره نهاية الخامس وكانت ولايته مشكن علما انه ليس لديه كفيل وايضا قالو له لقد تم اخطارك بايميل وفعلا وجدنا الايميل ..وهو الان قلق وهو من النوع العصامي ويقول انا لااريد ان اعيش على المساعداتوهو لديه عائله ولقد سالني عن عمله الوحيد الذي لا يتقن غيره وعمله في تغليف السيراميك للحمامات والمطابخ والارضيات وسالني هل استطيع ان اعيش في هذه المهنه وهل اجورها محترمه ام لا قيمه لها..فلم استطيع اجابته ووعدته باني سااسئل الخوان في المنتدى وان شاء الله لن يبخلو عليك في هذه المعلومه....وهو يسال الله يسهل امور الجميع وان تدعو له باتمام رحلته .................................

[doori]

مرحبا
الموفقيه يا رب و يوصل بالسلامه

[داليا الوردة الوردة]

الله الله بدت الخبار الحلوة تهل

الف الف مبروك اخونا ابوزينب الشحماني على بشارة سفر ابن اختك يارب السلامة وتحقيق الاماني

ان شاء الله تبشرنة بيوم سفرك انت ابو زينب عن قريب

بالنسبة للاعمال الحرفية في امريكا اعتقد انه يخضع لاختبار بمجال عمله ويحصل على شهادة بممارسة المهنة والاعمال الحرفية اكيد مردودها المادي جيد جدا فلا يقلق ان شاء الله خير وهوة من حقه ان يحصل على مساعدة بالبداية لتخليه يرفضها كلشي يصير مكدر يحصل عمل مباشرة بعد وصولة همة مخلين المساعدات لفترة حتى يكدر اللاجيئ عالاقل يحصل لغة جيدة ويرتب مكان معيشتة ثم العمل يكدر وراها يرتب وضعة بعمل جيد

تحياتي والف مبروك

[مينا]

الله يبشرك بالخير ويبشر ابن اختك بالخير
وياربي الموفقيه
يمته عرف انو ولايته مشكن ؟من خابرو على موعد السفر؟
اجاه اميل جدولة السفر لو لا؟يمته
رحمه على والديك جاوبني
 

[جورجيا]

على الخير والف الف مبروك
وبلنسبه للسؤال لو تتوجه بي الاختنه انجي ورده وتقصر وياه وهي  بنفس الولايه
انشاء الله موفق

[ابو زينب الشحماني]

الف الف شكر لكل المهنئين نيابة عن ابن اختي اما بالنسبه للاخت مينا عرف بالولايه من اتصلو بيه هو كان راغب ولاية (مين )بسكال الحمد لله مشكن خوش ولايه يعني خبروه بالتلفون بس بالايميل ما مذكوره الولايه فقط موعد السفر .ويا ريت عروس المنتدى الاخت انجي اذا عدهه  معلومه عن تطبيق السيراميك تتكرم بالجواب لان كل ساعه يخابرني يريد مني معلومات واكله انتضر شويه .........

[A_FOX]

السيده انجي لطفا

[احمد عباس]

عفواً بس سؤال هوه بعمان لو بغداد ؟

[حسين السالم]

بالموفقية اخونة والوصول بالسلامة ان شاءالله تقبل مروري اخوك حسين السالم.

[ابو زينب الشحماني]

شكرا لمروركم جميعا هو اى او ام بغداد شكرا اخ احمد واخ حسين واي فوكس  .ورجائي من الاخت انجي الدخول....

[يوزارسيف]

الف مبروك اخونة ابو زينب..والله فرحتنا بهذا الخبر الحلو

[a7med86]

مبرووووووووووووووووووووك وان شاء الله الوصول بلسلامة

[(strawberry)]

الف مبروك اخونا العزيز يوم الالك يوصل بالسلامة ان شاء الله

[angie-dawood]

الف الف شكر لكل المهنئين نيابة عن ابن اختي اما بالنسبه للاخت مينا عرف بالولايه من اتصلو بيه هو كان راغب ولاية (مين )بسكال الحمد لله مشكن خوش ولايه يعني خبروه بالتلفون بس بالايميل ما مذكوره الولايه فقط موعد السفر .ويا ريت عروس المنتدى الاخت انجي اذا عدهه  معلومه عن تطبيق السيراميك تتكرم بالجواب لان كل ساعه يخابرني يريد مني معلومات واكله انتضر شويه .........

اهلا اخي ابو زينب  الف مبروك انشاءللة الوصول بالسلامة والتوفيق .. بالنسبة لمهنة عمل السراميك وتطبيق الكاشي مهنة جدا مربحة هنا ومتوفرة دائما
احنا من بنينا بيتنا جبنا واحد سوى بيتنا سراميك من  صالة حجم كبير وممر عند الدخول الباب الرئيسي والحمام اخذ من عدنا 13 الف دولار   مع شراء الكاشي يعني خوش مهنه هي وماشيا هنا

[ابو زينب الشحماني]

انا عاجز عن شكرك اختي العزيزه انجي لقد قرات له ردك ففرح كثير ا شكرا مره اخرى والله ينور حياتك ..............

[مينا]

اخويه المحترم او زينب بدون زحمه عليك
ابن اختك هم اجاه اميل جدولة السفر واذا جايه هيج اميل شوكت ؟
والله اني زحمتك
مشكور اختك مينا

[ابو زينب الشحماني]

اختي العزيزه مينا اني بخدمتكم .التلفون والاميل جاء بنفس اليوم ويخبره بموعدالسفر يوم 1/9 وكان الاتصال البارحه يوم الاربعاء اختي العزيزه تره مو بس انتي دايخه حتى اني وهوه دايخين يعني بدون سابق انذار واعتقدتصير هيج حالات هوايه لان اعرف واحد خابرو المنضمه كلوله تسافر بعدعشرة ايام .تفاجئ وكللهم اني صارلي عشرين يوم من قابلت محلف كلوله اكو واحد اعتذر واجل سفره فدخلناك بمكانه فماكو شي مستحيل اذا الله ارادشي تتعطل كل قدرات الانسان فانتي هم تفائلي والله كريم تحياتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتي.

[like moon]

الف مبروك ويوصل بالسلامه انشاء الله
والله يوفقه يا رب
ويم لالكم كلكم

[لورنس السفاح]

مبروووووووك ابو زينب لابن اختك
بس كله ترا الشغل اهناك كله مواصفات
مو مثل العراق نص الخلفات شغلهم المي يوكف بالنص ههههههههه
مبروك ويوصل بالسلامة
تحياتي

[ابو زينب الشحماني]

شكرررررررررررررررررررراّ جزيلا مروركم اخواني الاعزاء like moon  ولورانس العرب كتله على رسالتك دير بالك المي يوكف بالنص تره يرجعوك للعراق هههههههههههههههههههههه..وان شالله للجميع..

[مُغترب]

مبروك حبيبي وشايفين كل الخير

والله يجعلها حياة جديدة طيبة كريمة عليه ويتوفق بكل المجالات

بلكي من اجي يكون هو ضابط شغلة السيراميك حتى اسويله دعاية بمنطقتي

واحنه نسوي جمعية العراقيين المحترفين في امريكا

كل واحد واختصاصه 

واي واحد يحتاج شي ندز عليه

اني مساعد كهربائي بيوت ومصور ومصمم كرافيك وبلكي نطلع كم فلس من هذه الحرف 


بالتوفيق حبيبي

[الفيحاء]

الأخت ام سوسو
لماذا توقيعك بهذا الشكل ترفعين راية الكفر والأحتلال
أليس هذه الراية التي أخرجتك من بلادك وجعلتك تجرعين كؤوس الذل والمهانة

[Baguncero]

ها؟ شتغلت رحمة الله؟؟ كفر وأحتلال؟
مبروك أخي العزيز أبو زينب بالتوفيق

Baguncero

[um reem]

الف مبروك لابن اختك وان شاء الله تفرج ع الكل بهالشهر الفضيل

طريق السلامه

زين ماراح ولاية ميين لان الي بيها اغلبهم يردون يحولون ل قلة الشغل لانها بارده جدااااااااااااااا شلون يطبك سيراميك بالبرد

[ابو زينب الشحماني]

اني جدا ممنون وشاكر لكل من مر على الموضوع وقدم التهاني ان شا الله الجميع .    نعم اخي مغترب ياريت يصير هيج تعاون والفه بين وواحد يساعد الثاني مثل ما نشون الجاليات الاخرى واحنه مو اقل منهم نخوه وحنيه .بارك الله بيك اخويه مغترب وربي يوفقك .............

[مُغترب]

اني جدا ممنون وشاكر لكل من مر على الموضوع وقدم التهاني ان شا الله الجميع .    نعم اخي مغترب ياريت يصير هيج تعاون والفه بين وواحد يساعد الثاني مثل ما نشون الجاليات الاخرى واحنه مو اقل منهم نخوه وحنيه .بارك الله بيك اخويه مغترب وربي يوفقك .............

اكيد حبيبي
والله هذا مو بس كلام
هواية نقره ونسمع عن مهاجرين عرب وغرب وصلوا لامريكا واثبتوا وجودهم وصار عدهم عوائل ومصادر رزق واقتصاد وفادوا حتى بلدهم
ليش احنه لا
صح وضع امريكا الاقتصادي مو مثل قبل
بس اليجتهد ويصبر ويفكر صح مستحيل مايتوفق
ومثل مايكول على ابن ابي طالب عليه السلام

بقاء الحال من المحال


بالتوفيق للجميع ان شاء ألله

[ابورحمه]

بالتوفيق للجميع ان شاء ألله ... اليوم النا انشاء الله