المعاملة شوكت تدخل السفارة الامريكية

[زهرة الصبار]

مرحبا يعني اذا واحد خابر اليو ان وكلوله صاراسبوعين من دخلت معاملتك السفاره الامريكيه شنويعني
اختكم زهرةالصبار

[kunda]

عيني وتاج راسي يازهرة الصبار ((ولو زحمة الصبار يصير فوق راسي))  عيوني  من الف رحمة على موتاك او موتاج ممكن توصفيلنا الاحداثيات عدل حتى نقدر نجاوب او نستعين باهل الخبرة والعلم حتى يساعدونا بالاجابة هسه احنا شفتهمنا من السؤال اي وين مقدمين ومنين وعلى وين وشلون ويمتة وشنو السالفة مو الشغلة تختلف من وضع الى وضع

[احمد عباس]

اول شي انتي بيا دوله ؟

اذا عمان يجوز قصدهم iom لان اني همه من يحولون الملف يكلولج انتضري تلفون من السفاره بس هيه مو سفاره هيه iom

[doori]

مرحبا
عيني زهرة الصبار من كلولج صار اسبوعين محولين ملفج للسفاره اكيد صدك من ال un يعني محولين الملف لل iom بقة همه يتصلون بيكم لتحديد موعد المقابلات الجايه وان شاءالله خير

[angie-dawood]

اختي ممكن ذكر بعد تفاصيل عن التقديم والتواريخ ومن وين امقدمه  حتى نساعدك بالرد

[ريم عبد]

بس معاملات ال اس اي في اتروح للسفاره الامريكيه
الباقي كلها بالاي او ام

[kunda]

زهرة الصبار ذبلت ...ماكو جواب

[كوكي 2004]

 مساء الخير للجميع شلونج حبيبتي انجي وشلونك اخي العزيز kunda  اني مر عليه نفس الشي الي مرت بي الأخت زهرة الصبار  خلي احجيلكم قصتي لأن راح اموت من القهر اعزائي اني وزوجي واطفالي قدمنه على un في عمان بل 2004 وبعد انتظار طويل قابلنه توطين اواخر 2009 وظل الموضوع سكته وشهر 7/2010 اتصلت على un اخبروني انه ملفنا بالسفارة الأمريكية وبعدها بكم يوم رجعنه اتصلنه بيهم حتى نفتهم منهم كالوا انه الملف تحول الى امريكا وظلينه ننتظر والبارحه اتصلنه بل iom وكالوا نعم الملف عدنه يعني عند اللجنه دتشتغل بي ومن يخلصون منه نتصل عليكم واني كلش خايفه والليل مدا انامه يعني يصير ينرفض الملف لو لا . ارجو كم  اخت انجي الأخ كوندا وباقي الأخوان والخوات من اهل الخبرة اريد ارتاح والله رح اموت . وثل ميكولون عاءلتي انت من يوصل السفر رح نشيلج بنقالة للطيارة من كثر التفكير . وشكرا الكم والله يجازيكم بالخير. اختكم كوكي 2004.

[مالايكي]

مرحبا


نحن ننتظر

[kunda]

اخت كوكي انت مقدمة من 2004؟؟؟؟ صدق جذب؟وبعدج بالاردن ماشاء الله على الصبر وطولة البال اكو ناس صارلها ستة اشهر مقدمة من العراق وكاعدين ابيتهم وعلى النت وخابصين الدنيا وهذا اليكول راح انتحر  وهذا اليكول انشلع كلبي واسودت الدنيا بوجهي ,,,أختي انتو اخذتوا رفض سابقا؟
بس للاطلاع ترة اهلي قدموا من لبنان سنة 2002 وانرفضوا وظلوا استئناف واسترحام ومن هالسوالف الى ان اعيد فتح ملفهم ب2008 وانقبلوا وسافروا ب2009

[كوكي 2004]

 شلونك اخ كوندا انشاء الله بخير . لا والله عزيزي لا رفض ولا اي شي لا سامح الله بس مثل مكتلك من 2004 بالحماية الى نهاية 2009 تحولنه للتوطين علما انو اني عندي مرض مزمن وبنتي عمرهه 11 سنه ايضا عدهه مرض مزمن وتقارير وكل كم يوم بنتي تالي الليل بطواري المستشفيات والى اخره . وربك التفت لحالنه وقابلنه بس خلي اكلك فدشي يمكن انتوا اعرف مني اني واولادي كنا بملف وزوجي بملف ووالدتي بملف وشهراسادس يعني قبل شهرين ونصف دمجونه كلنه بملف وحسب ما اخبرني محامي التوطين انه الدمج النه احسن حتى من ين  عرض الملف على الوفد الامريكي يكون اسهل وحاليا الملف بل iom معروض على اللجنه واني كلش خايفه مااعرف ليش . على العموم ربك يسهله . ها اخ كوندا يعني لو تسوي احصائية بالاجوي بعد الحرب والى هسة مامسافرين اتصور اني اقدم وحده . يعني منو لازم يصير شيخ الصابرين ونقيب الجمعية مو اني وبجداره ههههههههههه طبعا دا اتشاقه وياكم  لأن احسكم عائلتي وامون عليكم. سلامي الك وللجميع اختكم كوكي 2004 .

[kunda]

اي والله اخت كوكي انتي اقدم حتى من المالكي والكرسي هههههه

[كوكي 2004]

رحم الله والديك اخي كوندا هي هاي المرجيه منك مو اني اعزك واحترمك يعني ما لكيت غير المالكي تمثلتي بي على العموم اشكرك . اختك كوكي 2004  .

[razak]

بس اريد اكللكم واحد عقدني ابحياتي امقدم من سنه 1993 ههههههههههههههههههه او ماكو شي
اصوروا
علما هو في عمان

[ريم عبد]

اخت كوكي انت اتحملتي طول هاي الفتره وهسه ان شاء الله فرجت وراح تمشي قضيتج اسرع من قبل
بعد ليش التفكير والقلق
حبيبتي خلي القلق ليكدام بعد وراج هوايه صبر وشغل وقلق
حافظي على صحتج لان امريكا هم يرادلها صحه وحيل

ان شاء الله الايام الجايه راح اتحملينا بشائر حلوه

[angie-dawood]

مساء الخير للجميع شلونج حبيبتي انجي وشلونك اخي العزيز kunda  اني مر عليه نفس الشي الي مرت بي الأخت زهرة الصبار  خلي احجيلكم قصتي لأن راح اموت من القهر اعزائي اني وزوجي واطفالي قدمنه على un في عمان بل 2004 وبعد انتظار طويل قابلنه توطين اواخر 2009 وظل الموضوع سكته وشهر 7/2010 اتصلت على un اخبروني انه ملفنا بالسفارة الأمريكية وبعدها بكم يوم رجعنه اتصلنه بيهم حتى نفتهم منهم كالوا انه الملف تحول الى امريكا وظلينه ننتظر والبارحه اتصلنه بل iom وكالوا نعم الملف عدنه يعني عند اللجنه دتشتغل بي ومن يخلصون منه نتصل عليكم واني كلش خايفه والليل مدا انامه يعني يصير ينرفض الملف لو لا . ارجو كم  اخت انجي الأخ كوندا وباقي الأخوان والخوات من اهل الخبرة اريد ارتاح والله رح اموت . وثل ميكولون عاءلتي انت من يوصل السفر رح نشيلج بنقالة للطيارة من كثر التفكير . وشكرا الكم والله يجازيكم بالخير. اختكم كوكي 2004.

حبيبتي كوكي اني اخواني من 2003 جانوا مقدمين من سورية على اليو ان لغاية 2010 يلى وصلوا يمنا والغلط كان من موظفة اليو ان سنة كاملة مخليهم على الانتظار مقابلة اولى على اساس كالوا تحول فايلكم الى التوطين ورى الانتظار
خابرتهم كتلهم رحوا عليهم اسالوا وين وصلت معاملتكم من راحوا سألوا كالوا الهم منو كال انتوا متحول فايلكم للتوطين
كالوا احد موظفيكم خابرنا وهو كال تالي كال لا بابا انتوا لا متحولين للتوطين ولا شي رحوا شوفلكم دولة اخرى رجعوا خابروني كالوا هيجي صار كتلهم انطوني رقمهم انطوني رقمهم حجيت وياهم والعراك اشتغل وبالاخير كتلهم هسى اريد احجي وي محامي اليوان الهم بعد نص ساعة شحن على التلفون اجه حجى ويايه كتله بالي صار وكتله المسج موجود منهم لا يحاولون يكذبون واريد  خلال 24 ساعة اخواني اذا  ما توطنوا عندي اجراء اخر هنا راح اسويه كال خابريني الاسبوع الجاي وهذا رقمي الخاص المهم خابرته كال كان اكو غلط والموظف معرف انه فعلا اخوانك متحولين للتوطين والحمد الله مشت المعاملة وهسى وصلوا يوم الكم جميعا كل القصة حجيتها على مود اكول انو هم اخواني تاخروا هواية يلى الله فرجها عليهم يوم ربي يفرجها على الكل

[angie-dawood]

لعد اختي كوكي اقري هنا طبعا هاي عضوة سألتني بموضوعي اسال وانا اجاوب اقري وشوفي كم سنة انتظار



   تشكرين اخت انجي على المعلومات التي تقدمينها لشعبنا الاليم
   انا العام الماضي كنت اتابع المواضيع التي كانت تقدم  للاعضاء وترفع من معنوياتهم بس انا كنت دائما اشعر ان قضيتنا من ناحية التوطين محبطة
لكن والحمد  لله وبعد 19 سنة حصلنا على التوطين  وتم خلال هذا الشهر بعون الله وامنا مريم العذراء مقابلتنا

الاخت العزيزة لدينا بعض الاستفسارات والاسئلة اللي راح نضوجج
 فيها عند اي شي جديد على موضوعنا 

   وتحول الملف الى ال         iom             والبقية على الله وانشاء الله تفرج علينا وعلى كل محتار ومهموم
                                           


                       ولكي كل الاحترام والتقدير

[زهرة الصبار]

مرحبا هوه اني هم مقدمه من ال2006 بسوريا وبال2008 حولت للاردن وجانت نايمه المعامله يمهم باعتبار مقدمه اني مع الاولاد بسمي والاب مو ويانا  بس لان ابني تمرض بالسرطان تحركت القضيه شويه ومثل مكلت قبل 5 شهورقابلوني توطين لاول مرة
وقبل 10 ايام اتصلت بيهم كلولي توه ملفج راح للسفاره هاي كل السالفه واذا تعرفون شي شوكت راح يتصلون بيه تقريبا كلولي ومنواللي يتصل وشكرا

[angie-dawood]

اختي زهرة ربي يشفيه ابنك يارب وانشاءلله يجيكم الرد باسرع وقت على مود حالة ابنك انشاءلله هسى يسرعوها المعاملة الله يكون بعونكم والشفاء العاجل لابنك يارب

[sattarallami]

اختي ممكن ذكر بعد تفاصيل عن التقديم والتواريخ ومن وين امقدمه  حتى نساعدك بالرد

السلام عليكم
اني قدمت على برنامج الاس اي في او صار اخر ايميل وصلني منهم قبل 5 اشهر كالولي معاملتك هسه بالسفارة تحت النظر ممكن اعرف لشوكت يعني اطول هاي المسئلة؟؟؟
افيدوني بلة زحمة عليكم

[angie-dawood]

راسلهم اخي بين فترة وفترة ترى هذوله اما تتركن المعاملة على الرفوف او  يتبدل الموظف وواحد ما يعرف بالثاني شنو الي مسويه انت ظل راسلهم كل فترة لا تظل تنتظر منهم جواب

[كوكي 2004]

 شكر وتقدير وامتنان لكل من الأخوات العزيزات أنجي وريم عبد على مشاعركم النبيلة واحساسكم المرهف ووقوفكم معي بهل محنة الله يبارك بيكم ويخليكم سند للكل والله خجلتوني بهل المشاعر وانشاء الله ربي يفرجها عليكم وعلى كل متضايق . حبيبات قلبي. اختكم كوكي 2004 . شكككككككككككككككرا .