ارجو المساعدة !!!!!!

[انمار الالقوشي]

شلونكم شباب؟؟؟
ان شاء الله بخير
عندي استفسار بسيط ألكم
اني قدمت اوراقي من بغداد بيوم 8/12/2008 ( 5 افراد )
ولنقص الاوراق اجاني اي زي نمبر بيوم 29/12/2009  بدايته 113
والى الان ما جتيني مقابلة !!!!!!
اريد اعرف اكو تأخير بمعاملتي لو ماشية عادي يعني انتظر لو افقد الامل
لان الي دا اشوفه انو اكو مسجلين ورانا وطلعتلهم مقابلة
اتمنى انو تساعدوني بأجابات تكون اكيدة وعن تجربة
لان القلق مسيطر علينا كلنا
وشكرا مقدما

انمار الالقوشي

[angie-dawood]

اخي انمار بداية التاخير كانت بسبب نقص الاوراق وبعد تكمل كل المعلومات المطلوبة ارسلوا لك الIZ نمبر
يعني تقريبا سنة كاملة يلى انطوك الIZ نمبر  هسى جائز اكو تاخير حتى يحددون موعد مقابلة اولى او ماكو لانه اكو هواية مثل حالتك راح يكملون سنة بعدهم ما مقابلين ولا مقابلة بعد استلامهم الIZ نمبر  المهم اخي انت بين فترة وفترة راسلهم واسأل عن ملفك وشوكت راح تتحدد مقابلة اولى وانشاءلله ينطوك الجواب وتقابل باقرب وقت والتوفيق بكل المقابلات

[انمار الالقوشي]

مشكورة انجي والله ماقصرتي اني بس حبيت اعرف انو احنا متاخرين لو لا
لان شفت الاخوة بالمنتدى ديحجون على مقابلات لناس مسجلين بال 2010 واحنا بال2009 وبعدنا

عندي استفسارات صغيرة بعد ياريت لو تجابوني عليها اكون كلش ممنون ألكم
عدنا اختي بالمعاملة ويانا بس اتزوجت وانريد نشيلها من المعاملة شنسوي؟؟
نبلغ السفارة هسة لو ننتظر بالمقابلة نكوللهم؟؟
شغلة اللخ انريد نضيف بيت خالتي ويانا بس منعرف هل راح ناثر على معاملتنا لان احنا اصلا متأخرين فمنريد تأخير اكثر
يعني اريد اعرف شنو موقفنا اذا ضفناهم وشنو الي راح يصير بالمعاملة

شرح بسيط يكون كافي واكون كلش شاكر ألكم

[angie-dawood]

اخي انمار بالنسبة لاختك لازم هي توقع بانسحابها من الملف حتى يلغون اسمها
واما بالنسبة لبيت خالتي مايصير ينضافون بملفكم لازم يكون ملف منفصل ورقم IZ  خاصة بملفهم

[like moon]

اخي العزيز
المعامله باسم منو اولا
اذا باسم امك يحقلهه اطلع بيت خالتك
بس اذا باسم ابوك او باسم اي احد منكم ميحقلكم طلعون غير الاخ والاخت والاب والام
اما بالنسبه للتأخير فهاي السالفه احنه مرينه بيهه
سنه و5 اشهر يله اجالنا موعد مقابله اولى
بس انت ضل اسال لاتعوفهم هيج
وبالتوفيق اخويه

[مُغترب]

وعليكم السلام

حبيبي الله يكون بعونك

التاخير عادي ولو حالتك بيها تاخير هواية بس ان شاء الله الفرج قريب

وراسلهم دائما لاتترك القضية وابقى وراهم

بالتوفيق ان شاء الله

[انمار الالقوشي]

مشكورين اخوان ما قصرتوا والله
اني اراسلهم دائما كل شهرين لان صارت بية بالبداية دزيت الاوراق وما اعرف بيها نقص وما راسلتهم طول سنة كاملة
ومن طكت روحي وذكرتهم كالولي احنا عايفيها المعاملة لان بيها نقص فمن ذاك اليوم اني كل شهرين اراسلهم
بالنسبة لموضوع بيت خالتي اني اعرف احنا نكدر نضيفهم بس حبيت واحد يشرحلي الطريقة واسلوب السفارة بالتعامل وياهم
يعني احنا وهمه يأثر بينا واحد عاللاخ لو لا ؟؟ اذا اي طرف انرفض راح يأثر هالشي عالطرف الاخر لو كلمن معاملة وحدة؟؟
وبالنسبة للمقابلات وياهم لو وحدنا؟؟ هالاشياء الي احب اعرفها اذا ممكن .

ملاحظة / اليوم ودعنا بيت كرايبنا لان سفرتهم الاحد الجاي وراح يرحون وهمه مسجلين قبلنا ب6 اشهر

[ريم عبد]

اخي انمار اني عندي كيس نفس وضعيتك هم سنه يله نطوهم ال اي زيد
وهم رقمهم ب 113 ولازالةا الى هسه ولا موعد مقابله يعني وضعك عادي

السؤال الثاني اذا اختك تزوجتك واتريد تنسحب مادام ممقابله وياكم ولا مقابله بس صاحب الكيس ايدزلهم ايميل يبلغهم بحذف  اسم اختك

السؤال الثالث بخصوص اضافة الخاله
اذا كان الكيس باسم والدتك تكدر اتضيف خالتك وزوجها والاولاد القاصرين والغير متزوجين
اما طريقة الاضافه
اتدزلهم ايميل الموضوع اضافة افراد
واتدز البايوغرافي داتا مالتهم والجناسي
وهمه راح يدزولك ايميل ايكولوك تمت الاضافه