بس جاوبوا على اسئلتي اريد اشوف حالي شلون راح يصير ....

[شط المنصور]

السلام عليكم شلونكم اصدقائي شلونكم يا حبايب انشالله تكونون بخير ومرتاحين

اني انشالله راح اسافر لاحدى دول الجوار واقدم عال UN بس عندي اسئلة ارجو ان تجاوبوني عليها :

1- من اسافر لاحد دول الجوار حتى اقدم عال UN الى اي دوله اسافر من ناحية الرخص بالسكن والاكل ؟
2- شكد يتاخر التقديم بدول الجوار وهل احتاج اقامة وشكد تكلف الاقامة ؟ طبعا بدول الجوار
3- هل يحتاج اخذ عائلتي في دول الجوار ام انا اقدم وبعدين يلحكوني ؟
4- من راح اقدم عال UN اكيد راح يدزولي مقابلة لو هم قرعة ولو يطلع اسمي لو ما يطلع وتروح المصاريف ؟
5- اكو سقف زمني للتقديم يعني ممكن ينسد التقديم لو مفتوح عادي ؟
6- ارجوا منكم تذكرولي تفاصيل التقديم عال UN والمستمسكات المطلوبة ؟ وهل هناك رسوم يجب ان ادفعها للمنظمة
7- بعد القبول ان شاء الله تكاليف السفر و تذاكر السفر لامريكا بالطيران راح تصير عليهم لو علينا لو اكو قروض سفر ؟ وهل يحتاج ارجع لبغداد قبل السفر من سوريا؟

اسف عالاطاله لكن اعذروني ما اعرف شي واكو هواية اعضاء وزوار مايعرفون شي عالموضوع

تحياتي الكم

[/size]

[المهندس سيوفي]

رفع للمساعدة

[ĈAŃDŶ]

1- من اسافر لاحد دول الجوار حتى اقدم عال UN الى اي دوله اسافر من ناحية الرخص بالسكن والاكل ؟

ماكو دوله رخيصه يعني مثلا بسوريا الايجار اقل شي ورقتين ونص

2- شكد يتاخر التقديم بدول الجوار وهل احتاج اقامة وشكد تكلف الاقامة ؟ طبعا بدول الجوار

الاقامه مدرسيه لو على اليو ان وهي سنويه وكل شهر او شهرين تروح تاشر

3- هل يحتاج اخذ عائلتي في دول الجوار ام انا اقدم وبعدين يلحكوني ؟

طبعا لازم تقدمون كلكم بملف واحد


4- من راح اقدم عال UN اكيد راح يدزولي مقابلة لو هم قرعة ولو يطلع اسمي لو ما يطلع وتروح المصاريف ؟

لا طبعا يدزون عليك علمود تسوي ورقه الحمايه ام الصورة

5- اكو سقف زمني للتقديم يعني ممكن ينسد التقديم لو مفتوح عادي ؟

مفتوح لان الاوضاع ممستقرة بلعراق

6- ارجوا منكم تذكرولي تفاصيل التقديم عال UN والمستمسكات المطلوبة ؟ وهل هناك رسوم يجب ان ادفعها للمنظمة

لاماكو رسوم بس تروح على المقر مالتهم وياخذون منك الجوازات ويحددولك موعد مقابله

7- بعد القبول ان شاء الله تكاليف السفر و تذاكر السفر لامريكا بالطيران راح تصير عليهم لو علينا لو اكو قروض سفر ؟ وهل يحتاج ارجع لبغداد قبل السفر من سوريا؟

لا كلشي عليهم بس من توصل بلسلامه ورة فترة يبدون يستقطعون منك المصاريف مال سفرك

اسف عالاطاله لكن اعذروني ما اعرف شي واكو هواية اعضاء وزوار مايعرفون شي عالموضوع

تحياتي الكم

اهلا وسهلا بيك وانشاء الله تسهل كل امورك

[شط المنصور]

شكرا جزيلا اخوية العزيز على ردك اللى يطمن

يعني انشالله اكدر اسافر سوريا او اي بلد بدون قلق انه ما يطلع اسمي

[ĈAŃDŶ]

اخويه سافر والشغله اكيده مال ينطوك ورقه حمايه بس شغله التوطين مامضمونه ومامعلوم شوكت

[شط المنصور]

يعني شنو شغلة التوطين ما افتهمت شنو هي ممكن توضيح اذا امكن ؟

[ĈAŃDŶ]

التوطين لبلد ثالث مثل امريكا

[شط المنصور]

اشكرك حبي mms على ردك وتواصلك

بس اعذرني لان شغلة التوطين ما افتهمت منها شي يعني شنو لبلد ثالث مثل امريكا يعني هذه تأثر على قبولي انه اسافر لامريكا لو لا يعني اني الخلاصة من راح اقدم عال UN راح اسافر لامريكا لو لا يعني حتى اعرف مصاريفي بدول الجوار تروح اببلاش لو راح احصل شي واسافر لامريكا اعذرني اخوية ترى فكري مشوش ...

[/size]

[ĈAŃDŶ]

تدلل اخويه اولا اني اختك MMS 

اخويه انته راح تقدم لليو ان واذا جانت قصتك مقنعه وتستاهل التوطين لبلد ثالث غير العراق وسوريا راح يتحول ملفك لقسم التوطين بس شكد المده ممعروفه اكو ناس خلال سنه وناس سنتين واكثر 

وخلي ابالك اقل شي سنتين يعني لازم ترتب نفسك لسنتين  واذا الله سهل يجوز اقل وهذا ممعروف كلشي قسمه ونصيب وحظ


واسفه يجوز شرحي مو واضح او ماوصلت الفكرة بلصورة الصحيحه لكن راح اساعدك بكل معلومه اعرفها وتدلل


اختك MMS

[شط المنصور]

شكرا اختي اني اعتذر لان ما عرفت انتي ولد او بنت اني اسف جدا وشكرا على تعبج ويايه بس اذا امكن توضيح اكثر :

انتي كلتي انه ((اذا اقتنعوا بقصتي راح ينطوني حق اللجوء لبلد ثالث )) يعني بهيج حاله اكو احتمال ما يقتنعون بقصتي وما احصل شي ؟ واكثر شي شنو الماشي يعني اكو ناس رجعت لان قصصهم مو مقنعه مثلا ؟ لو كلها مشت عادي ؟

سؤال : اني انشالله راح اكمل الثانوية خارجي بالتربية واكمل هالسنة واسافر يحتاج زوجتي ايضا تكمل ثانوية لو اني كافي ؟

واسف مرة ثانية mms   تحياتي الج وردة

[ĈAŃDŶ]

اي اكو احتمال ميقتنعون بلقصه ولازم اتخلي ابالك هذا الشي لان هوايه ناس اكو بعدهم مموطنيهم لبلد ثالث واكثر القصص التمشي هي التهديد والخطف

وبصراحه بشغله الشهاده ما اعرف بلكت يجاوبوك بقيه الاعضاء

لا عادي ادلل اخويه

[شط المنصور]

شكرا على تعاونج ويايه اخت mms وتعبتج ويايه

[زيد العراقي]

اخي شط المنصور اهلا وسهلا بيك
اخي احب ان اوضح لك اشوية احنا سجلنا في اليو ان سنة 2007 بعد شرح معانتنا في العراق اعطونا ورقة حماية تتجدد كل 6 اشهر اوسنة ولازم انت وزوجتك واطفالك في وقت واحد
في سنة 2010 ارسلو علينا على المقابلة الاولى بعد شرح ظروفنا الصعبة بهذا البلد اللي مقيميين به ودخل والدي مقابلة اولى من شهر السادس ولحد الان ماكو اي شىء اي مادخلنا مقابلة توطين حتى يوطنونا لبلد ثالث والبلدان يجوز امريكا او كندا او استراليا هما اللي يختارون البلدوانت لاتاخذ قصتي انو الكل هكذا اكو ناس بعد فترة قليلة يصير توطين وخلال سنة السفر هاي كل واحد هوا وحظو
ان شاء الله صار عندك فكرة اشوية وتكدر تدخل المنتدى وتقرا وتفهم اكثر

[شط المنصور]

اويلي يابه هاي شلون طلابةشلون سالفة زين اكدر اتفق ويا صديق  بامريكا اكولهم هذا صديقي ابن خالتي واريد يمه اكو هيج شي يمعودين شلون

[saiyf]

اخويه العزيز تره سوريه كلش بطيئه اتنام بيه اسنين دير بالك الي احسن من سوريه الاردن والعيشه بعمان نفس سوريه بس اليو ان اسرع من سوريه او ثاني شي اذا انته اتجيب عائلتك وياك الامم المتحده تنطيك راتب سوريه مابيه طبعا هذا الشي بس الراتب ميجي بسهوله لازم اتلح على الامم المتحده يعني على النفر ورقه بالشهر والايجارات ارخص تعال لعمان احسن من سوريه واذا مشتغل ويه الامريكان بعد اسلرع واذا قصتك هم قويه هم زين الكم مثل مكتلك سوريه متفيد جدا تعبانه واذا اتريد تجي لعمان اسكن منطقه الهاشمي الشمالي لان بيه عراقيين والمنطقه زينه بيه كلشي خدمات  تقبل مروي

[شط المنصور]

تسلم سيوفي على الرد والمتابعة

خلي ارتب اموري اببغداد وانشالله اطلع

تحياتي الك

[ام مشمش]

اخويه العزيز اول شي اعتقد وصلتك المعلومات من اختنا mms  وماقصرت بس موضوع يادوله ارسرع صدكني هي مالها مقياس يعني بيد الله  انته شوف يادوله تناسب ظروفك بس اكيد سوريا ارخص شي والمساعدات بيها زينه
بالتوفيق

[شط المنصور]

تسلمين اختي ام مشمش على التواصل تحياتي الج

[كوكي 2004]

مرحبا اخي العزيز شط المنصور بالنسبة للدراسة ما الهه دخل بالتوطين يعني هنا بعمان مثلا ( كل النساء الي كاعدين بالشارع سبيعون سكاير اجاهم توطين اسرع من باقي اللاجئين العراقيين والمصيبة معظمهم يرفض التوطين واليو ان يعتبر هذه الفئة ( امرأة في خطر ) يعني ملخص الكلام التوطين والسفر ما اله علاقة بالشهادة اذا الشخص مكمل ابتدائية او دكتوراه . وتقبل مروري . اختك كوكي 2004 .

[شط المنصور]

شكرا كوكي على تواصلج الرائع والتوضيح الاروع

تحياتي

شط المنصور

[حمادة عزو@]

اي والله لاعاب حلكج اختي كوكي اني اعرف وحدة تبيع جكاير وطلعلها توطين لامريكا وراحت وحصلت كرين كارت ورجعت تبيع جكاير هي حظوظ بالنسة لاخي شط المنصور اني ماريد اهبط معنوياتك ترا اني من 2005 عمان مقدم unولي هسة دنراوح بس الي ديقدم جديد انشاء الله دتمشي امورة واتمنالك الموفقية وللجميع بس حتى تحسب حسابك مثل ما كالو الاخوان والاخوات جأز اقل من سنة تروح وجأز اكثر والعلم عند الله شكاتبلك تشوف تقبل تحياتي                   أخوكم           حمادةعزو@

[شط المنصور]

تسلم اخوية حمادة على ردك القيم

تحياتي

شط المنصور