اه يا الغربه
سنيين طويله بل غربه كيظيت
ولا يوم بل فرحه ما حسييت
نار بيا تحترك انا بزماني سويت
لهلي واعز احبابي فاركت ومشيت
لديوان امي وابويا اشتاكيت
ارجع الزماني مدلل البيت تمنيت
عطشان لدجله والفرات وما رتويت
شمعه ذوب مثلها صرت وما شتكيت
بحزني صرت مظبوح وللماضي حنيت
رحلت على حسبان احلامي ومبدئي تخليت
يطول عليا اليل بقسوة ويذكرني
اجمل حب بحياتي حبيت
ودموعي حاره تشربها مخدتي
اه يا دنيا شكثر عانيت
هيه هاي الغربه الها الفرحه والحلوى انطيت
وال اه ولوم ليا وشعر ابيظ براسي خليت
يا غريب تتعب وعزك ترتاح بيتك
وترجع ملهوف و تشوف امك
واذا ظيعت تلكه من احبابك
وجرحك داوي اعز ناسك حبيبتك
بل الغربه تمرض من يكلك سلامتك
وتبجي وتتئلم من يسمع شكوتك
وحيد تعيش ومن يواسي معاناتك
بس الي مكتوب تشوف العين هذه قسمتك
شعر ستيفن نينوايا \8\2000