ارجو الجواب ضروري

[شيري روم]

سلام ع الجميع ..
اخوتي الله يعطيكم العافيه ..
انا من ايام جيت لمصر من العراق واود اقدم للجوء لامريكا ..انا واخويه فكيف اقدم واي مكان علما ان اختي من اكثر من سنه طلع لجوئها لامريكا هي وزوجه فهل تكدر تسوي شي من امريكا لو اني اعتمد ع نفسي بالتقديم ؟؟

اتمنى الجواب الوافي منكم الله يخليكم

[ضـاع الوطن]

اولا حمد لله على سلامتك  اتكدرين اتقدمين على UN 

وهسه يدخلون جماعه مصر على الموضوع وان شاء الله يفيدوج بأدق المعلومات

[شيري روم]

مشكورين يالغاليين للجواب ..
ما قصرتوا واي عندي تهديد وهويه تهجير واوراق تأكد استشهاد اخي نتيجة الاعمال الارهابيه ..

واله يخلي كل من يجاوبني ويعطيه العافيه ..

[Robin Hood]

السلام عليكم
اخت شيري نووورتي مصر وحمدلله على سلامتكم
اذا احد اقاربج من الدرجه الاولى بامريكا وعندة الكرين كارت تكدرين اتقدمين على منظمه الهجره بمصر
واذا انتي اشتغلتي ويه احدا الشركات التابعه للحكومه الامريكيه او احد اقاربج من الدرجه الاولى تكدرين اتقدمين على منظمه الهجره (بس الشخص الي اشتغل ويه الامريكان يروح يقدم وانتو ادخلون وياه بس بكيس منفرد اذا عمركم فوق ال21 واذا اقل يدخل ويه كيس الوالدين وبالنسبه للاوراق الي جايبتها وياج مال تهديد متفيد من ناحيه منظمه الهجره بس ممكن اتفيد اذا قدمي على الامم المتحده الي موقعها ب6اكتوبر بالحس السابع قريبه يم المجمعات الاردنيه والتوفبق من عند الله واي سؤال اني برسم الخدمه

ان مع العسر يسرا

robin - cairo

[شيري روم]

وعليكم السلام اخ Robin Hood

اشكرك للجواب .. واي اني قصدت التقديم للU N بس بقى اعرف انه التقديم في ايام محدده ولا يكون في اي يوم وشاخذ من مستمسكات من اول ما اقدم ؟؟

[Robin Hood]

السلام عليكم
اختي العزيزة اتوقع كل يوم مفتحين عدى الجمعه والسبت واخذي وياج كل المستمسكات المطلوبه الجواز والجنسيه وشهاده الجنسيه واوراق التهديد والاوراق الي تثبت بانكم اتهجرتو وسكنتو لغير منطقه واحجيلهم القصه مال اشلون اتهددتو واذا لاسامح الله شخص منكم انقتل او انخطف اسمله عليكم وعلى كل امه محمد والافضل يكون عندج صور للشخص المقتول (يعني مثلا اثار تعذيب بالصور منبينه او تقطيع بالجثه بالصور منبينه لاسامح الله )متاسف على التعبير بس داحول ابسطلج الامور واذا عدكم حالات مرضيه اخذي وياج كل التقارير اذا جايبتها من العراق واتروحين من ساعه 8 الى ساعه 11 اتقدمين الطلب ووراها يحددولج موعد علمود اسلميهم  الاستماره وراح يسئلوج ليش عفتي العراق وشنو السبب وان شاءالله التسهيل للجميع

ان مع العسر يسرا

robin - cairo

[kunda]

جماعة مصر الطيبين مايقصرون

[شيري روم]

السلام عليكم
اختي العزيزة اتوقع كل يوم مفتحين عدى الجمعه والسبت واخذي وياج كل المستمسكات المطلوبه الجواز والجنسيه وشهاده الجنسيه واوراق التهديد والاوراق الي تثبت بانكم اتهجرتو وسكنتو لغير منطقه واحجيلهم القصه مال اشلون اتهددتو واذا لاسامح الله شخص منكم انقتل او انخطف اسمله عليكم وعلى كل امه محمد والافضل يكون عندج صور للشخص المقتول (يعني مثلا اثار تعذيب بالصور منبينه او تقطيع بالجثه بالصور منبينه لاسامح الله )متاسف على التعبير بس داحول ابسطلج الامور واذا عدكم حالات مرضيه اخذي وياج كل التقارير اذا جايبتها من العراق واتروحين من ساعه 8 الى ساعه 11 اتقدمين الطلب ووراها يحددولج موعد علمود اسلميهم  الاستماره وراح يسئلوج ليش عفتي العراق وشنو السبب وان شاءالله التسهيل للجميع


مشكور يا اخويه والله سهلتلي هواية امور وان شاء الله الله يخليك ويحفضك ويجازيك بكل خير .. واشكر جميع من جاوب ع سؤالي

ان مع العسر يسرا

robin - cairo