ما العمل في حال عدم استلام الكرين كارد لحامل siv

[bwk]

سلام شباب

سؤال لاصحاب الخبرة

ما العمل في حال الدخول الولايات المتحدة بصفة مهاجر siv وبعد مرور ثلاث اسابيع لم يستلم الكرين كارد حسب العنوان المعطاة لهم؟؟؟

ما العمل غير الانتظار

هل هناك عنوان للاستفسار او رقم هاتف؟؟


وشكرا"

[ســـرى]

اخي العزيز انت استلمت بعد وصولك ورقة من الuscis بالبريد يسموها الويلكوم نوتس welcome notice؟ لازم بالاول تستلمها وبعدين تنتظر وصول الكرين كارد.وانت ما صارلك هواية لاتبدي تقلق من هسه.

[bwk]

شكرا اختي على الجواب السريع

والله الى حد هسة كلشي ماكو لا ولكم نوتس ولا اي شي منهم ....عجيب

العنوان منطية مضبوط وكالوا اسبوعين بالزايد ويوصلك على عنوانك

اعتقد لازم اتابع الموضوع مو مال ابقى انتظر؟؟؟

عدكم معلومات كيفية الاستفسار لو اراسل السفارة بغداد؟

واني جدا" ممنون

[angie-dawood]

--------------------------------------------------------------------------------
مرحبا شباب
شويه العنوان مخربط لان مستعجل ورايح للشغل
ملاحظه مهمه لكنها متأخرها نوعا ما :
تم تغيير عناوين دوائر خدمة الهجرة والجنسية اللي تستلم معاملات الكرين كارد وتم تقسيم الولايات الى قسمين وكل مكتب له مجموعه معينه من الولايات.
(يعني تم تغيير مكتب Nebraska الى Arizona

وحسب الجدول التالي:
أولا:
الولايات التاليه ترسل المعاملات الى هذا العنوان:
USCIS
PO Box 660867
Dallas, TX 75266

____________
وبالنسبه اذا كان البريد مستعجل فهذا العنوان:
USCIS
Attn: AOS
2501 S State Hwy. 121 Business
Suite 400
Lewisville, TX 75067
_____________

وهذه هي الولايات:
Alabama-Arkansas-connecticut-delaware-the distrect of Columbia-Kentucky-luisiana-florida-georgia-maine-myryland-massachusetts-mississippi-new Hampshire-new jersey-new mexeco-new york-north Carolina-Oklahoma –Pennsylvania –Puerto Rico -Rhode island-south Carolina-Tennessee –Texas –Vermont -Virginia-U.S. Virgin Island or West Virginia.


ثانيا:
الولايات التاليه ترسل المعاملات الى هذا العنوان:
USCIS
PO Box 21281
Phoenix, AZ 85036
________________
 
وهذا للبريد المستعجل
USCIS
Attn: AOS
1820 E. Skyharbor Circle S
Suite 100
Phoenix, AZ 85034
وهذه هي الولايات التابعه لهذا المكتب:
Alaska –Arizona –California – Colorado – Hawaii – Idaho – Illinois – Indiana – Iowa – Kansas – Michigan – Minnesota – Missouri – Nebraska – Nevada – north Dakota – Ohio – Oregon – south Dakota – Utah – Washington – Wisconsin – Wyoming – Guam or the Commonwealth of North Mariana Islands.

وهذا الرابط حتى ميجي واحد ويشكك بالموضوع:
http://www.uscis.gov/files/form/i-485instr.pdf


وانتظروا موضوعي عن تقديمي على الكرين كارد وكيفية ملئ الاستمارات وارسالها بدون اي تكلفه ماديه وشرح خطوه خطوه.


أخوكم
غسان الاشقر
سان دييغو - كاليفورنيا

[ســـرى]

اختي الغالية والحبيبة انجي ما ذكرتيه موضوع الاخ غسان الاشقر هو للتقديم على الكرين كارد في امريكا والاخ السائل هو اصلا siv للتوضيح اختي العزيزة.

اخونا العزيز سبق واخبرتك انت ما صارلك هواية فلا تستعجل انتظر تجيك ان شاء الله الويلكوم نوتس ووراها يجيك الكرين كارد على نفس العنوان. وحتى تتأكد من كلاي شوف الرابط التالي حتى تكون فكرة عن الفترة اللي يوصللك بيها الكرين كارد

http://www.ankawa.com/forum/index.php/topic,425046.msg4683785.html#msg4683785


وايضا قبلك الاخ سنايبر بين نزل الموضوع التالي اخبرناه بنفس الجواب شوف الرابط

http://www.ankawa.com/forum/index.php/topic,424262.msg4678088.html

وكذلك شوف جواب الاخ برايمل عليه واللي كان كالتالي:

((انته بعد متوصل امريكا وبين 2 اسبوع الى 8 اسبوع راح توصل على العنوان الي انته منطي حتى يوصل الكرين كارد رساله ترحيب  welcome notice  من ال USCIS يرحبون بيه بقدومك الى الولايات المتحدة وبيه رقم يبدا ب الحروف SRC تاخذ هذا الرقم وتروح اجيك معاملتك راح تطلع كالاتي

On XXXXXX we ordered production of your new card. Please allow 30 days for your card to be mailed to you. If we need something from you we will contact you. If you move before you receive the card, call customer service.

اصبر 1 ال 2 اسبوع كحد اقصى بعدين يوصل الكرين كارد بالبريد))


ارجو انه تكون الفكرة وضحت الان لديك اخي الكريم.

[bwk]

شكرا" جزيلا اخت انجي لنقل معلومة

وشكرا" لك اخت سرى على توضيح الامور ونقل مشاركات الاخوة

تعبتكم وياية و اني جدا ممنون

وياريت الي عندة رقم للاستفسار ينزلة هنا حسب مامذكور بالمسج بس ناقص الرقم


On XXXXXX we ordered production of your new card. Please allow 30 days for your card to be mailed to you. If we need something from you we will contact you. If you move before you receive the card, call customer service


اخت سرى كفيتي ووفيتي ممنون اختي العزيزة

[Nosha7978]

اني اعرف واحد اصدقائنا اجه يوم 2 شهر 7 و تقريبا وره  اكثر من شهر اجته الويلكم تو يواس اي ما اتذكر التاريخ  و بالضبط يوم  السبت 21 شهر 8 يله وصله الكرين كارد اني و ديته اله بنفسي لان جان منطي عنوان بيتنا لان مجان عنده احد بامريكا بس احنا فيمكن تطول و الله كريم و موفق بس اهم شي انت من دخلت بالمطار من سويت اوراقك تاكدت من العنوان الي راح يدزوه عليه

مع الشكر هاي تجربه شخصيه

[ضوء الشمس]

الاخ bwk
عزيزي انا مثلك وصلت اميركا 20/7/2010 ولحد الان لا welcome notice؟ ولا كرين كارد، بس اني قريت مواضيع الاخوه الباقين وافتهمت منهم انه قد يتأخر ما اهتميت خاصة واني اصلا عنوان الشخص اللي منطيه متغير وبالمطار محد سألني اذا اريد اغيره وطبعا اني نسيت بس بعدين اتذكرت فبلغوني ما اشيل هم وانه قد يجي على عنوان المنظمه التي كفلتني في هذه الولايه بس اكيد يتأخر.
فلا تشيل هم..
حالي من حالك..
علما اني صار يعني شهر وعشر ايام..
ها واني مثلك SIV

[BaghdadGhost]

العمل هو الانتظار اكثر من ثلاثة اسابيع ,,,,, اني اكول بان تنتظر لمدة ثلاثة اشهر ,,,, اذا ما وصلك اي شي ,,, عود ذاك الوكت اتصل بيهم ,,,,

ها بالمناسبة ,,, الاتصال المبكر يؤثر سلبيا ,,, (بناءا على قاعدة الخروج عن المألوف يدخلك في خانه الغير المألوف)  كل ما في الامر انه من يجي دورك تستلم الكرين كارد

الله يكون بعون جماعه ال IOM ,, ينتظرون سنه ,,, النوب يملون استماير ,,, النوب يدفعون فلوس للمنظمة لتقديم الطلبات ,,, النوب يدفعون للدكتور حته الافندي بس يخلي توقيعه على ورقة الفحص الطبي و اللقاحات ,,, النوب ينتظرون بصمات ,,, النوب ينتظرون المحروسة لو تجي بسته اشهر لو تتاخر اكثر ,,,,,, يعني المجموع سنه و نص و شيل ايدك ,,,,

[ســـرى]

اخوية ضوء الشمس شوكت تغير العنوان اللي انت منطيه؟ ورة ما وصلت لامريكا؟ ما اريد اخليك تقلق بس اتصور المفروض تبلغ بخصوص تغيير العنوان.

[مهاجر ابدي]

اخي العزيز
قبل سنتين هاجرت لامريكا انا وزوجتي وابنتي بعد شهر ونصف استلمت اول ويل كوم نوتيس وكان لي وبعدها استلمت لزوجتي وابنتي وبلغ مجموع رسائل الترحيب التي استلمتها اكثر من سبعة دون ان استلم اي كرين كارد واتصلت بهم تلفونياً اكثر من عشرة مرات وفي كل مرة اعطي لهم العنوان ومعلومات عن تاريخ الدخول ونوع الفيزا وبدون فائدة. ولعدة مرات استلمت رسائل بأن الكرين كارد تم ارساله الي واعيد اليهم لوجود خطأ بالعنوان كل هذا وانا اتصل بهم واكرر لهم عنواني.وبعد ثلاثة اشهر استلمت الكرين كارد لي ولابنتي وبقى كرين كارد زوجتي وبعد شهرين طلبت موعد مقابلة مع دائرة الهجرة عير الانترنت واعطوني موعد وقابلت الموظف وشرحت له الموضوع فقام ببحث عن ملفي ووجد ان العنوان به غلط برقم الشارع علماً بأن العنوان هو نفسه الذي وصلت اليه رسائل الترحيب واقاماتي انا وابنتي.وعندما صحح الخطاً استلمت زوجتي الكرين كارد وذلك بعد ستة أشهر من دخولنا امريكا وكانت نصيحة الموظف لي بأن أعطي عنوان صندوق بريد وليس عنوان شارع لضمان وصول البريد اليه دون اي مجال للخطأ
وعليه..نصيحتي اليك هيه التالية.
استأجر صندوق بريد وقم بتغير العنوان وعبر الأنترنت عندها ستضمن وصول الكرين كارد اليك او قم بطلب موعد مقابلة مع دائرة الهجرة في ولايتك وقم بتأكيد عنوان الحالي
رابط تحديد موعد القابلة
http://infopass.uscis.gov
رقم هاتف الاستعلامات لدائرة الهجرة
3755283 (800)
موقع تغير العنوان
https://egov.uscis.gov/crisgwi/go?action=coa
ارجو ان تكون مشاركتي مفيدة لك
تحياتي
مهاجر أبدي

[ضوء الشمس]

الاخت المحترمه سرى
اني تغير العنوان الذي اعطيته اول مره قبل وصولي الى امريكا يعني من كنت بقطر، وقلت اني من اوصل الى امريكا بالمطار اغير العنوان مثل ما الكثير نصح وافتهمت انه ممكن هذا الشي، لكن عندما وصلت لشيكاغو ومع التعب الذي تعرفيه واطفال ودوختهم لم يسألوني عن العنوان الذي اود ان يصل الكرين كارد عليه وانا طبعا نسيت لان ذكرت الج السبب بالاضافة الى انه كان اكو خطأ ببطقات السفر اتسبب هذا الشيء الى تأخيرنا وفاتت علينه الطياره وانتظنه خمس ساعات ثانية يله طرنه علما انه حقائبنا طارت قبلنا الى اوهايو، لان جماعة الاي او ام ماكو مثلهم امخربطين بالدنيا كلهه.. المهم نسيت اغير العنوان بالمطار، لكني بلغت المنظمه اني اريد اغير العنوان بلغوني لا تشيل هم همه راح ايدزوه للعنوان السابق ويرجع عليهم وبعدين يتصلون على العنوان مال المنظمة الكافلتك ويوصلك بس المسألة تتأخر، شنو رايج شنو اسوي بهاي الحالة اني بديت افكر واضوج..
جزيل الشكر لكي

[ســـرى]

انت انتظر الفترة القادمة فد شهر همين وشوف راح يجي الويلكوم نوتس على عنوان المنظمة لو لا؟ اذا لا ذاك الوقت حاول تتصل بخدمة الزبائن الخاصة بدائرة الهجرة واشرحلهم الموقف هسه انت خلي هاي الفترة تفوت لان بعد ما فات عليك هواية من وصلت.