ارجو من الاخوة اللي موجودين في امريكا او من الاخوة اللي عدهم اطلاع بالموضوع مساعدتي واكون ممنون الكم جميعاً مقدماً.
المشكلة انه اني بديت بمعاملة اصدار نسخة مترجمة من شهادة الاعدادية ومن خلصت من المدرسة ووصلت للمديرية مال تربية طلع عندي مشكلة الاسم مالي بيه حرف مكتوب بدل حرف بالسجلات مال تريية بحيث مغير اسمي الى اسم اخر. المهم لازم اسوي معاملة تصويب الاسم كلت يلة ميخالف مو مشكلة طلعت المعاملة عبارة عن لويصة وتطول شهرين اذا مو اكثر (عن لسان الموظفة المسؤولة عن الموضوع) وتصورو لازم حتة اروح اجيب صورة قيد من النفوس ونسخ من الشهايد مالتي ولجنة وبعدين اروح للوزارة اعدل سجلاتهم وبعدين اعدل سجلات الدائرة مال تصديقات بوزارة الخارجية وفد قصة من هاي الاصلية من قريتهة بورقة مكتوبة يمهة التعليمات. المشكلة انه اني خلال الايام القادمة سفري ان شاء الله والمعاملة اتطول شهرين باحسن الاحوال وفوكاها اسبوعين الشهادة الى ان يحولوهة المديرية للوزارة للتصديق يكولولك تعال بعد اسبوع وبالوزارة اباب المعظم اتطول اسبوعين يالة تستلمهة والخارجية هم يوم مال تصديق.. يعني كسر بجمع اني ملحك ماخذ الجنسية هناك.
اخوان استفساري ينصب بموضوع حاجتي للشهادة الاعدادية في امريكا مع العلم اني عندي شهادة ماجستير علوم حاسبات وشهادة بكلورويس لغات لأن دائما اسمع انه تحتاج لشهادتك مال اعدادية بالمعادلة او هيج شي وحتة الكميونتي كولج تحتاجلهة شهادة اعدادية. وشكرا لكل الاخوة مقدماً.
Mory
