اريد اكتب قصتي لكن .... ارجوا المساعده ...

[شط المنصور]

السلام عليكم شلونكم عنكاويين ان شالله يارب مرتاحين

الحقيقة اني بالعراق و عندي قصة ومن اريد اكتبها او احجيها تخونني بعض التعابير والكلمات واخاف تصيير ما مرتبه ممكن احد يساعدني بكتابة قصتي ؟ او يرسل الي قصة كمثال ؟ او اكو احد يعرف كاتب قصص او كاتبة قصص اختصاص ؟

ارجوا المساعده وتحياتي الكم

[Safaa Alkhrkhy]

http://www.ankawa.com/forum/index.php/board,51.0.html

[Robin Hood]

السلام عليكم

اخويه شط المنصور ان اشوف لو تكتب القصه بلهجتنا العراقيه تطلع حلوه والك الاختيار

ان مع العسر يسرا

robin - cairo

[Muscle man]

اخ شط المنصور اني هم مثل حالك واريد اكتب القصة بس مااعرف الامور الي ممكن تكون عثرة او تكون سبب بعدم اقتناعهم
او شنو هي الامور الي ممكن تساعدني وتسرع من قضيتي

تحياتي

[شط المنصور]

شكرا اخ روبن هود على مداخلتك بس يعني عادي اذا اكتبها باللهجة العراقية ماكو مانع يعني مابيها اشكال ؟؟؟؟

[شط المنصور]

شكرا اخي صفاء على الرابط وان شاء الله استفاد من عندة تعبتك وياية

تحياتي الك

[شط المنصور]

ارجو من الاعضاء الرد والمساعده اذا يعرفون شي

تحياتي

[Aiham_]

قصة مال شنو؟

[نور الحديثي]

اخي شط المنصور
ترى الاسم فيكة ههههههههههههههها اخي العزيز سؤالك مو وضاح يعني تقصد قصة للتقيدم على اللجوء لو قصة حياتك لو شنو ؟؟؟؟
على العموم اذا تقصد قصة للجوء فاكيد كل شخص عندة معاناته الخاصة ومال تكتبها باللهجة العراقية ماكو هيج شي لانه العربي وبالكوة يفتهوه عاد بالعراقي اكو كلمات نوبات هنا بامريكا يسالوني عليها احنا نفهم معناها بس ماعرف شلون اشرحها عادين همه اما بالنسبة لقصة اللجوء فدائما كون محدد وتعرف شدتكتب بالضبط ولازم القصة بيها تهديد مباشر الك ولعائلتك مو الوضع بالعراق مو زين وغيرها لانه عدهم الف دربونة يطلعولك بيها تكللهم الطائفية يكلك الطائفية انتهت او روح لمنطقة بيها اثرية من طائفتك وانت يمكن لك القياس
اخوك ابو نور

[شط المنصور]

شكرا اخ نور الحديثي على الرد الحلو والواضح تسلم حبي

[الحياة والجنون]

السلام عليكم اني مشتركه جديده من العراق بغداد. وحبيت ارد على الموضوع. اخويه العزيز اكتب الي تحسه مو مهم الطريقه او اللهجه لان اذا كتبت  احساسك اكيد راح يكون صادق ويوصل للناس وهذا رائيي

[santabanta]

(عن تجربه شخصيه) احسن طريقه تلزم ورقه وقلم وتكتبهه بالعاميه يعني كانما دتحجيهه لصديقك وحط كل التفاصيل والتواريخ واذا متذكر التواريخ بالضبط حط تواريخ تقريبيه يعني بس شهر وسنه, بعدين انت بالمقابله مراح يطلبون منك القصه بالفصحى لان المترجم يفتهم عليك فلا ادوخ, بس نصيحه اذا تريد تسهلهه عله نفسك لاتغير بالتفاصيل لان الصدق حيسهل عليك المقابله ومراح يخليك ترتبك حته لو حسيت قصتك مو قويه, من تكون صادق راح تكون واثق والله يوفقك, وقبل المقابله بيوم تكدر تراجع القصه حته تكون مرتاح لان الواحد ينسه والله يسهلك ان شاء الله.

[unfaithfull]

السلام عليكم
اخي الغالي اتمنى ان تكون بامان وسلام كما قال نبينا الاعظم محمد صلوات الله وسلامه عليه (النجاة في الصدق)وحشاك من عدم المص\اقيه اسرد القصه بما انزلت والي صار وياك وتحديدا التهديد الي صار على حياتك ابسبب عملك وبكل مصداقيه وخير الكلام ما قل ودل وانشاء الله ابمختصر ومقتضب مفيد راح انشاء الله تلكه مرادك بحصولك على رقم قضيه واكمال المقابلات والاجراءات الاخرى ...
سلامي الك ويارب الامان والاطمئنان.

[xxlm569]

موضوع كلش جديد 

[القرموطي]

 تحياتي
 للسهولة اخي خلي في بالك التالي:

 قصتك مفصلة بالتواريخ + مايثبت كلامك
 شيصير لو رجعت لبلدك؟ + ما يثبت
 
هذا كل ما بالموضوع
 اتمنه فدتك
 تقبل المرور

[كوكي 2004]

السلام عليكم اني مشتركه جديده من العراق بغداد. وحبيت ارد على الموضوع. اخويه العزيز اكتب الي تحسه مو مهم الطريقه او اللهجه لان اذا كتبت  احساسك اكيد راح يكون صادق ويوصل للناس وهذا رائيي

مية هلا بأختنا العزيزة نورتي المنتدى بوجودج

حبيبتي لو تلاحظين انه الأخ صاحب الموضوع ديسأل ويستفسر بسنة 2010
يعني هسه احتمال الله سهل امره وسافر


     تحياتي لحضرتج والله يسهل امرج وامرنا وامر جميع المنتظريين

[الحياة والجنون]

اهلا بيك اخويه العزيز.واعرف اني ولاحظت الموضوع مطروح من سنه 2010 وانشاء الله  سهل امره.بس اني حبيت اكول رائيي لان اكو اهواي اشخاص راح يدخلون ويحبون ايشوفون الاراء ومو مهم السنه وشوكت المهم الموضوع والرائي وشلون الشخص يستفاد من رائي الغير.وتحياتي الك