سؤال عن لم الشمل بالآي او ام للخبراء

[Dr.cox]

أخوان آني عضو جديد, فرصة سعيدة ان اتحدث معكم جميعا
اخوان آني على الآي او ام  ومقابل مقابلة أولى وحتزوج قريبا, في حال تقديم عقد الزواج إلى الآي او ام وإثبات انني متزوج

سؤالي
1- ممكن اسافر وحدي لأمريكا وبعدين  اسوي لم شمل لزوجتي حته تلحكني ؟
2- اكو احد الأعظاء مسافر وحدة بدون ان ياخذ زوجته وياه ؟ علمود يفيدنه بتجاربه , لأن سمعت انو احيانا يجبرون الواحد مرته تسافر وياه سوة .

شكرا لردكم

[مُغترب]

أخوان آني عضو جديد, فرصة سعيدة ان اتحدث معكم جميعا
اخوان آني على الآي او ام  ومقابل مقابلة أولى وحتزوج قريبا, في حال تقديم عقد الزواج إلى الآي او ام وإثبات انني متزوج

سؤالي
1- ممكن اسافر وحدي لأمريكا وبعدين  اسوي لم شمل لزوجتي حته تلحكني ؟
2- اكو احد الأعظاء مسافر وحدة بدون ان ياخذ زوجته وياه ؟ علمود يفيدنه بتجاربه , لأن سمعت انو احيانا يجبرون الواحد مرته تسافر وياه سوة .

شكرا لردكم

وعليكم السلام
اهلا وسهلا بك حبيبي
نورت

والله م رايي ان تقدمون سوه وتطلعون سوه احسن صح راح يتاخر شوية بس طلعه وحده احسن واله

اتفضل شوف الاخ شلون محتار لان راح يعوف زوجته وينتظر

http://www.ankawa.com/forum/index.php/topic,438123.0.html

وانت هم اسال وانتظر بقية الاحبة شنو رأيهم واني كتبتلك رايي الخاص يعني لو بمكانك اخذها واروح

ايد بأيد 


تحياتي لك

[بغدادي76]

اخوية مُغترب  هذه الرابط الي خليته مال واحد مشكلته انو راح اعزب لأمريكا وبعدين اتزوج , بينما الأخ اهنا شغلته مختلفه , هذه حيبلغ المنظمة انو هوه متزوج وحيروح وهوه مسجل عند المنظمة انو هوه متزوج , حالته مختلفة تمااااااااااااما

[مُغترب]

اخوية مُغترب  هذه الرابط الي خليته مال واحد مشكلته انو راح اعزب لأمريكا وبعدين اتزوج , بينما الأخ اهنا شغلته مختلفه , هذه حيبلغ المنظمة انو هوه متزوج وحيروح وهوه مسجل عند المنظمة انو هوه متزوج , حالته مختلفة تمااااااااااااما

اي حبي اعرف بس قصدت شلون راح يدوخ بالانتظار

والاخ هنا هم ينتظر مو صح؟

يعني اقل شي سنة

لو اقل ؟

اني اعرف واحد هنا نسيت اسمه للاسف ولاصغرا بي متزوج وطلع وترك زوجته وراح تروح عليه وره سنة ونص

بس اتذكر اسمه اجيب كلامه لان صاحب تجربة وهم نستفاد منها

هذا الاعرفه اني

وانتوا يمكن اعرف مني


تحياتي لكم

[ملك الحيرة]

اخي العزيز
لم الشمل حسب كلام اي او ام يحتاج اقل شي 9 اشهر

[ســـرى]

اخوية اذا ما اخذت زوجتك من هسه ممكن تقدملها لم الشمل الخاص باللاجئين وهذا يكون من تاريخ دخلك لامريكا ولمدة سنتين فقط.بس يا اخوية اني متأكدة راح تسافر وراح تجي تطلب شلون يسرعون بلم شملكم بعدين وجيب محامي وخلي فلوس فعلويش يا اخوية سافروا سوية واللي كاتبه الله يصير.

[ريم عبد]

اخي دكتور
اول فقره انت من تتزوج ان شاء الله عن قريب لازم اتبلغ المنظمه حتى يثبت هذا في ملفك
واذا مبلغت راح تترتب عليك مخالفه
في حالة اذا بلغت راح يضيفوها وياك بالكيس لان الزوج والزوجه ميصير يكون الهم كيسين منفصله
واذا مردت ادخلها وياك بالكيس معناها راح تتنازل عن حقها بالالتحاق بيك
ومن توصل لامريكا اذا ردت اتظمها الك لازم اتسوي معاملة لم شمل وليس عن طريق ال اي او ام
لان انت طلعتها من الكيس وسقط حقها وثانيا لان انتفى شرط التهديد والدليل انت تركتها وطلعت فاكيد راح تنرفض
بقه عندك طريقة لم الشمل وهاي طبعا راح تتاخر لفتره طويله وحسب الحجج الي اتقدمها بقضيتك
فالافضل تخليها وياك بالكيس وتاخذها والي يجرى عليك يجرى عليها واحسبوها سفرة شهر عسل

[Dr.cox]

الاخ مغترب
الاخ ملك الحيرة شكرا جزيلا لردودكم.

ألاخت سرى: شكرا جزيلا لتوضيح المسأله