المحرر موضوع: تحذير مهم لجميع الاخوة الاعضاء اللي مقدمين علة IOM بغداد  (زيارة 3769 مرات)

0 الأعضاء و 1 ضيف يشاهدون هذا الموضوع.

غير متصل اليكس العراقي

  • عضو فعال
  • **
  • مشاركة: 45
    • مشاهدة الملف الشخصي
 اخواني الاعزاء :

من الجميل جدا ان نتشارك بتجاربنا مع بعضنا البعض. وان نطرح المشاكل المتعلقة بقضية اللجوء والاستفادة من تجربة الاعضاء المخضرمين ولكني لاحظت ان البعض يتطرق لمواضيع قد تعرض حياة المقدمين الجدد للخطر كذكر اسماء اماكن معينة مثلا قد يذهب اليها المتقدمين بطلب اللجوء. لا اعتقد انه من الضروري ذكر اسماء الاماكن لاي شخص يسال عنها. هذه المعلومة ستوفرها المنظمة للمتقدم بوقتها يا اخواني. يعني بالعامية : احنة خلصنة هذي المراحل وجاي ننتظر رد نهائي فماكو داعي انعم علة غيرنة . انتم عايشين يمكن باخطر بلد بالعالم وجاي تحجون من خلال منتدي بي يمكن مئات الاعضاء اذا مو اكثر فمتعرفون منو دة يصطاد بالماء العكر.اي واحد ممكن يجي ويكلك اني مقدم طلب وياخذ المعلومة ويسلب العالم حياتهة وتدرون هاي اشكد صارت سهلة بالعراق.

  اكو اخ مثلا ناطي تاريخ سفر عوائل ما اعرف دة يحجي صدك او دة يكضي وكت بس هذا الشي غلط واذا دة يكضي وقت ويتسلة ايضا غلط لان هذا الشي ايقلل من مصداقية المنتدة والحوار اللي يدور بيه. وارجو ان تكون رسالتي وصلت.


                                      والسلام عليكم



غير متصل (COBRA)

  • مبدع قسم الهجرة
  • عضو مميز جدا
  • *
  • مشاركة: 3320
  • الجنس: ذكر
    • مشاهدة الملف الشخصي
    • البريد الالكتروني
اخي اليكس  اني اضم ندائي وياك وخاصه اهل بغداد الي  يمرون بمراحل التقديم والمقابلات ان  لايذكروا تواريخهم.. وهناك ملاحظات مهمه قد تطرقت لها الاخت انجي  في سياق هاذا الموضوع... ياليت من الاعضاء التقيد بها ؟؟
وشكرا لك للتنبيه مره اخرى؟؟
للرفع
يرجى رفع صورة التوقيع عن طريق موقع عنكاوا كوم
uploads.ankawa.com

غير متصل mike67

  • عضو فعال جدا
  • ***
  • مشاركة: 617
    • مشاهدة الملف الشخصي
    • البريد الالكتروني
تحية للاخ اليكس
 واني اضم صوتي اله بهل موضوع وكلش بادرة حلوة منه لان لازم نكون حذريين بكل شى
 وخصوصا ذكر الاماكن الي نروحلها يعني اقصد موعد المقابلات من يا مكان او موعد السفر
 وحتى بالنسبة للفحص الطبي لان ماشاءالله السادة الارهابين بكل مكان ...كذلك  عدم ذكر المواعيد
 في المنتدى لان مثل مايكول المثل  المصري اولاد الحرام ماخلو لاولاد الحلال حاكه ..... الحذر واجب
 وخصوصا احنا كلنا جنا ويا الجماعة وكلنا مستهدفين وخصوصا الي بعدة بالعراق  ولو احنا نعرف نفسنا
  وما ماذين بشر والحمدلله بس نخاف من الي مايخاف من الله ....ارجو من المشرفين متابعة الموضوع

  مع فائق احترامي

غير متصل storm2000

  • مبدع قسم الهجرة
  • عضو مميز
  • *
  • مشاركة: 1535
    • مشاهدة الملف الشخصي
كلام مضبوط الدنيا متنحزر بعد الي ايريد شي خاص يكتب عالخاص لاعام خوف من المايخاف الله

غير متصل هيثم2010

  • عضو فعال جدا
  • ***
  • مشاركة: 100
  • الجنس: ذكر
    • مشاهدة الملف الشخصي
والله معاك حق بكل كلمة تكولها وفعلا اكو كثير من الناس
ينزلون مواضيع انه راح يسافر ويسوي فحص قبل السفر بهل اليوم هذا وبفلان تاريخ
يا اخوان خليكم حريصين شوية وما يصير كلشي تعلنونة هنا ديرو بالكم شوية
واني ايضا اضم صوتي معاك اخي العزيز

غير متصل kunda

  • اداري
  • عضو مميز جدا
  • ***
  • مشاركة: 4360
    • مشاهدة الملف الشخصي
عاشت ايدك اخ اليكس على هيجي موضوع وهنا يجي دور الاخوة المشرفين بحذف هيجي مواضيع حساسة

غير متصل mohammedchemical

  • عضو فعال جدا
  • ***
  • مشاركة: 468
  • الجنس: ذكر
  • في قلب كل شتاء ربيع نابض ... ووراء كل ليل فجر باس
    • مشاهدة الملف الشخصي
من قال أنه وصل فهو مازال في أول الطريق

غير متصل Mory

  • عضو فعال جدا
  • ***
  • مشاركة: 110
  • الجنس: ذكر
  • لعيون العراق فرش سنونك
    • مشاهدة الملف الشخصي

هذا احد اهم الاسباب اللي تخليني ابد ما انطي تواريخ صحيحة عن الكيس مالتي وحتة موعد السفر مالتي انسألت عنه عالخاص وما انطيته واكتفي بكتابة خلال الايام القليلة القادمة.

تحياتي

Mory

غير متصل الناسك

  • عضو مميز جدا
  • *****
  • مشاركة: 2231
  • الجنس: ذكر
  • الأخ من حزن لحزنك وفرح لفرحك
    • مشاهدة الملف الشخصي
    • البريد الالكتروني
كلام صحيح والمطلوب من الاخوة الاعضاء توخي الحيطة والحذر والانتباه الشديد

غير متصل جوني جاك

  • عضو فعال جدا
  • ***
  • مشاركة: 658
  • الجنس: ذكر
  • مابقى عقل براسي ( هذا هو حالي )
    • مشاهدة الملف الشخصي
صحيح جدا وبارك الله بيك
()

منتظر الموافقة الامنية منذ السادس 2009

غير متصل comander

  • عضو فعال جدا
  • ***
  • مشاركة: 145
  • الجنس: ذكر
    • مشاهدة الملف الشخصي

كلامك مهم والاهم ان ادارة النتدى تحذف هيجي امور للحفاظ على حياة الزملاء الاعزاء,
واني مااعتبر الاخ الي ذكر هاي التواريخ جان اله قصد بس هو تصرف بحسن نية.
الله ثقتي ورجـــائي

غير متصل ريم عبد

  • نجم منتدى الهجرة و اللاجئين
  • عضو مميز متقدم
  • *
  • مشاركة: 8393
  • الجنس: أنثى
  • لا تقيسوا محبتكم بحجم حروفي ..
    • مشاهدة الملف الشخصي
اخواني  المقابلات مستمره وبشكل يومي والي ايريد يستهدف يعرف المكان كلش زين
مو الا يستهدف احد اعضاء المنتدى باسمه المستعار لان كل الي ديقابلون مشتغلين ويه العمام
وبالنسبه للفحص هم يوميا اكو فحصوات لجماعة ال اي او ام والكل يعرف مكانها وين
والسفر معروف على طريق المطار وهاي كل المكانات تحت حمايه للكل مو بس للي مسافرين على ال اي او ام
يعني اذا اني كلت راح اقابل بيوم 15 راح يجون ينتضروني بس الي وشلون راح يعرفوني
لو عندي فحص باليوم الفلاني زين اكو مئات غيري نفس حالتي ليش ينتضروني الي
والسفر يوميا يطلعون مسافرين انواع واشكال منو يروح ينتضرهم بساحة عباس ابن فرناس حتى يعرف واحد من المنتدى ويستهدفه
اتصور الموضوع مبالغ بي
والي يعتبر نفسه مستهدف خلي يحاذر بس منو يعرف اسمه المستعار

غير متصل ابن ميشكان

  • عضو فعال جدا
  • ***
  • مشاركة: 101
  • الجنس: ذكر
    • مشاهدة الملف الشخصي
انا أويد كلام الاخت ريم عبد
أخوان الامور الخطره فقط هي ذكر مكان الفحص الطبي فلنكتفي بذكر تواريخ فقط لمعرفة الفتره الزمنيه بين الامور نحن هنا عائله واحده وهي منتدى عين كاوه ولكن الحذر واجب لاننا لا نعرف من يشاهد المنتدى فلهذا انصح بعدم ذكر المناطق وعدم ذكر الاسماء الحقيقيه وعدم ذكر عنوان الشخص المقدم على الهجره
وشكرا :o

غير متصل اليكس العراقي

  • عضو فعال
  • **
  • مشاركة: 45
    • مشاهدة الملف الشخصي
الاخوة الاعزاء... السلام عليكم.  شكرا لتاييدكم اياي في هذا الموضوع وشكرا للاخت ريم عبد اللي كان عدهة راي يختلف. اختي ريم اني ما قصدت انه سيكون الاستهداف لشخص معين فقط او لاعضاء المنتدة فقط والاسم المستعار مالة علاقة بالموضوع. وانما قصدت انه هناك العديد من المتقدمين للجوء والعديد من الناس اللي اتسافر لامريكا اللي همة اصلا مو اعضاء بالمنتدة. واكو ناس جدد هسة دة تقابل. فاني اختلف وياك انه الكل يعرف بهاي الاماكن. لا.. هواي ناس ما تعرف ويت اتروح وين تجي بالضبط واني واحد من الناس عرفت وين اجي واروح من المنظمة نفسهة فقط.يعني اذا الناس المو زينة تاخذ خبر ممكن تجي للمكان اللي بي التجمع مال المسافرين اللي ذكرتيه او الفحص وتقتل شكو واحد موجود بيه سواء دة يفحص لانه مريض او  ايسافر دة يروح لامريكا فما راح ايكولون جماعة المنتدة طلعو علة صفحة!! يا اختي هو عدهم مئة طريقة وطريقة للقتل وانت بالعراق وتعرفيين من كواتم للصوت وعبوات وسيارات مفخخة وانتحاريين دة يردون يرحون للجنة بروسنة. وهاي الناس عدهة اجندات معينة واللي يستهدف الزوار والاسواق ويفخخ المختلين عقليا وحتة الحيوانات وغيرهم وغيرهم ماراح يستهدفنة ؟؟؟؟؟؟؟؟؟ فالموضوع ما مبالغ بيه ولو ما الحذر كان محسوبج مدة يحجي وياج هسة. وبالمناسبة مو كل الاماكن محمية . يمعودة هي دائرة البعثات دخلو عليهة وخطفو موظفيهة يعني همة الكم شرطي بالباب اشراح ايسوون؟  طولت عليج بس حبيت اكون كلش واضح. وازيدكم من الشعر بيت اخواني كل عراقي مستهدف .

غير متصل ميريام المهاجره

  • عضو فعال جدا
  • ***
  • مشاركة: 496
    • مشاهدة الملف الشخصي
اخواني اعزائي الحذر ثم الحذر والحذر يغلب القدر رجاءا لحد ينطي لا المكان ولا الزمان ولا الأسماء الصريحة والف صديق ولا عدو واحدوخاصة بعد رحيل القوات والSPY على وذنو

غير متصل Mory

  • عضو فعال جدا
  • ***
  • مشاركة: 110
  • الجنس: ذكر
  • لعيون العراق فرش سنونك
    • مشاهدة الملف الشخصي
اختي العزيزة ريم والاخوة الاعزاء تعرفون انه المشكلة مو داخل المكان وانما التوجه للمكان. يعني كمثال الفحص من رحت للفحص يعني اني وزوجتي واطفال اثنين صغار ويانة ولابسين ملابس مرتبة شعدنة رايحين للمستشفى؟ دا العب الاطفال بالمراجيح مال حديقة المستشفى؟ اكيد لا وبكل بساطة تفوت من يمنة سيارة لو بخطفون العميل اللي بينة (اللي هوة اني) لو يشتغل الكاتم والنهاية واحدة. اما مكان اخذ الاشعة فباختصار زلاطة ومرشوش عليهة حامض.
نفس الحالة بمكان المقابلة والكل تعرف عدد ومستوى الحرس ووقت بداية الواجب مالتهم.
اما ساحة الوفود اللي محمية ما اريد اعلق اكثر لان اب 5 نفرات اسقطهة واحتل المنطقة.
لذلك من اطي تاريخ رح افهم المقابل يابو اكو عالم فلان يوم روحلهم. ولحد الان هواية ناس ما يعرفون انه المقابلات والفحص الطبي والسفر هل هية يومية او ايام بالاسبوع او بالشهر فليش نفتح باب مسدود.

من رخصة الاخ صاحب الموضوع، اخوية علاوي ابو البلاوي اكو لحد الان 6 مواضيع مفتوحة على موضوع الاخ صفاء للتنوية لطفاً.
تحياتي

غير متصل echo 9

  • عضو مميز جدا
  • *****
  • مشاركة: 2227
    • مشاهدة الملف الشخصي
- اخوان انا مع راي اخونا اليكس واعتقد ماكو داعي لذكر الاماكن لان مثل مايكول الاخوان راح نجي بالرسالة مالتهم .
- اخونا الوردة Storm2003 ما تشرح النا بالله شنو علاقة موضوع اخونا المخطوف او المصوب صفاء الكرخي بهذا الموضوع لانمك وبالعامية دحست هذا الرد دحس بهذا الموضوع ومبين نشاز مو هنا مكانه شنو هالاصرار منك على فرض هذا الرد بكل موضوع هاي ثاني موضوع ما اله علاقة بصفاء واشوف ردك البهي بيه واحد بموضوع السعودي اللي يريد لجوء بالعراق والثاني بهذا الموضةع وبعدين بما انه انته عضو قديم وجدا بعد ما تكول النا منو حضرتك شنو هاي انته بردودك بينت لي تنه موضوع صفاء كلاوات وهسه لو تنزل ملائكة بعد ما اصدك بيه عمي امسح ردك لان مو مكانه لايخرب الموضوع
هذا الزمن يبغاله لسان دلاّل !
من يستحي هالوقت واعزتي له
وقت به الراعي غدى راعي دلال
كل على طاريه ينفض شليله
ومن كان ساسه للردى مضرب امثال
اليوم يحسب من كبار القبيله !
المال يابن حنيف ملعون أبو المال
ذل العزيز وعز ناسٍ ذليله !

http://www.youtube.com/watch?feature=player_embedded&v=e9pGCb5Kusw

غير متصل ريم عبد

  • نجم منتدى الهجرة و اللاجئين
  • عضو مميز متقدم
  • *
  • مشاركة: 8393
  • الجنس: أنثى
  • لا تقيسوا محبتكم بحجم حروفي ..
    • مشاهدة الملف الشخصي
اخي اليكس انا معك ان كل شخص هوه هدف للارهابين حتى لو كان في بيته
اما انه الارهابي منتضر يتتبع شخص عن طريق المنتدى اعتقد موضوع غير مجدي
لان مو بس اعضاء المنتدى عملاء
وانما ممكن متابعة الاشخاص  بمتابعة الشركات الي يشتغلون بيها
وعدهم طرق عديده للتوصل الهم ومثل ماانت دتذكر وهناك من يحب الثرثره واعطاء معلومات مجانيه
وهذا مو دعوه للتساهل بطرح المعلومات بالمنتدى
لا ان الحذر واجب بعدم طرح معلومات شخصيه
اما اماكن سير المعامله فهي معروفه موعن طريقنا وانما عن طريق مراجعيها والعاملين بها
وصار سنتين تنزل مواضيع عن مواقع المقابلات والفحص الطبي وموقع السفر
فعدم ذكرها الان لايغير في الامر شي

غير متصل saif moon

  • عضو فعال جدا
  • ***
  • مشاركة: 268
    • مشاهدة الملف الشخصي
والله يا اخوية الكس كلامك مضبوط بالمية مية احييك على هذا الموضوع الشخص لازم اكون حذر خصوصا من اكون بالعراق لانه متعرف شيصير هناك و بلد مابي لا امان ولا ثقة باحد مع الاسف