رسالة من NVC شنو رايكم

[echo 9]

السلام عليكم
اخوان جماعة ال SIV
اخواتي واخواني الاعزاء وصلتني هاي الرسالة قبل 5 دقائق تقريبا من ال NVC يكولون بيها انه اوراقي كاملة هسه وبانتظار موعد المقابلة وما يكدرون يحددون موعدها شوكت يكون ومن هاي السوالف مالتهم وهاي رسالتهم للاطلاع :

Dear Mr. XXXXX:
Thank you for your email dated September 1st, 2010.
Your case has been documentarily completed and is currently under review for administrative processing. Unfortunately, we do not have a timeframe for this procedure.  As soon as an interview appointment is scheduled for you, you will be notified, via email

.

اريد رايكم اخوان وخصوصا الاخ فنشيزو والاخ سلفر وهيثم لانهم تقريبا اخر اشخاص من جماعة ال SIV قابلوا وطلعوا لامريكا
شكد طولت الفترة من استلامهم لمثل هاي الرسالة الى المقابلة والفحص الطبي ؟؟؟
بارك الله بالجميع وتقبلوا تحياتي
Echo 9

[ARMY STRONG]

اخويه echo 9 اول شي مبروك عليك خلصت من الكثير ما بقه اله شي بسيط

ثانيا اكدر اكلك هاي مرحله انته وحظك  ايجوز باجر يجاوبوك ايجوز بعد اسبوع او شهر او 3اشهر

هيه مساله حظ وتوفيق من الله

[echo 9]

السلام عليكم
الف شكر اخ ARMY STRONG عالتوضيح يعني هي هاي المرحلة اللي يسموها بحر الظلمات ربي يخلصنا منها

[Ali from baghdad]

السلام عليكم

هي هايه المرحله الي كان الاخوان بال 2008 و 2009 يسموها بمرحله بحر الظلمات ، بالنسه الي طولت بالضبط 101 يوم بالتمام والكمال ، من تاريخ 25 May الى تاريخ 3 September ، واليوم اجاني موعد مقابله على ثاني اسبوع من الشهر العاشر ، نصيحه ، ابقى كل راس اسبوع ادزلهم ايميل تسال على قضيتك وانشالله ما اتطول قضيتك واتحصل موعد مقابله باسرع من عدنا .

انشالله راح اكتب كل التفاصيل الخاصه بقضيتي بموضوع مستقل لفائده الاخرين

بالتوفيق انشالله للجميع

علي SIV

[ARMY STRONG]

مبروك Ali from baghdad انشاء الله يوم استلام فيزا

[finder]

الأخ العزيز Echo 9  اصبر وما صبرك الا بالله العزيز الحكيم ، الا تعلم ان الصبر مفتاح الفرج

مع تحياتي
الباحث
Finder

[echo 9]

السلام عليكم
- شكرا جزيلا اخزيه علي من بغداد وان شاء الله اعمل بنصيحتك وكل 10 الى 15 يون ازركهم برسالة اشوف وين صارت حالتي .
- شكرا جزيلا عمي finder والله يا خويه شبيدينا غير الصبر وما عدنا غيره نصبر والله كريم

[لا اسم]

شلونك خوية شخبار بالخير خوية
توكل على الله و ان شاء الله كلشي خلص هسه التحضير للفحص علمود المقابلة
اني ما اتصور المقابلة تتأخر لان اكو ركض بالبرنامج علمود الانسحاب

بالتوفيق حبيبي

ها ردت اسئلك شكد الوقت بين استلام الاوراق و ايميل اكمال الاوراق ؟
و هل انت سئلتهم ياله جاوبوك لو همة من يمهم دزولك؟

مشكور يا ورد

[Ali from baghdad]

السلام عليكم

بين ارسال الايميل لل NVC وبين ان بلغوني ان اوراقي Documentary completed كانت الفتره بالضبط 16 يوم ، من 9 May الى يوم 25 May ، كنصيحه كل اربع او خمس ايام اسالهم هل ان اوراقك كامله او لا ، لان انت تريد تعبر مرحله ال Doc Completed  الي ما المفروض اتطول هوايه ، وتدخل مرحله ال admin proc والي هي مرحله بحر الظلمات مثل ما سماها السابقون من اخوانا المخضرمون ، والي اتمنى ان مراح اتطول بيها هوايه

بالتوفيق انشالله

علي SIV

[echo 9]

السلام عليكم
- اخوية الغالي ابو مريم الف شكر يا طيب ربي يبارك بييك ويحفظك , الفترة كانت من 21\8 الى 4\9 يعني 14 يوم منها 5 ايام رجعوا لي المعاملة لان مابيها بيانات الولادة وكملتهن وارسلتها الهم يعني كسر بجمع 10 ايام فقط
اتمنى تخلص شغلتك وربك يسهلها عليك ان شاء الله .
- اخوي ابو حسين علي من بغداد اتمنى ان صدك يكون اكو تسريع حقيقي بالمعاملات ونخلص من هاي الطركاعة اللي يسموها بحر الظلمات وعلى العموم على ما اتذكر الاخ فنشيزو الله يذكره بالخير من حصوله لى الكوم بروفل الى السفر اعتقد ما طولت شغلته 3 اشهر او 4 اذا مو اقل . الله كريم ويخلصونا قبل نهاية السنة ونفتك من هالدوخة .
شكرا على تواصلكم احبتي

[Leonidas of Love]

مبروك اخويه وانشالله مثل ماكالوا الجماعن مابقى الا القليل وانته حظك احتمال باجر يجيك رد واحتمال اكثر اني بالنسبة الي اجاني هذا الايميل يوم 23/7 بس مثل ماكاول الاخوة ظل تابع وياهم ودزلهم ايميلات
وبالمناسبة احب اهني اخويه العزيز Ali From Baghdad  والحمدلله طلعت من بحير الظلمات ويارب يوم تستلم الفيزا بأسرع وقت واخونه echo9 هم انشالله

[عراقي هواي]

السلام عليكم عمي العزيز ايكو بالخير عليك وربي يسهلك انت والعائله الكريمه
اني اختلف وي الاخوان
اني اكول بحيل الله شغلتك ما راح تطول لبش لان اكو تسريع مو طبيعي بالمعاملات وخصوصا هم لحد الان ما واصلين للعدد المختار لهاي السنه ربع العدد ما واصليله انشالله بقوة الله انت السنه ما باقي هنا وانشاللله بالتوفيق
بس ردت أخذ رايك بموضوع
طبعا اني لحد الان لا دزولي ايميل مال وصل الاستلام ولا شي بس صديقي اللي خليت عنوانه بالاي 360 مستلم وصل الاستلام والابروفال اللي وي الوصل وسوالهن اسكنر ودزلياهم باميل خلفاالله عليه
هسه اني دا املي بالاستمارات البقيه
بالنسبه 157وعلى جهه اليمين يريدون الاسم بالعربي حاولت اكتبه بالعربي مديصير؟
بالنسبه 234اني عندي صديق بامريكا بس ما اريد اروح الى نفس الولايه شكتب بهيج حاله ؟
الرفيوج بنفيتس هاي همه يدزوه لومنين نسحبهه ؟
اتحلني عمي ايكو لان طولت عليك واني دخت وحتى عيونيضعفن وجاي تصير غوشه مشكور مقدما ورحمه الله والديك يا طيب ومحضرلك مجموعه اسئله اخرى لان قضيتك بعده تازة ونفس شغلتي هم عائله وياي والله الموفق

[silver_d]

هلوو عمو ايكوا اشونك ؟
عمو ايكوا احب اكلك الف مبروك ومبقالكم شي  انشالله
عمو ايكوا هاي الرساله  يقصدون بيها انو انته اوراقك هسه خلصت اداريا وهسه انته طبيت رسميا لمرحلة ما بعد ال NVC الي هيه مرحلة تحديد موعد المقابله والفحوصات طبعا هالشي رح يجيلك عن طريق الايميل ويبينلك كلشي  بيه عمو
وانا بالنسبه اكو نوعين
اكو يجي  ايميل  دون عبارة المراجعه الاداريه الادمنستريشن
واكو يميل يجي  مع عبارة الادمنستريشن .
فهسه انته عمو ايكوا اوراقك بالمراجعه الاداريه وانشالله متطول  وياك الشهر وبهاي الحاله رح تستلمون الفيزا من بعد المقابله مباشرة يعني بحدود ال 4 ايام الى سبوعين
وابد لتدير  بال الشغله  سهله وخليك بارد بالموضوع وابد لتقلق هاي المرحله مجرد انو يجيلك الكليرنس الك والعائلتك .
ولو عندك مشكله مجان وصلت الهاي المرحله كول  يا الله مبقالك شي انشالله عالمقابله
تقبل مروري
اخوك الصغير  سلفر

[Ali from baghdad]

السلام عليكم

الف شكر للاخوان Leonidas of Love و  echo 9 و ARMY STRONG وانشالله الكل توصل بالسلامه لامريكا

بالنسبه لسؤال الاخ عراقي هواي اكو طريقتين اعرفها واكيد اكو اكثر من طريقتين اثنين بس هاي الي تجي على بالي حاليا:

تختار ال tools  ومن ثم ال Typewriter و من خلالها تستطيع ان تكتب بالمكان الي تريد
الطريقه الثانيه اكتب باستخدام برنامج ال Paint الي موجود من خلال Start > all programs > accessories > Paint وهذا تكدر تكتب بيه عربي و بعدين سوي Copy / Paste للاسم الي كتبته بالعربي و خليه بالمكان الي تريده بال PDF
طبعا هايه اسهل طريقتين موجوده وكلش بسيطه واكيد اكو بعد كم طريقه بس هذا الي يخطر بالبال حاليا

 و يا ريت لو احد من الاخوان يعرف اي طريقه اخرى علمود ينورنا بيها ويفيد الكل

بالنسبه للمكان الي اتريد اتروحلها ، قرر انته يا ولايه وشوفلك صديق او اي احد حتى لو تجرب تسال هنانه بالمنتدى وخصوصا هو ح يكون كفيل معنوي لا اكثر و لا اقل و انشالله تحصل احد

ال Refugee Benefits  هايه تلكاها باخر ورقه بال attachment  الي ح يدزوه الك جماعه نبراسكا لما يوصلك الايميل الي انشالله مراح يتاخر عليك ، بس حسب تعليماتهم ، انته مراح تستخدمها الى ان تحصل الفيزا وتملي هايه ال Refugee Benefits و اتدزها مع الفيزا الهم

بالتوفيق انشالله

علي SIV 

[زيوس]

موفق ان شاء الله .. والسفر القريب باذن الله

[عراقي هواي]

ممنون اخوي ابو حسين وربي يسهل امرك وينصرك يا طيب
كفيت وفيت والله

[Gilgamish 78]

ان شاء الله خير بس تفائل بالخير والله كريم
الله يسهل عليك وعلى الجميع وشغلتك بس الانتظار ولو الانتظار قاتل لكن ماباليد حيله
ونصيحتي الك ان تواصل حياتك طبيعي وان شاء الله خير
اخوك كلكامش

[googoo]

السلام عليكم
- اخوية الغالي ابو مريم الف شكر يا طيب ربي يبارك بييك ويحفظك , الفترة كانت من 21\8 الى 4\9 يعني 14 يوم منها 5 ايام رجعوا لي المعاملة لان مابيها بيانات الولادة وكملتهن وارسلتها الهم يعني كسر بجمع 10 ايام فقط
اتمنى تخلص شغلتك وربك يسهلها عليك ان شاء الله .
- اخوي ابو حسين علي من بغداد اتمنى ان صدك يكون اكو تسريع حقيقي بالمعاملات ونخلص من هاي الطركاعة اللي يسموها بحر الظلمات وعلى العموم على ما اتذكر الاخ فنشيزو الله يذكره بالخير من حصوله لى الكوم بروفل الى السفر اعتقد ما طولت شغلته 3 اشهر او 4 اذا مو اقل . الله كريم ويخلصونا قبل نهاية السنة ونفتك من هالدوخة .
شكرا على تواصلكم احبتي

أخويه echo عندي سؤال ألك. مسأله رجعولك المعامله علمود بيانات الولادة. يعني هويه الأحوال المدنيه مال اطفالي ماتاكل؟؟
زين همه بس رادوا بيان الولادة مال أطفالك لو كلكم؟؟ زين أللي بخارج العراق أشلون يكدر يفهمهم أنه مايستطيع توفير هاي الاوراق؟؟ وشكرا اخي echo

[echo 9]

السلام عليكم
- شكرا جزيلا Leonidas of Love  وشكرا عالمشاركة والدعاء الف شكر .
- شكرا جزيلا اخوي الغالي عراقي هواي اتمنى لك التوفيق بالنسبة لاسئلتك الاجابة عليها كالتالي :
             1- الفورم 157 الاسم بالعربي بعد ما تكمل ملئ الاستمارة تطبعها وتكتب اسمك بالعربي بقلك اسود بعدها تسويلها
                 سكنر وترسلها .
             2- اذا ما تريد تروح لنفس الولاية البيها صديقك تكتب بالحقل N/A يعني ماعندك احد تعرفه .
             3- الرفيوجي بينيفتس راح يدزوها لك بالاتاش فايل من ال NVC وايضا الاستمارة 234 تجيبها من نفس الموقع اللي 
                 جبت منه الاستمارة 230 واكو موضوع للاخت سرى بيه الروابط مال الاستمارات .
                 وانا بالخدمة باي وقت واذا تريد ارسل لك الاستمارات ممليات وانته تغير الاسماء بالخدمة لان انا بوكتها ما دبرت
                 الشغلة لولا الخدمة القدموا لي اياها اخوانك بالمنتدى امثال سلفر واخونا الوسمي الله يذكرهم بالخير وهاي من
                 افضالهم وافضال البقية من اخواتنا واخواننا بالمنتدى .
- حبيبي انته واخوية الغالي سلفر الف شكر بل مليار شكر لك يا طيب واللي لولا جهودك معي بوكتها ما كان كدرت املي الاستمارات وافتك من شغلتهن فالف الف الف شكر لك يا طيب ومعروفك على راسي من فوك .
-  الف شكر لك اخوية الغالي علي من بغداد ممنونين ابو حسين .
- هلا بيك صديقي الغالي وابن ولايتي الوردة زيوس والله يسمع منك يا طيب.
- مشكور حبيبي واخوية غلغامش واتمنى لك التوفيق وتخلص وتسافر قبلي ان شاء الله .
- الف شكر للاخ googoo بالنسبة لي طلبوا بيانات الولادة ل 3 من جهالي مع العلم الله يخللي جهالكم عندي 7 جهال بنين وبنات بس ليش طلبوا لهذول ال 3 بس ما اعرف اما بالنسبة للبقية وانا وزوجتي مشوها عالجناسي والشهايد
فاعتقد مو مقياس ومسالة مزاج لان اغلب الاخوة ماطلبوا منهم البيانات ومنهم الاخت سرى
بارك الله بالجميع ويكفيكم من شر التاتا

[عراقي هواي]

يحفظك ربي عمي ايكو ويستر عليك واكون ممنون منك وهذا ايميل علمود دزلياهن وجميلك على راسي من فوك
اما بالنسبه للاخ كوكو اذا انت عندك قريب ابن عمك ابن خالك اخوك المهم من الاقرباء تكدر تسويله وكاله ويطلعهن بكل سهوله والله الموفق
عمي ايكو راح ارسلك ايميل على الخاص بدايه مالك الحزين واني اشكرك
وصدك لو كالو كوم التعاونت ما ذلت

[silver_d]

عمو ايكوا يمعود  ماكو داعي  تشكرني  هذا اقل شي  قدمته الك واي  سؤال  عندك اني  ابخدمتك
وبالنسبه انشالله للفحوصات والمقابله انشالله  عن قريب  تجيك عمو واني هم ابخدمتك

تحياتي الك

اخوك الصغير 
سلفر

[ابن الكاظمية]

اخوية الله يساعدك   اني نفس حالتك اني كملت اوراقي ودزيتها بداية الشهر 7    للعلم اني هم دزيتها بشهر 6   والحظ الاعوج موصلت ورديت دزيتها بشهر 7   بعدها دزلوي اكو نقص بفورمة 230   الي تتعلق بالعسكرية مالتي للعلم اني خادم بعدها بعدها طلبون مني هم اكو نقص بفورمة 230 الي تخص بنتي وبعدها دزيتها الهم ويوم 29  -  7    دزولي اييميل يكول اوراقك اكتملت وراح بقرب وقت اندزلك موعد مقابلة وراح شهر وكلش ماكو رديت دزيت ايميل بداية   9  يعيني  قبل يومين رعولي نفس الحجي راح بوقت قريب اندز على ايميلك موعد مقابلة والحجي بيناتنا اني روحي طلعت لان كاعد ايجار ومااردي اجدد بعد لان مليت والله العظيم من الايجار والله كريم الله يسهل على الجميع انشاء الله

[echo 9]

السلام عليكم
- بارك الله بيك سلفر . كبير وتظل كبير دوم
- الله كريم اخوي ابن الكاظمية لا تياس من رحمة الله اللي يريده ربك يصير وشنو يعني تتاخر او ما تصير حتى كلها دفتر ونص وتختار انته البلد اللي تريدها استراليا مثلا او لندن اذا تريد الحمد لله الخطوط كلها مفتوحة بس حرك جيبك