الاخوه في الاردن ومن لديه اطفال في المدرسه الرجاء جواب على سؤالي

[قيد الدراسة الى الابد]

الاخوه والاخوات السلام عليكم
يمكن يعرف البعض اني متحول من مصر الى الاردن ولديه اطفال كانو في المدرسه في مصر
وكنت اخذ الاقامه بسببهم لان نضام مصر اي واحد داخل مدرسه اهله ياخذون اقامه سنويه
تجدد كل سنه
سؤالي هل في الاردن هذا النضام لان اني ابصراحه لحد هسه مقدمتلهم فهل سيعطوني
الاقامه بسببهم مثل مصر وشكرا لكم
اخوكم قيد الدراسه الى الابد

[swan_mo]

لا اخي مينطوك اقامة في الاردن على اساس دراسة اولادك
بل بالعكس جتي سنوات انحرم الطالب من دخول مدارس عمان لكون اهله ماعدهم اقامة ،،لكن الان الامور احسن
الاقامة في الاردن فقط عن طريق استثمار اموال كمشاريع أو وديعة بالبنك قيمتها 50 الف دولار يطلقون نصها بعد حصولك على الموافقات الامنية بخصوص اقامتك و25 الف دولار تبقى مقيدة لحين اسقاطك تلك الاقامة
تحياتي واحترامي



                            ام محمد

[عامر حمد]

ادا كنتو تسئلون عن الاقامه بلاردن ماكو اقامه الا في حاله استثمار اموال ما ادا كنت تقصد مدارس الاطفال من اتقدم على اليو ان على الورقه تكدر اتسجل الاطفال بلمدارس الحكوميه

[عمار البصري]

في الاردن هناك حلان لا ثالث لهم وهم اما شغله الاستثمار كما كتبوا الاخوه او تقدم على اليو ان وهاي شغله بسيطه مجرد ان تروح الهم راح يطوك الحمايه وعلى اساس هذا تكدر اتسجل اولادك بمدارس اليو ان او مدارس حكوميه او حتى اهليه وبالتوفيق مقدما
اخوكم البصري

[ابو شموس]

اخويه الغالي
لازم تستعجل بتسجيل الاطفال لان الدوام راح يبدي بعد العيد
وان شاءالله تتسهل امورك يارب

اخوك ابو شموسه

[قيد الدراسة الى الابد]

الاخوه والاخوات السلام عليكم
الاخت الفاضله ام محمد
الاخ عامر حمد
الاخ عمار البصري
الاخ ابو شموسه 
شكرا جزيلا لكم وعلى مروركم الطيب واني ممنون منكم اهوايه وهايه نابعه من اصلكم ومعدنكم الطيب
اخواني الاعزاء اني بنسبه الى ماخذ ورقة حمايه قبل شهرين بس في وقتها اعني في مقابلة ورقة الحمايه
وجنت بعدني واصل يعني مااعرف شي بلاردن سالت شاب كان موجود في المنظمه وكلي اي دخلهم في المدرس
وتاخذ عليهم اقامه بس الضاهر الولد غلطان وممتقصد ينطيني معلومه غلط وطبعا انتو اعرف لان امبين عليكم صارلكم فتره
في الاردن
بس حطمع بسؤال ثاني هو بانهو اني ختمت جوازات العائله شهرين بعد دخولي بس اضطريت ارجع لمصر لتصفية متعلقاتي
اهناك بس قبل مااطلع سويت خروج وعوده والمشكله كانت فيها كفاله من زوج اختي وطبعا رحت لمصر ورجعت في هذه الحاله
اذا بقيت اكثر من شهرين بلاردن ومطلعت طبعا سيغرم نسيبي خمسة الاف دينار شسوي بهايه الحاله لازم اسوي اقامه سنويه
حتى لايغرم صح لو اني غلطان فارجو التكرم والاجابه
اخوكم قيد الدراسه الى الابد

[كوكي 2004]

السلام عليكم والله اخي اني اعرف بنيه عراقية عدهه اولادها يحملون جنسية دولة عربية يعني مو عراقيين ورادت ادخلهم للأردن ومن راحت لوزارة الداخلية دتسويلهم فيزا كالولهه لازم كفالة حتى يغادرون بالوقت المحدد فتكفلتهم هيه ومن ذاك الوقت والأولاد متجاوزين على الأقامة ولحد الأن يعني قبل خمس سنوات تقريبا ومحد طالبهه لا بمبلغ الكفالة ولا اي شي علما انه الكفالة كانت 5000 دينار اردني وطبعا وزارة الداخلية تعرف عنوانهه ورقم التلفون ومع ذالك لحد الأن الأمور طبيعية . وطبعا هذا الي اني اعرفه وانشاء الله باقي الأخوة والأخوات يكدرون يساعدوك بايعرفوا . وتقبل تحياتي . اختك كوكي 2004 .