جماعه عمان منو المربع الثاني pending بالظرف

[dovedove]

اخواني اني ماشريلي على المربع الثاني وكاتبين pending منو مثلي اني هوايه قلقه لاني شفت الاغلبيه كالوا المربع الاول وسمعت اللي ماشريله على الثاني امنيه تطول؟؟ اكو هيجي شي؟ ارجو اذا احد مثلي ويعرف شي يجاوبني

[sadiq.h]

يعني بالأنتظار " الله يكون بعونك.

[homorabi]

التاشيرة على المربيعن يعني موافقة مبدئية بانتظار الامنية وفترة الامنية تعتمد على ملف الشخص

[dovedove]

زين هو المربعين ثنيناتهم يعني انتظار بس اريد اعرف الثاني انتظاره اطول لو ماكو فرق؟

[ديفيد بغداد]

اخوان زين اذا لا الاول و لا الثاني شنووو و مبروك للكل انشاللة الموافقة

[mrwan2]

السلام عليكم ..... اختي العزيزة صاحبة الموضوع انا نفسشي الاشارة موجودة في المربع الثاني علما اني سويت فحص طبي وسالت الموضفة قالت بس تنتضر الامنية ونخابرك على الدورة التثقيفية والله كريم لتخافين انشاء الله خير

[dovedove]

شكرا اخ مروان انت بس ماشرين لو كاتبين شي؟
اني كاتبيلي
Other: pending further inquiry

[mrwan2]

اختي نفس الكلام الي موجود عندي انا ايضا موجود في المربع الثاني ..... بس اني كلتلج اختي اطمئني الموضفة كالت انتو بانتضار الامنية فقط  والله كريم

[كوكي 2004]

مرحبا اخواني اذا ممكن سؤال اذا الأشارة على المربع الأخير شنو يعني خطية جيرانه اليوم استلم الظرف وسألني بس للأسف ما عرفت اجاوبه ممكن تخبروني . مع جزيل الشكر .

[mrwan2]

اختي كوكي هم الاثنين بانتضار الامنية حسب كلام بعض الاخوة وبالنسبة الي اني على المربع الثاني كانت الاشارة بعلامة صح ونفس الكلام الي ذكرتة الاخت dovedove ومعنا انتضار المزيد من الاستفسار يعني بين قوسين النجييك الامني وانشاء الله الخير للجميع والكل يسافر باذن الله تعالى

[كوكي 2004]

اخي اشكرك على الرد بس شنو يعني المربع الأخير يعني صدرت موافقة المحلف لو لا . وشكرا .

[mrwan2]

اختي هم مربعين فقط الاول والثاني يعني الثاني هو الاخير تقصدين اختنا الكريمة؟ لان اني الي استلمتة الضرف بس مربعين فقط وما ادري اذا اكو شي ثاني اختي

[طائر البرق]

طيب ممكن نعرف شنو الفرق بين الأنتظار على المربع الأول والأنتظار على المربع الثاني أذا أثنينهم نفس المعنى ؟؟؟

[dovedove]

شكرا الاخ طائر البرق هذا هو بالظبط سؤالي و محد جاوبني لحد الان يا انتظار اطول المربع الاول لو الثاني؟؟؟؟؟؟؟؟

[salih alassifi]

اني استملت نتيجة المحلفين قبل 9 اشهر وبتاريخ 5-12-2009
والنتيجة كانت موافقة والحمد لله
وماشرين على المربع وبعدنا ننتضر الموافقة الامنية
تحياتي

[ديفيد بغداد]

 اخواني   اكو ناس لا امشريلهم الاول و لا الثاني ها شنو معناها  احد يعرف

[ريم عبد]

مرحبا اخواني اذا ممكن سؤال اذا الأشارة على المربع الأخير شنو يعني خطية جيرانه اليوم استلم الظرف وسألني بس للأسف ما عرفت اجاوبه ممكن تخبروني . مع جزيل الشكر .

اختي كوكي اذا جيرانك مقدمه من بغداد واجا التاشير على المربع الرابع يعني حصلت الموافقه المبدئيه من المحلف وهي بانتضار الموافقات الامنيه وبس تخلص ان شاء الله يخلوها على جداول السفر

[ريم عبد]

حبيبتي دوفدوف هيه كلها معناها موافقه مبدئيه وبانتضار الموافقات الامنيه
واذا الموافقات الامنيه مابيها معوقات ان شاء الله تمشي باسرع وقت
وليضل بالج الحمد لله الي حصلتي موافقه اوليه

[dovedove]

الحمد لله اخت ريم وشكرا على الايجابه
بس اني اعرف يعني الموافقه المبدئيه وباقي الجيكات الامنبه؟
والله بس الاخ طائر البرق يعرف سؤالي بالظبط وشنو اقصد

[دايخ بن دايخ]

أخوات أخوان :
إنتو علويش دايخين ، مو أخذتو موافقات مبدئيه ، خلص ، توكلوا على الله وانتظروا باقي الإجراءات . تره الفرق بين المربعين مثل الفرق بين الأذنين : هاي إذنك .. وهاي إذنك .

أصبروا .. إن الله مع الصابرين
تحياتي

[ريم عبد]

اي حبيبتي المربع الثاني الي بي othres
يعني اسباب اخرى مثل
التحقق فيما اذا يوجد اختلاف في تواريخ المواليد و الزواج
والتحقق من معلومات اقاربكم في امريكا
والتاكد من بعض المعلومات التي ذكرت في المقابلات

[dovedove]

اخت ريم شكرا لايجاباتج بس اريد اعرف انت عرفت هذه المعلومه من مشاركات الاعضاء او من مصدر موثوق
او حسب ما تتوقعين؟
يعني اريد اعرف يعني اني امنيتي مثلا واصله وبس باقيلي هل الاستفسارات مثلا ان يتحققوا منها ويتاكدوا لو شلون؟

[ديفيد بغداد]

اخوان محد جاوب الي ما ماشريلة لا الاول و لا الثاني ها شنووو رايكم بية