مايخص الاجئ فى فلندا

[ام دوسه]

السلام عليكم اخوان اكو احد عنده معلومه فيمايخص الاجئين العراقيين فى فلندا وعن الحقوق الى يستحقوه --لان اتصلوا باختى وطلعله لجؤ الى فلندا--اذا احد عنده علم اتمنى ان يجاوبنى

[سمير1966]

مرحبا
اين اختك الان عمان لو سوريا وفي اي وقت اتصلو بها

[mhajr2010]

مبروك لاختك وشايفة الف خير فلندا احسن من الناحية المادية من هواية دول اوربية واحسن اكيد من امريكا واعتقد اكثر دولة تنطي مميزات لللاجيء لئن نفوسهم خمسة ملايين ومساحتهم كبيرة جدا بس باردة كلش ومناطقها الشمالية مينعاش بيهة لقربها من القطب الشمالي بس اكثر شي يسكنوهة من الجهة الجنوبية وهي مجاورة للسويد من جهة ولروسيا من الجهة الاخرى بس جوهة كئيب رمادي اكثر الاوقات لئن ستة اشهر ليل وستة اشهر نهار وبيها حوالي 2800 لاجيء عراقي وهي دولة غنية وتريد شعب يسكنها لقلة نفوسها
مع التحية

[تيد اوهانيسيان]

فلنده حستحتضن اختك من اول يوم .. شقه و راتب شهري على عدد الافراد و اجار الشقه غالبا غالبا حتدفع البلديه 50 % من قيمته و بعد تعلم اللغه - كلما يكون بسرعه كلما افضل - حيدخل الشخص ببرنامج عمل بمرتب محدود بس حته يمارس اللغه .. بعدهه من يحصل شهادة اللغه اذا شاف الانسان شغل ينقطع المساعدات بطريقه ما ( بالاعتماد على وجود اطفال من عدمه, الراتب الي ياخذه كافي ام لا ) لكن اسكندنافيا اطلاقا مو مثل ما البعض يتكلم عنههه .. الجو صح بارد لكن ليس بدرجه لا تطاق بالعكس ممكن الواحد يطلع بره و يمارس كل نشاطاته ( دائما يكولون ماكو جو بارد لكن اكو لبس غير مناسب ) ملابسهم خاصه و قماصلهم متيريل خاص مو نفخ و محلو بس مبطن ... اي محل اي مطعم اي بار اي شي يكون مدفئ ... نصيحيتي لشخص بمثل هكذا بيئه تحتضن الاجنبي ان يكمل دراسه او يبدي من البدايه و بعدهه و خلالهه كلشي حلو و سهل .. بس اول سنه او سنه و نص الوقت ينشغل باللغه و كلمن و شطارته ... شعوب اسكندنافيه غايه بالاخلاق و الاحترام اني زرت اكثر من بلد اكثر من مره ( عدا فلندا ) لكن على العموم الفروقات طفيفه بين البلدان الاربعه .. اقتصاد فلنده قوي و عملتهم قويه ... بيهه شي واحد زين للشباب انه نسبة البنات ضعفين الشباب .. شبابهم قليل جداا و اتصور حكومتهم ثلثيهه نساء و ثلث الوزراء رجال ( اعتقد ممتاكد ) ...
بالتوفيق.

[ام دوسه]

السلام عليكم شكرا لكل الاخوان الى جاوبونى وانى ممنونه للكل --علما انه اختى فى سوريا وقبل 5 ايام اتصلوا بيه وباجر مقابلته بكفر سوسه ---وهى عده اطفال ان شاله اتكون اموره جيده---والله اعلم