ان القليل من الأخوان الأعضاء في المنتدى يكتبون مايصلهم من الأخبار السارة. فتجدون ان من لديه خبر سار يضربهة (سكتة) لأجل ان لحد يجسدة ومن يجي خبر تعيس يكتب الف موضوع ويطلب المؤازرة ومساعدته ماذا يفعل ومنو مثل حالته حتى يصير عنده واهس ومايحس نفسة بوحدة بهذه التعاسة.
حبيبي الف مبروك ويارب السفر القريب والحياة الجديدة الطيبة الكريمة
اني هم وصلني مثل هذا الايميل والمشكلة وصلني على السبام يعني الله ستر ومادري شلون دخلت على السبام وكل مرة امسح الايميلات مناك بدون ما اشوف شكو ماكو بس نظرة سريعة
وشرحت للاحبة الاعضاء وكالوا هذه معناها موافقة ان شاء الله
اما بالنسبة للكلام بالاقتباس ماعتقد هذا اسلوب الاغلبية
لان تدري النفسيات والظروف ما متشابهة وحتى طريقة التعبير
وعادة الحسد يكون خلال النظر المباشر مو خلال قراءة المكتوب وهذه حقيقة علمية واذا تحب انطيك رابط موضوع الحسد تقراه
يعني عندك مثلا اني
اذا وصلني موافقة ان شاء الله صدكني مراح اكول وصلني هيج وتعالوا باركولي وماعرف شنو
تدري ليش
لان الفرحة مو بالسفر من وجهة نظري
الفرحة والمباركة تكون احلى لما اسافر واستقر واضبط اموري واتوفق وهذاك الوكت اكول سافرت وسويت هيج واني هسه مستقر ومرتاح وشتحبون شتريدون اني حاضر وبالخدمة
هذا اللي راح اسويه ان شاء الله
يمكن هو غلط بس اني مقتنع بي
وبالتوفيق للجميع ان شاء الله ويارب العيد الجاي او على الاكثر رمضاان الجاي الكل هناك ومرتاحين ومستقرين
