اخون فرحتي ماكملت

[ricky_7070]

السلام عليكم جميعا

احبتي اعزائي اعضاء ومشرفين هذا المنتدى الجميل


انا قدمة ع siv
وصلت الى مرحلة مقابله

اني جان عندي مشروع زواج من قبل بس ما عبالي قبل المقابله الا ادز عقد زواج  عبالي بالمقابله يعني معلوماتي بسيطه
وبعدين البنيه اللي اريد اتزوجها جانت تمتحن وقبل بنص المعامله توفت امها فأني تبهذلت ما اكدر اللح عليكم بالزواج ولا اكدر اعوفها
لانها حبي الوحيد فهسه اني اجاني موعد مقابله واكدر اسوي عقد هل اكو مجال لو فقره لو اي حل اخذها وياي الله يخليكم اريد افرح

[لورنس السفاح]

ماكو مشكلة كبيرة بس تاخير
اتصور انت تقابل لوحدك وبعدين من تزوجها تكدر اتضيفها ع نفس الكيس مالتك
وانتظر ردود بقية الاخواااااااااان
بالتوفيق حبيبي

[angie-dawood]

نفس الرد اخي لورنس بالتوفيق اخي

[ricky_7070]

ماكو مشكلة كبيرة بس تاخير
اتصور انت تقابل لوحدك وبعدين من تزوجها تكدر اتضيفها ع نفس الكيس مالتك
وانتظر ردود بقية الاخواااااااااان
بالتوفيق حبيبي

رحمة لهلك الله يستر عليك بلكي تفهمني اكثر

[ددوفي]

عيني لورنس قصدة

انت روح على موعد المقابلة وقابل وخلي الامور تمشي اعتيادي  ومن تسوي عقد تتصل بالمنظمة وتبلغهم انك تزوجت راح يسوولك موعد اضافة ومقابلة لازم يشوفون العروسة بس انت روح للمقابلة الجاية حتى تضمن نفسك

في حالة انه ما ممكن البنية تسوي عقد هسة قبل المقابلة
ومبروك الزواج مقدما

[ricky_7070]

عيني لورنس قصدة

انت روح على موعد المقابلة وقابل وخلي الامور تمشي اعتيادي  ومن تسوي عقد تتصل بالمنظمة وتبلغهم انك تزوجت راح يسوولك موعد اضافة ومقابلة لازم يشوفون العروسة بس انت روح للمقابلة الجاية حتى تضمن نفسك

في حالة انه ما ممكن البنية تسوي عقد هسة قبل المقابلة
ومبروك الزواج مقدما

بارك الله بيك ع الرد
يعني تقصد من ارجع من المقابله اسوي عقد زواج وادز ايمل اللهم اكللهم اني اتزوجت ؟؟؟

[zozk]

السلام عليكم
اخي العزيز ماكو اي مشكلة نفس الحالة سواها صديقي و مشت اوراقة طبيعية
اتجيب عقد الزواج مالتك ويالك الى المقابلة مترجم و اتكلهم اريد اضيف زوجتي للكيس مالتي
راح ايكلولك اوكي بس انريد منم اتكملنا هاي الاوراق و اتدزهن على هذا الايميل ( همة راح ينطكو ايميل و اذا ما انطوك انت اسئلهم علية )
الاوراق الي لازم اتكملهن
DS-157
DS230
عقد الزواج مترجم
الجنسية مترجمة
شهادة الجنسية مترجمة
الجواز
اتدز الاوراق راح همة ايحددولهة موعد مقابلة و اتقابل و امورك تمشي  طبعا هذة الخطة رقم واحد
الخطة رقم 2
اتسوي عقد بالمحكمة مال زواج على السريع
اتترجم العقد و اتدزة على موقع السفارة و اتكللهم انو انت اتريد اتضيف زوجتك ويا بالكيس
راح ايدزولك ايميل بي رد و الامور الي لازم اتترجمهن و اتدزهن و باقي المتطلبات من السفارة
من رايي الشخصي اتطبق الخطة رقم 2 لان احسلك و اتكون معاملة زوجتك اسرع من الخطة الاولى
طبعا ما يحتاج تتزوج بس اتسوي عقد مال زواج بالمحكمة و اي شي تحتاجة اني مستعد و بالخدمة اخويا العزيز
زوزك من كاليفورنيا

[ســـرى]

كلام زوزك مضبوط.