اهل الخبرة... شلون تكدرون تساعدوني

[comander]

 
في البدء  احب اهني كل الاخوان والاخوات بمناسبة عيد الفطر المبارك اعاده الله على جميع العراقيين بالخير واليمن والبركات
 (( وتسهيل امورنا بالسفر القريب)),

اما بخصوص موضوعي فأنا من المتقدين على برنامج IOM واكملت جميع المقابلات والفحص الطبي في الشهر الثامن, وبفضل الله قررت ان اتزوج واكمل جميع الاجراءات القانونية  بعد العيد ان شالله....
السؤال الي اريدكم تساعدوني بيه هو

 ممكن اني اسافر وزوجتي تجي بعدي؟؟؟
 لو يكولولي لازم تنتظر وتسافرون اثنينكم ؟؟؟
 لو ممكن يكولولي انته كملت المقابلات وميحقلك تقدم اوراق زوجتك؟؟؟
شتنصحوني احبتي اني بانتظار مشاركاتكم ولكم مني كل الحب.

[angie-dawood]

الف مبروك اخي لو من هسى تقدم اسمها بالمعاملة احسن ما تسافر وبعدين تقوم باجراءات اضافة الزوجة تتاخر هسى واثنينكم تسافرون احسن ما تخليها وتسافر والله يعلم شكد تتاخر طبعا الامر متروك لك مجرد رأي

[ريم عبد]

اخي اول اجراء لازم اتسوي اتبلغ المنظمه بزواجك
لان الزواج بعد مقابلة المحلفين وعمد تبليغ المنظمه راح يشكل عليك مخالفه احتمال حتى اتادي الى ارجاعك
واكيد انت وقعت على الورقه الي توضح هال شي اثناء مقابلة المحلفين
ثانيا ادزلهم صورة العقد واتطالب باضافتها الى المعامله
وبهاي الحاله راح اتعيد المقابلات كلها

[ريم عبد]

وهذا رابط لموضوع الزواج اتطلع علي وان شاء الله تستفاد منه

http://www.ankawa.com/forum/index.php/topic,387835.0.html

[comander]

شكراً جزيلاً على مشاركتم اختي العزيزة انجي
وشكر جزيل للاخت ريم عبد على المشاركة بس الي صدمني انه لازم اعيد المقابلات مالتي يعني عكس ماكنت متوقع ومثل مافهموني بعض الاصدقاء في داخل وخارج العراق 

زين شكد ممكن الفتره الي تاخذها اعادة  المقابلات   وممكن اكو طريقة ثانية لتسهيل سفري

الله يخليكم الي عنده طريقة ثانية ممكن يكلي عليها ولكم مني كل الحب.

[dr1985]

مع احترامي للاخت انجي ورايهة لكن اني اختلف وياها

لانه انت اذا ازوجت لازم تعيد مقابلة المحلفين انت وياها سوية...ومتدري شرح يصير يجوز تنقبل يجوز تنرفض لا سامح الله...
الزواج اخي مكدور عليه باي وقت...لكن السفر مو باي وقت هاي فرصة استغلهة حتى تامن مستقبلك ومستقبل زوجتك بالمستقبل
ولمن توصل هناك يحلهة الف حلال..حتى لو تطلعهة فيزا دراسية او تقدم هي عال اي او ام بعد حصولك الكرين كارد هم ماكو مشكلة

ومانصحك تزوج وتغلس وتسافر بدون متكللهم لانه هاي هم خطرة عليك بالمستقبل لانه رح يشوفون تاريخ الزواج من تريد تسحبهة بالمستقبل..لذلك اخطب وسافر ومن توصل هناك عود طلع ترافل دوكيومنت وازوج وارجع لامريكا

تحياتي

[comander]

شكراً دكتورنا العزيز على مشاركتك الجميلة.

بس ياريت شخص مر بهيجي حالة او يعرف تفاصيل دقيقة على هالموضوع... خلي يدخل وينور الموضوع بتعليقة

[Linda1]

اخي صاحب الموضوع,


 اني راح ابلغك بالي سمعته من احد الاشخاص بالاي او ام نفسهم, اذا تحب تضيف شخص  (حتى اذا كانت زوجتك)بمعاملتك بعد مقابلة المحلفين لازم تروح مقابله خاصة تبلغهم بهالشي وتضيف الشخص وياك بس الي راح يصير انه احتمال قضيتك تتأخر لان التجييك الامني على الشخص الي ضفته احتمال يتأخر بهالحالة الامنيه مالتك احتمال تطلع وتصير اكسباير  اثناء اتمام معاملة الشخص الاخر وبعدين الشخص الي ضفته احتمال تكمل الامنيه مالته قبلك بس لازم انت تبقى لان الامنيه مالتك راح تنعاد اذا صارت اكسباير ..فالافضل انه تقدم لزوجتك بكيس نمبر وحدها راح يكون اسرع من انه تضيفها وياك بالكيس نفسها...هذا الي سمعته حرفيا من احد الاشخاص بالاي او ام عن اضافة شخص وياك بالقضية نفسها بعد مقابلة المحلفين ويبقى الخيار الك.

تمنياتي بالموفقية
Linda

[comander]

شكرأ اختي العزيزة linda1 على مشاركتك والله ريحتي بالي الله يريح بالج ويسهل امرج

الحمد لله وصلت للي اريده الي هو ان اقدم لزوجتي بكيس نمبر ثاني واني اسافر قبلها, بس هسه الاجراء المطلوب مني شنوا بالضبط ادزلهم ايميل استفسار او اتصل بالمنظمة بعد العيد, واذا تكدرين تساعديني بالحصول على رقم المنظمة في بغداد.

لكم مني كل الحـــب

[Linda1]

   العفو اخويه ادلل,

  اخي Commander  الي لازم تسويه هسه هو ادزلهم ايميل تبلغهم انه تريد تقدم قضيه جديدة لزوجتك بكيس نمبر
  ثاني يعني مو وياك نفس الكيس وادز وياه المستمسكات المطلوبة الي انت قدمتها الهم من قدمت اول مرة على الاي او ام
  اضافة الى عقد الزواج مالتكم ...وبالنسبه  للاي او ام ابغداد ما عندهم تليفون تتصل عليهم بس الايميل وهو نفسه الي
  يراسلوك منه كل مرة واذا تريد تتصل بيهم لازم تخابرهم على ارقامهم بعمان والي هي تخص تحديد موعد سفر فقط
  يعني اذا عندك اي استفسار بخصوص قضيتك لازم يكون عن طريق الايميل فقط بس اذا تريد تستفسر على موعد سفرك
  تتصل على ارقامهم بعمان.

 تحياتي
Linda

[dr1985]

ميصير تقدم بكيس نمبر مختلف عن زوجهة ماكو هيج شي عيني..مادام هي زوجتة وهو عندة كيس نمبر اذا تصير وياه اذا رح تبلغهم رح تفتح على نفسك باب مرح ينسد هذا توقعي اسال زين اخوية وديربالك

[like moon]

وعليكم السلام
اخي انت نفس حاله اخويه
هم اتزوج وره مكمل كل المقابلات
وضاف زوجته بالمعامله
طلبو كل اوراقهه وعقد الزواج
وهسه دزو وراهه مقابلتين خلال 10 ايام وكملت
اما هو جان مرافق بس
مسوه اي مقابله
وحاليه اجاله رد المحلف بالموافقه
وباقي بس زوجته
بالموفقيه اخي

[أبو ياسر2010]

اخي سافر شوف حياتك يا زواج يا بطيخ
بعدين دز عليها

[comander]

دكتورنا الغالي شكراً ع مرورك الجميل... بس اني سامع يصير الزوجة تكون كيس ثاني اذا طلب الزوج ذلك.. بس ممتأكد واني دزيت ايميل للمنظمة استفسر منهم عن موضوعي والباقي على الله.

اختي العزيزة لايك موون شكراً ع مشاركتج الجميلة واني دزيتلج رسالة عالخاص..

لكم مني كل الـــحب

[comander]

اخي ابو ياسر شكرأ على ردك.. بس اذا طلعت واني ممتزوج ميحقلي اقدم على زوجه من خارج الولايات الا بعد 5 سنوات.؟

لكم مني كل الحـــب

[ريم عبد]

اختي ليندا هاي الحاله الي ذكرتيها لاضافة شخص اخر من افراد العائله
اما موضوع الزوجه يختلف

اخي كوماندور
الزوجه لا يمكن فتح كيس منفصل الها
ليش؟؟؟
اذا انت مقدم من بغداد على الي اي او ام يعني مشتغل ويه الامريكان
والزوجه يجب ان تكون مشتغله ويه الامريكان يله يحقلها تفتح كيس منفصل
اما اذا ماعدها هذا المؤهل
فلايمكن فتح كيس الها الا اذا تزوجت بشخص مشتغل ويه الامريكان
وبهذا لازم تنضم الى الكيس الخاص بيك
واتعيد المقابلات كلها وانت تكون معا
وتثبت تعرضها للتهديد لكونها زوجتك وانت ايضا متعرض للتهديد
واخي اكيد راح تتاخر بسبب اضافة معامله جديده
لكن افضل مما تسافر وتتركها لان بعد متكدر تسحبهاااااااا
والطريقه كلش صعبه وطويله
فلتعوفها واتروح لان تتندم

[like moon]

ههههههههههه اخوان شبيكم ايستو من حياته
داكوللكم نفس حاله اخويه
وخلال 10 ايام سوت مقابلتين
وثانيا يكدر يفتحلهه كيس بوحدهه
لان خيرو لاخويه هالشي
كللوله اذا تريد تروح ويه اهلك وبعدين منا هي تكمل الاجراءات وتروح
بس لازم تكون مزوجته طبعا
بس اخويه محب يعوفهه
وانفصل عنه بكيس لوحدهم
وهسه منتظرين بس قرار المحلف لزوجته
لان اله اجه وموافقين
اما االامنيه واجرائاتها فهاي ماعرف شكد تطول
تخياتي