منو يريد يشتغل مترجم او حتى اذ ما يعرف انكليزي بشركه اجنبيه با العراق

[علي الحلي]

                                                                السلام عليكم

اخواني الاعزاء واحبتي في هذا المنتدى الرائع

كل عام وانتم بألف خير واعاده الله علينا وعليكم بالخير واليمن والبركات

اخواني بعد ما بحث واجريت بعض الاتصالات من اصدقائي حصلتلكم على خبر مظبوط 100% على وجود تعيينات مع شركة ايجس في جنوب العراق ومقرها في مطار البصره وعملها في حقول النفط الشركه عباره عن شركه امنيه والعمل بها يجب ان يكون

1- يجيد السياقه بصوره جيده
2- يجيد السلاح والرمي بصوره جيده
3- يجيد اللغه الانكليزيه بصوره جيده
 المتقدم يخضع الى اختبارات ويدخلوه دوره لمده اسبوعين علمآ ان هاي الاسبوعين الشركه غير ملتزمه با المبيت بحيث انته يوميه تدخل المطار الصبح وتطلع العصر يعني اتأجر بفندق با البصره .

اول يوم با التقديم راح ينطوك باج سكيورتي حتى تدخل المطار
وبعد كل هاي الاجرائات راح يتصلون بيك وينطوك الموقع الي انته اتنسبت عليه

الشيئ الاخير والاهم هو الراتب  وهو يبدأ من 1100$ الى 220$ يعني يزيد حسب المهاره وبعد فترة العمل

اما بالنسبه الى الذي لايجيد التكلم والسياقه فيعمل حارس ابراج وكذالك يبدأ الراتب من 700$ الى ما اعرف شكد
والي  يفيده هذا الخبر خلي يكلي رحمله والديك ويدعيلي انشاله احصلى على قبول زين با الجامعات بعد ما حصلت على النتيجه ناحج من الصف السادس ادبي

وهذا رقم الشركه

07813356153

وما اعرف اسم صاحب الموبايل  

وأي سؤال اني حاضر


                                             اخوكم
                                          وأبن عنكاوا
                                          علي الحلي

[ARMY STRONG]

رحمه الله والديك

[ameer 55]

اشكرك ياوردة على هذا الخبر ولو اني راح اسافر

زين اكلك حبي التقديم ليوين مستمر زين اذا واحد يجيد السياقة مظبوط بس الرمي مو كلش يكدر ينقبل واشكرك مقدما

تحياتي الك اخوك امير الطائي

للتواصل ameer_t2007@yahoo.com

[big_ez]

اولا مشكور اخونا علي الحلي على هاذا الشي بس المشكلة انه مطار البصرة ما تكدر تدخلة لازم اسكورت وثانيا اخولن الي عدهم بلاك لست لا تروحون لانه ما تدخل هناك با الباب ايسوولك بصمة عين وايد يعني يطلع انت بلاك لست بعد ما اعرف اذا هاي اتاثر لو لا  نرجو الرد من الاخ علي الحلي وشكرا

[علي الحلي]

اخوان رقم التليفون موجود واتصلو بيه وافتهمو منه وبالنسبه للدخول هو راح ينطيك موعد وينتظرك با الباب

[mohammedchemical]

شكرا للاخ العزيز كل عام وانت بالف خير
شكرا على رقم التلفون بس اني جاي اخابر عله ماجي احصلة عدهم فد ساعات محدده للمكالمة او ايام محدده

[ronaldo1981]

الف رحمة لوالديك والله يسهللك امورك

[ابو الحسن]

عمي علاوي عاشت ايدك
خير الناس من نفع الناس
عمي خابروهم وخلي العالم تشتغل
هذا رابط الشركة همينا
http://www.aegisworld.com/index.php/careers/confidentiality
ابو الحسن

[علي الحلي]

اخواني هذا الرقم مال الشخص العراقي الذي يعمل با الشركه وبما ان هاي ايام عطل وعيد ومدا ايجاوب بس انشاله يجاوبكم

[mohammedchemical]

مشكور اخي العزيز جزاك الله الف خير

[Revolver]

علاوي الملك,

دومك اصيل ياذهب, والله يرزقك على كد نيتك حبيبي .

كل عام وانت بألف خير والله يوفقك ان شاء الله . امين

ريفولفر

[علي الحلي]

اخويه العزيز ريفولفر والله مشتاقلك بس بنفس الوقت زعلان عليك ليش متسئل والله اني دائمآ اذكرك بس شويه الامتحانات اخذت كل وقتي والحمد لله  سلامي للأهل