اخواني اذا سمحتوا

[~احمد~]

بدايتاً كل عام وانتم بالف خير
ينعاد عليكم  بتحقيق امانيكم
جميعها انشاء الله
طبعا آنه اختكم هذا اول موضوع اشارك بي
واكون سعيده جدا بارائكم ومروركم الكريم
لموضوعي
  طبعا احنه عائله قدمنه لجوء
والحمد لله  طلعت الموافقه
بس للاسف مكملت الفرحه
لان واحد من العائله انرفض
بناءاً على رغبته ميريد يسافر
والان لمن شافهه صدگ حيل تندم
واحنه بعد متالمين جداً
فحسب خبرتكم ارجو المساعده
نصحوني شنو ممكن نسوي
يسمحون نقدم له مره ثانيه لو لا ؟
لان هوه بسببه صار الرفض
مع العلم هوه 22 سنه وجامعي

[angie-dawood]

اختي الي انرفض ممن انرفض هو سحب اسمه من المعاملة لو هما رفضوا ممكن توضحين اكثر حتى نساعدك بالجواب

[لورنس السفاح]

بالضبط اختي
مثل ما كالت الاخت انجي
اذا هو اصلا ما راغب بالسفر ,, يعني ما قدم وياكم لو شنو؟؟
واذا مقدم شلون انرفض ؟
يعني هو بالمقابلة كال للمحلف ارفضني مثلا؟؟؟؟؟
خوب من البداية كان مارفعتوا اسمه اصلا بالكيس
ع العموم
اذا كان رفضه من المحلف فاتوقع ممكن يقدم استئناف وان شاءالله ينقبل
تحياتي

[ريم عبد]

حبيبتي ~احمد~
اهلا وسهلا بيج بالمنتدى
وكل عام وانتي بالف خير
بما انه الشخص الي انرفض هوه عمره 22 سنه يعني كيس منفصل
فاذا هوه قدم انسحاب من الكيس او اغلقه
يكدر يقدم مره ثانيه طلب بفتح الملف راح تستانف قضيته وين ماجانت واصله
اما اذا هوه خربط بالاجابه وكلهم للمحلفين اني مااريد اسافر
هسه يكدر يقدم استناف يثبت بي انه صار وضع جديد عرضه للتهديد ويرغب بالسفر
احتمال يعيدوله مقابلة المحلفين
وطبعا حضه كلش ضعيف بهاي الحاله

[~احمد~]

الاخت انجي هوة مقدم ويانة بس وصل للمقابلة الثانية وطلب منهم عدم الذهاب لان هوة كان مقدم ويانة من اول ومشت اوراقة بس هوة اوقفهة بملئ ارادتة

{بس حاليا تندم بعد ان عرف الموضوع صحيح واكو عائلات رايحة ويريد باي طريقة يرجعوه اكو حل حسب علمج ؟}

[ريم عبد]

مادام هوه وقف الكيس مالته
هسه يكدر يطالب باعادة فتح الكيس
ويدبرله فد حجه قويه وراح يستانفوله المقابله
بس راح يلزم سره ومن ايصير عدهم مجال بالجدول ايخلوا على المقابله الثانيه
يكدر يتحجج بحالته الصحيه
او هوه جان مهزوم للشمال وخايف ميكدر يرجع لبغداد للمقابله
يعني جذب مسفط زين
حتى يكدر يجتاز المحلفين
وياربي ايسهله

[~احمد~]

شكرا اختي ريم على تفاعلج مع الموضوع
راح نحاول ونشوف اذا ممكن يسمحوله
يستانف
رغم ان التقصير من عنده
والله يسهل

[angie-dawood]

الاخت انجي هوة مقدم ويانة بس وصل للمقابلة الثانية وطلب منهم عدم الذهاب لان هوة كان مقدم ويانة من اول ومشت اوراقة بس هوة اوقفهة بملئ ارادتة

{بس حاليا تندم بعد ان عرف الموضوع صحيح واكو عائلات رايحة ويريد باي طريقة يرجعوه اكو حل حسب علمج ؟}

اختي

احجيلكم سالفة اختي نفس الحالة الي صارت يمكم هي هم قدمت وكانت صاحبة الكيس على اساس امراءة ارملة كان عدها اولاد اثنين بنت وولد الولد ما انتظر المعاملة راح قجخ للسويد بقيت الام والبنت هو سحبوا اسمه من الفايل بعدها اختي هم لغت فكرة السفر ورجعت للعراق بدون ما تلغي اسمها من صارت المقابلة الاولى محد ما بقى بس البنت بالمعاملة من اتصلوا بيهم للمقابلة كالت امي وهي صاحبة الكيس رجعت للعراق ولغت فكرة السفر بس اني اريد اسافر واكمل تعليمي كالوا الها خابري امج خلي تجي تسحب اسمها وتتحول المعاملة باسمك وفعلا صار مثل ما كالوا وبعدها من خابروهم للمقابلة الثانية الام رجعت لسوريا ورادت مرة لخ تدخل بفايل بنتها كالوا انتي اسمك انحسب من المعاملة والمعاملة تحولت باسم بنتك حاليا لازم تقدمين من جديد ما اقتنعت بكلامهم سافرت الى لبنان تقدم من هناك على اساس تنطي رقم الكيس مال بنتها وتدخل نفس المعاملة هم رفضو وحتى رفضوا تقدم من جديد من لبنان كالوا رجعي لسوريا قدمي هناك احتمال تضيفوج لمعاملة بنتج هم رجعت رفضوا وكالوا انتي اسمك مسحوب من المعاملة تريدين قدمي من جديد وهو ما اقتنعت ورجعت للعراق وبنتها كملت كل المقابلات وسافرت لكلفونيا هاي مجرد تجربة حبيت اوضحها الك

[~احمد~]

مشكوره جدا اختي انجي
هاي خطيه اختج هم مثلنه لو منقبلين الكل
وسفره وحده جان شلون فرحه تصير
الله كريم تفرج انشاء الله تحياتي الج عزيزتي

[~احمد~]

بالضبط اختي
مثل ما كالت الاخت انجي
اذا هو اصلا ما راغب بالسفر ,, يعني ما قدم وياكم لو شنو؟؟
واذا مقدم شلون انرفض ؟
يعني هو بالمقابلة كال للمحلف ارفضني مثلا؟؟؟؟؟
خوب من البداية كان مارفعتوا اسمه اصلا بالكيس
ع العموم
اذا كان رفضه من المحلف فاتوقع ممكن يقدم استئناف وان شاءالله ينقبل
تحياتي

اخي هوه التقديم كان عائله وحده
وهوه من ضمن التقديم
بس وكت المقابله ضل محتار
خايف انو ميكدر يكمل دراسه  وتروح عليه
لان سامع الجامعات غاليه هناك
وهذا التردد هو خرب عليه
بس بعد الموافقه للجميع
ضل متندم  الله يفرجهه انشاء الله
اشكرك اخي على المشاركه