اخواني البراء الله يخليكم محتاج مساعدة من هاي الورطةsiv

[احمد صلاح الدين]

السلام عليكم و رحمة الله
اخوان اني siv و وصلت لمرحلةNVC اني حاليا بالعراق بس قبل كم سنة عشت سنة و نص بمصر و هسة يريدون عدم محكومية من مصر حسب ما افتهمت منهم
المشكلة رحت للسفارة المصرية و كالوا انه همة ميسوون هذا الشي للاجانب فقط يسووه للمصريين (اي فقط لابناء البلد) زين اني شلون هسة شاسوي و شنو الحل
اي حل اي طريقة 
هل من الممكن ان اكتب تعهد و اوقعه و ارسلة مع الوثائق الاخرى لو لا؟؟؟؟؟؟؟   
ارجو من الخبراء ان ينوروني و الف شكر للجميع و بالتوفيق

[المهندس سيوفي]

اخوية العزيز
همة طلبوا منك بصورة مباشرة او قريت هذا الشي من ضمن الاوراق المطلوبة اللي لازم ادزها للسفارة بمرحلة NVC ؟

يعني كالولك جيبلنة عدكم محكومية من مصر بالنص ؟

انتظر جوابك وعلى اساسة راح اجاوبك

[احمد صلاح الدين]

اشكركم اخوان و اخوات ععلى الرد السريع
بالنسبة للطلب همة ما طلبوا بصورة مباشرة بس تعرف همة دزولي الملف الي بي التعليمات و من ضمن التعليمات انه اذا اني عايش بدولة اكثر من 6 اشهر لازم اجيب عدم محكومية مناك
و هذا الي صار و مشكورين

[المهندس سيوفي]

اخوية العزيز --- عدم المحكومية من مصر تكون في حالة اذا قدمت عالبرنامج من مصر وكنت ومازلت عايش بيها لمدة اكثر من ستة اشهر ---- بما انه انت قدمت عالبرنامج من العراق اذن ماكو حاجة لعدم المحكومية واني متاكد من كلامي ---- اني اعرف ناس هواية مسافرة برة وباقية اكثر من 6 اشهر وذكرت هذا الشي بالاستمارة لكن مطلبوا منهم عدم محكومية نهائي

تحياتي

[koka75]

 
  اخي العزيز احمد واخوية سيوفي انا كنت عايش في بلغاريا ولمدة مستمرة 9 اشهر وذكرتلهم هذا حين التقديم ودزولي يردون عدم محكومية من بلغاريا وتاخرت  وبعدني محصلتها ودزيت كل الاوراق الا عدم المحكومية وهم طلبوها مني ووراها دزولي موعد مقابلة قبل ان ادزلهم العدم محكومية وكان مع الموعد طلب منهم وتذكيري بضرورة احضارها معي للسفارة وعند ذهابي الى المقابلة طلبها مني القنصل والحمدالى الله كنت جاييها من بلغاريا ولي ولزوجتي وليس فقط لي يرى الانتباه ومحاولة الحصول عليها لان اذا دزيتلهم اوراقك كلها بدون عدم محكومية اعتقد راح يسون وياك نفس الي سووه وياية يعني راح يكملون اوراقك ومعاملتك تكون ماشية انشالله علمود لاتتاخر بين متجيبها وهذا كرم منهم  وسيطلبوها ويذكروك بها في رسالة المقابلة  ومن الله التوفيق
    اخووكم ابو محمود

[المهندس سيوفي]

والله اخوية مااعرف شكولك ---- يعني بالنسبة الي بقيت في دولة خليجية لمدة 4 اشهر بس مذكرت الهم هلكد بقيت  يعني بس كتبت اسم الدولة وبيا سنة رحت ---- يعني شلون قابل راح يعرفون اني شكد بقيت بيها ؟ وشلون راح يعرفون اني صدك بقيت بيها اكثر من ستة اشهر او لا اذا جان ماكو اختام بجوازك ؟؟

بالاضافة الى انه عندي اصدقاء مسافرين لهواية دول وذاكرين بس السنة وهاهية ومحد جاب طاري لعدم المحكومية

[nen000]

حبي   
اني بالنسبة الي  سوريا رحتلهم هم ميدرون شنو السالفة بحبشت بالسفارة فكالولي كالاتي  الي سويتا شنو
العدم محكومية مالتنا نفسها  صدقتها من الخارجية العراقية اخذو 15 الف عراقي او وديتها للسفارة السورية او وره 10 تيام رحت استلمتها  صدقولي السفارة السورية هم عليها اخذو 17 دولار
فاعتقد نفس الحالة 
او الله يسهلك انشاء الله
تحياتي للكل

[nen000]

حبي   
اني بالنسبة الي  سوريا رحتلهم هم ميدرون شنو السالفة بحبشت بالسفارة فكالولي كالاتي  الي سويتا شنو
العدم محكومية مالتنا نفسها  صدقتها من الخارجية العراقية اخذو 15 الف عراقي او وديتها للسفارة السورية او وره 10 تيام رحت استلمتها  صدقولي السفارة السورية هم عليها اخذو 17 دولار
فاعتقد نفس الحالة 
او الله يسهلك انشاء الله
تحياتي للكل

اتصلت  ابصاحبي الي هم شغلة مصر هسه هوه ابامريكا  السفارة المصرية ماخذين منة صورة او شهر او جاي منطي كتاب انو هوه مامحكوم يمهم بس الحجي قبل 5 اشهر او انتة شوف ايجوز نفس شغلتي مال سوريا او يارب تسهل

[احمد صلاح الدين]

والله يااخوان اني هاي الشغلة دوختني و ايست لان رحت للقنصلية المصرية بشارع الاميرات و كالولي احنة بس للمصريين انسوي عدم محكومية و شكد فهمتهم بس مفاد و حتى ولد قبلي نفس حالتي هم كالوله نفس الحجي
زين احنة شلون بهيج حالة شنو الحل
اخواني يلكي ارائكم لان الاوراق كاملة عندي و مدا ارسلهه للـ NVC  وما ادري شلون اتصرف الله يخليكم نصحوني

[nen000]

جرب مثل مالتي مال سوريا او روحلهم بلكت الله ياخوية

[ضوء الشمس]

اخي العزيز
طبعا صدق هذه الشغله ادوخ بس الافضل والذي انا فعلت مثله ان تكتب لهم وتشرح الوضع اقصد تكتب لل ان في سي واشرح انك ما تستطيع الوصول لمصر للحصول على ما مطلوب ولا يمكن تكليف احد لانه يجب ان تكون بمصر لكي يأخذون بصماتك حتى تحصل عدم محكومية بس اشرح لهم ووثق الامر عدهم بايميل.
واطمئن همه راح ايكملون اوراقك ولكن كل مره راح ايدزون الك تذكير باحضار عدم محكومية ويمكن بالمقابلة هم ايطلوبها منك بس هاي الشغله ما تعرقل اي اجراء اطمئن.

[احمد صلاح الدين]

ما فهمتك اخوية يعني قصدك انه عدم المحكومية العراقية مالتنه اوديهه للسفارة المصرية و اكولهم صدقولياها
هذا قصدك ؟؟؟؟

زين هذا الشي يفيد لو بس يعتبر تصديق لو شنو رأيك بلكي توضحلي اكثر

[المهندس سيوفي]

اخوية العزيز --- انت ذاكر انه بقيت سنة ونص بمصر بالاستمارة 157 لو لا ؟

[احمد صلاح الدين]

والله يا اخويةالعزيز اني بال DS157 الاولية ذاكر انه رحت لمصر بس مذاكر المدة شكد بس المشكلة هي انه اني ذاكر المدة بالسكرين الدوري الي جانوا ايسسونياه و همة حسب علمي معلومات السكرين كلهه عدهم ويعرفوهه (حسب علمي لو غلطان؟؟) و ال DS157 مال NVC بعدني مدازهه و دا انتظر و اشوف شلون الحل

و شكرا لكل شخص يحاول يساعد الاخرين و الله يسهل امور الجميع

[المهندس سيوفي]

اخوية صدك جذب ---- دز البكج مالتك واتوكل على الله يعني منو يكول يسالوك عليها --- اني هم بالسكريينك كايللهم مسافر بس مسالوني عالمدة

[nen000]

ما فهمتك اخوية يعني قصدك انه عدم المحكومية العراقية مالتنه اوديهه للسفارة المصرية و اكولهم صدقولياها
هذا قصدك ؟؟؟؟

زين هذا الشي يفيد لو بس يعتبر تصديق لو شنو رأيك بلكي توضحلي اكثر

من يصدقولكياها انتهت يعني انتة عدهم هم ممحكوم

العدم محكومية العراقية اتوديها الوزارة الخارجية مالتنا الي بالعلاوي يصدقوها  او وراها اتوديها للسفارة المصرية اتكلهم للتصديق   صدقولياها

هذا الي صار وياية

تحياتي اخوية

[ســـرى]

اضافة لرد الاخوة السفارة اللي ببلدك ما تطلعلك عدم محكومية لو تسوي مثل ما كلولك الاخوة لو تشوفلك احد بمصر.

[احمد صلاح الدين]

اشكرج سرى و اشكر جميع الاخوان و الاخوات جميعا
انني راح استلم عدم المحكومية العراقية بعد كم يوم و راح اوديهه للسفارة المصرية اصدقهه مناك و الله كريم
و الي بي خير يقدمه رب العالمين
بالتوفيق للجميع