بعد 6 اشهر .

[Dollar]

اخوان قبل جم يوم قبطت 6 اشهر و بعدني ما مقابل مقابلة اولى  .......شنو السالفه اذا المقابلة الاولى طولت هلكد يعني الى يوم السفر اني و السنتين.

هوايه كالو اتقبط 6 اشهر يله تجيك مقابله. زين هسه اني اريد اسافر السوريا فد اسبوع عندي شغل انوب اخاف اني هناك و يخابرون .يعني معلك بالهوء و كل اموري واكفه من وره المقابلة . ويمكن السالفه اتجر بعد فد 6 اشهر لخ واني ما مقابل .. واني بعد شهر من استلام ال اي زي دزيت استفسر كالو احنه اتاكدنه من وظيفتك...شنو السالفه؟؟؟؟؟؟؟؟؟؟؟   

[ابن ميشكان]

عزيزي انت مستعجل اكثر من اللازم انا طولت سنتين يره نطوني رقم تره الشغله اطول عادي جدا
اما بخصوص سفرك خلي اي شخص تثق بيه يجاوبهم بدالك
وبالمناسبه المقابله الاولى انا ارسلو لي ايميل ابلغوني بموعد المقابله وطلبو مني ارسال رد سريع بواسطة الايميل باني قد استلمت الرساله وبعد فتره قصيره عن الموعد المحدد قامو بلاتصال بي للتوكيد علي فقط
انت اذا اردت تسافر سافر بس افتح ايميلك بشكل يومي

[rmadi]

حبيبي

طول بالك اشو انتة كلش متعجب من شغلة السنتين.

اني اول مقابلة ورة 14 شهر وصارلي سنتين وشهر من اول ايميل تقديم.......فطول بالك ترة اذا تظل تفكر ما تمشي.

انساها وخطة بخطوة امشي ترة تتعب

مع التقدير

[Dollar]

والمتهجر و المتهدد خلال هاي السنتين او الثلاثه شراح يصير بي خاصة اذا هو بعده بالعراق... المصيبه انو  قليل جدا من قابل و هو مقدم بال 2010 .......... شنو سياستهم بالعمل والله عجيبه محد يدري. اني بعد الشهر الاول كلولي انو اتاكدو من الوظيفه و فات 6 اشهر شديسوون ............. لا مقابل ولا شايفيني ولا عندي تجييك امني ولا نقص معلومات ولا اي شي.

[ISKENDER]

هاي شنو يمعودين اني اصلا بعدني ما مقدم حروح اسبوع الجاي اقدم على iom
لعد شوكت اكمل ب2015 

[ريم عبد]

اخي عندي تقديم من 2008 شهر السابع والى هسه ممحصل مقابله اولى
وال اي زيد صارله سنه
روح اخي سافر واخذ راحتك وكما كل شغلاتك
بعد وراك حصبه وجدري وخناق

[Dollar]

صدك تحجين اخت ريم؟؟؟؟؟؟؟؟؟؟؟؟؟؟؟؟ شنو السالفه منين امقدمة انتي؟ بس لا من السودان و محسوبه ويه اهالي دارفور ههههههههههههههه   الله يسهل امرج ان شاء الله. فوكاه الرفوضات نازله اترف هالايام

[foxsingluser]

 اصبر  بعد حصبة  وجدري

[silver_d]

الدلار  من يصير  سنت واحد رح تجيك مقابله
بعدلك مقابله وفحوصات ومقابله ثانيه وتجيك امني  وجدول  سفر وتوقيع الكفيل  للاوراق  والطيران وووووووووو
فرووح كمل  شغلك وابقالك فد سبوعين بسوريا بدل  دهن وارجع
تحياتي

[(COBRA)]

اخويه   لاتتعجب الجماعه كلهم اصحاب تاريخ  بلتاخيرات...
وهمه الهم خبره  ...واتمنئ تستفاد من تجاربهم يعني اشويه صبر 
زائدا تحمل   وقليل من الاراده  وراح تكتمل الطبخه باي او ام ومتشوف الا  جالك الخبر المفرح...
بلتوفيق اخويه وتحياتي