عضو جديد ممكن مساعدة

[كارزما]

السلام عليكم ورحمة الله اني عضو جديد بالمنتدى
اسمي كريم من بغداد عمري 21
الحقيقة حبيت اسألكم كم سعر فيزة الاتحاد الاوربي او ما تسمى بالشينغن الان ومن وين ممكن احصلها...
اما ثانيا اني ابحث على هذه الفيزا لان عندي خالي في المانيا من زمان وعندة الجنسية الالمانية وكلتلة وحجيت وياه بأنه اني اريد لجوء لدولة من الدول الاوربية ... وكلي اخذ هاي الفيزا وتعال بالطائرة لفرنسا... واني اجي عليك وادخلك الى المانيا...وتظل يمي يوم او يومين او ثلاثة ايام وبعدها احجزلك طائرة الى النرويج... لان دينطون لجوء...مع العلم انه اني اثناء الرحلة الى النرويج لازم اتخلص من الجواز واتلفة واسلم نفسي هناك واحجيلهم قصتي .... الخ من هذه السوالف
 
بس اني اللي مخوفني شي واحد وهي البصمات ... اني اذا اطير من بغداد الى فرنسا من انزل بالمطار بفرنسا ياخذون بصماتي لو مايخذونها لان فيزتي هي شينغن يعني مميزة... ومن يجي خالي ياخذني من فرنسا الى المانيا ما اعرف هو ياخذني برا او بالطائرة... بالمانية على الحدود او بالمطار هم ياخذون بصماتي لو مايخذونها لان فيزتي شينغن... لان اعتقد انه لازم مياخذون بصماتي حتى من اوصل للنرويج واني تالف جوازي ميرجعوني للدولة اللي انطيتها بصماتي ... اتمنى انه اني ما طولت عليكم واتمنى انه كل واحد يعرف ان يجاوبني على هاي الاسئلة واني منتظر على احر من الجمر وشكرا

[درة العراقية]

والله اخوية ماعندي معلومات بس حبيت ارفع الموضوع
واتمنى من الاخوة الاعضاء ايجاوبوك

[دايخ بن دايخ]

اللي أعرفه أن البصمة في أي من دول الإتحاد الأوربي توزع على قواعد بيانات كل دول الإتحاد ، والشخص الباصم إذا لزموه بدولة أوربية معينة يرجعوه إلى نفس الدولة اللي طلع منها . والأفضل تتأكد .

تحياتي

[كارزما]

اهلاحبيبي دايخ بن دايخ
اني اعرف انه البصمة بدولة معينة مستحيل ينطوك لجوء بدولة غيرها بس المهم انه انته ما تبصم

[دايخ بن دايخ]

نعم صحيح ، إذا مبصمت فلتت ، وإذا بصمت تورطت . تبصم أو لا تبصم : هذا هو السؤال كما قال اللاجئ الحجي شكسبير وفي رواية أخرى الحجي ( شيخ زبير ) .

الواحد كام يغرّد من دوخة اللجوء وطلايب اللجوء .. نعل على لشة جد بوش الإبن .

[ديفيد بغداد]

اخوية اذا  بصماتك في اي دولة راح ارجعوك الة في حالة تقديمك اللجوء في دولة اخرى و بالنسبة لوضوع البصمات   مرات ياخذوة و مرات لا حسب الحالة الامنية او اذا صار عدهم شك  بس بصورة  اكبر ما ياخذوة بس الافضل قبل السفر اجيك من احد الاصدقاء مثلا  اذا عندك عرف بدولة اوربيا بلك اجيكولك  من الي ديسافرون  و شي ثاني من اتقدم اللجوء حتى من الشك او اضم الجواز لا تكتكتب اسمك بنفس الصورة المكتوبة بالجواز حتى من ادكو حاسبة مايظهر بلد الدخول لاوربا مثلا غير فد حرف حرفين باسمك و اسم الوالد و اللة اوفقك
ا

[سيد الوفاء]

اسللم عليكم
وين الشباب الخبراء  الجواب مطلوب ضروري والكل ينتظر هذا الشي
تحياتي ارجو الافادة

[كارزما]

مشكورين بس هسة اني ما عرفت ياخذون بصمات لو لا... واذا اخذو بصماتي بفرنسا...وطبيت من فرنسا للنرويج وهناك تخلصت من الجواز...يرجعوني لفرنسا لو بعد ميكدرون لان ماعندي جواز... وشكرا منتظر الردود

[angie-dawood]

اخي ادخل لهذا المنتدى بيه المعلومات الي تريدها مال الاتحاد الاوربي بس مااعرف خاص للمصرين لو للكل شوفه بلكن يفيدك


http://dvd4arab.maktoob.com/forumdisplay.php?f=1557

[دايخ بن دايخ]

أعرف واحد كان باصم باليونان وسافر منها إلى السويد عبر إيطاليا جواً ، طبعاً من وصل السويد أخفى ثبوتياته وسلم نفسه . بعد التحقيق معه ومن خلال بصماته عرفوه جاي من اليونان وبالنتيجة سفروه إلى أثينا .

قس على ذلك

[كارزما]

السلام عليكم

بالحقيقة حبيت استشيركم بموضوع مرة ثانية
وهو اني اندليت مكان السفارة الايطالية ببغداد زين شنو رأيكم اروح اقدم طلب تأشير الشينغن السياحي ... واخذ كل المستمسكات القانونية ...... وما عندي شي حتى لو تتأخر سنة حتى تتطلع... او سنة ونص .. هم اني اظل انتظر...

شتكولون ينطونياها لو لا....لان اني ماكو واحد اثق بي حتى اشتريها من مكاتب السفر والسياحة ... لان كلهم او اغلبيتهم..

عبارة عن مافيات...مو مكاتب وخصوصا بهيج شغلات... عموما اذا اكو امل احصلها من السفارة الايطالية .. او اكو واحد منكم محصلها خلي يرد على الموضوع... وينطيني تعليمات او تفاصيل ... الطلب وكيف.. والمستمسكات ما هي.. شكرا

انتظر الرد

[ألن في بلاد العجائب]

مساء الخير اخويه
حبي حسب خبرتي المتواضعه بال شنغن اكو نقاط لازم تنتبهلها

1 - في حالة حصلت فيزا لايطاليا نظرا للتشديد الحاصل حاليا مع العراقيين هناك ضابط امن يقف عند بواية الطياره يشوف جوازك عراقي و انت مثلا نازل بفرنسا و فيزتك شنغن ايطاليا رح يشك و احتمال يرجعك بنفس الطياره

2- ايطاليا و اي دوله اروبيه في العراق تعطي الفيزا بشروط معينه و في اغلب الاحيان تعجيزيه للعراقي

3 - ان شاء الله اذا طلعتلك بالخير و السلامه انتبه الا انو البصمه للعراقي لازم لازم لازم ياخذوها و ااكدلك هذا الشي يعني بين قوسين حاول تروح دايركت للدوله الي تريد بيها اللجوء احسن من ما يرجعوك للدوله  الي نزلت منها

تحياتي