موضوع 200دولار الاردن

[علاء علاء]

اخوان اشويه اتاخرت عليكم عله هل الموضوع اولا المكان انقل وراح يصير بخلده الوفد راح يجي الاسبوع القادم ابدايته الشغله يكولون اشويه اترتبة رتبه وكيل الوزاره دكتور سلام الخفاجي وهذه الرجل اجه من بغداد عله هل الموضوع ويكلون هذه الرجل معروف عنه بنزاهته وحرصه عله الحق وان شاء الله يكون كذلك..........واي شئ جديد اني بالخدمه ابلغكم بي

[mys]

مشكور اخوي والله ينطيك الصحة والعافية

[sultanyan]

اخي هل لديك معلومات متى يبدأ التسليم او مكان التسليم بخلدا يعني وين بخلدا لانها خلدا جبيرة

[علاء علاء]

اخوان حسب ميكولون الاحد القادم اما المكان فهو بمكان تابع للامم المتحده حقيققه اني مااندله ولا اعرفه بس يكولون جبير ومرتب يكدر الاخوان الي يندلون مكان بخلده تابع للامم المتحده يدلونه عليه

[sadiq.h]

أخ علاء شكرا ,,لجهودك ,,بس أعتقد بس مو متأكد أن سلامة الخفاجي هي أمرأة مو رجل,,بس كتلك انا ما متأكد,, وشكرا,

[علاء علاء]

اخويه د سلام الخفاجي وكيل وزير الهجره مو سلامه الخفاجي عضوة الحكم السابقه للعلم مع تقديري

[ماللك الاحزان]

• صباح الخير اخوية العزيز علاء واخواني حسب ما سمعت انو الاسبوع القادم وهو يوم الاحد سيتم اعلان المكان الجديد وسيتم التسليم مباشرة بحضور الشخص صاحب الجواز مع العلم انو هيج افضل لا اتضيع جوازات ولاهم يحزنون تحياتي للجميع
  
  ماللك الاحزان

[سفير الوطن]

السلام عليكم حسب معرفت انه العزابيه ممشمولين بالمنحه لان خابرت اليون ان كالت الموظفة كالت بس العوائل