موضوع قيد الدراسة بنج لو حقيقة

[اسعد الزبيدي]

السلام عليكم شباب  منتدانا الورد

  اليوم كانت الضروف الي استلموها  اصدقائي في  الهجرة الدولية بسورية كلها قيد الدراسة بس فرحنا  الكم عائلة اجتهم موافقة سفر الى امريكا  احبابي اخواني اريد  رايكم  حول الموضوع  اكو نتيجة من وراها  عندي اصدقاء  ايسو  وسالوني  ...................  اما انا  فصابر حتى مجيئ الوفد الاخر  ويا ربي  يفرجه 

[العزاوي 55]

حبيبي قيد الدراسه شبه قبول يعني الحمد لله والشكر  الرفض هو الشي السيئ اما قيد الدراسه مقبول واني بنتي وزوجه طلعلهم قيد الدراسه وهسه بامريكا فطمنهم جميعا
تحياتي

[Robin Hood]

السلام عليكم
اخويه العزيز اتفضل بزياره جمعيه قيد الدراسه http://www.ankawa.com/forum/index.php/topic,443283.0.html

ان مع العسر يسرا

robin - cairo

[شجرة الدر]

اخي الكريم قيد الدراسه نوعين اكو قيد دراسه مع قرار محلف بالموافقه بس يحتاج الى التجييك الامني بشكل مكثف اكثر من الباقين وهذا ان شالله مقبول ولا يخاف بس اكو النوع الثاني قيد دراسه بدون قرار محلف هذا يتوقف على قناعة اللجنه اللي راح ينعرض عليها الكيس مره اخرى عند اجتماعها وتقرر اما الموافقه او الرفض او اعادة المقابله مال المحلف وهذه تجتمع كل ثلاثة اشهر بأمريكا وتدرس الملفات العالقه وايضا تعتمد نوعا ما على الموافقه الامنيه والبصمات ونظافتها من اي مشكله او تشابه اسماء او غير او يكون مطلوب بالبلاك لست لا سامح الله والله يوفق الجميع وارجو ان تكون الصوره واضحه

اختكم شجرة الدر

[Safaa Alkhrkhy]

حجي الاخت شجرة الدر مضبوط مية مية ولكن غالبا ماتكون ملفات قيد الدراسة بالموافقة لانه لو لم يقتنع بك المحلف وبقضيتك لكان اعطالك رفض منذ البداية فلاتخف اخي وانا كنت قيد الدراسة لمدة 9 اشهر وبعدين طلعت الموافقة


ابو سارة

[كوكي 2004]

اخي العزيز ابو ساره اول شي ألف الحمد لله على السلامة ويارب متشوف شر ... وثاني شي هاي اذا انت جاية الموافقة وهيج مشيب من iom لعد لو مجاية الموافقة جان هسة شلون الحال هههههههههههههههههههه . ونورت بحضورك من جديد .اختك كوكي .

[قيد الدراسة الى الابد]

الاخ اسعد الزبيدي السلام عليكم
مختصر مفيد الى ردت اكوله الك كالته الاخت شجرة الدر لانها قديمه في هذا
المشوار يعني مخضرمه فاعتمد جوابها
اخوك قيد الدراسه الى الابد

[ابو خالد]

قيد الدراسه ..مقبول انشالله ولكن فقط مسألة وقت

ومثل ماقالت اختي شجرة الدر تعتمد الامور على نظافة البصمات والسيره الذاتيه وعدم تشابه الاسماء لانها بهذه الحاله لاقدر الله سوف يطول الانتظار ونتمنى لك ان تأتي موافقتك باسرع وقت ممكن

[press]

اخي الكريم قيد الدراسه نوعين اكو قيد دراسه مع قرار محلف بالموافقه بس يحتاج الى التجييك الامني بشكل مكثف اكثر من الباقين وهذا ان شالله مقبول ولا يخاف بس اكو النوع الثاني قيد دراسه بدون قرار محلف هذا يتوقف على قناعة اللجنه اللي راح ينعرض عليها الكيس مره اخرى عند اجتماعها وتقرر اما الموافقه او الرفض او اعادة المقابله مال المحلف وهذه تجتمع كل ثلاثة اشهر بأمريكا وتدرس الملفات العالقه وايضا تعتمد نوعا ما على الموافقه الامنيه والبصمات ونظافتها من اي مشكله او تشابه اسماء او غير او يكون مطلوب بالبلاك لست لا سامح الله والله يوفق الجميع وارجو ان تكون الصوره واضحه

اختكم شجرة الدر

شكرا لك أختي على هاي المعلومات المهمه ، بس نكدر نعرف قيد الراسه يا نوع ؟ يعني أشلون أنفرق بين قيد الدراسه مع موافقه محلف ، وبين قيد الدراسه بس بدون قرار محلف ، هل من خلال المسج الي يوصلنه ؟

تحياتي

[sami949]

الاخوان الاحبه
قابلت محلفين 16 /11/2008 النتيجه قيد الدراسه
حتى 16/9/2009 قابلت مره ثانيه وسؤال واحد فقط
النتيجه الموافقه بعد ايام قليله. السبب في عدم الموافقه الاولى هي
عدم قناعه المحلف الاول بنقطه معينه . وفي المقابله الثانيه بعد
عشره اشهر بالضبط سالني المحلف الثاني على هذه النقطه وكانت
اجابتي نفس الاجابه في المقابله الاولى
اذن المساله هي وقت لا غير وانا الان في ولايه كولورادو منذ شهرين
 مع تحيات اخوكم من دنفر(من مصر سابقا)
سامي

[اسعد الزبيدي]

اشكركم اخواتي واخواني  على  هلمعلومات النيرة الي كلنا نستفاد نها  ويا ريت  الكل يشارك ويانا


             والمعلومات الي منعرفها  اتنورونة بيها   مع جزيل الشكر

[شجرة الدر]

الاخ الكريم بريس شغلة شلون تعرف المنظمه تبلغك انه توجد موافقة محلف على القضيه بس قيد الدراسه او بدون قرار محلف وبدون قرار يعني المحلف ما مقتنع وما ناطي قرار المهم الله يفرج عالجميع اللهم امين

[اسعد الزبيدي]

شكرا الـــــــــــــــــــــــــــــى شجرة الدر 

  ويا ربي  يفرجهة  على  كل الناس  امـــــــــــــــــــــــــــــــــــــــــــين  يا ربي امين

[اسعد الزبيدي]

تحية الى اصدقائي الي سئلوني  عن الموضوع  واتمنة  انه لكيتو الجواب  اخواني  والصبر  مفتاح الفرج



                                                         وان شاء الله  تفرج علينا كلنا

[دايخ بن دايخ]

أخي العزيز :
بعد تجربتي مع الأمريكان ورفضهم للجوئي إثر 7 أشهر من  قيد الدراسة أكدر أكول التالي :

مسألة قيد الدراسة طلسمية ، أي ما تنحزر أسبابها الدقيقة اللي تشمل قائمة طويلة عوضاً عن نتائجها التي يتدخل بها القدر بشكل أو بآخر حسب ظني  ، إنما نسبة القبول فيها بعد ( مدة غير محددة) ربما تصل إلى 99% . يعني داعيك من الـ 1 % المتبقية ! . تسألني ليش إنت أنرفضت ؟ أجاوبك : كان الإشكال الأساسي في ملفي هو : تشابه الأسماء إلى حد بعيد ( حظ أكشر)  ، بس ما أكدر أجزم بأنه كان السبب وراء رفضي .

بالموفقية لجميع أصحاب ملفات قيد الدراسة .. وبعونه تعالى مقبولين .

[اسعد الزبيدي]

شكرا دايخ 

       اكيد اخي العزيز  الي كاتبة  الله النة  انشوفة  وكلمن وقسمتة  ويا ربي التوفيق  للجميع

                                                      تحياتي

[press]

السلام عليكم أخوان ......
وبناءا على ما تقدم من أستنتاجات حول موضوع ( قيد الدراسه ) نكدر أنكول أنه أحنه منملك غير بس الدعاء من الله سبحانه وتعالى بالفرج ، والتكثيف بالدعاء ، لان هو سلاحنه الوحيد الي ممكن يوصلنه للشي ألي أنريده

يارب ان شاءالله كل واحد قيد الدراسه يخابروا ويحددوله موعد سفر ، كولوا أمييييييييييييييين

تحياتي

[اسعد الزبيدي]

اللهم يحنن اكلوب  المحلفين  علينة  ويفرجهة  على كل العراقيين 


                              المغتربين  والناس الشرفاء الي ما كدرو يغادرون البلد وربي  يرجع بلدنا  الحبيب  يلمنة   مثل قبل  كلنا  اخوان متحابين  امين

[غــــــــزل]

الله يفرجهة عليكم يارب

[اسعد الزبيدي]

 سؤال  الى  الاخت  شجرة الدر

   الفحوصات الطبية  الهة  علاقة  بنتيجة  القبول



   لانه  الاغلبية  الي استلمو  الرف  كانو  ما  مسوين  فحوصات     


                                   واحد الاخوان  كالي  بانه  المحلف ما سألة  هواي اسألة تتعلق بقصتة 


                                               بس ركز على  الخدمة العسكرية

[قيد الدراسة الى الابد]

الاخوه والاخوات السلام عليكم
ادعو من الله العزيز القدير بان تاتي لكل واحد قيد الدراسه موافقه فوريه وتتسهل اموره
وبنسبه الى الفحص فاخواني لايفحص الشخص الى اذا تجي موافقة المحلف يعني اخوكم
بعد اربعة ايام اقبط سنه من قابلت المحلفين ولم افحص ولحد ايقيس نفسه ويايه رجائا لان كل
ملف وله وضعهه وانشا الله يفرحه على الكل امين يارب العالمين
وللعلم ماكو فدشي اسمه بنج او مخدر في ملفات قيد الدراسه
اخوكم قيد الدراسه الى الابد

[اسعد الزبيدي]

شكرا   العبير  على  التوضيحات والمعلومات النيرة

                              تحياتي واحنراماتي 
*****************************************************

اخي العزيز قيد الدراسة الى الابد  انتة وين بسورية  انتة  تكدر اتراجع  iom
 ,وتتأكد من اي نقص بملفك  واعتقد  ينطوك الجواب

                             ويا ربي يفرجهة على الجميع

                            والصبر  مفتاح الفرج