نصيحه اهل الخبرة القدماء. عكعك رأيك و مساعدنك. IOM و ال SIV .. حاير والله!!!

[Dollar]

سلام عليكم.

طبعا مثل ما القسم يعرفون اني مقدم IOM وصار فوك ال 6 اشهر ما مقابل.
اريد اقدم SIV بس الى هسه ما مقدم ومتردد بسبب انو اريد اخويه و زوجته يسافرون ويايه ما اكدر اعوفهم وحدهم اهنا. بس انوب اخاف اضيع المشيتين.
شنو اسوي ؟؟؟؟ اكو طريقه اقدم SIV بحيث ما اسافر الى ان اضمن طلعت اخويه. او اذا اني كملت بسرعه ااخر طلعتي ؟ لان بصراحه اخويه ضحه هوايه علمودي و ما اريد اعوفه و اكون اناني و افلت وحدي.

شكرا لكل الاجوبه.

تحياتي

Dollar
 

[kunda]

لالالا صديقي العزيز قدم على الاثنين ترة ماتأثر حتى لو انت طلعت اس اي في يبقون همه على اي او ام هذا اللي اعرفة
بس تعرف اني اتفاجأت عبالي انت مكمل مقابلات شي  يالله ربك يسهلها عليك وعلى العائلة الوياك

[ARMY STRONG]

صديقي دولار قدم على اثنينهن مثل ماكال اخ كوندا و اذا طلعت على اس اي في اخوك يطلع على اي او ام ماكو اي اشكال

ها و بل نسبه لسؤال الي دزيته الي على الخاص

اخر رساله اجتني من اي او ام بيها dh

زين انته شكد صارلك مقدم على اي او ام ؟ هيه تره معدل وره سنه من تاريخ تقديم تجيك بس ها مو سوه ايجوز اقل او اكثر شويه

يعني شغله حظوووووووووووووووووووووووظ

[Dollar]

حبيبي مشكورين على رايكم. بس اذا اني قدمت اس اي في.
- سمعت انو من تجي الكوم ابروفل يكولون اذا عندك كيس بال اي او ام بلغهم حته يلغوه. اذا ما بلغتهم راح تنلاص عليه و على الكيس مالتي لان اخويه بي و ما اكدر اغلس و امشيه عليهم لان اخربط ملقي بيدي.
- شلون اني استمر على الاثنين و ما اخسر ملفي الي بال IOM حته لو اجاني كوم افروفل من ال SIV ؟؟؟.مو الملف بال IOM باسمي واني صاحب الكيس.
- مخلص الحجي شباب ما اكدر اطلع قبل اخويه لان وضعه ما يسمحله يعيش وحده لاسباب صحيه و عائلية خاصه. يعني كلش كلش اكدر اعوفه شهر مو اكثر.

اشكركم

[ســـرى]

اخوية قدم مثل ما كالولك اخوتي وشغلة الكوم تكدر تغلس عليها لانه هواية من جماعتنا هيج سووا بس ما اتصور تكدرون تسافرون سوية يعني الا بنفس اليوم لانه اكيد كل واحد راح يسافر على برنامج بس ممكن انت بتقديمك مال الsiv اذا شفته ديمشي بسرعة شوية تتأخر بإرسال اوراقك الى ان اخوك يكمل مقابلاته بس حرامات تضيع الاس اي في من ايدك على الاقل اذا لاسمح الله صار رفض او شي عالاي او ام هم تكدر تسافر عالاس اي في وتصير عون لاخوك بعدين بسحبه لامريكا.

[blood_brothers8]

زين شباب اني والحمد لله اجاني الكوم البارحة بس اني مقدم ع ال iom بغداد ومسوي مقابلة اولى وفحص وصارلي اربعة اشهر دا انتظر المحلفين وكلشي ماكو منهم حتى مس كول مسولي....زين هسا المفروض اني انطي علم لجماعة الiom بانه استلمت الكوم اذا منطيتهم خبر لل iom شراح يصير باسواء الحالات؟؟؟؟؟