السلام عليكم
شلونهم العنكاوين والعنكاويات
ان شاء الله الجميع بصحة وسلامة
اخوان احجيلكم على كم شغله او نصيحه لمقبلين على السفر القريب
وعقبال السفر لجميع الاخوة العراقين
اخوواني اني غلطت كم غلطة ويارب متغلطون مثلهة
اول شي اول ما بلغوني بمقابلة المحلف بعت الشقة الحضيت بيها بارخص ثمن
وراها افتهمت اذا بقت متعلقات الك تكدر تبلغ المنضمة ويحافظون عليها اذا صار شي
ثاني شي بلنسبه للاجهزة الكهربائية اخذت للعائلتي كل اجهزة كهربائية وبسبب الفولتيه العاليه الغراض تسمع حسكم ممشغلهم
ثالث شي الهواتف كلها صيني على اشكال الجميله ولا واحد اشتغل هنا ههههههههههه
احنة العراقين مضلومين صدكوني
وبلنسبه للملابس اخوان ال تي شيرتات وما يشابه ذلك جدا متوفرة وبسعر رخيص نسائي ورجالي
بس الغلطة الغلطتها البناطيل النسائية الي عندة بنات يحاول يجمعلهم اكبر قدر يسكتهم بي
ما اخذت ملابس لعائلتي لان قلت الجو وما شابه ذلك ومثل ما يقولون الفاس وكع بلراس
وهسة بناتي يجيبون ويلومون بيه
ومثل ما قلت التي شيرتات رخاص
بس الملابس المحجبات وتكرمون الاحذية والشنط النسائية جدا غاليه وخصوصا هاي نصيحة للعندة بنات
اخوان اخذو بمئة جنيه ولا ادفعون دولارات الدولارات ههههههه
وبلموفقية ياربي
ونصيحة اخيرة
بلنسبه للوزن
زودو الهاند باك وخلو غراض بلشنطة ال لاب توب بس لا تزودون بلشنطة الكبيرة
لان التفيش فقط يخص هذا الشنطة اما الهاند باك ولاب توب ما عليها عين
ووووتحياتي لجميع العراقين
اخوكم ابو رامي الجبوري من كنتاكي
