اخواني واخواتي اعضا المنتدى ممكن مساعدة

[حمادة عزو@]

انا بالاردن ودا احاول ابعث ايميل للiom ما داعرف فهل تتكرمون وتشرحولي كيف ابعث الايميل وشكتب بالخانات وخاصة بخانت ال  cc واين اكتب ايميلي ارجو منكم الشرح بالتفصيل وتقبلو تحياتي

[دايخ بن دايخ]

هلا  بأخي حمادة عزو@ ..
لكي تكتب وترسل رسالة تعال وراي :
1 ـ تروح يأعلى الصفحة وتنقر على الـ NEW
2 - راح تطلعلك صفحة الرسالة فارغة .. تكتب شمتريد .
3 ـ تعنونها إلى IC@iom.int بالمستطيل الرفيع أعلى الصفحة اللي مكتوب كدامه TO
4 ـ الـ CC تهملها ، كلشي لا تكتب كدامهه .
5 ـ تروح عالـ Subject وتكتب كدامهه عنوان رسالتك ( مثلاً تكتب كلمة مناشدة ) .
6 ـ تروح عالـ Send بأعلى صفحة الرسالة وتنقر عليها .
7 ـ هسه الرساله راح تروح وتطلعلك كلمة ( ok ) وكدمهه بالإنكليزي ما معناه سيضاف عنوان المرسل إليه إلى قائمه إتصالاتك وهنا تؤشر بالصح في المربع الصغير ثم تنقر على الـ ok حتى يتخزن عندك العنوان مالـ iom .
8 ـ هاي هيه .. هسه جرب وأكتب رسالة ،  وإذا أكوشي آني حاضر .

تحياتي

[دايخ بن دايخ]

نسيت شي مهم . طبعاً لازم يكون عندك إنت إيميل قبل هاي الخطوات . عندك إيميل ؟

[حمادة عزو@]

اشكرك اخي دايخ الي دائما سباق بالخير واول من يرد على اسفسارتي انا عندي ايميل ياهو ايصير اكتبة ووين اكتبا جزاك الله خير الجزاء ويسهل امورك يارب

[دايخ بن دايخ]

عزيزي لازم تفتح إيميلك حتى ترسل رساله . يعني تفتح صفحة الياهو وتروح تنقر عالـ (MAIL ) وتكتب معلومات إيميلك بالخانات الفارغة مال   sign in to yahoo اللي هي ID يعني عنون إيميلك (XX@yahoo.com) ثم جواهه الباسوورد  وتنقر على  Sign in بالمستطيل الصغير بالأسفل فيطلعلك إيميلك وتكتب رساله حسب الفقرات أعلاه . وإيميلك هذا لمن يروح للآي أو أم  راح يبين عدهم .

تحياتي

[حمادة عزو@]

وصلت المعلومة وجزاك الله الف خير اخي دايخ روح ربي يوفقك وينولك الي ببالك ويحقق امانيك يارب تقبل تحياتي

[حمادة عزو@]

اخويا العزيز دايخ الذهب وصلت الرسالة واجاني جواب انو استلموها وراح ايردون عليها خلال ثلاثة اسابيع وجزاك الله ألف خير بس استفسار اصغير اذا اريد ادز صور مخزنة عندي بفلاشة شلون وتقبل تحياتي

[كوكي 2004]

مرحبا اخ دايخ ( وانشاء الله تنحل العقدة وبعد ماكو دايخ) بس حبيت اسألك يصير نبعث الرسالة لل iom في اي وقت يعني مثلا المغرب او بالليل لو لازم خلال اوقات الدوام . مع الشكر الجزيل والله يرضى عليك . اختك كوكي .

[الوتار]

يمكن أخونه دايخ مشغول بمساعده عضو اخر عذرا بس رح اجاوب بالنيابه عنه 1- بالتأكيد انت مخلي الفلاش بالفتحه مال اليو اس بي  2- تعمل نفس الخطوات اللي كلك عليهن اخونه دايخ بكتابة الرساله والعنوان sub حسب الجهه اللي تريد ادز الهه الرساله 3- لاتضغط send بعد اكمال الرساله رح تلكه كلمة file attach او attach file اضغط عليه  4- رح تطلعلك خمس خانات كدامهن browse تختار الاولى تضغط عليهه اختار my computer رح تلكه اسم الفلاش مالتك تنقر عليه تطلعك الصوره تنقر عليهه رح ينكتب بالمربع مالت ال browse اسم الصوره مالتك.4- اضغط على attach file وانتظر من يكتمل التحميل رح تطلعلك الرساله مالتك اوياهه الفايل المرفق(الصوره). 5- اضغط send واعذرنه عالتقصير.

[دايخ بن دايخ]

عزيزي حماده :

حتى ترسل صورة إتبع الخطوات التالية (  :
1 ـ لازم الصورة ( أو الصور) تكون مخزنة بالكومبيونتر ( ملف خاص مثلا)  أو  حتى بالديسك توب .
2 ـ تفتح إيميلك .
3 ـ تنقر على ( new ) كأنك تريد ترسل رسالة
4 ـ أكو تحت الـ (subject ) مستطيل صغير مصطلح من كلمتين هي ( Attach File ) ، هاي تنقر عليها راح يطلعلك خيارات الصور أو الفايلات بمستطيلات عدها 5 ومكتوب كدام كل مستطيل كلمة file من اليسار  و Browse من اليمين
5 ـ تنقر على ( Browse ) راح تطلع فايل الصور  ، فتنقر على الصورة اللي تريدها راح فتتذهب الصورة إلى مستطيل الــ (file name) .
 6 ـ هسة تنقرلها  (  open) الموجودة على يمين المستطيل الطويل اللي على يساره ( file name) فراح تتخزن الصورة على شكل فايل  في أول مستطيل من الخمسة اللي تحت الإيميل .
7 ـ أكو  بأعلى الصفحة على اليسار مستطيل مظلل مكتوب عليه  (Attach File ) ، أنقر عليه فراح يتحول إلى فايل بالإيميل مالك .
8 ـ تكدر الأن تكتب بالفراغ مال الإيميل أي شي تريده
9ـ هسه تنقر send بعد ما تكتب عنوان المرسل إليه الألكتروني كما لو أنك ترسل أي رسالة بالإيميل .
10 ـ هاي هيه .. وسلامتك
تحياتي

[حمادة عزو@]

شكرا الك اخي الوتار وشكرا اخويا دايخ وجزاكم الله ألف خير وتقبلو تحياتي