ارجو مساعدتكم الاردن

[MAHA IRAQ]

انا اختكم من الاردن اتصلو بي ال اي او ام وحددو موعد اول مقابلة ماذا سوف يحصل واريد نصيحتكم وهل لازم عنوان الكفيل من اول مقابلة وشكد راح ياخرونة لان جهالي صغار وشكرا

[دايخ بن دايخ]

بأول مقابلة أختي ياخذون منك معلومات كاملة من البيانات الشخصية والقصة وغيرها وغالباً ما ياخذون أيضاً البصمات والطول والوزن والصوره . وإذا عندك كفيل بدون عنوان ، بإمكانك تأجيل موضوع الكفيل لحين حصولك على عنوانه وإرساله إلى الآي أو أم لاحقاً ، وحتى لو لم يكن لديك كفيلا فهذا لا يؤثر على ملفك إطلاقاً .
بالموفقية

[ماللك الاحزان]

• مساء الخير والله اختي الاخ دايخ جاوبك ومثل ما كال اول مقابلة راح اتكون معلومات عامه عن الاسماء والعمر واسماء الاخوات والاخوان وثاني مقابلة هي القصة مالتك حاوليي لا تنسين شي لان هاي القصة راح ايرجعه المحلف قبل ما ايقابللك لذلللك انتبهي زين عليه بعده ان شاء الله مقابلة المحلف وهي مقابلة سهله تعتمد عليج بالمقابلة مال المحلف كوني طبيعيه واي سواللك يتوجه اللك جاوب على السريع لا تتنظرين وتكعدين اتفكرين بالاجابه اني كعدت افكر بالاجابة وشوفي لحدل الان كاعد وصار اكثر من 18 شهر مخلص محلفين لان مقابلة المحلفين هي الاساس وهي اللي تمشي كل امورك وبالتوفيق ان شاء الله
  تحياتي
  
  ماللك الاحزان عمان

[abunada76]

الاخت العزيزة مها ....... اريد انا اسالك عفوا شكد صارلج من قدمتي للاي او ام بعمان يالله انطوج موعد مقابلة ؟؟؟؟؟؟؟؟؟ لان اني  صارلي مقدم اكثر من شهرين ولحد الان منتظر يحددولي موعد وكلما اخابرهم يكول بعد مندري شوكت موعدك لان عدهم شغل هواي وضغط ومو معلوم شوكت راح يكون موعد اول مقابلة ............ همه صايرين يتاخرون هوايه مع انه اني عندي اخويه العام الماضي قدم وهسه سافر هو من قدم اول مرة ورة اسبوع قابل اول مقابلة ........ اسف على الاطالة اختي العزيزة وانشالله موفقة بالمقابلة

[حمادة عزو@]

اختي العزيزة الي اعرفة انو اكو تأخير فأخذي سندويجات للصغار وعصير  فدسؤال رحمة لوالديكي انت مقدمة على iom  لو متحولة من un وشكوت حولو ملفك وجزاكي الله خير

[mys]

اختنا العزيزه مبروك المقابلة والاخوان اعطوكي المعلومات والروابط الي تستفادين منها وفيما يخص اولادك بامكانك ان تاخذي معكي مايلزم من السندويشات او البسكت وكلشي متوفر هناك حتى اكو قاعة مخصصة للعب الصغار وان شاء الله متتاخرين وخصوصا المقابلة الاولى  تمنياتي لكي بالتوفيق

[(COBRA)]

انشالله يكون اول مقابله ...اسهل من شربت الماي ... لاتقلقين وخلي  بالج مرتاح
لان القلق يشتت التفكير  ..الله يسهل عليكم

[nawary]

اخت مها
 ممكن تذكريلنة انت باي تاريخ قدمتي ورقم الاي زت نمبر
احنة بحاجة للمعلومات حتى نتنور شكرا

[حمادة عزو@]

السلام عليكم اخواني واخواتي الي ديصير ان اغلب الاعضاء يبعث سؤال وعندما يردون علية الخيرين بهل المنتدى الي هو بيت العراقيين الي هما انشاء الله عائلة وحدة ومع احترامي الشديد للاخت مها يعني دنكتب استفسار انو متى تحولتي او مقدمة مباشر عالiom وياريت اختنا العزيزة ما تبخل علينا بالرد لان كلنا بهل المنتدى مثل الغرقان ويريد يتعلق بقشة واغلبنا اذا مو كلنا كاعدين ننتظر على احر من الجمر ورحم الله والدين كل من فاد واستفاد (وخذ وعطي) وتقبلو تحياتي

[sadiq.h]

عزيزتي ,, كوني دائماً صادقة ولا تقولي كلامي وبعدين تنسيه ,, معلومات عامة مثل ما أعطيتيها الى ال UN ,, المقابلة تأخذ منك حدود الساعة ,, وبالنسبة لأطفالك ,, حسبي نفسج رايحة الى رحلة ,, وانتي تعرفين ذلك ,, يوجد مكان لعب الى الاطفال ,, ولا تشيلين هم ,, المقابلة بسيطة وسهلة ,,