التقديم لليو أن لاصحاب أزدواج الجنسية

[عيناك يابغداد تدمع]

أني أخوكم محتاج أستفسار محيرني أني مقيم في مصر حاليا وحاصل على الجنسية المصرية عن طريق والدتي لانها مصرية وأني قبل لا أجي لمصر بلشهر السادس ب2010 كنت في بغداد أعمل مع شركات أجنبية هواية وأخرهم في شركة حمايات بريطانية مختصة بحماية السفارات واللي من ضمنها السفارة السويده وعندي الباجات وشيتات الرواتب مالتي ومن أجيت لمصر أجيت بلجواز المصري وجوازي العراقي منتهي وماجددتة طبعت ن وهسه أريد أقدم عليو أن وأخاف أذا طلبوا جوازي العراقي راح يلكونة منتهي وأخاف أذا عرفو أني عندي جنسية ثانية عدا جنسيتي العراقية يرفضوني ياريت أتفهموني شسوي لان هذا الموضوع محيرني وأنتو بس دليلي بهلموضوع وأشكركم جزيلا

[angie-dawood]

اخي الاب شنو جنسيته مصري لو عراقي اذا كان الاب عراقي يحق لك التقديم حتى لو عندك جنسية مصرية المهم قبل التقديم تروح لاي قنصلية عراقية تجدد الجواز وتباشر بالتقديم على اي برنامج يكون مناسب لشروط التقديم  ان كان

اس اي في او اي او ان او يو ان اي واحد منهم المهم هو ان يكون تجديد الجواز قبل التقديم

[كوكي 2004]

      اخي العزيز . اعرف بيت صديقة كانت متزوجة من رجل اردني هنا بعمان وقدمت على ( اليو ان ) ومشت امورها والى ان وصلت الى مقابلة المحلف بالمقابلة ( فاجئها المحلف وكاللهه انت حاملة الجنسية الأردنية وارجو ان متكذبين لأن احنه عدنه كل المعلومات عن جنسيتك الأردنية فجاوبته نعم اني احمل الجنسية الأردنية ) فمباشرة قام المحلف بألغاء المقابلة وكاللهه( انت حاليا اردنية يعني انت غير مهددة وحاليا يعتبر الأردن هو بلدك ومستقرة بي ) واذا تريدين تسافرين الى امريكا لازم تتنازلين عن الجنسية الأردنية وتبقين فقط على العراقية وبهذه الحالة تكونين ( لاجئة ). هذه القصة يا اخي اني شفتهه بعيني واذا تحب قبل كل شي روح لمقر ( اليو ان ) بالقاهرة وتأكد وخبرهم انه عندك جنسية مصرية وتحب تقدم على اللجوء وشوف شيكولولك . لأن انت ايضا يعتبر عندك بلد امن الي هو مصر وما متعرض للتهديد او وجودك في مصر يشكل خطر على حياتك .

                           واتمنالك الموفقية . اختك كوكي .