العزابيه وال200 دولار عمان والاستلام من المصرف نفس يوم صدور الصك

[علاء علاء]

اخوان شفت اهواي يستفسرون عله موضوع العزابيه يستلمون لو لا اني اخوكم عزابي ومدازيلي مسج وستلمت بس بشرط ان يكون اسمك جاي من الامم المتحده يعني اذا مجاي سواء كنت عزابي او عائله فمتستلم ومو شرط العوائل الي عده رواتب تستلم ولا الي ماعده رواتب متستلم المهم لازم الاسماء جايه من الامم المتحده امابالنسبه للاستلام فبنفس اليوم الي تستلم بي الصك اتروح لمصرف الرافدين تستلمه بعد تصوير الجواز ودوام المصرف 3 عصرا بس الصندوق يغلق بالثنتين ونص مع تقديري واحترامي للجميع

[ماللك الاحزان]

• السلام عليكم
  اخوية علاء علاء بس الوم الموظف اللجنه ايكول احنا عنده 9000 وكسر اسماء اللي ماكو اسمه ينتظر على الوجبات الجاية نرفع اسمه وننتظر شيقصد بهاي رجاءا حتى ما بيه امل لا اروح باجر ولا اتعب نفسي يعني احتمال هاي الاسماء اللي مسجلين القدماء لو شنو ارجاء التوضيح وبالنسبة للستلام اليوم استلموا من جماعه واخلوهم على ثاني يوم يعني التسليم بيوم والتسلام ثاني يوم مع تحياتي
  
  اخوكم ماللك الاحزان عمان

[سفير الوطن]

شنو اسماء تجي من الامم اشو ناس تكول مجرد عندك ورقه مال اليون شنو فرق ابو الورقه على اللي جاي اسمه كلهم في الهوى سوا على شنو هل التلخبط الكل تستلم وتنفض الشغله يعني واحد يروح ويكلوله والله ماكو اسمك اسوينه لعد وشلون رح اعرف اسمي موجود اروح وارجع هاي كارثه جديده

[windtalker]

يعني انته هسه اخ علاء قبل متستلم رحت UN سجلت لولا هسه اني رحت سجلت قبل اسبوع بل UN يعني هسه اسمي عند المصرف لا؟

[علاء علاء]

اخويه مالك الاحزان الي امسجلين باليو ان 35 الف الي طالعه اسمائهم 9425تم اختيارهم ضمن معاير الاكثر احتياج وماله علاقه بقدم الملف اوحداثته المنظمه اعتمدة هذه هذه العدد على ماتم توفيره من الحكومه العراقيه من مبلغ  ولكن بعد توفير الحكومه مبلغ اكبر فستظاف اعداد اخرى التي هيه اقل احتياج من 9 الف المرفوعه اسمائهم يتوجب عله الي مجاي اسمه يذهب لمقر الامم المتحده يضيف اسمه اما استلام المبلغ فهو بنفس اليوم بس اللجنه اسلم لل5 العصر اما البنك يعزل ثنتين ونص فيبقه الي يتاخر في استلام الصك لليوم الثاني اما الي يستلم والبنك امفتح فيستلم مباشر بعد ميسلم نسخه من جوازهماشي اخويه واني بالخدمه

[sultanyan]

اخ علاء بس استفسار لوسمحت اشو انت تحجي مصرف الرافدين وهو التوزيع اصلا بمركز زها الثقافي الي بخلدا اشلون يصير هيج تضارب بالمعلومة؟

[ماللك الاحزان]

توزيع الصك بمركز زها واستلم المبلغ في مصرف الرافدين للعلم فقط

[windtalker]

اخ علاء القصدته اني هوه التسجيل على ال200 دولار موعلى تسجيل اللجوء لأن گالو ناس تروح للمفوضية وتسجل

[علاء علاء]

اي اخي اتروح اضيف اسمك عله القوائم المرفوعه من المفوضيه الى الوفد

[toofy84]

اخ علاء  اذا تكدر تجاوبني اني لا جايتني رسالة ولا رحت ضفت اسمي بالقوائم مال مفوضية
بس عندي ورقة يو ان وممنتهية صلاحيتها هسة تنصحني وين اروح  لخلدا لو لليو ان ؟ اذا ممكن الرد رجاءا

[مهاجرين بلا حدود]

بارك الله بيك اخ علاء
يعني تكسي لمركز زها واذا كملت من وكت تكسي للمصرف عدل
واذا مكملت شغلتك لازم تروح مرة لخ ثاني يوم تكسي للزها وبعدين المصرف

وكبلها تكسيات للمصرف هاي قبل العيد وعبالنا نستلم
شراح يبقة من العيدية بس لو افتهم ....................3\4 العيدية على التكسيات ...
يلة نكبر وننسى

[علاء علاء]

اخ توفي انته اذا منتهيه عندك ورقة اليو ان من زمان لو جديد اذا من فتره طويله يعني ملفك مغلق واذا من  فتره قصيره تكدر اتعيده واشوف تكدر اتلحك اضيف اسمك واكيد انت هسه مامسجل بالقوائم

[حمادة عزو@]

 زين اخويا العزيز علاء اني المفوضية دزتلي رسالة انو اني من المشمولين وطلبو مني التوجه للبنك هاي قبل العيد يحتاج اروح اسجل بالمفوضية لو ما يحتاج ولك جزيل الشكر

[علاء علاء]

اخويه حماده متحتاج اتروح للمفوضيه اذا دازيلك مسج يعني اسمك موجود بالقوائم فاتروح لمركز زها وخلص اتوكل باجر

[toofy84]

اخوية علاء اني ورقة اليو ان مستمرة صلاحيتها بس مدازيلي مسج
اني هتوكل على الله واروح لمركز زها من الصبح وشي صير خلي يصير

[عمر عراقي]

سؤال زغير اخ علاء المسجلين بالـــ يو ان 35 الف تقصد مسجلين على الفلوس لو جميع العراقيين المسجلين بالــ يو ان
عددهم 35 الف ؟؟؟؟ ارجوا التوضيح.

[علاء علاء]

اخ عمر الي امسجلين بالمفوضيه كلهم 35 الف طبعا بالاردن هذه الحجي

[jumbo]

السلام عليكم ورحمة الله وبركاته

اخواني الاعزاء اليكم شرح بسيط عن سير عملية توزيع ال 200 دولار .
1.   ان موقع التسجيل على الـ 200 دولار هو في خلدا وللاخوان الذين يذهبون اول مرة يخبرون سائق التكسي بالذهاب الى خلدا ـ الى اشارة البنك العربي ومن ثم التوجه من الاشارة يسار والاستمرار لمسافه 250 متر بالضبط ومن ثم الدخول الى اول دخلة او شارع على اليمين وسيكون مركز زها الثقافي للاطفال امامكم  وسوف ارفق لكم لوحة موجودة على الطريق فاذا رايتوها فهذا يعني انكم وصلتم قريب جدا من المركز .

2.   عند الوصول الى بوابة المركز ستجد الاخوان العراقيين موجودين ولازمين سرة ونصيحه لكم اللي يجي من غبشة يعني ياخذ اقرب رقم . بالنسبة الي وصلت الساعه 7 ونص الصبح وبعدين لمن وزعو الارقام كان رقمي 62 . طبعا كان امامي بالسرة 20 رجال بس همه وزعو على النسوان الموجودات اول شي وبعدين اجو على سرانا وللتنويه النسوان سراهم جو بالمركز مو بالشارع .

3.   بعد استلام ارقام السرة او الدور دخلنا في الساعه 8 صباحا الى خيمة مخصصة للانتظار وفيها مايقارب اكثر من 200 كرسي وهذا شئ جعلني اشعر بالراحه وذلك لاانني تذكرت حال الناس ومعاناتهم عندما كان التوزيع عشوائي في مصرف الرافدين وكانت شمس الصيف الملتهبة تضرب براس الناس وهمة صيام . والشئ الاكثر ايجابية هو القيام بتوزيع قوارير ماء الشرب للحضور الجالسين وانا بدوري هنا اتقدم بالشكر للذين يريدون فعلا راحة المواطن العراقي والتقليل من معاناته وراح ارفق الكم صور بهذا الشئ .

4.   في الساعه التاسعه بدا احد الاخوان العاملين بالمركز ( اردني ) بطلب الاخوان او الاخوات التي تبدا ارقامهم من 1 الى 30 بالدخول الى القاعه مع مراعاة اظهار الرقم وهنا قامة القيامة قام اكثر من 50 شخص واندفع باتجاه الرجل الذي ارتبك . وقال لهم ياناس من فضلكم على الارقام ومن 1 الى 30 .

5.   لم تمضي الا نصف ساعة الا واندفع ثلث الموجودين في الخيمة الى قاعة التسجيل وبدون ان يستدعيهم احد من قبل الموظفين العاملين ومن ثم استمرت الفوضى والهوسه والصياح ورجعن حليمة الى عادتها القديمة وظلو الناس لازكين بلباب ومحد يرضه يتحرك . وطلع الهم الشخص المسئول على الارقام وكال الهم ياناس اذا مترجعون الى الخيمة مراح اصيح باي رقم ولكن محد دار بال وظل الحال على هذا الشئ واطلعت اني وبعد ماعرف شنو صار ورايا . يعني الخربطة موجودة بالناس والضاهر متريد تتعدل وتتعلم النظام على العموم وراح ارفق الكم كم صورة واتشوفون الهوسة يم الباب .

6.   بعد دخولي الى القاعه طلب مني الشخص المسئول ورقة اليو ان والجواز الاصلية ومعهم المصورات او الاستنساخ ومن ثم بدا يطابق الاصل والاستنساخ وبعد ما كمل كال تعال على باجر انشاء الله حتى تاخذ الشيك .
7.   واخيرا سوف يكون استلام الشيك من الكشك الموجود في بوابة المركز بقيمة 200 دولار ومن ثم اتوقع وتاخذ الشيك وتنطلق الى مصرف الرافدين .

8.   ففقط للتنويه والتذكير للضرورة قال الموظف لنا عند توزيع ارقم الدور او السرة قبل الدخول الى الخيمة بان التوزيع سيكون فقط للذين تم الاتصال بهم من قبل اليو ان . وكرر هذا الكلام عدة مرات وكال لازم صاحب القضية يجي هو بنفسه ويكون حاضر وموجود . وللتنويه ايضا الاشخاص الذين استلموا اول مرة من مصرف الرافدين لايجون ولا يتعبون نفسهم وذلك لاان الصرف فقط للذين لم يستلمو على الاطلاق .

9.   وارجوان وفقت بهذا الشرح لكم والسلام عليكم ورحمة الله ويركاته .

[jumbo]

صورة 2

[jumbo]

صورة 3

[jumbo]

5

[jumbo]

6

[حمادة عزو@]

جزاك الله ألف خير كفيت ووفيت الله يوفقك ويسهل امورك يارب تقبل تحياتي

[علي النعيمي]

اخ جمبو ليش صورتني ههههههه واني كاعد اني ابو اتيشيرت الازرق الي دااحجي وية واحداصلع  هههههههههههه بس لا اول سرة انتة تقبل تحياتي بس الحمدلله سلمت ورقة اليو ان والجواز مصورة وكلي تعال باجرررر