مليء استمارة ال DS-230 وال DS-234

[مالايكي]

السلام عليكم

اخوان سويت هاي الصفحه للمساعده بالاستمارة 230 وال234
كعدت اليوم وكلت خلي اكمل الاستماير احسن من ما بعدين انخبص
لان داادور على ملاحظات بخصوص هاي الاستماير ومالكيت

راح ابدي بالاصفحه الاولىوالثانيه من الاستماره 230

1- سؤال رقم 2 يسأل على Other Names Used or Aliases (If married woman, give maiden name)
لاحظ هو كال Other Names Used يعني الواحد اذا مشتغل وعنده نيكنيم   هم يحطه؟؟

2-سؤال رقم 3 Full Name in Native Alphabet (If Roman letters not used)
يعني اشلون احط اسم رامي ؟؟

3-سؤال 12

4-سؤال 20 الاماكن اللي بقيت بيها اكثر من 6 اشهر    اذا اني من الموصل  واشتغلت مترجم بديالى اكثر من 6 اشهر هم احط ديالى؟؟

5-سؤال 22   شخلي ب employer  ؟؟؟

6-سؤال 23 Professional associations to which you belong:؟؟؟

7-سؤال 25   ابد مارايح    كله never  مو؟؟؟

شكرا

[ســـرى]

- سؤال رقم 2 يسأل على Other Names Used or Aliases (If married woman, give maiden name)
لاحظ هو كال Other Names Used يعني الواحد اذا مشتغل وعنده نيكنيم هم يحطه؟؟

used يقصد بيها رسميا مو نك نيم بالشغل او غيره وهاي تنطبق عاللي مغير اسمه مثلا قانونيا او امرأة قبل الزواج كانت يسموها عالmaiden name مالتها وبعدين كاموا يسموها بإسم اهل وجها فما تنطبق عليك.
 

2-سؤال رقم 3 Full Name in Native Alphabet (If Roman letters not used)
يعني اشلون احط اسم رامي ؟؟

يعني تتب اسمك الثلاثي بالعربي (رامي احمد محمد) مثلا.

3-سؤال 12

شنو السؤال كوللياه لانه اخاف الارقام يمي غير شكل كوللي الصيغة.

4-سؤال 20 الاماكن اللي بقيت بيها اكثر من 6 اشهر اذا اني من الموصل واشتغلت مترجم بديالى اكثر من 6 اشهر هم احط ديالى؟؟

لا هاي يسأل بيها عالبلدان مو المحافظات.

5-سؤال 22 شخلي ب employer ؟؟؟

الemplyer هو رب العمل يعني اذا مشتغل بوزارة تكتب اسم الوزارة واذا شركة او مؤسسة تكتب اسمها

6-سؤال 23 Professional associations to which you belong:؟؟؟

اكتب none

7-سؤال 25 ابد مارايح كله never مو؟؟؟

اي

[مالايكي]

الف الف الف الف الف الف الف شكر ((طبعا سرى انت روعه)) 

هاي اليوم... الباجر اكمل الجزء الثاتي ولو الثاني رايدله قرايه هواي   هو كله اختيارات

بالتوفيق 

[echo 9]

السلام عليكم اخ رامي
طبعا سرى ما قصرت بالاجابة بس انا راح ادز لك الفورمات هسه على ايميلك
وللعلم اكو موضوع للاخ ايهم بيه الاستمارات كلها وتاريخه قبل شهر تقريبا لو تبحث عنه تلاكي الفورمات بوكتها طلبنا من الادارة تثبيت هالموضوع لاهميته
تقبل تحياتي ودقائق والفورمات يكونن عندك

[مالايكي]

اشكرك اخويه   
والله متقصر

[Aiham_]

 رامي الموقع يشتغل اني تاكدت منة ونزلتهن بنفسي هسة
بس انتظر دقيقة و يطلعلك الرابط مال التحميل بس يجوز انتة ما منزل شي منهذا الموقع على العموم عمو ايكو و اني موجود

[echo 9]

هلا والله اخ ايهم عاش من سمع صوتك عمي وين هالغيبة مشتاقين ياطيب
عمي رامي انا جاي ارسلهن لك على ايميلك بس التحميل ضعيف باعتبارانا بنورث كارولينا والفرات فون عدنا بامريكا يعلس
هسه انتظرني دقائق وشوف ايميلك تلاكي الفورمات واصلاتك وحولتهن من متزوج وابو عيال مثل حضرتي الى حديقة مثل حضرتك ولا يهمك وبالخدمة بس ما كتلي عرفت الفرق بين بيان الولادة وقيد ال 57 لو بعد لان تعبت سرى وياك بصراحة هههههه

[مالايكي]

اشكركم والله ايهم وعمنا ايكو

اني النت بمي هم تعبان
والله صحيح سرى تعبت وياي واني حيل خجلان منها

اشكركم اخوان وبالتوفيق  اجمعين

[echo 9]

طفت الكهرباء عدنا بنورث كارولينا انته وحظك بتحميل الفورمات
اشلونها الكهرباء عدك بواشنطن باعتبار انتم العاصمة واحنا المحافظات

[echo 9]

عمي بشرفي انته محظوظ
اجت الكهرباء ودزيت لك الفورمات على ايميلك شوفهن واذا اكو شي ما واضح بلغني وانا وياك عالشات هسه نكملهن
بقت عندك البنيفتس هم تريدها ولو هاي ما ينرادلها شي واضحة بس اذا تريدها كللي ادزها لك قبل لا يتراجع الخير اللي شغل لنا الكهرباء ويرجع بكلامه ويطفيها

[Aiham_]

عمو ايكو نفس الايميل الي دزيتليا سويلا فورورد لرامي

[echo 9]

حبيبي واخوية الغالي ايهم
بارك الله بيك يالغالي , الفورمات مال عائلة وبما انه اخونا رامي عزابي على كولته بعده حديقه فانا غيرتهن لعزابي وارسلتهن له هسه بس شو رامي لا حس ولا خبر يمكن سواها الولد وتزوج هسه

[ســـرى]

ما تدرون شلون فرحت هسه انه الجواب مالتي مرسل لان من كتبت الجواب وضغطت ارسال طلعلي الموقع بيه connection problems وطلعنا من البيت وبقى بالي يم رامي وكلت بلكي الاخوة يجاوبوه لان عبالي ما اندز الرد بس همزين وبعدين عمنا ايكو هسه انتو الخبرة كلها يمكم بس ما افتهمت سؤال 20 ياهو تقصد رامي؟ لانه كتلك اخاف اجاوبك عليه ويطلع التسلسل غير شكل.

واني بالخدمة والاخوان كلهم روعة ربي يحفظ الجميع ويبارك بيهم.اتمنى ما اكون اخطأت بأي سؤال بس هذا نصا من استمارتنا.

[echo 9]

عمي سرى انتم الخير والبركة وما نستغني عنكم ابد....
اخونا رامي بعده مدوخته سالفة بيان الولادة وقيد ال 57 والا شنو يقصد بهاي الفقرة ( سؤال 20 الاماكن اللي بقيت بيها اكثر من 6 اشهر    اذا اني من الموصل  واشتغلت مترجم بديالى اكثر من 6 اشهر هم احط ديالى؟؟) منين جبتها هاي رامي ؟؟؟ظ
الفورم 230 الفقرة 20 سؤالها يكول : معلومات عن والدك مابيها التقصده انته ؟؟
الفورم 234 الفقرة 20 يكول : عندك مشاكل صحية وانته اللهم لا حسد بعدك شاب ؟؟؟؟ منين جبت سؤالك هذا ؟؟؟
اذا التقصده الفقرة 30 بالفورم 230 فيكول بيها اذكر سكنك لمدة 6 اشهر منذ ان كان عمرك 16 سنة وللان فجوابك راح يكون عن سكنك وليس عملك يعني انته واهلك باي محافظة سكنتوا مثلا عندما كان عمرك 18 سنة سكنتوا ببغداد ولما صار عمرك 18 سنة و 8 اشهر انتقلتوا لابو الخصيب وعندما اصبح عمرك 20 انتقلتوا للتنومة هاي المدن كلها تذكرها وبالتواريخ اما عملك بديالى فلا تذكره لانه عمل وليس سكن وضحت رامي

[مالايكي]

السلام عليكم
اخوان والله ضحكت هسه من شفت اجوبتكم هاي انتو البارحه مخبوصين بيه واحنا يمنا بواشنطن الكهربا طفت
على العموم اجتي الصبح  بس النت ضعف.....

اخ ايكو لا بعدني ماتزوجت  هههههه  بربك اتزوج واخر معاملتي اكثر من هيج لو ابدي من البدايه  يبوووووو
ليش هم اني ليش ما متزوج      مو اعرف    شوف هسه لو متزوج جان تعال جيب ايدك واطبع اسمها واسم جهالك   

سرى اشكرج حييييل هواي اني اليوم حاط بالي وييه الاستمارتين هذول  لو اني لو همه

عرفت شغله صورة القيد  وقيد الولاده   مشكووريين

بس رحمه لوالديكم هم اكو استمارة مال البنفيست غير 234 و 230؟؟؟؟؟

اخوان بالنسبه للاسئله مكتوب بسؤال 20 including places in your country of nationality.
Begin with your present residence  لهذال السبب سألت
بس هسه افتهمت عمنا ايكو  واشكرك هواي

سؤال مال
Employer   انت تخرجت من الكليه واشتغلت كمترجم    زين شخلي  هنا؟؟؟؟


وشكرا  ولايهمكم  بعد اشويه هم احط اسئله بعد بخصوص 230 234   ههههههه
ان شاء الله ماكو بعد   

صدك اخويه ايهم اشكرك اهواي   اخ ايكو دزلي الاستماير وان شاء الله  متقصرون

[ســـرى]

اخوية رامي منو المؤسسة اللي كنت تعمل عدها تكتب اسمها بالemployer

[مالايكي]

اختي سرى 

اخوج تخرج من الكليه كعد سنه يدور تعيين وبعدين اشتغل مترجم ليهسه

بهل حاله اخلي GLS مو؟؟

[ســـرى]

اتصور اي لانه انتو الشركة اللي كنتوا تستلون منها الراتب هي الجي ال اس.

[مالايكي]

والله احتمال

خلي انشوف بقيه الاعضاء حتى نتأكد

[echo 9]

السلام عليكم اخ رامي
اشلونك عمي
كلام سرى صحيح ال employer تخللي اسم الجهة اللي اشتغلت بيها يعني اذا شركة تخللي اسمها واذا مع الجيش مباشرة تخللي US Army واذا مع الجيش بس عن طريق ال جي ال اس تخللي GLS COMPAY واذا انته كنت تشتغل مع تايتن تخللي تايتن وبعدين استمريت من استلمت الشغل ال GLS تكتب تايتن بخانة والGLS بخانة
بالفورم 230 الفقرة 32 يريدون شغلة باخر عشر سنوات مضن يعني من ال 2000 لهسه وانته ما مشتغل هاي الفترة بس  مترجم مو لو مو مو ؟ خلاص تكتب الجهة اللي اشتغلت بيها مترجم بمكان ال employer والمكان اللي اشتغلت بيه يعني الوحدة اذا بالجيش و مكان الشركة اذا شركة سواء امنية او اعمار ومقاولات ووراها العنوان الوظيفي انته تكول مترجم تكتب مترجم ووراها من والى التاريخ واذا ما زالت مستمر بنفس المكان تخللي بمكان تاريخ الى Present
صار معلوم عمو

[مالايكي]

اشكرك عمنا العزيز ايكو

هااااا لاتكيفون هناك المزيد

((سرى وايكو   هسه ايكولون والله كتلنا هذا الولد)))

[ســـرى]

لابسيطة اخونا رامي تدللون انت واخوتنا الباقين موفقين ان شاء الله.

[عراقي هواي]

هلوو رامي
بالنسبه للتوقيع لا توقع ولا تكتب تاريخ التوقيع لان 230 تتوقع يم القنصل بيوم المقابله البنيفست راح تجيك نسخه وي الطلبات وجدا سهله بيه اختيارين فانت عادي تخلي اكس باول اختيار يعني تريد مساعدات ورقم الكيس اللي راح يجيك قريبا واسمك والتاريخ انشالله وتوقع وترسلهه


وبالخدمه

[kunda]

للرفع
موضوع مهم ويفيد جماعة nvc

[ARMY STRONG]

  كوندا ادري بيك تريد من هسه تحضرهن حته لايصير بيك مثل ماصار ويه i360

[Sound of Soul]

ينقل الموضوع لقسم مواضيع ماقبل السفر


 Sound of Soul

[Hassan1983]

السلام عليكم اني متقدم للهجرة على IOM منذ 2009 وكنت اعمل سابقا مترجما مع الامريكان ولكن اقل من سنة  ثم عملت مع شركات امريكية ولم تعطيني الشركات توصيات
ولحد الان لم ينتهي التشييك الامني 
الله يخليكم اكو ان انسانة تقبل تزوجني على الورق او حقيقي وان تكون ايضا متقدمة لهذا البرنامج
لذا نستطيع ضم القضيتين وتسريع العملية
عمري 30 سنة ومطلق ولدي طفلة
ارغب بزواج حقيقي او على الورق
هذا ايميلي من رخصة الادمن

hasan_alsabag@yahoo.com
سهلو امري الله يخليكم
كل من يقرا هذه الرسالة
حسن