الموافقه الامنيه

[الطائر الابيض]

اخواني الاعزاء
السلام عليكم

انا متابع هذا المنتدى الجميل منذ فترة طويله ووجدت فيه روح الاخوة الصادقه والعائله العراقيه الاصيله
فاتمنى من الجميع قبولي كاحد افراد هذة العائله العراقيه الاصيله

اخواني الاعزاء

لدي سؤال واتمنى من الجميع ايضاحه لي وهو مااسباب تاخير الموافقه الامنيه بعد اكمال كافه الاجرائات من فحص وكفاله وموافقه محلفين ؟؟؟
 وماهي فترة اعادة البصمات او اعادة الموافقه الامنيه والفحص؟؟؟

اتمنى من الله ان يجعل هذا الشهر شهر خير للجميع والسفر


سلامي لكم وتقبلو موضوعي الاول في هذا المنتدى

[geb]

اووووووووف اثرت بينا اللوعة و الحسرة على سالفة الامنية
حبي الامنية تعتمد على هواية عوامل منها وين خدمت العسكرية اذا بفترة التسعينيات يشددون عليك لان بهاي الفترة صارت احداث قمع وتعتمد على وين جنت موضف بالدولة يعني تصنيع عسكري ومن هاي السوالف ووين مسافر لاي دول واحتمال يصير تشابهة اسماء وكل هذا يسبب تاخر الامنية
اما عن اعادة البصمات ما اعرفهة
الفحص الطبي اعتقد سنة و يصير اكسباير

[Robin Hood]

السلام عليكم
اخويه العزيز انته سؤالك اجه على الجرح المهم اساس الامنيه وتئخرها هوه تشابه الاسامي ومثل متفضل اخويه الطائر العسكريه طبعا الها تاثير والامنيه اكسبايرها سنه واترد تجدد واما بالنسبه للبصمات هم سنه واترد تجدد والفحص الطبي 6 اشهر فقط ويرد يجدد وموافقه الولايه هم سنه واترد تججدد وتدلل خويه

ان مع العسر يسرا

robin - cairo

[دايخ بن دايخ]

الأمنية لغز عظيم لا يفك طلاسمه بعد الله إلا ذوي الشأن من الأمريكان .

[الطائر الابيض]

الاخ العزيز geb

شكرا اخي العزيز على هذا الرد وانا من جماعه البدل بس خادم مركز تدريب وبالنسبه لوظيفتي بعيدة عن التصنيع والامور العسكريه اما بالنسبه لسفري قبل مامسافر لاي مكان بعد وصولي لسوريا سافرت لبنان لغرض الاقامه كما كان سابقا هذا النظام ولم تكن هناك اقامه مدارس او يو ان اما تشابه اسماء فالله اعلم


اخي العزيز Robin Hood
جزاء الله خير وضحت التواريخ يعني لازم نحظر روحنا للفحص والله قهر وظيم الله كريم الله يسهل للكل


اخي العزيز دايخ بن دايخ

صحيح طلاسم ولا يعلمها الا ذو شان عظيم شبيدنا

الله كريم والله يسهل للجميع
تسلمون على مروركم ومعلوماتكم

تحياتي

[بنت العراق 84]

اخونة الطائر الابيض جنت اتمنى من كل قلبي انو اعرف شنو سبب تاخير الامنية جان ريحتك وريحت قلبي وريحت الاااااااااف الناس الي دينتظروها ومحد يعرف شنو سبب التاخير وشمعنة ناس تجيهم بسرعة خلال شهر ونص شهرين وناس سنة وثمن اشهر
الله كريم ماكو غير الانتظااااااااار بهاي المرحلة المزعجة جداً

[الرسام1973]

الله كريم

[الطائر الابيض]

الاخت العزيزة  بنت العراق 84

والله متقصرون الي عندة معلومات راسا يذكرها بهذا المنتدى ويفيد الناس بس الصراحه شغله الامنيه حيرة ولغز كبير جدا

مثلا اكو ناس كانو يعملون في التصنيع العسكري واكو ناس كانو في الحرب مشاركين وسافرو بعضهم سافر خلال شهرين والبعض الاخر خلال ستت اشهر واكو ناس ليس لهم اي علاقه بالمواضيع الي ذكرتها ولحد الان ينتظرون الامنيه

كلامك صحيح والمشكله من تتصلين بهم اكثر اجابه الهم هي (( اكو اجراءات امنيه بشكل عام على الملف )) ومن تسالين اذا كانت هذة الاجراءات على شخص تجاوب لا بشكل عام

ومن تسالين يمتى تكمل او ماهو الوقت المتوقع لاكمال الاجراءات يكون الرد (( ممعروف يمكن اليوم او بعد يوم او بعد اسبوع او شهر او اكثر ))

الله كريم وماعدنا غير الصبر


الاخ العزيز الرسام1973

ونعم بالله الله كريم والتسهيل من رب العالمين



اخوان بس عندي سؤال : اذا اكو احد سامع قبل ان اجاء رفض بسبب الامنيه بعد موافقه المحلفين اي ممكن تاتي الامنيه رفض الشخص لاسمح الله


تسلمون على الردود والمشاركه

[لورنس العراق]

السلام عليكم جميعا اخوان مع كل الاحترام لكل الاراء والردود بس الامنية محد يعرف شنو اجراءاتها شوفوا اخوان رح انطيكم مثل قريب اني بعمان حلفة واستلمت الظرف وفحصت شهر الخامس طبعا اني ما عندي ولا يوم خدمة عسكرية وعندي دفتر الخدمة وعندي الكتب مال الجامعة الي جنت اوديها وامدد دفتر الخدمة العسكرية زينوالى الان اي جديد عالامنية ماكو ... والي وياية قسم من الاخوان الله يوفقها ويفتحها بوجهم ويسهل امرهم سافروا ووصلوا يعني الامنية محد يكدر يحزر شنو موضوعها او شكد ممكن تكول او وين تروح واكو شخص جيراني هاي السنة الثالثة وهو اس اي في والى الان عالامنية واخوته واهله على اليو ان طلعوا واقسم منهم اخذوا الكرين كارت ... القصد بعد كل هذا انه الامنية انت وحظك لانه محد يعرف وين ممكن تروح وشكد ممكن تطول بس اتوقع هذا الموضوع بيد المحلف انه المحلف ممكن من يقابلك ميقتنع بيك او اي شي فيدخلك أحد التجييكات الامنية الي اجرائها يطلب وقت طويل حتى يتاكد منك وهذا ايضا احتمال وتحليل وليس يقين لانه الامنية دوخت العالم وتعبتهم وياريت لو من البداية يسووها لانه العالم تعبانة وهالمرة تجيهم سالفة الانتظار الى اجل ما يعلم بي الله .. واني اسف اذا احد شوية ضاج من من كلامي لانه شوية يخيب الامل بس ان شاء الله يارب تسهل كل امور الشباب ويسافرون ويتفقون الكل واحنة وياهم .....

[الطائر الابيض]

اخي العزيز لورنس العراق

كلامك مضبوط 100% وماعليه اي اعتراض والضاهر الي كتبته حقيقه والله كريم


بس اخوان محد جاوب على سؤالي : اكو اشخاص سابقا اذا سامعين جاءت الامنيه رفض لو ماكو مثل هذة الحالات ؟؟؟

تسلم لمشاركتك وابداء الراءي

[دايخ بن دايخ]

آني إجاني رفض بعد قيد الدراسة ، والسبب الرئيس في قيد الدراسة كان تشابه أسماء . المحلف في المقابلة سألني عن إسم شبيه بإسمي صاحبه مفتر أكثر من دوله بعضها ما أندلها حتى عالخريطة ! . المهم بعد إنتظار 7 شهور كلولي جماعة الiom بأنك مرفوض دون إعطاء السبب . ولمن إستشرتهم بالإستئناف نصحوني العكس وكلولي حتى إذا تستأنف قضيتك راح تطول سنين ويجوز يرفضوك فأحسن إلك تراجع المفوضية حتى يحطوك على غير برنامج .
للعلم : عسكريتي تنحسب بالأيام مو بالسنوات ولا بالشهور ! . عندي أربع عمليات جراحية كبرى برجلي وشهادتي العليا ومهنتي ووظيفتي أبعد ما يكون عن العسكرية ودروبها . مو حزبي ، وعايش خارج العراق كل فترة الحرب مع إيران . وهكذا فالجواب على سؤال : ليش رفضوني ؟ . ليس له جواب منطقي على الإطلاق .
 

[الطائر الابيض]

اخي العزيز  دايخ بن دايخ

نصيحه عن تجربه صديق انرفض وكان عسكري وعندة تشابه اسماء بس قدم استاناف وبلغ اليوان انه مرفوض اي ضرب عصفورين بحجر كيف سواها مااعرف المهم نتيجه الاستاناف قبول

اتوكل بالله وحاول لاتسمع كلامهم سوي الي تشوف بي صالح والله يسهل امرك يارب


بس سؤالي كان عن الرفض بعد موافقه المحلف والفحص الطبي وتوقيع الكفيل

[دايخ بن دايخ]

نعم ، هناك من أتاه الرفض بعد الموافقة الأمنية ، بل بعد ما حطوه على جدول السفر . بس هاي حالة نادرة جداً  . أبعدك الله عن الرفض

[الطائر الابيض]

تسلملي اخي دايخ بن دايخ

وان شاء الله يسهل امرك ويختارلك الي بي صالح الك وتفرج الك باذن الله وعلى الجميع

[دايخ بن دايخ]

عزيزي ،أرجوك تتأكدلي من صديقك إذا كان فعلا قد قدم إستئناف وإنحط على برنامج لجوء ثاني بالمفوضية بنفس الوقت .
آني أعرف أنه الـ  iom ينطون خبر للمفوضية بالنتائج سواء رفض أو قبول . 

[الطائر الابيض]

تدلل وتامر

اساله وارد الك الخبر باذن الله

[الطائر الابيض]

الاخوان الاعزاء
اتصلت بمنظمه الهجرة الدوليه اسال عن الامنيه وبعد شد وجذب ونقاش كان اخر سؤال الي هو

ممكن اسافر  هذة السنه لو بعد كم سنه ؟؟ فاجابت الموظفه تقصد سنه 2010 ؟؟ اجبتها نعم 2010
جاوبتني الموظفه .... جائز بعد اسبوعين

بس شنو تقصد بعد اسبوعين الله اعلم ... الامنيه ؟؟ لو يتصلون لاخذ ارقام الجوازات ؟؟ لو لو لو ....

شنو رائيكم برد هذة الموظفه

رجاءا تفهموني

[MAGGIC]

اخي العزيز

ان شاء الله خير والله يفرجها عليك وعلينا وعلى كل المنتظرين بهذا الشهر وان شاء الله يكون شهر خير على الكل


تقبل مروري

[الصبر مفتاح الفرج]

اخي العزيز بنسبه للموافقات الامنيه مزاجيات بنسبه لي انتضر موافقه امنيه اكثر من سنه وملفي كامل وكفيل موجود ورنو عليه المنضمه وقلو لهو تكفل هذا الشخص قل نعم وموقعي على اوراق يكفلني بهى واتصل على الهجره يقولو لي انتضر امنيه ولي صديق معي لم يحضر دوره تثقيفيه وحصل على موعد طيران واحالين في اميركه اكثر من ست شهور وانا انتضر امنيه

[ibnbaghdadinsyria]

يارب يسهل اموركم جميعااااااااااااااااااااااااااااااااااا
وان شاء الله عقدة الامنيه تنفك والكل اتسافر بعونه تعالى