تخصيصات الهجرة تشمل جماعة 2008,2009 يعني الى حد IZ114

[SamyHamed]

خبر من احد الاصدقاء
ان تخصيصات هذا العام تشمل جماعة السنوات 2008 و 2009 فقط
يعني الى احد رقم
IZ114 XXX
ونازل
و راح تكمل معاملاتهم عام 2011
اما بسنت 2010
فراح تكون معاملاتهم سنة 2012 حسب التخصيصات المالية

[durar]

 

[مشلوع كلبي]

يعنى واصبراه...........................................يلا احنا صار الصبر من اعز اصدقائنا..........................الحمد لله الله يفرج على الجميع

[roger]

زين ابن عمي سوال?

اني رقمي 113 ولحد هسة بس مسوي المقابلة الاولى ههههههه

زين اهنا اني مو المفروض مسافر?

هههههههه

[blood_brothers8]

الله يساعد الجميع اني من جماعة 109 وبس مقابل الاولى والحمد لله ماخذ الكوم ابروفل مالت جماعة siv...واريد جماعة ال iom يخابروني وماارد عليهم بس هيج حتى ارتاح لان فعلا عذبوني صارلي مقدم من شهر ال8/2008 وبس مقابلة وحدة....

[جورجيا]

اني جماعة 109 الف ومكملا كلشي وداانتظر اميل جدول سفر ولحد الان ممتصلين ابكفيلي صار 3 اشهر من مقابلتي للمحلف والكفيل ينتظر الاتصال وماكو لحد الان
جورجيا

[النسيم المهاجر]

[ib ibهلاهلالالالالالالالالالالالالالالالالا اني من 104 الاقدم مني منو اني بحلم لو صحو ----- هاي شويه خبارت مال الانتضار



            النسيم الجاثم  بسبب الامنيهhr]

[blood_brothers8]

حييييييييييييييييييييييييييييييييييييييييييييييييل يانسيم الجاثم انت ع سالفتك هاي احنا بعدنا ويييييييييييييييييييييييييين الله يساعدك..... جدوووووووو.......هههههههههههههههههه

[Safaa Alkhrkhy]

اخ SamyHamed اني رحت الى ((شوافة)) مضبوطة ببغداد ونقلتلهة الخبر مالتك وهي اجابتني بالاتي (( ماكو هيجي حجي!!))
رحم الله والديكم ماتكولولي هاي الاخبار ميلكم؟؟!!!!!


ابو سارة

[صابر والله كريم]

يله الحمد الله على كل حال بس حبيت اسئل اخويه العزيز انت كون رقمك 114 حته تسافر بلسلامه

[ام رندو]

ههههههه ما شاء الله
اما بالنسبة لجماعة العراقيين باليمن فنايمة عليهم الطابوكة
شنسوي راح اموت بحصرتي
الله يسهل للجميع يا رب

[عكعك التطوى]

اخويه السنه الماليه هي التي تحدد اعداد اللاجئين من كل دول العالم التى ستدخل الولايات المتحده للسنه القادمه
والميزانيه المخصصه لهم وهذا ليس له علاقه بارقام الكيسات والسنوات لان الداخل في هذه المعادله كل شخص اكملت معاملته والذي سيدخل الولايات المتحده وعندك المنتدى يحتوي على امثله كثيره جدا لاخوه سافرو في نفس السنه الي قابلو فيها ويوجد ناس قدمت على البرنامج بعد صدور السنه الماليه وسافرو قبل انتهاء السنه الماليه وهذا يدل انه ليس للسنوات وارقام الكيسات علاقه بالموضوع

تحياتي

[ankedo_2009]

عيني SamyHamed
يعني شنو بس 114 اقصد هذا الرقم 114 سمعته من نفس الصديق اللي نقلك الخبر لو افتاء من عندك 
على ك لحال اني احب اكلك انه صديق عرف يبدي ب 118ومكمل كلشي بس باقي الامنيه مالتة
رجاءا هيج اخبار تهبط الواحد وتلعب باعصابه لاتنقلوها لان احنا مو مال نتحمل هيج اخبار  غير مسره  اللي بينا مكفينا 

[جوني جاك]

يابة الولد بس حب يخدم
بس الشغلة مالهة علاقة بالسنة مثل ما كالو الاخوان
لان اني من جماعة 104 ولحد الان بالعراق العظيم
جوني جاك

[Robin Hood]

[ib ibهلاهلالالالالالالالالالالالالالالالالا اني من 104 الاقدم مني منو اني بحلم لو صحو ----- هاي شويه خبارت مال الانتضار



            النسيم الجاثم  بسبب الامنيهhr]

السلام عليكم
اخويه النسيم اني وياك بالهوى سوى اني هم من ربع 104 والتسهيل من الله بلكي هل الخبر يكون صحيح واتفض عاد مو ملينا من الانتظار ناس امنيه وناس سفر وناس اعاده الامنيات وطبيات والخخ

ان مع العسر يسرا

robin - cairo

[megalove]

أخوان اني من جماعة ال 114  لكن هذا الخبر ما اعتقد له شيء من الصحة او الاخوان ما متاكدين منه
اصدقاء كثيرين سافرو ا  ارقامهم قبل هذا او بعد هذا ------ اعتقد ان الاولوية بالسفر بعد المقابلة هو درجة التهديد و سهولة المسح الامني للاشخاص المتضمنين في الفايل الواحد


المهندس megalove

[foxsingluser]

يعني   رقم  114  داخل بالسرة  لو  لا    ؟    اني  رقمي   114  وماكو  اي شي  لحد  هسة   حتى  مقابلة  ماكو  ؟

[nen000]

أخوان اني من جماعة ال 114  لكن هذا الخبر ما اعتقد له شيء من الصحة او الاخوان ما متاكدين منه
اصدقاء كثيرين سافرو ا  ارقامهم قبل هذا او بعد هذا ------ اعتقد ان الاولوية بالسفر بعد المقابلة هو درجة التهديد و سهولة المسح الامني للاشخاص المتضمنين في الفايل الواحد


المهندس megalove

هذا الحجي المظبوط اخوية خلي اذبلكم هاي الطرقة هههههههه صديقي رقمة يبدي 117   تهديد قوي
ماشاء الله ما اريد اظربة عين دينتظر موعد طيارة 

[Robin Hood]

يعني شنو بس 114 يسافرون؟ >:(واحنه؟باطين يعني طرشي مجخم؟


اويلي عليه روبن احنه من المنسيين خويي

السلام عليكم
اختي العبير لاتخافين التالي ربه عالي 

ان مع العسر يسرا

robin - cairo

[foxsingluser]

والله  هاي   السالفة  جنهة  كذب  لان  اني  مقدم  2010  شهر  الثالث    من بغداد   ورقمي   114

ومقابلة  ماكو     بس   القظية  بالمعالجة   واللله  الستار  من  هالمعالجة  مينفجر   البروسيسر  مال  المعالجة  وتصير  بالسرة  عاد     فلا  يغركم     الاخبار    لان  اني  عندي   صديق     قدم  وراية  بشهر  الرابع   ورقمة   117       مكمل  مقابلة  وفحص  طبي     مع  العلم  انهة  عندة   خدمة   6  سنوات  وانا   سنتين  و ثمن  اشهر   

[SamyHamed]

اخوان اي واحد مقدم عام 2008 و 2009
راح يكون مشمول على الاغلب لان اغلب الناس بهذي السنوات جاهم IZ من 110 الى 114
بس اكو ناس قدمت عام 2008 او 2009
بس جاهم IZ فوك 114 هؤلاء مشمولين ايضا
لان كان تقديمهم من وقت بس وصلهم IZ بعد فترة
احسن شي اكول الانتظار احسن شي والله كريم
اني رقمي يبدأ ب IZ115

هسه قابل امريكا راح اشيل
ننتظر واللي يريده ربنا ايصير
غصبن على ال IOM

[arcadia]

السلام عليكم اخوان
على هالحجي اني اقدم من ابو الجيس لان رقمي يبدا 103 ومقدمة من 2008 ولحد هسة لا حس ولا خبر لا من المحلف ولا اي شي
يعني اني المفروض هسة دا اراجع على الكرين كارد مو انتظر رد المحلف اللي ما عبرني من اكثر من اربع اشهر
مع تحياتي
اركيديا

[حبيبي عراق]

السلام  عليكم  اخي  العزيز 

  اولا  حبيبي  انا مقدم  من الـــ 2008 والى  الان  سويت  مقابلة  اولا  وفحص  طبي  ومن الشهر الـــ 5 2010 ولحد  الان  انا  انتظر  يدزولي  اميل عل  مقالبة  المحلف  وما اعرف  صار  اكثر  من شهر  وانا  ادخل  على  موقع عين  كاوا  وما الكه  شخص  كاتب  انو  دزوله  مقابله  يعني  اليوم  الا شفت شخص  دايزله موعد سفر  عجيب  شنو سبب  هذا  التأخر 

وديـــــ  ابن  الجنوب  حبيي عراق

[ريم عبد]

ياجمااااااعه اني رقمي 101 وبعدني كاعده كبالكم
بعد الباقين وخرواااااا عن طريقي
شنو 109 شنو  114 انتوا امس العصر خش القصر
اني اصلا رقمي هسه عمله ناااادره
اتحدى احد يجيب رقم اقل منه
اخي سامي احنا حسبنا وكتبنا صار 3 سنين على هذا الحال
لا الرقم ولا التاريخ ولا السنه الماليه ولا قوة الكيس اله علاقه بالتسريع
كل واحد وحظه ناس تجي معاملتهم تركض وتطلع لامريكا وناس  معاملاتهم تفتر بالدرابين واتييه باروقة المنظمات
واذا متصدك اسال ماغي فرح

[الوتار]

يا صبر ايوب

[SamyHamed]

اخواني و اخواتي الاعزاء
اني تره مثل حالكم يعني كلش تعبان
لكن ليس باليد حيلة
لمن نقلت الخبر ان المشمولين بس اصحاب كيسات 2008 و 2009 يعني الى حد الرقم 114
محد ما صدك كلامي بس شوفوا هذا الخبر الاكيد حتى تتاكدون ان كلامي صحيح

السومرية نيوز/ بغداد
أعلنت مساعدة نائب وزيرة الخارجية الأمريكية لشؤون اللاجئين والهجرة كيلي كليمنتس، السبت، أن حكومة بلادها قبلت طلبات لجوء أكثر من 47 ألف عراقي منذ عام 2007، فيما لفتت إلى أن مبلغاً ثابتاً سيدرج كل عام في الميزانية الأميركية لدعم اللاجئين العراقيين قدره 387 مليون دولار.

وقالت كليمنتس خلال لقاء عقد بمقر السفارة الأمريكية ببغداد وحضره عدد من وسائل الإعلام بينها "السومرية نيوز"، إن "برنامج الولايات المتحدة لقبول اللاجئين العراقيين مستمر من خلال وضع التخصيصات المالية لدعم البرنامج حتى بعد الانسحاب الكامل للقوات من العراق عام 2011"، مضيفة أن "برامج دعم اللاجئين العراقيين في الولايات المتحدة تشدد على الالتزام الكامل تجاه عملية دعم اللاجئين الراغبين بالعودة الطوعية إلى العراق، لان الظروف العامة في بلادها سيئة بعض الشيء بسبب الأزمة الاقتصادية العالمية".

وأكدت كليمنتس أن "الولايات المتحدة قبلت طلبات لجوء أكثر من 47 ألف عراقي منذ عام 2007"، لافتة إلى أن "برنامج قبول طلبات اللاجئين العراقيين خصص له مبلغ 387 مليون دولار في 2010 إضافة إلى بمبلغ يصل إلى 150 مليون دولار سيقدم إلى المفوضية السامية لشؤون اللاجئين والمنظمة الدولية للهجرة ومنظمات غير حكومية من اجل دعم متطلبات هؤلاء".

وأشارت المسؤولة الأميركية إلى أن "مبلغ الدعم سيقدم لهذه المنظمات خلال الأشهر الثلاثة المقبلة على شكل وجبات"، مؤكدة أن "مبلغ دعم اللاجئين أصبح دائمياً، وسيدرج بالموازنة السنوية للولايات المتحدة الأميركية".

وتشير إحصائيات للمفوضية السامية لشؤون اللاجئين ومنظمة الهجرة الدولية إلى أن مليون مواطن من بغداد وكذلك 300 ألف آخرين من محافظة ديالى هاجروا إلى الخارج بسبب الوضع الأمني خلال السنوات الأربع الماضية، لافتة إلى أن وجود اللاجئين العراقيين يتركز في بلدان مثل سوريا والأردن ومصر وتركيا ولبنان وإيران.

وفي سياق متصل، أوضحت مساعدة نائب وزيرة الخارجية الأمريكية لشؤون اللاجئين والهجرة كليمنتس أن "برنامج دعم المهجرين العراقيين لا يشمل أعضاء منظمة مجاهدي خلق الإيرانية المتواجدة في معسكر اشرف الواقع في محافظة ديالى"، لافتة إلى أن "اعتبار أعضاء منظمة مجاهدي خلق لاجئين متروك للمفوضية السامية لشؤون اللاجئين".

وأعلنت المفوضية العليا للاجئين التابعة للأمم المتحدة في حزيران الماضي أن عدد اللاجئين المسجلين في العراق حاليا يبلغ أكثر من 34 ألف لاجئ اغلبهم من منظمة مجاهدي خلق الإيرانية والكرد الإيرانيين اللذين يعتبران من الجهات المعارضة لنظام الإيراني، ومن الأتراك الذين يعد اغلبهم من أعضاء حزب العمال الكردستاني أو من الجهات القريبة منه التي تحارب الدولة التركية منذ سنين طويلة، وهناك أعداد من الفلسطينيين، ويتوزع اللاجئون على 13 مركز للاجئين في شمال وغرب العراق، فيما لفتت إلى أن عدد طالبي اللجوء في البلاد بلغ أكثر من 4600 شخص.

وتزامن الإعلان الأميركي هذا مع إعلان القضاء العراقي عن صدور 38 مذكرة اعتقال بحق قادة وعناصر من منظمة مجاهدي خلق من بينهم رئيس المنظمة وزوجته، وأكد وكيل وزارة الداخلية لشؤون الشرطة أيدن خالد في حديث لـ"السومرية نيوز" أن مذكرات الاعتقال التي صدرت بحق هؤلاء جاءت بسبب تورطهم في جرائم ضد الإنسانية.

وتأسست منظمة خلق واسمها الكامل "منظمة مجاهدين خلق" في عام 1965 من قبل أكاديميين ومثقفين إيرانيين بهدف إسقاط نظام الشاه، وبدأت منظمة يسارية إسلامية معارضة لنظام الشاه، لكنها اختلفت مع نظام الحكم الإسلامي في إيران عقب الثورة الإسلامية في إيران في عام 1979، وكان لها دور في الثورة الإيرانية عام 1979، لكنها تحولت فيما بعد إلى معارض شرس لطهران ولا تزال.

وكانت الأحداث التي مرت على العراق بعد الحرب في 2003 أدت إلى عملية نزوح طائفية وقومية واسعة بداخل العراق، حيث هجر الآلاف من الشيعة من مناطق يغلب عليها السنة وبالعكس، كما ونزح الآلاف من المسيحيين والكرد وقوميات أخرى من مناطق بوسط وجنوب العراق إلى شماله، فضلاً عن هجرة أعداد كبيرة من العائلات إلى خارج العراق وبخاصة لدول الجوار.


يعني بين قوسين خلي نحجي بالمكشوف
الجماعة عمامنا الامريكان مخصصين مبلغ وقدره (خصص له مبلغ 387 مليون دولار في 2010 إضافة إلى بمبلغ يصل إلى 150 مليون دولار)
فقط لعام 2010
طيب انتم حسب خبرتكم وبدون همبلة وفيكات معقول يتركون جماعة 2008 و 2009 ويمشون جماعة 2010
هسه انتم احسبوها وشوفوا كلامي
الامر الاخر اني اريد اسأل منوا منكم جماعة 2010 راح يسافر
اريد فد عشر اشخاص
طبعا ماكو ولا واحد كله سمعت فلان راح يسافر وكالوا فلانة راح تسافر وكله جذب
بس اني لو يخلوني موظف بمنظمة اللجوء كان جبرت الحكومة العراقية ان تدفع مبلغ فد مليار دولار
للاجئين العراقيين اللي يردون يهاجرون الى امريكا والسبب انه لو ما احنا اشتغلنا ويه الامريكان ما كان جوي
هذولي السياسين هسه واستلموا المناصب بدون تعب
 احنا اللي تعبنا واشتغلنا بجميع الاختصاصات ويه الامريكان
ومهدنا الطريق للانتخابات والديمقراطية وتالي الجماعة مايعرفونا