ممكن سؤال عن التوطين

[رسلان 2]

السلام عليكم اخواني في المنتدئ
انا قابلت في المفوضية مرتين وتحول ملفي في الهجرة
لكن لحد هسة مادزوا علية الكرت الازرق ولا طلبو مني صور للكرت
يا اخوان العندة معرفة في هذا  فيدوني
وجزاكم الله خير الجزاء
تقبلوا مروري اخوكم ابو رسلان

[كوكي 2004]

   أخي ابو رسلان .. هذا الأجراء عادي والتأخير بأجراءات من الزخم فقط لا غير وصدك اكو ناس لحكوا سافروا لأمريكا واستلموا الكرين كارت وما شافوا الكارت الأزرق لأن هذا الكارت ابد ما أله أي علاقة على تحويل الملف لل IOM ولا باقي الأجراءات والمقابلات .. أطمأن أخي العزيز ومبروك على تحويل الملف على IOM .
                                                     
                                   اتمنالك كل الموفقية . اختك كوكي .

[ابو مريم سوريا]

أخي ابو رسلان ... كلام الاخت كوكي 2004  صحيح .. وان شاءالله خير ... تحياتي
ابو مريم

[صابر والله كريم]

اخي العزيز ان شاء الله  يكون ملفك قد تحول ولاكن الي اعرف انو من يتصلون عليك الملء الكارت الازرق يبلغوك عن تاريخ تحويل الملف الى اي او ام ولئجل التاكد من كلامي ارسل رساله الى اي او ام وستفسر عن ملفك هل وصل ام لا وان كان قد وصل سوف يعطوك رقم الكيس نمبر ويقولون الك انتضر وان كان غير دالك سوف يعلموك ان الملف لم يصل بعد وراجع الامم المتحده

[رسلان 2]

السلام عليكم اخوية العزيز
والله انا خابرت المفوضية اكثرمن ثلاث مرات وكالوا ملفك علئ الهجرة
اتصلت علئ الهجرة كالوا نعم الملف يمنا
ونطوني رقم ملف جديد غير العندي مال ورقة المفوضية
 لكن اني اكول اذا ملفي في الهجرة وعندي رقم الملف الجديد
ليش ما دزوا علئ الكرت الازرق ولاطلبوا صور مني
تحياتي الكم جميعا

[كوكي 2004]

   اخي أبو رسلان لتقلق ولا دوخ نفسك أتصل على UN يوم الأحد أو الأثنين أو الثلاثاء والأربعاء وأكثر شي تحصلهم ( الثلاثاء والأربعاء) لأن بهل يومين ميكون عدهم زخم على الأتصالات واضرب الرقم (1 ) يعني قسم التوطين وسألهم ليش ملفك لحك تحول لل IOM  ولحد الآن متصلوا بيك على الكارت الأزرق . وتقبل مروري .

[رسلان 2]

السلام عليكم اخواني في المتدئ شاكر لكم تعاونكم وياي في الموضوع الذي طرحتة علئ حضرتكم
لكن اني ارجع واسائل ليش اني متاخر في التوطين
في جارنا يمي ساكن ماشالله بين مقابلة وبين محلفين 4 شهور
اني قبلة    بس اكول شنو المفوضية ناسيتني لان اني كاعد اطراف عمان
يااخواني واخواتي العندة اي شيء بي فايدة تفيدني بلتوطين لاتبخلو علية
مشكور اخوية ابو مريم واخ الثاني والاخت كوكي علئ جوابكم الية
تقبلوا مروري اخوكم الدايخ ابو رسلان

[كوكي 2004]

اخي مؤيد واخي رسلان .. احب ان اكولكم اني قابلت توطين ( بشهر نوفمبر \ 11 \2009 )والى الشهر السادس 2010 خابرت على ال UN كالوا بأنه ملفنه تحول الى امريكا وكل ما اخابر على ال IOM يكولون ( الملف ليهسه بعده ما رجع لل IOM والله كريم .. يعني حبيت اكولكم اخواني بأنه ( الملف من يتحول من UN الى IOM بعد التوطين ما أله اي علاقة بالملف وبتأخير المقابلات والسبب بالتأخير هو الزخم ألي عدهم فقط لا غير لأن اني اتصلت على IOM قبل كم يوم دا أسأل على ملف بيت خالتي لأن ملفهم تحول على IOM بشهر السادس جاوبني الموظف وكلي أختي لو بس تعرفون شكد حجم الملفات الي متلتله على روسنه كان كلتوا الله يساعدنه شلون دنشتغل . يعني الملفات الي عدهم تقدر بآلاف .

                            وتقبلوا تحياتي .

[كوكي 2004]

   أخي مؤيد اني آسفة نسيت اكتبلك ارقام منظمة الهجرة وهذه الأرقام وتدلل .


          5625080\5625585\5625423 \5625088\ 5625089\5625426    وطبعآ من يجاوبون اضغط الرقم 2 للتحدث باللغة العربية وبعدين أضغط الرقم ( 305  أو  306 ) هذا قسم التوطين والهجرة الى امريكا وطبعآ هذه الأرقام هي خط أرضي .

                                    وبعد شتحتاج اخي اني حاضرة .
                                                 

[ابو برهوم]

السلام عليكم
اخواني الاعزاء اريد استفسر منكم بل نسبة للكرت الازرق يعني بس المتحولين الى اميركا يحصلون علية لو الي متحولين علة دول ثانية هم يحصلون علة الكرت الازرق والي متحول للتوطين لا زمم يكون عندة هذا الكرت يلة يعترف بي كلاجئ يعني اني اتصلت بيهم قبل كم يوم كلولي انتة ملفك بل توطين كتلهم شصار كلولي بعد شهر يخابروك

[كوكي 2004]

   السلام عليكم اخي ابو برهم .. أخي كل الي يتم الأعتراف بيهم كلاجئين يوقعون الكارت الأزرق سواء التوطين الى امريكا او الى اي دولة اخرى .. وأكو ناس سافروا ولحكوا استلموا الكرين كارت وما شافوا الكارت الأزرق .. ام بالنسبة لملف حضرتك اذا بعده بالتوطين فأكيد ميخابروك هسه على الكارت الأزرق ألا من يكملون شغل بالملف ويعترفون بيك لاجئ ويحولون ملفك الى IOM يله بعدين يتصلون عليك ويكلولك جيب صور شخصية لكل افراد العائلة وتعالوا وقعوا على الكارت الأزرق ومن توقعوا رح يدزوا لوزارة الداخلية حتى يتوقع من قبل السيد وزير الداخلية ومن يستلموا ال UN يتصلون عليك حتى تستلمه وهو اصلا يستعمل فقط داخل الأردن يعني فقط تسهيل امور للاجئ لأن موقع من الوزارة .

                                          وتحياتي لحضرتك وانشاء الله تستلم الكارت ( الأزرق والأخضر والأصفر وكل الألوان )ههههه

                                             طبعآ دا اتشاقه وياك والله يسهل امرك وامر الجميع .

[رسلان 2]

السلام عليكم اخواني
والله اليوم دا ادك علئ المفوضية السامية في دي اغبار
محد ايرد علية ايشتلون الواحد بلرد الالي وخسارة رصيد علئ الفاضي
ما اعرف اشوكت واحد يحجي وياهم
وجمالة ايكولون الخط الساخن يا ساخن مو ابو ابوية انصمط بلرصيد
تحياتي الكم

[ابو برهوم]

السلام عليكم
اشكرك اخوية العزيز كوكي عمي موافق علة اي لون بس تفرج وانشاء الله الفرج للجميع 

[saiyf]

اخويه العزيز اني اتحول ملفي للهجره او قابلت مرتين او ضل بس المحلف او لحد الان لا كارت ازرق بس الورقه اتغيرت من جددته من طالب لجوء الى لجئ معترف به  مو فد شي مهم ابد اكو ناس وصلت امريكا او ماعدهم كارت ازرق

[كوكي 2004]

  اخويه ابو برهوم .... اني اختتتتتتتتتتتتتتتك كوكي مممممممو اخوك ههههههههههه .

[saman5]

السلام عليكم اخوية ابو رسلان اني قابت علئ امريكا وخلصت المحلفين ونطوني الكرت الازرق ولكن اجاني رفظ
فهذا الكرت الازرق مو مهم اخوية انت بس تطلع من المحلفين انت بخير
داعيك مرتين مرفوظ من امريكا وامانية  وعندي كرت ازرك بس مابي فايدة الله وكيلك
اخوك سامان الكردي

[saman5]

السلام عليكم

[بغداد بالقلب]

السلام عليكم اخوان
حبيت بس اضيفلكم الحالة مالتي والي اني عبالي عندي بيه مشكلة بس الضاهر والي دا اشوفة الى حد ما طبيعي اني قابل توطين 31-10-2010 و خابرت المحامية كالت رفعت فايلك للجنة مال امريكا بالتوطين يوم 25-11-2010 وليهسه الملف بالتوطين و ما متحول الى الاي او ام  ودا انتضر والله كريم بداية الشهر الجاي رح اروح اجدد ورقة الحماية و اشوف شنو الفلم.
ياريت من الاخوة المتحولين كل واحد يكولنة شكد المدة بين مقابلة التوطين و بين التحويل للاي او ام 

[ــــ{{{ABADY}}}ـــــ]

بغداد بالقلب.........المده من شهر لسته اشهر وتكون محصوره من الاربع لسته اشهر




تحياتى اخى

[bon]

والله اخي احنه نفس الشي قابلنا توطين يوم 24-10 ولحد هسه ملفنه ممتحول ونخابر هوايه ونسال ويكولونه بعد نتيجة المقابله مطالعه هاي صار 5 اشهر ونص تقريبا

[war man]

اخي الكارت الازرق عبارة عن اعتراف المفوضيه
بك كلاجئ
وبما انه انت تحول ملفك للهجرة يعني انت هم اعترفو بيك
كلاجئ وهم تحولت للتوطين يعني الكرت الازرق
هسه ماله داعي ويجوز اليو ان تركو موضوع الكرت الازرق
لان يعتبرون نفسهم انتهو من ملفك من حولوه للهجرة
لاتفكر بالكرت الازرق ماله علاقه بموضوع الجوء مالتك

تحياتي

[bon]

اذا ممكن من الاخوان احد يجاوبنه ليش هالتاخير بين مقابلة التوطين وتحويل الملف ل iomوليش اكو ناس ب شهر واكو 6 اشهر؟

[um omar]

   

    مرحبا

  والله يااخي اني مسوية مقابلة توطين من ستة 2008 وبستة 2010 يللا تحول على دولة واستلمت الكارت الازرق وانرفضت ورجع لليوان وهسه يللا حولوني غلى iom واكو تاس بشهر يتحول ملفهم منعرف شنو السبب بس تكول الله يصبرنا ويفرجها غالجميع

[(COBRA)]

اخوان  ..
لسوال عن الكارت الازرك من يطلع الملف من قسم التوطين ال \الاي او ام
وينطوك كيس نمبر  ,,هذاك الوكت يخابروك على الكارت الازرك   واذا علمود فتره التحويل من مفوضيه اليو ان
الى الاي اوام  مابيها اي مده محدده ولكن حسب نوعيه القصه  .. والله يسهل